هادي الروح .... لك تشتاق 💗💗
الحلقه التاسعه 💞💞
وفي اللحظه الا بعتتله فيها الشعر قاللها ....
عقاب .... علاش طالبين عليكم هالشعر لاغير ؟
نهال .... مش عارفه والله .... نصورلك الورقه باش تتاكد .
عقاب ... لا لا مافيش داعي .... الشعر يقول ...
___________________________. ________________________. _____________________________
وبعد ماترجملها الشعر اتصلت بيه مباشرة .... وهنا قعد مترر يرد عليها ... وبعدين طلع زفير قوي كاتعبير لتضايقه منها ورد وقال ....
عقاب ... ايوا نهال ... ان شالله هكي خلاص لاني بجد تعبان وبنسكر بس لو في شي تاني بكرا بعون الله نترجمهولك خليهولي في رساله بس ...
نهال .... حبيبت نقولك شكرا بس ...
عقاب .... لا شكر علي واجب ... ليلتك سعيده ..
نهال .... عقاب ممكن نتكلم معاك ؟
عقاب .... الوقت متااخر يانهال واني بكرا عندي شغل ...
نهال ... اني في ورطه عقاب ( وانهارات بالبكي )) ..
عقاب .... نهال انتي شن تقولي ؟ شن في خوتك او اهلك فيهم شي
نهال .... لا الموضوع متعلق بيا بس ومافيش غيرك يقدر يحلهولي (( وزادت انهارات بالبكي ))
عقاب ..... شن في ؟
نهال ... اني مش عارفه شن نقول او حتي شن نحكي ... اهلي فاتحوني في موضوع شخص يبي يتقدملي اكتر من مره وغصبو عليا اني نوافق عليه وهالشخص يكون ولد عمي ... وكلهم موافقين عليه واولهم خوتي الولاد .... واني فكرة ننتحر او نقتل نفسي وماناخداش ...
عقاب .... علاش رافضتيه ؟
نهال .... لانه واني صغيره حاول يعتدي عليا اكتر من مره ... وكان يهدد فيا لو قولت لاهلي رح يقتلني بالموس واني صدقته لاني كنت صغيره هلبه ... بس هالسر قعد مدفون معاي لليوم
عقاب .... (( بوجه مصدوم )) اهلك يعرفو بي هالشي ؟
نهال .... اهلي لو يعرفو رح يقتلوه والعيلتين رح يقتلو بعض ...
عقاب ... خلينا بكرا نتناقشو يانهال واني رح نكلم خوك بدون ماندير اي شوشره...
نهال .... خوي لو يعرف اني كلمتك رح يقتلني اولا ... ومافيش اي سبب رح يخليهم يرفضو الا لو عرفو الحقيقه ... واني مستحيل نوافق ياعقاب ومستحيل نقول لاهلي علي الحقيقه ونتحمل دم خوتي في رقبتي ... ولكن لما فكرة فيها لقيت في حل واحد بس ... لو وافقت عليه ينحل كل موضوع ؟
عقاب .... والا هوا ؟
نهال .... لو وقفت معاي ياعقاب مش رح ننسي جميلك والله ..
عقاب ... والا هوا يانهال ؟
نهال .... تتقدملي وتخطبني 3 شهور بس .. وها3 شهور كفيلات نحل فيهم مشكلتي وبعدها هوا ينحي الفكره واهلي نفس الشي ..
عقاب .... انتي مجنونه اكيد ...
نهال ..... ارجوووك عقاب انت لو ماوافقتش رح نموت ... واهلي انت الوحيد الا لوتقدمتلي رح يفضلوك عليه ويوافقو عليك لانهم يعزوك اكتر مما تتصور وحميدا مش رح يخليهم يرفضو اصلا ... ولو انت ماتقدمتليش رح يوافقو اهلي عليه ياعقاب
عقاب .... نهال انتي الا تقولي فيه مستحيل ... ولو سمحتي اني قاعد محترم اهلك لدلك مانبيش نتعصب عليك وياريت تسمعي هالكلمتين ... معاش تتصلي او نشوف رقمك علي تلفوني .... سلام ...
نهال ... لو صارلي شي في رقبتك صدقني بس ...
