اوطان الدمار🖤

حقائق مره

قبل لا نبدي البارت انتبهت هالقصة لمت طلاب المجموعة الطبية اللي يقرون قصص كلهم  😂😂واني عبالي ما عدكم مشاعر 😁😁طلعوا بس اهل الفيزياء خالين المشاعر حتى الاطباء احسن🙂🙂

ايا متحيزين ما شفتكم الا من جبنا قصة اطباء 😏يلا اريد اتعرف عليكم 😍😍

راويه:
طلب كرار كان مثل واحد ماشي بصحراء وميت عطش وفجأة توكع كدامه ثلاجة بيها كل المشروبات المنعشة يعني وين التدريج وين المراحل من الشتاء البارد المنجمد لعز تموز هيج كان طلبه ...وفوك هذا الطلب حتى ما اعرف شلون اجاوبه"" تقبلين بيه ؟ ؟؟؟؟

سحبت ايدي بهدوء منه ورجعت بمكاني ضايعه وعيوني عالفراغ ما اكدر اركز بشي ...تشوشت افكاري كنت اظن راح يكول سامحيني او اسف او يمكن يعرض صداقة وصلح بس مو هالكلمات

سكتت عنه وغلست وهو بقى بنفس مكانه بس انفاسه مسموعه بدت تتعالى وما هي ثواني انتظار وعدها الانفجار ...تكولون كان كاتم حمم غضب وهو يحجي 

-ليش ساكته

-.....
-جاوبيني لا تسكتين

-كرار؟؟؟
-غرورج ما يسمح مو صح ...شلون الدكتورة راوية النجار ترضى بواحد عسكري مو صح؟؟ويجوز لان اني شيعي لا مو يجوز اكيد ...لو لان تكرهيني هااا ؟؟؟ 

قاطعته بحدة
-لا مو صح ...ولا اكيد

-لعد شنو السكوت
-يعني تريدني اوافق شنو شفت منك مثلا ...بس المسبة ...كرار ال الحسن يخطب بنت طاهر النجار هههه والله ضحكتني لو بالشقى هم ما تصير ...انت انتبهت لنفسك ...قبل فترة كنا بحرب دائمة وتريد تنتقم مدري من شنو وعلى شنو وهسه تكول تقبلين بيه بشنو اقبل مثلا ...اقبل تنتقم مني بزواجنا ؟؟؟؟

-وانت هسه شكو عصبية؟؟؟ومنو هذا اللي ينتقم لج صارلج ثلاث سنوات كبال عيني لو ببالي انتقم اسويها ما انتظر
-انتقمت تره ..انت انتقمت مني كل خاي وتكول ما انتقمت !!شوف اني مو عصبية شوف نفسك انت..شويه وتضربني ولو انت مسويها قبل 

-اني؟؟؟؟
-اي انت لو نسيت يوم العقد مالت ورود وعلي
-ما ضربتج لا تتبلين 

-هاا ما ضربتني بس ردت اموت...زين ودعمة السيارة
-مو مقصودة 😏
-هاااا وعيونك اللي تتشمت بيه من تشوفني ابجي

-هاي صدك ما انكرها بس ما اتذكر غيرها

-ووكعة الدرج هم ما تتذكرها..تره سكتت ما اريد مشاكل اكتفيت وكلت شكم يوم وموليه للاردن وكل شي ينمحي وينسي وبعد ما اشوفه ولا يشوفني...ولا نتواجه

-ووليتي ورجعتي وشفتي بعينج ...كلامي عن عمامج وابوج صح؟ ورجعتي يمي وكبال عيني 

صفنت بوجهه ما يغير اسلوبه ابد واني ما مضطرة اسمعه اجيت انزل من سيارته جرني من ايدي ومنعني ...ادفع بي بس ميلان جسمه على مقعدي خرسني وجمدت عن الحركة ...جر حزام الامان كله ولفه عليه لفتين واني بمكاني
-هاي شدسوي مخبل!!!عوفني