اوطان الدمار🖤

علاج بطرق اخرى☹☹

متابعيني ..

احييكم 🙋‍♀️

قبل لا تقرون اذا التصويت ما وصل للحد اللي اني متعودة عليه القصه اوقف نشرها وبلا زعل المن اكتب واتعب روحي 😒😒

👿👿🔪

...

كرار:
كنت ما نايم وما مرتاح احس الادوية بهالليلة ما فادت وياي ولا كدرت تريح افكاري وصوت هاي تلوب وتبجي بالغرفة ما يروح اريدها تسكت ..كافي عاد كافي..راح اتخبل 

كعدت عالسرير وعصرت راسي قوي يريد ينفجر منظر الدم والسجن وعياطها ما يسكت يا ربي شسوي شلون صار ثلاث حبات اخذت والجرعة وحده باليوم ...من العصر واني مختنك شي كاتم على صدري وما اعرف شنو هو بس يطلع النهار اروح لطبيبي اشوف ليش ما دا تنطي الادويه مفعول... مهدئات تخلي بعير ينهمد ما جاي تجبر عيني تنسد 

الموبايل على غير عادته رن يمي وبانزعاج سحبته ..الحجي يتصل..خير يا رب ليش عمي بهالساعة يتصل

رديت وبهدوء تام خبرني بخبر نشف اخر ذرة دم بجسمي
-تعال لبيتي هسه كرار ...علي مسوي حادث
-ما خفت وما حطيت ببالي اكو شي الحجي هادئ لو صاير شي كان هسه انكلبت الدنيا

طلعت بالتراك واكلب بموبايلي وتلاقيت بابو جواد قيس جاي ووجهه مخطوف يسالني
-شبيهم ؟؟
-ما ادري والله عمي جواد اتصل يكول مسوين حادث
بين كلامنا اجا الحجي وهو يبجي والموبايل على اذنه...انخذلت وتوجهت اله بخوف
خبرني عن حادثهم والاتصال جاي على موبايله لان علي مسجله الحجي ومتصوريه ابوه ...اخذت موبايلي واتصلت على رقم علي مره ثانية ورد نفس الشخص واكد الصار وعلي وزوجته ناقلهم للمستشفى المركزي بالمحافظة لان الحادث ضمن حدودها يعني تقريبا واصلين النا وخبرنا عن حالتهم اثنينهم خطرة ...كعدت بالطريق وبجيت لما سمعت بشناعة وصف المتصل ..خال ورود هم ضل يبجي على حالها ..عمي جواد وكفنا اثنينا وهو الوحيد اللي بعده يكدر يفكر راح طلع سيارته واجا 

اني شويه سكتت وصبرت روحي وكلت ان شاء الله تعدي سلامات بس قيس انتهى وكأن تلقى خبر موتها ..
عمي جواد اقترح يتصل براوية تجي ويانا لان دوامها بالمستشفى وهي تكدر تتصرف احسن منا بصفتها الطبية بس هو رفض اي احد يدري وكان منهار ويكول شفت بيهم حلم مو زين واني ادري هذا مو حلم وما اكدر اكول لراويه خلونا نروح ...

اخذه عمي جواد للسيارة واشرلي واني اتصلت براويه من موبايل عمي وخبرتها
دقايق وطلعت بلا صوت توجهت بره بيتهم ومن اقتربت بانت ملامحها وخدودها اللي غركانات بدمعها ما حجت وياي ومن صعدت بالسيارة زاد بكاؤها

صعدنا بالسيارة وطلعنا للمستشفى بلا اي كلام من اي واحد بينا عدا اسئلة راويه كل شويه بيهم شي واني اخبرها لا واؤكد الها ما بيهم شي
وصلنا للمستشفى وراويه ركضت للطوارئ واحنا وراها خبرونا نتوجه للعناية المركزة الخاصة بقسم الجراحة ناقليهم لهناك ...ركض ركض وصلنا هناك دخلت هي واحنا انمنعنا لان هذا القسم خاضع للتعقيم وممنوع دخوله ... وبثواني ما نسمع غير عياطها يرج المكان وطلعوها بنات اثنين يجرون بيها لبره صالة العناية ويسكتوها وهي تفرفح بينهن وتريد ترجع ...رحنا عليها ركض وصديقاتها كالوا اختها توفت اول ما جابوها وطلبوا نكمشها لرواية اللي فقدت ..بين ما يسلمونا ورود.. وكملن عن علي ....الرجال بالعمليات لحد هسه ما طالع