وهنا سكر نت ولوح تلفونه علي كمدينو بعصبيه وكان بجد مصدوم من جرأتها ومن الا صاير معاها اصلا وكيف وعلاش حكتله هوا بدات ... ولما كترت عليه الاسئله ... قرر انه يلوح كل الا صار ورا ظهره ويرقد وصباح رباح ...... وبالفعل هدا الا صار .. ومن اول ماحط راسه علي مخده وقرر يرقد ... مشي في نومه عميييييقه ومن كتر تعب الا كان حاس بيه نسي انه حتي مريم تستني فيه ... ومافاقش صبح الا علي صوت منبه صباح يرن عليه مع ساعه 9 صباحا .... وهنا قام تلفونه بسرعه سكر المنبه وشاف لساعه ... وحط تلفون علي الكميدينو وقعد يتاوب علي سرير ويمشي في ايديه علي شعره .. لين تفكر مريم ... وهنا اتدكر انه مفروض يكلمها في الليل فاضرب ايده علي جبهته وقام تلفونه واتصل بيها ... ولكن مريم ماردتش علي تلفونها لااكتر من مره ... فاحط تلفون علي الكميدينو وخش لدوش ... وبعد شوي لبس حوايجه ودار قهوته واطلع ... ووهوا في نص الطريق للكليه خطرتله فكره في دماغه فجأه ... فا لف ورجع وغير طريقه ... ومالقاش روحه الا ماشي لحوش سمر .... ومافاتتش ربع ساعه الا وكان قدام حوشها ... وهنا قعد يفكر شوي وبعدين ركب فوق ... واول ما وقف فم الباب سمع صوت مريم وسمر يضحكو ... فاقعد متردد شوي بعدين رن الجرس ... وهنا مريم قالت لي سمر ....
مريم .... من الا علي الباب ؟
سمر .... مرات جارتي الا قدامنا تبي تشرب عندي فنجان قهوه او باعتتلي شي او تبي شي لان ديما عوايدها علي فطور ناقصها شي ... نوضي افتحي انتي لان اني بتعنكش فيا فم الباب نص ساعه حكي كانا طلعتلها ... واني خليني نخش ندوش بسرعه وتحطيني علي طريقك
مريم ... اوك ... ورح نلم الماعيين اني ... نوضي بسرعه بنطلع ...
سمر ... اوك ...
وناضت سمر ومريم غسلت ايدها ومشت باش تفتح الباب .... وأول مافتحت الباب بي توتها وشعرها المشفشف ... شهقت في وجهه وسكرت عليه الباب وقالتله ...
مريم .... شن تبي جاي توا ؟
عقاب .... ( باابتسامة حب ) افتحي يامشفشفه ههههه في حد يستقبل الناس هكي ؟
مريم ... انت حاليا مش مرحب بيك ممكن تروح ؟
عقاب .... افتحي ناس بيطلعو يامريم ...
مريم ... لا احنا بنات بروحنا علاش جاي ؟
عقاب ... بصراحه جعان ومافطرتش ( بوجه ماكر خبيت مع ضحكه شيطانيه )
مريم .... علاش مافطرتش في حوشكم ؟ اسفه ...
عقاب ... حبيبتي يهون عليك حبيبك يمشي من غير ماياكل فطور من ايد مرته الحلوه ؟
مريم .... ( وهنا حن قلبها بعد ماكانت كارهاته لانه فاتها وقالتله ) ... اوك استني شوي نمدلك شي تاكله وبعدها تروح طول ...
عقاب ... خلاص اني مستنيك بس بالله توصي حبيبتي مانوصيكش 👄👄
مريم .... اوك ماتخشش اني بنمشي للمطبخ نجيبلك شي ...
ووبالفعل مشت للمطبخ ... وبعد شوي طلعت راسها من شق الباب وطلعتله شريحة طماطم ... وهنا اول ماشاف الموقف كانت ردة فعله ..
عقاب ..... ههههههههههههههههههه بجد انتي ؟
مريم ... مش عجباتك ؟ اوك سلام ...
ووكيف بتسكر الباب ... قاللها ...
عقاب .... استني ... اوك نأكلها بس من ايدك انتي ...
مريم .... لا لا اكيد ...
عقاب ... مانبيش نلبز ايديا اني حبيبتي ...
مريم ... لا لا لا نيفر نيفر عقاب ...
وهنا عقاب خطف ايدها وشدها بيديه زوز بالقوه وحط الطماطمه في فمه من ايديها وهوا مبتسم ليها وعيونه كلهم حب ...
مريم .... قتلك لا علاش هكي تدير (بوجه متعصب ) افرض حد شافنا شن بيقول ؟
عقاب ... يقول راجل ومرته يموتو في بعض ...
مريم .... اي اي صدقتك ... مراه امس ماتعرفش علي راجلها حتي علاش رقد وفاتها ... خلاص خلاص فطرة توا ولا ؟ ممكن تمشي بنسكر ..
