اوطان الدمار🖤

فضح مشاعر

كرار :رجعت باجازتي ولكيت اهلي كلهم لابسين عسكري ووماشين يروحون للجبهة امي تبجي وجدتي معترضه تكول الهم العراق ما وكف على وليداتي اشو غيرنا ما يروحون بس احنا وكل شويه تبجي

كعدت بنصهم لا اكدر انهي اخواني ويكونون متخاذلين ومتخلفين دون اصدقاؤهم عن فتوى المرجعية واصلا اني اجلت شغلة تطوعهم عدة مرات وهالمره راحوا تطوعوا بلا علمي
لا اكدر امنعهم صاروا زلم بعد وكل واحد عنده شخصيته واذا منعتهم يطلعون جبناء بنظر نفسهم لا كدرت امنعهم ولا اكدر ادزهم واني ادري الحرب شلونها وشنو كاعد نشوف بيها 

ساكت وعيوني تتطلع بيهم وخايف بكد خوف اب على اولاده اي هذول احسهم اولادي مو اخواني زين ورضا اني ربيتهم بتعب نهار وانين ليل بعد رجعتي من شغلي

.. فات علي بملابسه العسكرية وكعد يمي يتفرج مثلي امي جمعتنا لان تريدنا نقنعهم يبطلون واحنا التزمنا السكوت وخصوصا اني لان زين صارله فتره زعلان عليه واصلا ما يرضى يحاجيني بسبب معارضتي على زواجه من حبيبته واهلها دازين خبر يريدون يزوجوها وهو من قهره وحتى يقهرني راح استعجل بالتطوع وخلانا نسكت مغصوبين 

اليوم التحاقهم وعمي جواد هم عالتعزيزات والاسناد متطوع ...طلعوا بعد ما وصيناهم بنفسهم وكلوبنا بيها خوفه عليهم اثنينهم ما شايفين لا سلاح ولا حرب ولا ضاربين بسلاح غير بجولات الصيد اللي مرات نطلع بيها للبر

حضنت امي رضا وبوسته وهو يضحك يكول تره صرنا زلم بعد كافي حابسينا مثل البنات....وحضنها هو وبوس راسها وايديها وطلب الدعاء منها ومن جدته.... اما زين اصلا ما التفت النا ولا وادع احد ماخذها بحيل صدر مثل كل موقف اله ...نشمي وسبع هو بس بنفس الوقت لا يخاف ولا يهاب شي ولا عنده حذر من شي ماشي بحفظ الله هو دومه

الام:بأمانة كافل زينب خليتكم ..هو يكفلكم يمه 

الجدة:فدوة لاسمه بحفظ الله يمه وامانة اهل البيت

...روحوا يمه منصورين ان شاء الله

اخذهم عمي وطلعوا ورجعنا لداخل البيت ..كعدت واجتني امي مفرفحه من البجي
-ليش كرار ما حجيت وياهم
-يمه شنو قابل جهال واحجي وياهم وهذا اصلا زين ما يسمع الي صاير عبالك شو شمسوي اله
الجدة:كون تتزوج ونفتك منها السنية لما يجي 

ام كرار:والله مدري ليش هيج كسرتوا واهسه صار سنه وهو يعيط اريدها كسرتوا قلبه انت وجدتك
الجدة:انت اسكتي تريدين تاخذين سنيه لابنج كل عقلج تحجين ولج يكرهونا تكعدج بالباب وتاخذ ابنج من حضنج
الام :وهسه هو احسن صار عود يعني اشو زعلان علينا وراح سودة بوجهي

كرار :سدوها للسالفة بعد انتهت
الام:لا ما انتهت بس يرجع نروح نخطبها
كرار:الله كريم اذا بعدها عود نتفاهم