اوطان الدمار🖤

عاشقين😍

صباح الخير حبايب 😘

بارت البارحه يصبح عليكم غفيت وما كملته😂😂

وان شاء الله اليوم اكو بارت ثاني اذا ما غفيت😁😁

❤❤❤❤❤❤

-يا قلب انت وعدتني في حبهم صبرا
فحاذر ان تضيق وتضجرا💔

ليلى:
تسميت باسم جواد وصرت اله وعقدنا عقد سيد بين اهلي واهله بدون حضور اي احد ..ما ردت احد يعرف لان اعرف الناس ما ترحم واعرف الكلام شلون راح يكون عني فخليتها سكته 

كان بين خطوبتنا والعقد اسبوع وكل ليلة يتصل جواد وارد عليه وما اطول هواي كلام رسمي جدا وبمجرد نوصل لسوالف المتزوجين والزواج اتركه واتحجج بالنعاس والنوم وهو يسكت رغم ضوجته اللي احسها بصوته ..كنت احاول اتعود واعود روحي عليه واتأقلم ويه وضع جديد من دور ام كل حياتها ترتكز على ابن ومتطلباته واحتياجاته الي زوجة مسؤولة عن رجل وهالرجل اذا ما جاريته يكون مثل طفل عنيد ويزعل ولازم اكعد اتوسل واراضيه حتى احافظ عليه وياي واني لا بهاي فلحت ولا بهاي راح افلح لا حويت ابني ولا كادرة احافظ على زوجي اللي يحبني ...كانت دموعي نهاية لكل فكرة راحةبحياتي اتذكر ابني وشلون ربيته وداريته وراح برمشه من حضني وخايفه اتعرض لنفس الالم مره ثانيه واجرب نفس المرارة ونفس الالم

بيوم عقدنا اتصل جواد ورديت مثل كل يوم وبدينا نسولف بهدوء ومخططاتنا للايام الجايه
-مساء الخير حبيبتي
-مساء الخير 

-اليوم فرحتي ما دا اكدر اضمها وكل شويه ولد اخويه ناصبين عليه ترضيها بالله
-هههه

-فدوة لضحكتج انت هم فرحانه مثلي؟؟
-هااا اي فرحانه !!طبعا 

-ولج اني طاير اليوم ما دا امشي بكاع والله ...حتى مستحي من بنتي اللي كل شويه انتبه عليها تباوعلي
-لا جواد خطيه تنقهر عفيه تنقهر على امها

-قابل شسويت امها اختارت تعوفني وتسافر وكلهم يدرون اني اريد اتزوج ومن زمان همين
-يعني قبل لا اجي اني

-اي قبل لا تجين ومن اجيتي انجنيت
-جواد لا تحسسني اني سبب هجمان بيت 

-اي هاجمه بيت گلبي انت ههههه ومو من هسه من ايام اشجار التكي والنهر
-عفيه لا تحجي هيج هي ام حسين مو كالوا سافرت لان تكره العراق وانت بقيت وحدك ولهيج تتزوج

-اي صح بس حتى لو باقية النتيجة وحده وهم كنت اخذج

-جواد
-يا عيونه وعمره شكو انت شايله الهم ما راح تصير الج مشكله ابد خليها وراي لا تهتمين لشي ابد اهتمامج خليه الي وبس ...احبج ليلتي 

-زين وحسين شلون خطيه تحرمه منك
-منو اللي كال احرمه مني كل فترة اروح الهم 

سكتت ما جاوبته وتضايقت رغم هالشي ادري بي واقع هي زوجته قبلي.. حرام عليه واني وافقت اخذه واعرف بي عنده زوجه وعنده عائلة ومن الظلم احرمهم منه تأخرت بردي وهو عبالك كاعد براسي