عقاب .... اسف حبيبتي ... والله كنت تعبان ...
مريم ... اكيد تعبان واني اخر اهتماماتك ... مهم سلام ...
عقاب ... استني ... ممكن شريحه تانيه ؟ ( بوجه ملائكي ) ...
مريم ... بجد انت طماع ... سكتنالو دخل بحمارو ( بوجه مبتسم يتظاهر بالعصبيه ) خلاص لا ..
عقاب .... حبيبي جعان ...
مريم ... خلاص خلاص خليك هنا ...
ومشت للمطبخ في اللحظه الا دفت فيها الباب باش يتسكر ... ولكن هوا كان ادكي منها ولقي كاغط دفه بين فردة الباب والحاشيه ... وخلاها لين تخش وخش وراها ومشي لحد مطبخ وقعد واقف بجانب الباب ... واول ماطلعت انصدمت لما لقاته لين طاحت من ايدها الطماطمه وقالتله ...
مريم .... ( بوجه عصبي ) اني سكرت الباب كيف خشيت ...
عقاب .... انتي علاش خايفه ؟ سمر معانا ياحلوه ( بوجه شيطاني مبتسم )
مريم ... سمر تدوش ... ماتقربش بعددددد .. اطلع برا ...
عقاب ... هههههههههههههه لا شن بتديري ...
مريم .... عقاب والله والله نعيط بجد عيب الا تدير فيه ... شن حركات المراهقه هادي ...
عقاب .... ( وهنا قرب منها قرب كان اكتر من نفسها وقاللها ) اني مراهق ومجنون من يوم مااقتحمتي حياتي بشعرك المشفشف هوا .. (( وحط ايديه علي شعرها وللحظه تقابلو عيونهم مع بعض ... ولحظات المزاح انقلبت مشاعر حب حقيقيه ... ولكن مريم ارتبكت وحاولت ترجع وتهرب من نظراته الا كانت تخليها تضعف اكتر واكتر لحد ماتكون رهينه بين ايديه .... وهنا قالتله
مريم ... احم ( وواسة شعرها وقامت خشمها وقالتله )) ... اني عاجبني مش مهم انت يعجبك ... باه توا شن تبي ؟ ودفاته وبعدت عليه
عقاب .... نفطر اني وانتي زي ماكنا قبل
مريم ... وتطلع بعدها ؟
عقاب ... ايه وعد ...
مريم ... باه بعد ... بعد ... اوووف
ومشت وسيباته تجري للمطبخ وحطت طاوه علي نار .... وقالتله ...
مريم ... اومليت ولا عيون ؟
عقاب ... الا يريحك حبيبتي
مريم .... امس علاش كنت فاتح الفايبر لوقت متأخر ... ولما اتصلت بيك علي فايبر لقيته مشغول ...
عقاب .... ( قعد يشبحلها شوي وهوا متفاجئ وبعدين قاللها ) ... موضوع خاص شوي بيني وبين قريبه ليا ...
مريم .... هيا هادي الا فتني علي خاطرها ؟
عقاب .... لا والله حبيبتي بس كانت عندها ظروف قاسيه وكانت تستشير فيا ...
مريم ... ممكن نعرف من هيا ؟
عقاب .... مصره ؟
مريم ... ايه ....
عقاب .... نهال
مريم ( بوجه مصدوم ) .... نهال كانت تكلم فيك ؟ علاش ؟ وكيف تسمح لنفسك انك تتكلم معاها في وقت متأخر زي هوا ؟
عقاب .... مريم البنت تمر بظروف صعبه وحبت تستشيرني بس ...
مريم ... ( بوجه عصبي ) ومن كل الدنيا كلها مافيش الا انت ؟
عقاب ... حبيبتي مافيش داعي للغيره ... نهال زي اختي ومستحيل نفكر فيها .. وانتي عارفه هالشي صح او لا ؟
مريم .... عارفه بس ياعقاب ..
عقاب ... ولا بس ولا شي . حبيبتي اني جاي بنراضيك مش جاي بنفتح مواضيع جديده ...
مريم .... بس توعدني معاش تتواصل معاها بكل ؟ اني قلبي مش مستريح لنظرتها ...
عقاب .... وعد خلاص ...
مريم ..... ولا تشوفها ابدا ؟
عقاب .... اوك حبيبتي خلاص ... مازال ؟
مريم ..... اااااااااه دحي شيط دهبتلي شيرتي ..
عقاب ...خلاص طفي نار ... مطبخ كله شياط ... انتي زوجه فاشله ههههههه ... بدلي حوايجك وتعالي انتي سمر عازمكم علي فطور ...
