كالوا اليوم خطبتج
كالوا اليوم تصيرين الغيري
ماصدكتهم واجيتج كوليلي جذب ذوله يردون يفاركونه كولي ذوله يغارون ويردون ينهونه
كولي ماكو هيج شي اني ماصير غير الك كولي ميصيرلي زوج غيرك لتسكتين
_شكلك ولك اهلي غصبوني
اكلك اني الغيرك صرت لو اكلك الحلقه البيدي من رجالج ثاني
اكلك اليوم اخر يوم اشوفك لو اكلك بعد منتنفس من نفس الهوه
اكلك بيتنا احلامنه ومستقبلنه كله راح لو اكلك اشتراه غيرك
لو اكلك حبنه انتهى باسم الظروف !!
لا لتكولين ظروف ماكو ظرف يوكف بوجهه عاشك
لا اكول وييجي يوم وتعرف الظروف !
الكاتبة مينا ..
لكيت فوك راسي بنيه اول مره اشوفهه بس ملامحها مو غريبه عليه ركزت زين كلت اني بحلم ابتسمت الها ونمت ماحسيت غير دتكمشني تكلي دكعد روري
روري شنو السالفه هيج الدوه اثر عليه
_هههه اني افرراح ولك اجيت اشوفك كوم
اذكرتهاا كرايبي هاي كمت فزيت سلمت عليها وبقينه نسولف حبابه كلش جانت وحافظه كلشي عني عجيب بقينه لليل سوه تعشينه وكملنه ونسيت اروح الرشا او بالاحرى افراح هنا عيب
رحت للغرفه تمددت وافكر بيها دورت الغرفه كلها اخر شي لكيت صندوق ذكريات فتحته لكيت بي تواريخ وكل تاريخ مكتوب RRR
رأفت رشا رؤى وذكرى اول اسم اول بيت او مخطط اول لمسه
بقه راسي يفتر كلبت بعد لكيت قراصه ودورت لكيت عطر نسائي شميته عطر رشا ردت روحي حطي على جسمي منه حتى اشتمه واتذكرها واحسها يمي متفاركني لكيت صوره رسم بيت مادري ليش ابتسمت حسبت هذا بيتنا ههه
بقيت ادور لحدما لكيت رقم ياررب رقمها
اخذت تلفوني القديم همزين ماذابه كتبت الرقم دورت بمواقع التواصل لكيت RRR عرفت هاي رشاا دكيت مباشراً
رشا..
جنت نايمه لوقت متاخر كلش دنيا ليل نمت من المغرب بس مجنت ناويه هيج كعدت على صوت تلفوني ديدك شفته رقم شلته
_الو مرحبا منو
_احم اا اني رأفت
_ش شنوو منووو !
_اسف اذا دادك بوقت غير مناسب
_لا لا بس لان معرفت الرقم
_ها اي مو تلفوني ماكو فهذا قديم
_اي شونك شخبارك انت وين ؟
_اني زين انتي شلونج اشو ماكو مجيتيني اليوم ..
_اي مو كلت اجي بس غفيت وراح الوقت
_خرجوني من المستشفى الصبح ردت اشوفج
_ل ليش
_ماعرف حسيت اريد اشوفج اا لان هاي اشكرج يعني على كلشي سويتي على جيتج كليوم على دموعج على فلوس المستشفى
_واجبي هذا
_طبعاً ام رؤى
_ش شنو انت ..
_لا ماتذكرت بس انتي بكل مكان كاتبج ام رؤى وبعدين RRR شنو مو اسمي واسمج واسم بنتنا.. اني اكول نتزوجج باسرع وقت مو مهم اتذكر هسه اني حبيتج اصلا من جديد وماريد اخسرج
سكتت ماعرف شحجي بقيت حاطه ايدي على حلكي وابجي
_الوو شوشو وينج مريتي ؟
سديت التلفون وبقيت ابجي بعلو صوتي لحدما اختنكت وصوتي اختفى رحت غسلت وجهي وصعدت ابجي للصبح اني عيني ماوكفت دموع..
لدرجه دعيت ينشفن عيوني حتى مينزل دمع بس ابد صارت ب ١٠ كمت سبحت وطلعت سويت ريوك تريكنه ونظفت واني فاصله وكل شويه وادمع عيني واسكتها
صارت ساعه ٤ كمت بدلت لبست فستان اسود وحذاء جلد النمر ومكياج خفيف وطلعت على اعصابي لبسنه الحلقات خطبني هسه اني الغير رأفت غيره لزم ايدي غيريه حط حلقته بيدي
غير رأفت الموجود اسمه بمحبسي
..
الجزء الاول هذا عندي كم شغله اكملها وانشر الجزء الثاني باجر
#ابقى_في_المنزل
#الغوا_ايجار_هلشهر_للمحلات_والبيوت
