اوطان الدمار🖤

اضداد🖤🖤

غلسوا عالسحك 👿🔪🔪

راوية:
الايام كانت حلوة بسنة ٢٠١٦ كل واحد بعائلتي صار بحياته حدث يسعده كلهم ..كلهم يعني الكل فرحوا راح ابدي وياكم من جواد ابن خالو قيس اللي يمشي ويغني عزوبية عزوبية وداعا للعزوبيه ..كان باقي لعرسه ساعات والكل فرحانين ...جواد الولد الوحيد اللي بالعائلة وهذا عرسه وتخيلوا ام وعماته اثنين كلهن حاسبات هالفرحه فرحتهن بحيث اذا عطس وحده منهن تهلهل ..الفرح كان غايب وبزواجه اجانا وزارنا 

الحفلة كانت حلوة حيل بعد ما كملنا الغدا التمينا كلنا وسوينا اله هوسات امي ووزوجة خالي بدعوا من الركص ..خالتي ليلى هم كانت فرحانه بس شويه مرتبكه وخايفه من الزواج وصارلها ايام وهي بسالفه راح ابطل تكولون اشترينا كيلو بصل ونرده عالبقال ..الكل وكف ضد قرارها هذا والكل زعل عليها ومن بينهم اني عوفكم من كل شي حجي جواد يعشقها ..يعني لو اني بمكانها اكمش بي بايديه وسنوني وفىصه اجتها وهالفرصة هي اكثر وحدة تدري اذا راجت عليها ما تتكرر ..بعمرها هذا الزواج صعب وحتى هسه بنات بعمرها بعدهن ما شايفات زواج 

اني ما مسموح الي احجي وياها وهاي اوامر مجلس قيادة الثورة 😶😶 امي تولت موضوع الرد عنها كدام الناس اللي يتسألون عن زواجها واولهم جدتي وعمامنا اللي اتصلوا يعاتبوها وامي ابدعت بالرد هالمره ...كانوا يحجون على خالتي وهي تخبلت وكامت تريد ترجع الذهب والجهاز لجواد وامي وكفت بالبيت وكامت تقسم وما شايفين ام راوية شلونها بهالمواقف محد يلحكها..وتولت اقناعها بقبول حياتها الجديدة وبالموت لما سكتتها ...ورجعت بعرس ابن خالي وجية ام ايرام للعراق بدت من جديد تريد تبطل وهالمره لغير سبب ...انها الغيرة يا اخواتي ..داء لعين صابها من زوجته الاولى

 صار ان راح للبيت تجي لامي وتضل تون وتبجي تكول الها راح الها ما كاعد اتحمل بعد ميته وهو مو حاس وامي تضحك عليها... واذا اتصلت وانطاها مشغول معناها ما تنام ولا تغمض عيونها بهذيج الليلة واحنا اني وامي كل ردة فعلنا نكابلها ونصفن على خبالها تحبه وما تكدر تعيش هالعيشه ولو غيرها واني بمكانها الا اروح اكعد بينه وبين زوجته😁😁

....بقت زوجته فتره ببيته وهي ماتت ببيتنا ...وصل كلامها لخالي قيس لان جواد مشتكي اله منها لان قافلة تريد تبطل من الزواج ومتعاركين واسبوع هي حتى دوامها ما تروح اله حتى ما تلتقي بجواد تخاف تطلع من البيت عبالها بهالشي تخلص منه اجاها الحجي لبيتنا ههه ...وتعاركوا بنصنا ومن طلع خالي تهستر عليها وحتى ضربها وهنا صدك انقهرنا عليها تايهة وما تعرف تنصرف وحايره بين حب وبين حياة مفروضه وواقع حال لا تكدر ترجع زمانهم الاول ولا تكدر تكون قويه كفايه وتصير بنص بيته وتاخذه من الدنيا واني متأكده خالتو لو صارت عنده حتى اسمه بعد ما يعرفه

بس اكو شغله كان يسويها جواد بكل مره من تتخبل ...ياخذها ويطلعون شويه وبس ترجع ...ترجعلنا حبابة وهادئة وتضحك وامي تتخبل عليها مدري ليش ويتزاعلن ☺☺