هادي الروح .... لك تشتاق ..💘💘
الجزء التاني 💞💞
الحلقه السابعه عشر 💑💑
.... ووماهي الا لحظات حتي فقدت الوعي وسقطت ... وفي نفس اللحظه هيا كان عقاب قبل سقوطها باللحظات كيف نازال في جنان باش بيطلع ... ولكن الا وقفه لما سمع صوت الطاسه طاحت ... ووهوا ماكملش خطوتين لين سمع صوت شي ارتزم وطاح ... وهنا تلفت ورجع يجري وخش للحوش زي المجنون وقعد يخش من دار يطلع من دار لحد ما خش للمطبخ وشاف مريم طايحه والدم حوليها ومغرق حوايجها ...
وهنا ماشافش قدامه الا مشهد امه تتكرر مره تانيه قدامه ... وقرب منها يجري ... و وشاف ايدها الا كانت تنزف بغزاره علي زليز .. فاملقاش نفسه الا وهوا ينحي في تيشرته وويمزقه ويلويه علي ايدها قدر المستطاع باش يوقف نزيف .. وخدها في حضنه وطلع بيها يجري ... واول ماوصل لسياره ... نزلها شوي .. لحد مافتح الباب وحطها في سياره وركب بيها يجري ... وكان طول الطريق وهوا يسوق ويشبحلها لعلها تفيق او حتي يحس انها مازالت حيه بس .. وبعد سرعه تجاوزت 200 .. قدر يوصل لمستشفي الحوادت ... وهنا دخلها بسرعه من جيهة الاسعاف وهوا يجري بيها زي مجنون .. وبعد لحظات خدوها منه وطلبو منه انه ينتظر في جيهة الانتظار ... وهنا بس خطرله يتصل بي سمر ويقوللها ... فاخدي تلفونه وقاللها ...
عقاب ... انتي وووووووين ؟
سمر ... خيرك تكشخ ؟ اني في مصحه عندي موعد مع دكتور نساء وكيف طلعت ...
عقاب ... تعالي بسرعه للحوادت بوسليم بسرررعه ...
سمر ... ( بصوت مصدوم ) ...شن في تكللللللللم ؟
عقاب .... تعااااااالي بسررررعه وخلااااص ( وسكر تلفون ) ...
ولاول مره حس انه ضعيف وانسان قدر ... قدر لانه كان سبب في انه مريم تتنحر ... وضعيف لانه ماقدرش يقول لسمر حتي علي الا صار .. لانه رح يكون يواجه نفسه بي هالشي قبل مايواجه سمر ... وبين هالافكار الا كانت تلود في دماغه .. ومع كل تنهيده وحرقة نار في قلبه .. كان يستني حد بس يطمنه عليها ...ومش عارف شن عواقب الا صار القدام ...
وبعد مافاتت ساعه بالزبط ... جت سمر تجري ...
سمر ( بوجه مخلوع ) ... شن في عقاب .. تكلللللللللم ( وخبطت علي صدره ) ..
عقاب ... مريم ... ( وحط ايديه علي وجهه ومسحه بقوه مع تنهيده تعبر علي كم الالم وقاللها ) انتحرت ... قصة حبل الوريد متعها ...
سمر ... ( بوجه منهار وعصبي ) كيف انتحرت ... كيف انتحرت ؟ اني خليتها بتركبلك الاكل ومافيها شي ...
وهنا قعد يشوفلها وعيونه زي الجمره حمر ومش عارف شن يقول ..
مريم .... تكلللللللم عقااااااب تكللللللللللم ... شن قولتلهااااااا ؟ حرااام عليك شن قولتلها البنت قتلتهااااااا ... البنت دارت هدا كله علي خاططططرك علااااااش ( وقعدة تضرب علي صدره وتبكي ومش هامها اي حد يشوف ) .. مريم كانت تكدب عليك مافيش حد في حياتها واني كدبت معهااااا ياغبي افهههههههم ... مريم كانت مضطره تدس عليك لانها ماكانتش حاباتك تستني علي فاضي ... انت غببببببي غبببببي ... قتلتهااااا حرم عليك البنت ( وقعمزة علي الكرسي وحطت ايدها علي وجهها وهيا تبكي ) ... بينما عقاب ... قعد يشبحلها وهوا مش مستوعب شي ومالقاش نفسه الا طلع يجري وسيب المكان بسرعه ... وركب الاسناصيل ... واول ماتسكر الاسناسيل عليه قعد يخبط باايديه ورجليه زي مجنون ... لحد ماوقف بيه الاسنسيل في دور الارضي ... ووهوا كيف طالع بسرعة البرق وعيونه كلهم نار وقفاته ممرضه وقالتله ...
