اوطان الدمار🖤

عداء أبدي😒

علي :
سنتين علاج ولسه احساس العجز نفسه ولسه الذكريات تطاردني ما تنسي الايام وياها حبيبتي المفقودة مكانها بقى فراغ والم وغصة بروحي..تركت ندوب بداخلي مثل مرآة مهشمه احس روحي كل ما امر بذاكرتي على طرواها ..تتكطع اوصال روحي واحس بالموت ارحم من بقائي بهالحال فقد الحبيب مر كيف اذا كنت تعاني من فقده وفقد اي امل وراه عانيت من مشيتي لما شويه تعدلت ..كل يوم علاج طبيعي ورياضه وتمارين حتى لا افقد القدرة على المشي
تعبت حيل بهالفترة ونفسيتي تعبت اكابر عالالم وادوس على اوجاعي واكوم وامشي ...الناس المحيطين كان الهم دور كبير بشفائي والدور الاكبر كان للي شغلت حيز بحياتي خلال هالفترة

طول فترة علاجي بالمستشفى واني بين ايدين ملاك رحمة وفعلا الوصف ينطبق عليها ...تقربت مني مها وما ادراك بسحر مها وسحر بنات هالعائلة...غريبات شلون يكدرن يسيطرن على العواطف بسهولة ...لا يوم ولا يومين وياي سنتين كدام عيوني بالمستشفى وبجلسات المنزل ما تركت الي مجال اتراجع لو ابطل من التفكير بيها وبحبها .. كنت اظنها تبادلني ولو شويه ..اسلوبها وياي وطريقة كلامها والرسايل والروحه والردة سويه كلها شغلات خلتني اتإكد من حبها بس اللي اكتشفته عكس هالشي ما اعرف كان عطف لو جبر خواطر وهي تكول كانت صداقة ..وين اكو صداقة توصل لمسك اليد والعيني والحبيبي بين رجل ومرأة بعالمنا وبحياتنا وين اكو هيج 

بعد مشاكل وعركات هوايه بين موبايل ولقاءات وهروب مني اضطرتني افكر بطريقةاصيدها بيها...

تحججت بعلاجي ورجليه وطلبت منها تجي وياي للعلاج وهي ما ترفض ابد ..طلعنا من البيت وكانت وجهتنا المستشفى بس اللي صار انعكست لغير مكان ..اعترضت حاولت توسلت اني كان كل همي افتهم منها ليش هيج تسوي ...اعصابي تفور منها وبس اريد ابرد ماكو ..وصلنا لمنطقة ثانية ومكان كنت سابقا اعرفه زين بيت داخل منطقه كلها بساتين كبار اسم المنطقة كلش كافي يدعوا للرعب بسبب سمعتها السيئة بالطائفية والقتل والتسليب والاختطاف ...مها ساكته بس نفسها من الخوف مسموع من بعد

-علي وين رايحين عفيه شنو هالمكان
-هاي ال.....

-عزا بعيني !! علي رجعني الله يخليك
-نتفاهم وترجعين

-شنتفاهم علي والله اكول لاهلي عليك وين جايبني انت 

-لا تهددين لج اهلها والله يا الله ولج لو ما احترم اهلج والهم بعيني وكفات كنت العب بيج طوبه ...عبالج عجزي يمنعني ..كافي عاد صبرت وياج وفاض الحد 

طبكت سيارتي بداخل البستان وافتريت انزلها وهي ما سكتت تتوسلني الغبية ببالها اذيها ...ماشي يهون كل اللي تفكر بي هسه المهم اشوف اسباب تهربها وتراجعها...نزلتها للبيت جر من ايدها واكف افتح الباب بالمفاتيح اللي عندي وهي تبجي وتتوسل

-علي عفيه ! الله يخليك
-من الله لا يخليني...لج انت تضحكين عليه ..زعطوط كدامج 

-والله ما ضحكت ولا فكرت بأذيتك كل اللي ببالي صداقة عادي يعني مثل صداقتك براوية وبنات عمك والله
جريتها من ايديها وخليتهم على صدري وضغطتهم قوي وهي تناشغ وتبجي