اوطان الدمار🖤

نقاش

علي:
بعد التحاق رضا وزين العابدين صرنا ما نلتقي هوايه لان دوامنا يتعاكس صرت اخاف ادخل منطقتنا هواي لا بيوم تشوفني ورود ويخرب كل شي لسه ما وصلت لمرحلة اعرفها على عائلتي لان مو ضامن رد فعلها اذا عرفتني وهي تعرف شكلي لان شافت صوري بس ما تعرف اهلي وعائلتي 

بيوم كنت نازل وتصادف انجمعنا كلنا سويه بالبيت اول ساعات كنا حلوين وكاعدين وبعدها بدت المشاكل ...الضوجه والكأبه فول من عركات زين ويه كرار عالبنية اللي يريدها والبيت كله كئيب ...رضا مدري شجاه شكد كان هادئ من دخل للحشد بده ياخذ غير شخصية ...عصبي ولسانه فالت عالكل محد يكدر يحجي وياه كلمة حتى جدتي وامي مجزعهم وزينب اللي ادريه يموت عليها صاير كل ما يشوفها يرزلها ..كلنا مستغربين تغييره المفاجئ...من المحلات لغرفته ومن الصبح يطلع وما يرجع الا الشمس غايبه 

كنت اقضي يوم بالبيت ويوم بالبستان واتصالي بورود مستمر نضحك ونسولف ساعات
طبعها حلو ولسانها احلى وضحكتها تسكر كثر ما حلوة .. ضحكه جدا مميزة مفعمه بالحياة تاخذ العقل بسوالفها اللي اكثرها باسلوب لطيف ومضحك وطريف ...طبعها حلو كلش بس صار موقف خلانا نتعارك
كنت اسولف وياها عادي مثل كل مره وهي منطلقه تسولف وتضحك ووصلنا لابن عمها اللي اسمه عمر وكله تسميه عموري لو عمورة واني اشتعل جدي بكاز ونفط اريدها تبطل تسولف بي ماكو ..صارت غيرتي عليها اضعاف وخاصه لما سمعت افكار عائلتها وخاصه اختها الاكبر وامها يتمنون عموري يكون نسيبهم

وسولفت بتدبيرهم وتخطيطهم لزواج تقليدي وخطوبة تقليديه حاليا داخل العائلة وبنت العم لابن العم واني احتركت عشيرتي بنار بعد ما سكتت
-ولج ورود شنو انت تريدين تضوجيني بهالكلام
-وليش اضوجك

-شنو ليش ؟؟؟انت ما تفتهمين لو تريدين تختبريني تشوفين ردة فعلي من تحجين هيج صار شكد اكول انت الي ومالتي واحبج تجين تكولين ابن عمي ونعالات ومدري شنو تلوين ايدي انت عود

-وشبيها ردة فعلك شكو معصب وليش اختبرك قابل شكو بيناتنا مكالمات وصورة يجوز اصلا مو الي
عطت بيها قوي بحرقة اعصاب ورجفه بجسمي سرت
-ولج شنو شكو بيناتنا مو كلت الج اخطبج

ضحكت ضحكتها نفسها ورجعت تسكت وتضحك وما افتهمت سبب ضحكها واني بهالعصبية
-شو تضحكين عبالك حجيت الج نكته
-ههههه لا والله بس هههه علي كل عقلك تحجي انت يعني انت صدك تريد تتزوجني والله عبالي تتشاقى هعععععه

نرفزتني ونهرتها بصوت
-شنو كل عقلي شبيج انت مخبله اسكتي كافي عصبتيني تره 

سكتت ورجعت نبرتها للجد
-علي تره اني ما حاسبتك غير صديق واسولف وياك عادي يعني ما اتزوج واحد عرفته بالفيس كل عقلك واصلا ما اتزوج هسه ورايه دراسه وكليه وامي مستحيل تنطيني هسه واذا انطتني فراح يكون اختياره واحد من اثنين جواد لو عمر ماكو ثالث...