لتحدث معجزةٌ يا الله
يتوقف بها كل هذا ويحظى
وطني وأبنائه بالاطمئنان قليلاً ، أرجوك !
الكاتبة : مينا
.......................
كمت ادك والطم عبالك اول جثه اشوفها حسيتها لامستني بقيت امشي بلا احساس لحدما وصلت للجثه
عيوني رافضه تصدك الي تشوفه لا لا مستحيل ههه يلا عاد رشا دكعدي من الحلم !
بقيت اكرص بنفسي ودموعي تنزل عشره عشره
بقيت اهز بي دمه صار بهدومي
_ب ب باب.. با بابا كوووم اكعد يلاا وين طالع انت بفترة نقاها موزين ريحه الطلق عليك كوم وين نايم هنا ماعدنا بيت قابل بابا حبيبي كوم بلا شقه ادري بيك تختبرني احبك لو لا كووم يلااا بااااباااااا
كمت امشي وارجع اكعد احركه شفت نفسه انكطع الطلقه بكلبه وكف هذا الي من اشبكه اسمع نبضه وكف
_لييييش يتمتني بابا ليييش المن ابقه اني هااا ليش خليت كلبك هذا يوكف شنو نسيت من تشوفني تضمني بحضنك تشبكني بحنانك واكلك بابا كلبك اسمعه كاعده عبالك بسماعه شون تضحك هسه وكفته شنو وكف حبك الي ليشش حرام عليككك
اجه كم شخص من الجيران على صوت الصياح وراها اجه ابراههيم ديشوف منو هلمره الضحيه ميعرف هلمره ابو
باوعلي وكال هذا مو بابا مو رشا
كمت عليه شبكته وبقيت اضرب بظهره واصيح
_ماااات ولك مات الحنين ابراهيم مات الي لام شملنا مات الي جان شمعة بيتنا ماتتتت عافنه يتمنه وانهدمت الخيمه الي فوك راسنا ماتت هذا الي نظرته وحدها جمل حنيه ابراهيم ماتتت بابا ابراهيم احنى ايتام هسه ايتام التخت ايتام الاب منو النا بعد هااا منو ؟ كلي منووو
ياربي رجعله روحه واخذذ روحي والله ماكدر
لكم فهموووني ليش مو ادعي لو الله ياخذ عمري قبلهم لو كلما سوه بس مو وراهم شووون حعيش كولولي ليش صافنين واحد يجاوبني
بقيت ابجي واصيح لحدما اجتي ماما من الباب تمشي بتعب تصيح ابراهيم تكله شوف ابوك وين راح بالي وياه
اجتي تمشي بخطوات ثكيله لحدما وصلت شافت منظر الدم هذا الدم الي بي تمشي حروف اسمها بلكاع مطشر بلا سبب بلا اذن بلا حق ماطولت ولا رمشت مباشراً تخربطت اخذناها هيه وجثة بابا للمستشفى ماما صار عدها جلطه متحملت وهنا عرفوا اهل ميس واجتي هيه وامها يم ماما وبابا وديناه اني وابراهيم وحدنا رغد جابت بشهر ٧ ابنها موزين مكنالها وماما بالمستشفى وحدها ورحنه اني وابراهيم دخل ابراهيم يغسل جثته وراها لبسه الكفن الابيض ..
هللون لون الفرح لون العرس لو الايجابيه الا اني شفته اسود بعيني بعد مالفوا بي ابويه ولفوا فرح بي
ودينا للنجف بهذا وضعها بلكوه زورناه ودفنا بالمقبر الي اخذت روحنا المقبره الي دفنا نفسنه بيها
الميت مو وحده يموت الميت يموت روحه وجسده ويموت روح اهله واحبائه ويهليهم بس جسد
وهذا حالنا دفنه بابا ودفنه روحوه وبقه جسدنا قرينه الفاتحه ورحت بعيد ارجع بلا وعي اباوع بابا يمه اختي مدفونين سوه جوه التراب كعدت بلكاع واصيح بعلوا صوتي
_هااااا ارتاحيتي يا كاعد اكلتيهم اخذتيهم هااا يا دنيا اخذتي العزاز مني هسه خلصتي من خلصت اني رحت ازحف يم قبر ابويه واحجي وياه
_بابا ديربالك على فرح وسلملي عليها كوللها رشا تحبج ومشتاقتلج درت وجهي على قبر فرح كتلها فرح بابا اجه يمج حتى متضوجين وحدج بعد ديربالج عليه واطي دواه ولتخلي يتمرض نزعت جاكيتي وغطيت قبر بابا بعده مصار زين هسه يصير فلاونزه مو زين صحت
_ابرراهيم غطي فرح حتى متغار من بابا اني غطيت بابا
ابراهيم ساكت ممصدك ويبجي دموعه وحمار عيونه يحجون بقينه ٥ ساعات بالمقبره وكل شويه جثث جايه ام اب اخ اخت ابن زوج زوجه جد بيبه صديقه صديق جيران .. الخ
