اوطان الدمار🖤

فعل ورد فعل

متابعيني 😍😍

صباح الخير 😘😘

اعتذر اليوم البارت اتأخر لان حسون صاير مخبل مثل بطلتنا😒😒عود اقروه من تكعدون

......

مقهورة لغرفتي ولاغراضي ولصديقاتي ولكل شي بالمكان اللي ربيت بي ودرست بي ...احس روحي مخنوكه واحنا نلم باغراضنا واحنا دا ننهزم للمره المليون من مكاننا ...صار النا ٨سنوات من وصلنا لهنا واليوم هم راح نتركه يعني ست سنوات كلية واثنين بين الكلية وتطبيق بمستشفياتها وهذا يعني تعويد واحساس بالانتماء اللي انحرمنا منه بسبب ذنوب ما سويناها واخطاء شخص اسمه يتبع اسماؤنا بجناسينا احساس الانتماء عندي صفر والوطنية كانت بس كتاب قريته بطفولتي يعني لا هاي ولاهاي انمسحت اي مشاعر انتماء عندي ..كل احلامي بتأسيس حياة جديدة بعيد عن هذيج الديرة تلاشت اليوم خوف من داعش واستنكار بداخلي لكل الطوائف والملل والقوميات ليش احنا دون عن العالم نبقى نأسس ونبني وبلمحة كله يصير تراب كدام عيونه حتى البيت اللي ما صار فترة من بنته امي وبعدنا ما تهنينا بي راح يروح 

اخذت بس شوية ملابس تكفي للطريق وميته قهر عاللي تركته كتبي ومراجعي واضافه لكل الاشياء اللي احبها وصار سنين اجمعها ومن بينها اني من هواة جمع الطوابع البريدية وهي هواية اجتني بالوراثة من ابويه ويمكن الشي المشترك الوحيد بيناتنا هو هذا
ما ردت اتركهن وفرغت ملابسي وحطيتهن بمكان الملابس واخذتهن تعب سنين هذا ما خليت طابع برساله لو بمكتبه ما لميته رغم سقط موديلهم وراح وهسه احنا بعصر البصمه الصوتيه والبث الحي واني محتفظة بشغلات قديمة كلش والاقوى ما تخليت عنهن حتى لما الكل كان حاير بحياته شلون يحافظ عليها وينهزم اني حايره بمجموعة ملصقات

لما مات ابويه اني كنت بعمر صغير ما وعيت عليه كلش واصلا هو مو هذاك الاب اللي يحب بناته كان يتمنى بمكاني اني بالذات ولد عود البكر مفضل يكون ولد عاد بحالتنا واحنا بس بنات والفرق بيناتنا كومه وياما سمعت هالكلام من لسانه وعبالكم انقهر لو اتأثر ابدا من صغري عندي ايمان بقوتي واشوف نفسي احسن من ولد وهالشي زرع بداخلي قوة لاثبات الذات وعزيمه لعكس افضل صورة لبنت ودرست وتعبت على نفسي كلش لحد ما حصلت كلية الطب وكنت دوم من الطبلة الاوائل على كل مراحل دراستي

لما  راح والدي بمساوئه بمحاسنه مات ولحقت بينا اذيته ..هو ارتاح واحنا شلنا عاره
اول ما كالوا مات احنا كنا متهجرين من منطقه لمنطقه بداخل محافظتنا نفسها وبيتنا انهب وانسلب ..ما انقهرت مو ما احبه لا اكيد البنية تحب ابوها بس كلت ماكو الرابط اللي خلاني افتقده وكلت الكم سالفة انتماء لارض لو لبشر اني انفقدت من وعيت عالدنيا وبدت تكبر ويه كل تهجير 

كعدنا ويه خالي قيس اللي وعينا كلنا هو الاب اللي نعرفه ونحترمه وكلمته سيف علينا وصار اب لكومة لحم اعمارهم كلها صغيرة اني وجواد بنفس العمر ويجون ورانا بنت خالي الوسطانية مها اصغر بشويه ووراها عمر ابن خالتي سلوى لحد اصغرنا ورود اختي ونهى بنت خالو قيس
وكان ويانا امي وخالتي وزوجة خالي بين قوسين كوم لحم