اوطان الدمار🖤

حب بعد عداوة

راوية:
ولادة ابن جواد وليلى كان فرحة لكل واحد يحب هالاثنين ...اثنينهم انضلموا وتعذبوا وصفت حياتهم بلا اولاد ولا شريك ...رجع البيت ينبض بالحياة وخالتي رجعت احلى من اي شابه ..هي اصلا حلوة وحب جواد ومراعاته الها وحبه زادها جمال على جمالها ...وجهها يضحك طول اليوم بعد ما نسينا بأيام ابتسامتها ...الفصعون ابنهم نسخه من ال الحسن شكله هندي بامتياز سمار وشعر ثخين اسود وعيون عسليات.... يمه غير يجنن طالع يشبه ابن عمه فديت الاثنين ااني هههه...كنت بالايام الاولى يمهم لان امي هناك وايرام وتقريبا كل نساء العائلتين ...كلها تريد تخدم ابن الحجي ...ابن اعز اثنين بالعائلتين ومو بس هاي حتى احنا عدنا الحجي عزيز لان هوايه سوالنا شغلات وهواي وكفاته كانت حلوة ويانا حتى قبل لا يتزوج ليلو ما تركنا ابد

علاقتي بكرار يوم وره يوم تحلى واجتنا ايام خلال فترة خطوبتنا توصل بيناتنا للكفخات بس نرجع نعرف غلطنا ونعتذر ونصلحه واثنينا عدنا الدافع القوي والواهس حتى نستمر ونكمل ما راح اذكر خلافاتنا بهالفترة لان اكيد مليتوا منها بس راح اذكر الكم اكثر يوم اسعدني خلالها 

كان يوم كلش بسيط بدون تكلف ولا تحفظ مو مثل كل موعد نروح لمطعم لو مكان راقي وينتهي موعدنا بمشكلة صغيرة يتخلله زعل وهاي دائما من نوصل لنهاية يومنا سويه نفترق زعلانين ومتعاركين ...كعدت بهذا اليوم الصبح على صوت موبايلي اجاني اشعار من الماسنجر كنت قبلها متخاصمة وياه بسبب امي وطبعا من لسانه وعدم سكوتي على تجاوزه ...امي صارت تحجي ما تسكت وما تقبل نطلع اني وهو بكيفنا تخاف عليه ومن حقها هالشي وهو ما يعرف يسكت وتعارك وياها ببيت عمه الحجي واني وكفت بجانب امي ...راح زعلان لبيتهم واسبوع ما يتصل ولا اني اتصل ردت اشوف لوين حده كل مره اني اتصل واغلس عالمشاكل واكول لا تكبر بس هالمره ما كدرت وامي زعلانه منه حيل وهو ما اعتذر منها حتى ...

كانت رسالة بالماسنجر بس صباح الخير ...شفتها وسديته ...ثواني واجتني ثانية
💬جاوبي عليه ما احب التجاهل 

غلست عالثانية هم...وهالمره بده يهدد ويخوف
💬راح اجي لبيتكم واندمج جاوبي

جاوبته بسرعة وبعصبية

💬تعال واني منتظرة تندمني شو تعال دا اشوف خوفني تهديدك 😒

اتصل ورديت
-اي هيج جاوبي من الاول وصيري حبابه....شلونج؟؟

-مو زينه شكو تسأل شعجب
-خطيبتي
-لا والله وهسه تذكرتني

-ما ناسيج بس انتظرت تعقلين ...اكو احد ينسى لب قلبه
-لا والله؟؟
-وداعة عيونج الغاليات !!مشتاق روايتي

-نزلت لو بعدك ؟
-بالبيت اني قبل شويه وصلت واريد اشوفج ..روحي لبيت عمي
-تعال لبيتنا
-وامج

-شسوتلك امي ...كرار امي زعلانه منك تعال راضيها وهي تره حقها تخاف عليه وانت تجاوزت
-كله هاي لان كلت الها لا تتدخلين