اوطان الدمار🖤

سعادة منقطعة🖤🖤

خاطرة عن حال علي بقلم الصديقة

@Mnmn78

 لانني اراه مثل أعمى ظل طريقه ووصل الى اعتاب الجحيم 

 هنالك على تلة الاجساد والاشلاء المقطعة 

 يجلس ابليس متفاخرا وعينيه تتوهج بأفتخار 

منتشيا برائحة الدماء يتمتم بتعاويذ الكره والفناء 

 ينساب صوته كأعذب الالحان في كل اذن صاغية

 ومابين هذا وذاك تسلل ضوء بين سواد ألسنة النار و الدخان 

وتوهج في صدر مظلوم قد ضل طريق الانتقام فأصبح ظالم وبكل اقتدار 

 فأنتفض يحاول ان يفتح له طريقا في الزحام عله يطهر روحه من الاثام

 فياترى هل لروحه توبة بعد أوغل في الدماء ؟

.......

علي :
بعد الوعود والمواثيق بيني وبين ورود اجاني ردها بالرفض ويه عمي جواد ...صابني جنون وحقد ما مجرب مثلهن قبل ...اتصل عليها ما ترد وحساباتها كلها راسلتها وهي ماكو وبعد ما مر اسبوع قاسي على قلبي المتلوع واللي تأذى بسببها
اجاني رد عالشريحة برساله من امها وعرفت موبايلها بيد امها وصار الكلام مكاشف وصرنا نحجي مباشر ..كنت خايف من امها قبل لخوفها هي منها توقعتها شخصية قاسية وقافلة بس الواضح امهن اسهل منهن بمراحل
سولفت الها كل شي من اول ما عرفت ورود لحد خطبتنا وخفيت عنها شغلات ما ردت تعرفها لا تروح تأذي الحبيبة ..سمعتني للاخير وبعدت ما كملت كلامي كالت ما ترهم وزواجكم صعب وانت لازم تترك بنتي تدمرت نفسيتها وحتى المدرسة تركتها بسببك احنا عائلتين ما يرهم بينا زواج هي تسولف واني اؤيد كلامها اجاريها ما اخالفها برأي وعند ما تكمل وتسكت ارجع احاول وياها اقنعها تعبت واني استميل عطفها وبالاخير ما نطتني غير كلمة ماكو نصيب ورجعت كالت راح نسافر وانت تلكي بنيه ترهم الك ولعائلتك اكثر بنتي ما تكدر تعيش عدكم ..شعلتني وراحت
بليلتها ما نمت بقت عيوني ما ترضى تقفل يعني شنو خلص سنه وشويه اني وياها لكل شي مخططين تاليتها ماكو نصيب ...لا اشو اعاند النصيب واخذها مو بكيف احد هي وما تصير ورود الي كل شي اريده احصله توصل لحبيبتي ما اكدر اخذها 

حبيت ورود اكثر من قبل لما شفتها بالحقيقة وتمسكت اكثر بيها صارت روحي بيها بنية ناعمه بنزاكة وحلوة وشكلها طبيعي جدا ججابها حلو واخلاقها احلى لبسها جدا محتشم وابد ما ترفع راسها بشارع لو ينسمع حسها راقبتها فترة مو قليلة وهي كدام عيوني وكل يوم اشوفها هي راجعة وهي طالعة لدوامها... ايدها بايد امها عبالك طفلة بخامس ابتدائي مو خامس اعدادي وهي فعلا طفلتي الحلوة اللي ما راح اتركها ولا ابطل ولو اعرف اخطبها الف مره راح اخطبها لحد ما يملون اهلها و ينطوها