اوطان الدمار🖤

احقاد وافعال

هذا بارت مفاجأة لعيون متابعيني 😘😘

وهدية للي حبوا علي الاكبر وكرهوا كرار بأول بارت 😊😊

لا تحكمون ابد عالقصة من بدايتها 🤨🤨

علي:
الليل ضلام واني كاعد بحديقتنا الخلفية المترفة المكتضة بأشجار الحمضيات وين كنا ووين صرنا هذا الخير انحرمنا منه بفترة بسبب اعدام وترحيل قسم منهم واحنا عشنا بالضيم بالعراق بدون اباء ربينا اني واولاد عمومتي بسبب الحزب والنظام المقبور ....وهاي الكياعين بفترة انتزعت ووهبت لغير ناس وهسه رجعت لاصحابها .

...مضطجع على السرير السعف (سرير سعف مصنوع محليا )مثل ما يحبها الحجي وموصيها من منطقة مشهورة بصناعتهم ...مفروشة بالمنادر الغالية المغلفة بأغلى اقمشة اسواق منطقتنا ...يم راسي هرش(غصن) اللالنگي(اليوسفي) متدلي من شجرة قريبة اخذ الثمرة اقسمها بالنص وانزعها من قشرها واسويها لكمتين ههه هو هيج ياكلونه عدنا هههه واشمر الكشور بالكاع ما هامني باجر تجي زوجة الفلاح تشيلهم وتنظف المكان من تل اعقاب السجائر والكشور اللي وسخت بيها الكعدة

..بصف راسي مسدسي اللي ما يفارقني ...بايدي موبايلي واقلب بصفحات الفيس وكروباته وكنت نشط جدا بالفيس وادمن بعدة كروبات ومنها كروب مختلط بنات وشباب وكان منتدى شعري وادبي واني صعدت ادمن لان اكتب شعر شعبي والكل يسوولي اشارات واعجابات ومشاركات كانوا يطالبوني اسوي فيديو واصور مثل البقيه واني ارفض بس اسوي مقاطع صوتيه ممكن صرنا صداقة ونضحك ونسولف وصارت سوالف وتعارف وشكلنا كروب بالماسنجر لادمنية الكروب... محادثات ودخلت ويانا بنيه اسمها ورود بريه وهي تكتب خواطر شعريه بس بالفصحى ...تعرفت عليها وحبيت اشعارها بس وكأن وحده عايشه هوايه وشايفه قهر هوايه وتحب شخص ويحب هو بدوره اخرى ومن تنزل القصيدة تعاتبه على ايام مضت باهمالها واهمال حبها 

بنات الكروب نصهم يعلقون على شعرها بحزن وقهر عليها وكل فتره تكول معلومه عن الحبيب وظلمه وبكل قصايدها مسميته قاتلي .....وتذكر مقاطع حزينه جدا عنه وكانها تنعى فقيد
وحده من قصايدها مطلعها يكول

قاتلي اما مرك طيف قلبي في الاقبر 🖤🖤
له فيك عتاب طفل تركه والداه في بر😔😔

كتلني الفضول ودخلت لصفحتها اريد اعرفها اكثر ولكيتها بعدها طفلة حسب معلوماتها الشخصية عمرها ١٧ سنه شوكت لحكت تحب وشوكت لحكت تنجوي وصرت اعلق على قصائدها واكول الها بعدج صغيرة عالقهر ،ان شاء الله تبرد نارج ...كنت اواسيها واحاول اتقرب منها واعرف شنو هالقهر
كنا بكروب الادمنيه نسولف بس بحدود ما اكدر اتقرب الها وهي كلش ثكيلة ما تحجي بس اذا عدها سؤال عن ادارة الكروب لو من احد يضوجها يجي تستشيرنا بحظره 

وبيوم هي فاجأتني بدخولها لحسابي بالخاص واجاني طلب مراسله واشارة ترحيب كنت بيومها طالع ورجعت لكيتها مراسلتني
شفت الرساله وبسرعه وافقت عالمراسله وبدون ما انتبه كاعده لو لا دزيت الها تحيه وبأسرع من المدة اللي انتظرتها هي حتى اجاوبها جاوبتني
-انت من ..........؟؟؟