اوطان الدمار🖤

تكمله😍

وهاي تكملة البارت حتى لا تكولون كذبت 😊😊

اشكر كل اللي سألوا عن مريضتنا اليوم شويه احسن 

ربي يبعد عنكم السوء حبايب ولا يقهركم باحبابكم😘😘

راويه:

بعد ما رجعنا من الشمال ..مها تخربطت اوضاعها وصارت اقل شي وتبجي وايام تعاند عالدوام ما تروح واني بقيت وراها لحد ما خليتها تحجي كل شي الي كنا بغرفتي وكعدت تسولف الي عن علي وعرضه عليها الزواج ما اخفي عنكم شكد انقهرت بس يعني شنو بعد كعدته هاي سنتين مر وقت على وفاتها لليوم وهو ما يضل بلا زواج اكيد ..بس بداخلي شي يخليني اشجع مها على الموافقه

مها:شوفي راوية شلون ما استحى ولا كال بنت عمتي زوجته صدك الزلم ما عدهم وفاء عكب حبه الها نسى كل شي وكاعد يخطب ومنو ما لكه الا اني راح يخبلني راويه كل يوميه احظره ويرجع يتصل من رقم جديد وفوك كل شي يهدد بيه يكول انت ورطتيني وياج

-وانت شكو تبجين كلامه مو صدك ؟؟؟ صار اشهر وانت وياه يعني عقلج ما وصل الج هالفكرة اني البعيدة عرفت وانت ما تدرين

-احلف الج وداعته لبابا ..ما اجا ببالي هيج يفكر عادي انت هم نفس الشي وياه وايرام وزينب كلكم يحجي وياكم بنفس الاسلوب

-اني من البداية هو يدري واني ادري شنو شكل صداقتنا ..زوج اختي واخويه صار واحجي وياه عادي وهذولاك بنات عمه بس انت شلون يعني ما عرفتيه رايدج تره واضحه

-ما اريده اني ...كنت اظن قربه مني كمريض ما راح يغير تفكيره ويروح لهيج شغلات

-وتقبلين بعد سنتين كامله تكسرين قلبه؟؟ وانت اكثر وحده تدرين منين طلع علي ومن شنو يخاف ومن شنو يضوج لو ما انت كنت ممرضته ..حتى اذا تريدين ترفضيه لا ترديه بوجهه ولا تقسين ..ولج مها خطيه تره راعيه بردج
-انت ليش ما عصبتي اختج هاي اني مقهورة اكثر منج

-ما الج دخل بيه انت ...المهم علي لا تزعلينه مها تريدين اني احجي وياه لا تصيرين غبيه ..خطيه
-تستخطيه !!!دا يخطب وره اختج 

-من حقه 

-شنو من حقه والحب وكلامه ومحاربته للكل لاجلها
-يعني شلون شتريدين اروح اعاركه من حقه يكمل حياته ..روحي شوفي شلون يمشي ورجله شلونها لو شلون انكسر وره ورود بعدين تلومين مو زين رجع لحياته محتاج زوجه ومحتاج ونيس وياه ووحدة تعينه على اعاقته وتقبلها انكسر ..ليش ورطتيه بحبج وهسه خايفه وحايره

-ما ورطته والله ..راح اراسله افهمه
جريت موبايلها وكعدتها بعيطه
-تسكتين...كلت الج 

-راويه عوفيني
-ما اعوفج وتخربطين حياته مره ثانيه 

-يعني شنو شتريدين اوافق ؟؟
-لا توافقين هسه انطي مجال لنفسج واله انت اول ما كال الج انهزمتي منه ...تره كل ما يشوفني يسألني عنج لشوكت تبقين تتهربين