اوطان الدمار🖤

الاخير ١

القسم الاول من البارت الاخير ❤

كرار:
تذكرت اللي صار بيني وبين الحبيبة وعرفت حجم الخطأ بس تأخرت ....وكفت بحيل بايد اريد اروح وراها وامي وجدتي يبجون ومكابليني 

ام كرار :ولك يمه هاي ليش هيج ويا البنيه
-وينها
الجدة: وينها بعد راحت طلعت راحت لبيت خالها
-ليش جدة خليتوها تطلع 

الجدة:واحنا نضل انت تضرب نسوانك واحنا نراضي بيهن هذيج هجت وعافتك مو انت كلت احبها وهاويها لبنت الكلب ووكفتنا على روسنا عليش تورطها وياك وانت ما رايدها كلت الك ما تكدر تعيش وياها ابوها هذا واهلك هذول

سكتت فعلا ورطتها وياي تذكرت عيونها الخايفة وراح نص حيلي هاي اني شسويت بنفسي وبيها ...كعدت وايديه على راسي واحس نار تطلع من وجهي وامي سدت الباب وجدتي وكفت مقابيلي

الجدة :عفية بزلمتنا عفية بالحيد عفيه السبع ولك تبجي كرار تبجي وعليمن على بنت المشعول ..لا تبجي اسكت خلها تولي ..مره الما تتحمل زلمتها تولي ..هي تدري بيك وبابوها ودرت بكل شي عليش بعد تأذيك 

ام كرار:فدوة عمه كافي شوفي حاله ...خلينا نطلع نخليه بوحده ...يمه لا تهتم اروح اني واراضيها وارجعها قابل تكسر بخاطرك وخاطري

باوعت لامي بنظرة اتأمل كلامها صح ولو متأكد ما ترهم ..امي بسيطة وتاخذ الامور ببساطتها بس جدتي عكسها

وكفت اشوف حل ...طلعت زينب بوجهي وتبجي
-كرار والله ردتها توكف وحجيت وياها ما رضت
-ما ادري شسوي زينب 

-الله لا يحيرك ...كلنا نحجي وياها ان شاء الله خير ...بس هو شصار بينكم؟؟
خزرتها وسكتت وراحت من كدامي وحطت ببالي افكار ثانية شلون اذا حجت ..شلون بيه موقفي ضعيف ووما اكدر احجي هسه ولا اعتذر ولا ابرر

طلعت لعمي جواد وشافني ضل يحجي عليه شلون وشسويت الها ليلى تريد تحجي عليه وتريد تتدخل بس عمي جواد يمنعها وتسكت تريد تتعارك وهو ما ينطيها مجال يسكتها ...هو استلم الكلام وغسلني غسل فشلتني وصغرتني كدام خالها  واني ساكت ومدنك منتظرهم يشوفون الي حل ما نطقت ولا كلمة بس زعلت ورجعوها الي

ليلى راحت وماكو منهم خبر تكول نايمه ....كامشني جواد يمه تالي ما تحملت رحت لبيت خالها...دكيت بابهم وطلع جواد ابن خالها وجهه عابس وضايج بوجهي سلمت عليه وفوتوني جوه والكل يسأل شصار ...ارتاحيت كلش معناها ما حجت شي بعدها ....فاتت امها تعاتب وتبجي كسرت خاطري والله ...اخذت راسها وبسته وبوست ايديها
-عمه اعذريني والله موقاصد الاذية ..لا تبجين مو زين عليج

-ولك يمه من اجتي واني بنار اكول صدك كرار يأذي راويه ابد ما مصدكه
خالها واكف بصمت ما تدخل وجواد احسه كوه لازم نفسه وكل شويه يفلت لسانه ويسكته ابوه