اوطان الدمار🖤

جنون 🙄

صباح الخير متابعيني 

اكيد هسه نمتوا واني لا😁😁

يلا الصبح تتريكون بالبارت 😘😍

واريد نجوم😈🔪🔪صوتوا احسن الكم ""بصوت الجني ""😈

كرار:
كل مشكلة تصير اشوف براوية شي جديد بس ما شفت راويه الضعيفة الا بيوم الحادث
سمعت بيها اشترت سيارة وسمعت من علي تروح وترجع بيها لدوامها وتاخذ مها وياها بس ما شفتها لحد هسه واني عالسمع ومشتعل نار ..يعني شلون تسوق سيارة شمعرفها وليش امها قبلت مو كالت ما ارضى سمعتها بأذني تشتكي لامي من عناد راوية عالسيارة وهي مو راضيه شتبدل هسه

طلعت من الصبح بسيارتي فورد بك اب دبل قمارة كبيرة جدا عسكريه مالت الدوام مخيف حجمها وهي طلعت بسيارتها الحلوة الجديدة ...اني مخبل ادري بروحي وعليه يمين كل شي تحبه لازم اخربه وهي ميته بسيارتها عاللي وصلني ...ما سويت شي بس ضايقتها شويه بالطلعة ومردت صفحة من سيارتها...وقفت ببعد اشوف ردة فعلها واتشفى بس اني مو كرار القديم صاير گلبي رچيچ بس شفتها شلون بجت وكعدت عالرصصيف ...رجليه شالتني ركض الها ...وكفت بعيد واشوفها تبجي وامها تسكت بيها وهي ترجف وصوتها يا دوب يطلع وما عدها غير كلمة نطلع منا ونرجع منين ما اجينا وامها تأيدها وتمسح بوجهها عدهم مخططات يرجعون لمكانهم القديم ....واني اذا مخبل قاط صار قاطات ..ردت اخفف عنها وابعد فكرة الرجوع من راسها ...فكيت حلكي وتورطت ...ساكت واسمعها شلون تحجي وما عندي رد ..تتهمني باموال حرام بلا درايه وتشوفني مجرم والله ما دافعت عن نفسي بس اتهامها يوجع اني مو مجرم ابد ما اذيت بشر غيرها هي وابوها

جدتي تتعارك وتدعي عليها واني اخاف من دعوة جدتي عليها واسحب بيها واحاول اسكتها اخاف على راويه ..جدتي دعواتها مجربها وخفت لا تأذيها ...
-جدة كافي

-دخلي افرك حلكها شنو كافي ما تسمعوها ..هاي تدعي عليك يا يمه ولكم بنت طاهر تدعي على وليدي ولج اليوم احرك اهلج . ......تريد تهجم الحجية😒

كرار:جدة فدوة اسكتي ميخالف ...مقهورة على سيارتها
راويه: طز بالسيارة وطز بالدنيا اني ما انقهر على شي ومحد يقهرني ما دام ما ظالمه بشر روح حير بروحك يا مريض ...تعمدت تسويها تريد تنتقم عود بهاي السوالف... لو بيك خير كنت قبل سنوات تاخذ حق من االلي اذاك مستضعفنا ؟؟؟
سلوى:ولج اسكتي كافي ..وتلطم خدودها ..

راويه:اي انت تريدين ابقى ساكتة والله شنو يأذونا ..دنعل صفحة ابو اليوصل اشو اني بنت طاهر وافتخر بابويه هذا ابويه وهاي اني مو تكولون نسخته دشوفوها لعد لنسخته .... واريد كلب ابن كلب يجيب سيرته بعد كدامي دا اسويه وصل ...وهاي اني ماشيه تجين وياي هلا بيج تريدين اهلج اني ما اكعد هنا واداري خواطر على يابو خالتج وخالج ونسايبهم بعد اشو ساكتين وماكلين نع...ل وتالي المسبة تجينا