اوطان الدمار🖤

زواج فاشل

ليلى:
كان يوم زواجي من جواد نفس يوم عرس ابن اخويه والاجواء حلوة وبالزفه طلعنا للباب ويه جواد نزف عروسته من بيتهم لبيتنا وطبعا مشي لان هي خطوتين
هوسات وركص اصدقائه وولد الجيران وبعض اقاربنا البعيدين

زفيناهم لبيتنا وكملنا العرس وحتى البيت عزلته وياهم كنت اريد اشارك بهالفرحه بكل تفاصيلها جواد اخوه لابني كان وقريب النا كلش ونحبه لمحبة ابوه وامه وحنيتهم ووصلهم ومراعاتهم النا ...ما رضيت اروح لبيت زوجي الا احضر هالاحداث السعيدة عند اهلي ...صار الليل والكل راحوا واندكت الباب واني عرفته وقلبي بدا يرجف فرح ولهفة لحبيبي

دخله قيس بالحديقه بعد الحاح عليه لان هو محرج من الدخول لبيتنا ...اخذت عصاير وكيك وطلعت الهم وسلوى تدردم ورايه عليه وتكول كان يأجلها لباجر وياخذج لبيته ما تدري اني اتصلت بي واستعجلته😊😊

كعد ربع ساعه وترخص من قيس ياخذني وسلم عليه وتشكره وطلعنا اني وراه امشي بخطوات بطيئة ما ادري شنو اللي صار وياي خايفه ومرتبكه بس احبه واريده واعشق حتى نفسه اللي مستقر بصدره ..اعشق تفاصيله كلهن شخصيته وحنيته عليه ..احب شكله وطوله من فدوة رحت لطوله 😍يا ربي هالرجل اني اعشقه حد الجنون ...التفت الي وبصوت ناصي يستعجلني

-يلا هاي شبيج تمشين هيج

-شبيه
-بطيئة واني قلبي يريد يطلع من مكانه من الحماس

ضحكت وسرعت مشيتي شويه اجاريه وهو فرح
-اووف فديت اليستعجل لخاطري خلي نشوف نبقى مستعجلين لو ينام الباتري بس نوصل لبيتنا

وصلنا الباب وفتحها ودخلت اني اول وهو بعدي ورجعت خطواتي تتثاقل بطرمة بيته ورجع نفس الخوف والقلق... وهنا جواد ما صبر حط ايده حوالين خصري وجرني وياه بسرعه للداخل
-هذا بيتج صيري سباعية واخذيه هو وراعيه ماكو داعي تخافين كلت الج اني وياج بكل لحظه ابعدي كل فكره سلبية من راسج...هاي اني اعرض نفسي ما تشتريني...صار يتوسل بطريقة مضحكه..بروح ابوج اخذيني اني والبيت وفوكاها بوسات تريدين السيارة ويانا هم اقبل

-هههه
-راح تاخذيني

-اي اريدك بس انت بطرك هالدشداشه ..ما اريد شي وياك والله تكفيني... انت بالدنيا

-بدشداشتي رايدتني مو خوش سالفه هاي🤔

-ههههه لعد شلون
اخذ ايدي وكعدنا بالصاله الداخليه للبيت

-لا هاي الشلون ينرادلها كعدة ونتفاهم مثل هذاك اليوم لو نسيتي 😉اذكرك يا حلو خاف ناسي
ابتسمت لسوالفه وحطيت كفوفي على وجهي خجلانه من نفسي

-عفيه لا تذكرني
-ولج هي تنسي حتى ما اذكرج راح تضل ببالي طول العمر شلون رفعتي الرايه باول حضن

- انت قشمرتني والله
-هااا ...طلعت مقشمرج بويه منو اللي ماعت روحها

-عزاا اششش ..عيب
-شنو العيب مرتي وبكيفي محد اله يمي شي والله