💞💞💞💞💞 صباح الورد والياسمين ... حلقة اليوم 💞💞💞💞
🌺🌺 هادي الروح .... لك تشتاق 🌺🌺
الحلقه التالته ....
انطفات اضواء حوش عمي ناصر اعلانا لانتهاء يوم بكل مافيه ... وانتظار اشراقة يوم جديد ...
مرام .... صباح الخير ... اني ماشيه للجامعه وكانا ناض بابا قوليله مشت بكري ومابتش تنوضك عندها محاضرات ..
امها .... ماتخلنيش نعيط تعااااالي هنا ... تعااااااااالي ... اني مالياش علاقه خلاص لاني بجد خلاص فاااااااااااض بيا ...
مرام ... صاحبتي ترن ... سلام ..
طلعت مرام بسرعه لما سمعت منبه بوها يرن ... وصكرت الباب وراها ... وامها خشت للمطبخ وتسحن وتترد من الموقف الا حطتها فيه لما ينوض عمي ناصر ... ووهيا قاعده تفكر كيف بتحلها لان لو المره هادي عرف انها كسرتله كلمته رح يبطلها لامحال ... ووهيا قاعده تلود في كسبره مره .. خش عليها عمي ناصر ...
ناصر ... نوضي بنتك بسرعه اليوم مانقدرش نعطل اليوم بنطلع بسرعه وماتوتيليش الفطور بنفطر في مكتب ..
فاطمه ... ( مع ربكه وتلفيته بالقفي ) ... صباح الخير ... مرااام اه لا لا قالت ماتبيش تمشي اليوم ماهو جاينا ناس العشيه ..
ناصر ... يكون احسن ... خلاص اني بنخش ندوش علي سريع ونبدل وتيلي فوطه وملابسي ..
فاطمه ... حاضر ...
وهنا خشت لدار طلعتله الحاجات الا يبيها ... وسقدته لفم الباب ... وبعدها خشت للمكتبه ... طلعت معاين الا بتستقبل فيهم ضيوف وغسلتهم ولمعتهم ... وحطت سكر علي نار باش توتي كراميل متع كيكة كريم كراميل الا بتحطها لناس مع شاهي .. وقعدة تنادي ...
فاطمه ... مررررررريم .... مررررريم .... نوضي هوا هدكااااا ساعه 8 يابنتي ..
مريم ... نوضت نوضت خلاص ... اصلا بنتك تخلي من يرقد ... خشتلي تبي خيط الوصله وقربعت دنيا كلها فوق راسي وياريته لقاته عندي
فاطمه .... الله غالب هادي المجنونه اصلا شرك وجي في شلامه .... ان شالله ربك يفكني منها اليوم ويتم الموضوع بس ... قسما بالله المره هادي غصبن عنها الا ماتوافق وبوها قالي الكلام هوا ... قالي لو ماوفقت بيبطلها ...
مريم .... علاش .
فاطمه .... لانها تتمقعر ... والباقي احنا راضين تنخطب توا والزواج عادي نشرطو عليهم لين تكمل ... هيا شن مازاللها يعني كانها توا في اخر امتحان ليها في سنه رابعه ...
مريم ( مع تنهيده وتدبيلة عيون ) ... ديرو الا يريحكم .... خلي نطلع اني نبدا في صاله الخاريجيه متع ضيوف والجنان وبعدين نخش للحوش
امها .... خلاص واني خليني علي فطور والغدا وحلو ضيوف والصابون ..
مريم ... ماشي ...
