اوطان الدمار🖤

خطف

كرار :
مرت فتره واحنا مشغولين بتجهيز عرس اخوانا الاثنين وتقرر زواجهم بيوم واحد ...تقريبا كملت التحضيرات وبهالمدة خطيبة زين اجتنا شكم مره ومثل ما توقعت مسمومه لابعد حد وتبسمر وتستنكف من عدنا والطامه الكبرى اخويه ماشي على مايها ومرامها وشتكول يسوي فد وحده كلش حقيرة تنكط مثل اهلها واصلها دنعل عشيرتها على اخلاقها الزبالة ...امي صاارت مثل بلاع الموس لا تكدر تحجي ويا زين لان هي ساندته ولا تكدر تسكت اكثر وكعنا بالمحظور واخونا عقد عليها عقد محكمة وسيد وما نكدر نحجي بعد ...سكتنا وصارت هاي جنتنا المصون كنت اول المتحلفين بيها بس تسوي سالفه تنسحل وساكتين على فساد كلنا ونباوع لاخونا وهو ينربط بايديها ..من الشغلات اللي كرهناها كلش كانت ما تاكل اكل ثواب اللي نطبخه للحسين ولا تجي تشاركنا وتكول بوجهنا هذا شرك وتخيلوا واحد مثلي لازخ يعيش ويه وحده من هاي واني الطم بزناجيل ومحرم اكضيه معتكف بالحسينية وهاي تكول عني مشرك فكرت اخذ منها شكم وصله من الكتل لو تستعدل لو بلاها وبلا اخويه الراكض وراها هم ...اللي راح جابها بنصنا وهي هيج 

تقرب العرس ورضا وزينب ما يحجون اثنينهم وساكتين وكل ما يلتقون لازم واحد منهم ينسحب وما خلونا نفرح هذول هم زادوا علينا الهم عبالك ما مكتوب علينا نفرح 

كنت بشغلي واتصوا عليه بسرعه يريدوني ارجع زين متصوب بالحرب ولازم اطلع بسرعه اخذت اجازة ورديت لاهلي واتصالي بعلي ما انقطع اللي قبل فتره تعاركنا لان هم يريد يتزوج سنية واحنا بوحدة يريد يسوينا باثنين ..حتى ما عرفت منو يريد هو كال تعرفهم واني ما ردت اسمع حتى منو هي مجرد سماعي لكلمة سنة جزت روحي من زواجه وهالنوب كملها وياي وتطلع بنت المنبوش سديت حلكه وتعاركنا بنص بيتنا

-ولكم خرب بروح اهلهن ما لكيتوا غيرهن هالعاه...والله لا ان.....عشيرتهم اليوم
امي ركضت تسد حلكي لان زينب كاعده واني بعد ما اكدر اسكت الهم ما بقن بس هالك....نجيب منهن منا عمي ومنا هذا خلي نفتحها ......

تلازمنا اني وعلي لان حجيت هيج عليها وعرفت اخويه واكع اكثر من زين ومنتهي امره

علي:وروح اهلنا وروح ابويه ما اخذ غيرها واذا ما ترضون اني اخذها وامشي منكم وانعل والديه اللي يوكف بوجهي

صارت عركتنا اقوى وعلى صوتنا اجانا عمي جواد من بيتهم وكوه لما فكونا وتدخل عمي جواد والولد يلا فكونا وتهددت بيها اكتلها خلاص لبنت طاهر الكلب وكدام عيونه وهو يرد عليه باقوى وكلمات اكثر جرح وقوه ووصلت للتجاوز والزعل وزعلنا طول شهر اذا مو اكثر واحنا ما زعلانين ابد واحد من الثاني من طفولتنا وبسبب هالموضوع صار زعل ..وبمصاب اخونا ما كان همنا الا ننجمع 

ركضت لاخواني مثل المخبل فقدت جزء من مخي واني اشوف زين ينزف وروحه رايحه لحكت عليهم بدخلته للمستشفى ودخلناه بشق الانفس بعد عركات ويه اكثر من سيطرة وبانفاسه الاخيرة وتطلع بنت النجار مقابيلي وتتجاوز واني منا متخبل منهم وهاي بنت الكلب واكفه وتسب وتلعن بيه والله شاربي مو عليه اذا ما ندمتكم يا كلاب والله لا اسوي بيج فعله بس بالقصص سامعيها ..هي الظاهر ما تعرفني زين بعدها بس اتي عرفتها زين حتى تشبه ابوها الخايس
.....