مريم .... ههههههههه هادي مش رح نقدرو نرفضوها .... بس خليها كيكه وكابتشينو 💖💖
عقاب .... خلاص ... نستني فيكم في سياره ....
مريم .... اوك .. نص ساعه بس ....
عقاب ..... اوك معناها ندير مشوار قريب هنا ونوليك نلاقاكم واتين ...
مريم ... اوك تمام ....
وفي اللحظه هيا طلع عقاب من الباب ووهوا نازال من دروج قعد واقف شوي يفكر وهوا مبتسم .... وبعدين نزل يجري وركب سيارته ومش بسرعه رهيببببببببه زي الصاروخ لحوشه ... وركب بسرعه وخدي من الخزنه حاجه ... وبعدين مشي لكافي كان قريب من الحوش .. وخش وطلب يطلعله الشيف شوي .... ودخلوه للشيف ... وبعد 10 دقايق طلع مبتسم ... وطلع من كافي وولع سيارته ورجع لحوش اخته ... وكيف درس شافهم هما زوز نازلين ... فا اابتسم ونزل وافتحلهم الباب ...
سمر ....الله الله دنجوان عصرو هوا في كده ياناس هههههههه
عقاب ... اليوم رح تكون عزومتي ليكم مميزه ...
سمر ... الله الله ... لولا وجود مريم ماكنت حلمت بيها اصلا ....
مريم .... هوا انتي تطولي اني نكون معاك اصلا هههههه
سمر .... علي فكره اني مافطرتش كويس ومحتاجه نفطر كويس قبل ما نمشي لعزوزتي باش نصحصحلها هههههههه
مريم .... يالله انا ماشيين وورينا شطارتك ...
سمر ... مش عارفه اليوم حاسه اني بنسمع خبر حلو .... وقلبي مشروح هلباااا ...( وطبست في ودنها ) عندي احساس حبيبي اليوم بيقولي سامحتك ...
عقاب .... المكان مش بعيد علي هنا هوا علي فكره .... شوي ونوصلو
سمر ... ونحن في الانتظار 💖💖
وبعد ربع ساعه وصلو للمقهي .... واول مادرس عقاب نزلو ... وقعمزهم علي الطاوله واستأدن منهم ومشي لانه نسي شي في سيارته .... واول ماقعمزو قالت مريم لسمر...
مريم .... الله محلاه مكانها طاوله في بلكونه ااااه اني قداش مره نجي ومانلقاش مكانها فاضي لين يأست 💖
سمر .... شكله في شي في موضوع وربك يستر ههههه
مريم ... لو ماصارش موضوع بصدفه كنت قولت زيك ... بس هوا اصلا كان يبي يفطر عندك ....
سمر .... جي القرصون ... تعرفي خاطري في مولتن كيك .. اممممممممم الله وانتي ؟
مريم .... خاطري ريد فلفت بصراحه ههههههه بس خلي يجي عقاب قبل ...
سمر .... هدا شكله مات في سياره خلينا نطلبو وبعدين هوا يطلب ...
مريم .... قعدة تشوف في سياره عقاب ... الا لقاته شاد تلفون ويحكي بعصبيه ... وبعدها سكر ... ونزل من سياره ... ورجعلهم ... واول ماقعمز .... قالتله ...
مريم .... في شي ؟
عقاب .... لا لا مافي شي ... (وحاول يتهرب من عيونها ويتفرج علي منيو وهوا متعصب )
مريم ...( اكتفت بصمت وهيا تشبح لملامحه وتحاول تفسر تصرفاته )
سمر ..... احنا طلبنا مازال انت ...
وهنا عقاب شبح للقرصون وقاله ...
عقاب .... قهوه وكيك ريد فلفت لو سمحت وميه ...
هنا شبحت سمر لمريم شبحه خبيته ردتها عليها مريم باابتسامه ونظره لي عيون عقاب ... الا كان واضح انه مش معاهم بكل ... وفي اللحظه الا كان القرصون بيحط الكيكه قدام مريم ... جي تلفون غريب لي عقاب .... فااستأدن منهم وطلع ... باش يتكلم برا ... واول ماطلع فتح الخط وقال ...
عقاب .... ايوا ... من معاي ...
المتصل .... اهلين اخي ... انت تعرف اخت اسمهال نهال ؟
عقاب ... اي علاش ؟
المتصل .... الاخت في المستشفي بعد ماحاولت الانتحار ...
عقاب .... هيا في اي مستشفي توا ؟
المتصل ... الطبي وحاليا تحت الغسيل ...
