اوطان الدمار🖤

مواقف

هلو متابعيني

القصة الجديدة بعنوان (اوطان الدمار)

القصة موضوعها اني كارهته حد الموت واكره كل شي يتعلق بي واكره جتى بعض شخصيات القصة لان يتصفون بصفة مقيته وهي الطائفيه

بنات تعرفوني ابد ما تجاوزت بيوم على طائفة او مذهب او قومية وقصصي موجودة وتشهد الي 🤗وهاي القصة لا تحسبوني على طرف وراح انقلها الكم بأدق تفاصيل ومثل ما وردتني حتى الحرف والكلمة اصحابها مسؤولين عنها مو اني .... واكيد الغرض للعبرة والحكمة منها نشرتها

ما راح اكول الكم لا تحجون ولا احد يزعل ابطالنا زعلانين من نفسهم اصلا ويعرفون اخطائهم ويريدون تعرفوها وتبتعدون عنها😞

.............

مواقف💔💔💔💔💔💔

قالوا قديما ان للحب الاول المنزلة الكبرى والنصيب الاكبر من المشاعر ووصفوا صعوبة نسيانه كصعوبة ارجاع مرأة زجاجية بعد تناثر قطعها لشكلها الاول وسابق عهدها
هكذا هي مشاعرنا بعد الحب الاول ليس لنا امرها فتسيرنا كيفما شاءت اقدارنا ووانا رأيت فيك قدري ،ماضي وحاضري

كان لقائنا الاول بعد سنين المنفى بيوم تهجيرها هي واهلها من مدينة الدمار اللي ربينا اني وهي بيها اخذت نصيبي من النفي منها واجا دورها وما اعرف بيا يوم نكون موجودين بنفس المكان ويجمعنا الحب مثل اول مره التقينا
اشوف الكره بعيونها ويمكن هي تشوف اضعافه بعيوني لكن خلف نظرات الحقد تختبأ قلوب خائنه لكل عهود ومواثيق الكره الموقعة بين عائلتين توارثت الحقد والدم كما توارثوا الملامح والصفات ..ولذكر الكلامح والصفات فتأثير الزمن عليها قليل فما زالت صاحبة القوام الجميل والعيون الساحرة مالكة القلب الاولى والابدية

مرت من جانبي وارمقتني بنظرة السهام لها اقرب عرفت تمييزها الي كما ميزتها وعرفتها بعد هالسنين كلها فحبيبة الصبا والشباب تبقى كالماس كلما طال به الزمن ازداد بريقه

..نظرات عتاب وهوان وذل وانتقام بين قلوب تلاطمت عليها الاحزان كتلاطم المد ووالجزر لامواج على سفح شاهق متحجر ...

فناديت بعد ذهابها رباه ..رباه
هل لي بوصل للحبيب انال هواه
لكني ادركت حين اراه
ليس لنا من الحب الا شقاه
.......

مواقف🖤🖤🖤🖤🖤🖤

بممرات المستشفى امشي ووجع راسي فضيع وسمعت شكواها لصديقتها
-لج راح اتخبل شجابني لهنا اني مو جنت هناك مرتاحه والمستشفى كلها نفس المذهب شجابني لهاي الديرة واهلها الزفت ردت اموت بخوفي من دخل هذا الخبل ويهدد بمسدسه عبالك كاعد بمعسكر الخلفوه انعل ابوهم لابو الجيش لابو داعش وياهم ما الله يخلصنا من العراق كله ما شبعوا موت وقتل
-لج اششش لا يسمعوج اهدي كافي الحمد لله دكتور حسام موجود وحلها وياهم اششش يمعودة تبلينا هو احنة بلا شي صوفتنا حمرة
-والله هسه اطلع واسحب مريضهم واشمره جوه سياره وارجع عود جيش هذول ومتأمليهم يحمون ديرتنا وهمه واحدهم انطيه سجين وسلميه ررقاب العالم وشوفيه شيسوي اهل الخطف
-عزااا بعيني عزااا خلي اكوم من يمج انت اليوم تعوعين لذبحج لازم نسيتي اللي فات
-لا مو ناسيه وشنو ذنبي واذا سنيه قابل اجرمت ولان ابويه كان قبل مثلهم ولان ما رحم وكع بيد من لا يرحم واسأل الله كل واحد مثله يصير بي نفس اللي صار
-والله لو تسمعج باجي الا تسويج وصل شكد عيب عليج الخوف مسح مخج خلاج تحجين حتى على عمو الله يرحمه
-الله يرحمه بس كله من باجيتج لو عايفتنا هناك مو احسن اشو كلهم درب واحد ..ماتت ترجع لديرتها هي وابوج عاد شلون ديرة هي كلها خيسه ساعة السودةعلينا بيوم ردينا
-اكوم اطلع احسن الي
-لا خليج اني اللي طالعه من المستشفى كلها قبل لا تطلع روحي وهذول تارسيها واني ما اكدر اسكت كله علي الاكبر وزين العابدين وكاظم وعباس خل انهزم مو صلح احنا ويه الروافض