الممرضه ... انت الا دخلت الحاله مريم توا من جيهة الاسعاف صح ؟
عقاب ... اي اختي ..
الممرضه ... نبو مجموعة اجرأءت ياريت تكملها معانا واوراق شخصيه خاصه بيها هيا لان هادي حالة انتحار يااخي ..
عقاب ... اني ماعنديش اوراق توا ... رح نروح نجيبهالكم ونجي ..
الممرضه ... بعون الله ...
عقاب ... ( وعيونه ملينات حب وخوف ودموع ) ....طمنيني عليها . شن حالها توا ؟
الممرضه ... حالتها خطيره يااخي لان الباين ان الاخت مش مشكلتها الوحيده قطع حبل الوريد فقط ... واي شي تاني .. دكتور رح يطلع بعد شوي تقدر تتكلم معاه ... بس ياريت ياريت تستعجل بالاوراق ...
عقاب ... اوك ...
وتنهد بقوه وطلع .. واول ماركب سيارته تكي رأسه علي الدومان وقعد يفكر ... لحد ماارن تلفون ... وهنا قام تلفون ولقاها سمر ...
فافتح الخط وقاللها ..
عقاب ... ايوا سمر ...
سمر ...( مسحت دموعها وقالتله ) ... المستشفي طالبين اوراق شخصيه لنهال ... خش لداري وافتح دولابي من لوطه .. تلقي فيها شنطه كحله ايدها ورديه ... هديكا شنطت مريم .. باسوردها 1245 افتحها جيب منها الاوراق المطلوبه ..
عقاب ... ( تنهد شوي وبعدين سكت وقاللها ) ... اوك ...
وولع سيارته وطلع ... وكان طول الطريق وهوا سارح ويفكر وايده المتكيه علي روشن حاطها علي راسه وسارح في كل الا صار والا قاله ليها والا هيا وسمر قالتهوله ... ومافاقش من هالافكار الا علي صوت تلفونه يرن ... واول ماقامه لقاه نهال تتصل ... فا سكرت الخط عليها وداره صامت ... ووهيا استمرت في الاتصالات بدون توقف ... لحد ماقلب شاشة تلفون بالقفي وكمل سواقته .. ومافاتتش ربع ساعه لين وصل للحوش .... وهنا نزل وكانت كل خطوه من خطواته ابطئ من تانيه ... وبدات اول ماشاف جنان كله بقطر دم مريم الا كانت ممتده لحد مطبخ .. واول ماوصل للحوش قعد يمشي زي جته الهامد ... لحد ماوصل لدار نوم سمر ... وهنا وقف شويه وقعد يشوف لدولاب شوي وبعدين اتنهد وفتح دولاب وطلع شنطه وفتحها ... واول مابدي يقلب في الورق طاحو في ايدها ورقتين ... وكانو بالنسبه ليا القاضيه .. الورقه الاوله كانت المستشفي الاوله لما اعطو تقرير مبدئي ان مريم تعاني من ورم خبيت في رحم وفي حالة متقدمه منه ... وتقرير تاني كان يوم تلبيسته هوا نهال وكان تقرير يقول ان بعد صور وتحاليل مؤكده اكد البريفسور ان الا عند مريم ورم حميد ويجب استاصله خلال شهر فقط من تقرير مكتوب ... وهنا طاحو الورق من ايده وناض وهوا في عالم تاني ... وقعد كل الا صار وكل المواقف يرجعو يمرو في داكرته زي شريط ... كلامه دموعها الا كانو مخالفين تصرفاتها وكلام سمر وملامحهم قبل مايخش عليهم وتقوله سمر شفتها تخون فيك .. ووا خيرااا كلام مريم ليه قبل الانتحار بدقايق ... وكلام سمر ليه ... وهنا بس فهم صوره كم يجب ... ومالقاش نفسه الا رجليه يرفعو فيه للمكان الا بأيده قتل فيه حب حياته .. وهنا قعد يقرب ويقرب ويتدكر في كل موقف صار بينهم ... وفجأه طاح علي ركابه وقعد يبكي مع صرخات الم ليس لها معني اخر غير الالم
