اوطان الدمار🖤

بين ماضي وحاضر💔💔

شكرا متابعيني لدعواتكم لامي بفضل ربنا وبفضل الدعاء اليوم احسن وبدت تستجيب للعلاج❤

راويه:
امي اليوم ماشيه للسفر هي وخالو وزوجته رايحين عمره ودعتها بدموع وبجي وتعبت حيل لان راح تعوفني وحدي ..من اوصل لفكرة ان بيوم امي تتركني انرعب كلش اصلا طاري الفراق صار يؤلمني وبس هي اللي بقت الي من عائلتي ....بطلعتها كان الكل حاضرين يودعوهم اهل وجيران والكل بقوا يحجون عليه لان خليت امي تريد تبطل من شافتني هيج مقهورة .. بقت توصي بخالتي عليه تكولون تاركه طفلة وراها ...وصتني باكلي وبلبسي واكتشفت اني بدون سلوى صفر عالشمال ..كل حياتي الخاصه بادارتها هي لبسي اكلي حتى فلوسي رغم اني موضفة وامرأة ناضجه ومسؤوله ..بس احب اخليها يمها وهي تنطيني يعني حالها حال باقي الامهات الطبيب والحارس والطباخ والبنك المركزي 

راحت واني بديت احس بنفسي شكد ضايعة وراها ...خالتي مو مثلها ولا تشبهها اصلا ..اني وخالتي نفس النسخه واذا اني ضعت مره هي ضاعت مرات بسفر امي ...هالنوب الحجي وراهم يسافر لايران وهي ضايعه وميته من الغيرة 

كنا كاعدين بالليل من نفس اليوم بعد ما الحجي طلع يودع امه واهله وضلينا وحدنا بالبيت وهي ما تعرف تسكت
ليلى:شفتي شلون مكيف يريد يروح ومستعجل عالسفر ميت عالعجمية ..اووف يا نار روحي

راويه:هههه على كيفج على روحج خالتو...مو كال الج تعالي وياي روحي وياه .... اذا على وجودي ارجع يم مها قابل تاكلنا ايرام 

-واني مخبله اروح لهناك هو اني هنا وراح اموت عاد اصير مقابيلهم وهناك ببيتها وبلدها....وتاخذ جواد وتفوت لغرفتها حتى اموت والله ما اتحمل ادري بنفسي خليني هنا كاعدة واطحن بروحي احسن ما اموت

-هههه والله خاله اول مره اشوف زوجه ثانية تغار من الاولى تره هي الاول مو انت
-لا هو يحبني الي من كنا صغار هي اخذته مني الحقيرة وهو مكيف ابو نسوان اثنين والله مال انيمه الليلة بالشارع

-هههه بعد احسن حتى يجمع طاقاته وقدراته قبل السفر ههههه
-راويه؟؟؟؟؟

-خاله فدوة لعينج قابل هسه شيسوي هي زوجته وانت زوجته
-اخخخخ لج بعمري ما حبيت الظلم ولا مفكرة اظلم بشر هسه مخي انشخط ولج تخيلي البارحه لنص الليل اتحايل عليه ما يروح وما كدرت ولا قنع يبقى 

-هههه الله يعين خالتو ...بس تره انت جربتي الظلم خطيه هي
-ادري شمصخمني غير هالقلب الفطير ولج بس هي عافته مو هو شكو هسه ميته تريده صار عزيز

-وتبقى زوجته ..الله يساعدج خاله بمكانج ما اعرف شسوي بس تره شكد اكو زلم مثله ماكو ومثل حبه ماكو ...بيوم اللي انجرحتي بيوم العزيمه مال ايرام بقى ببالي موقفه من اخذج للغرفة وشلون عبالك هو اللي انجرح مو انت ...بداعتي خالتو اريد اعرف شسويتوا 😁😁