🌹🌹 هادي الروح ... لك تشتاق 🌹🌹
الحلقه الاوله 💖💖💖💖 .....
مرام ..... يماااااا يماااااا شن صبح الاسود هوا من يومه .... معقوله كل مانبي نمشي للجامعه طول من غير مانعطل نلقي بنتك الفاشله هيا تعطلني بشي ؟ وين شخيري اللحمي الا كان بباكوه في دولابي ؟ قصدى مش معقوله هكي والله
حليمه )) الام ((... غير قولي صباح الخير قبل ... اني خديته امس مش اختك ... هوني تلقيه محشي في كندرتي سوده ..
مرام .... محشي في كندرتك .... لا لا خوديه صحيتي اني مرام طالبة طب البشري نلبس شخشير محشي في كندرتك اشبح دار ريحه ولامازال ...
امها ..... والله ماتتحمشي ... رجليا هادم الا تتعففي منهم توا يجيك يوم وتقولي نسمع طقتهم في الحوش بس ... بري خشي لدارك وانزرفي من على وجهي وقولي ياصبح بنوض بوك خيرلك ..
مرام .... اهو قتلكم معاش نبي حد يخش لداري ويفركس حاجاتي .... ربي يرحمني منكم يارب )) مع طنفيره وبرمة شارب ((
وخشت وقربعت الباب وراها ....
ومافاتتش نص ساعه لين طلعت من دارها ..
مرام .... ماما اعطيني عشره دينار
امها .... لطف شن تبي فيها عشره كل يوم انتي تبي بوك يكون وزير ويالله يلايم الحال ...
مرام .... نفس تحقيق كل يوم ماك عارفه يعني .... شيتات قهوه وكريب وميه ومرات مانلحقش حتي الكريب ... حسستيني طلب 1000 دينار
امها .... اتضيريفي شوي وحسي بي بوك راهو بني ادم مش تور يحرت فى ساقيا ...
مرام .... هيا باي باي ... )) وفي داخلها تتمتم (( ماقاللكم حد جيبوني مادما ماعندكمش فلوس ...
امها ..... استني استني وين ماشيه ؟ استني بوك يحطك
مرام ..... لا لا قولت لصاحبتي بتخطم عليا وتستني فيا في بداية شارع ...
امها .... وعلاش ماتمشيش مع بوك ...
مرام .... تناقشنا فيه الموضوع ... بوي سيارته تحشم وبصراحه صاحباتي كلهم في الكليه فلوس وسيارات .... لما قتلكم اشرولي سياره ب 15 الف بدل تشحطيطه وتطيحت الخشم قولتولي لا خلاص معناها ماتفرضيش عليا نركب مع بوي بسيف ...
(( وفجاه برمت شوارمها ردا على نظرات امها الحاده وشافت لتلفونها وقالت ..
مرام ... خلاص بنمشي تشرين عليا ... باي
وطلعت ولا قامت نظرات امها او مشاعر امها من أرضها .... وفي اللحظه الا قربعت الباب وراها تنهدت امها تنهيده وقالت ....
امها .... يارب طيحها فى ولاد الحلال الا يصونها ويريحها ويرحني منها يارررررب لاني والله تعبت ...
وفي اللحظه هيا علي طلعت عمي ناصر
ناصر .... خيرها بنتك شن تفتفت على صبح ...