وهنا عقاب خش بسرعه لي مريم وسمر وقاللهم ...
عقاب ... نستأدن منكم .... مريم هاك مفتاح سياره واني رح ناخد تاكسي ..
مريم ... في شي ؟
عقاب ... ( قعد يشبحلها شوي بعدين قاللها ) لا لا مافي شي سلام ...
وطلع وخدي تاكسي وركب فيه ومشو .... وبعد نص ساعه كان في مستشفي واول ماوصل ... وخش من جيهة طورائ لقي صديقتها تستني فيه ...
نسرين ... سامحني اني اظطريت اني نقولهم يتصلو بيك لان اهلها مايندروش مازال واني ماعرفتش كيف نتصرف .. وهما محتاجين اوراق تتوقع من حد من اهلها واني كدبت عليهم وقتلهم انك خوها ...
عقاب .... كيف صار ؟
نسرين ... تعاركت اني وياها وكانت تبكي ومنهاره واحنا في الكليه ... وفجأه طاحت فاقمنها هنا وحطيتها في سيارة صاحبتي ورفعناها ولما فتشت شنطتها باش ناخد تلفونها نكلم اهلها لقيت في ماصوين حبوب متع ناس عندهم ضغط ماصوين فاضيات وفي حبوب منهم مشرتعين في شنطه فاقولتلهم اول ماوصلنا وزي ماتوقعت طلعت بالفعل حاولت تنتحر ...
عقاب .... (مسج وجهه بعصبيه وقال ) هيا وين توا ؟
نسرين .... كيف طلعوها من غسيل وحطوها تحت الملاحظه ...
عقاب .... اوك اني نستني هنا خليك لو في شي او سمحو حد يشوفها كلميني ...
نسرين ... اوك ...
وهنا قعد عقاب مقعمز يستني اي خبر بخصوص نهال ... وهوا سارح ويفكر وساعه تفوت ورا ساعه لين جت نسرين وقالتله ...
نسرين .... عقاب بعد ربع ساعه تقدر تشوفها ....
عقاب ... اوك تمام نسرين
وهنا طلعت من عقاب ... وخدت تلفونها وكتبت رقم واتصلت بيه .... وبعد شوي قالت ....
نسرين .... الو ...
مريم .... الو ...
نسرين .... اهلين مريم ...
مريم .... اهلين ... من معاي ؟
نسرين .... اني نسرين صديقة نهال الا مره سلمتي عليا لما تلاقينا في كليه واني كنت مع نهال ...
مريم ... اهلين حبيبتي .. تفضلي في شي ؟
نسرين .... بصراحه نهال في مستشفي ... واني ماعرفتش لي مني نقول لان اهلها مازال مايعرفوش واني خفت نقوللهم فااتصلت بيك انتي بحكم اني نعرفك ورقمك عندي ...
مريم ... علاش خايفه في شي .
نسريم .... نهال حاولت الانتحار لما اكتشفت ان شخص الا تحبه يكلم في اتنين في نفس الوقت ويلعب بيها هيا وياها .. ماقدرتش تتحمل صدمه فاانتحرت ...
مريم .... لاحول الله احسن مادرتي ماقولتيش لخوها وامها ... كانت ماتت امها او صار فيها شي ..
هيا وين توا ؟
نسرين ... في الطبي وقاعدة تحت الملاحظه ...
مريم ..... اوك اني في كليه يعني بجانبكم شوي ونكون عندك ترا قوليلي انتو وين بالزبط في اي برج واي دور ؟
وهنا نسرين عطتها كلها تفاصيل ورسكرت .... وبعد ربع ساعه كانت مريم وصلت وركبت في الاصنيل الا يوصل لدور الا فيه غرفتها .... وفي اللحظه الا بتخش فيها لغرفة نهال ... شافت شخص ماكانتش تفكر اصلا انها ممكن تشوفه هنا ... وهالضربه كانت بالنسبه ليها زي الصاعقه .... وبمجرد ماهوا طلع بدون مايلفتلها نظره وجودها ... مالقتش روحها الا ومن صدمه في غرفة نهال ... الا اول ماخشت لغرفتها خشت نسرين وقالتلها ...
نسرين .... نهال في الحمام قعمزي هنا نخش للحمام نساعدها ونطلعلك ....
وهنا قعمزة مريم وهيا مصدومه وكاتمه دمعتها بسيف ...وفي اللحظه الا كانت فيها عيونها تلود بين فراغات الغرفه تدور فيها علي اي اجابه او شق يبلعها من الا هيا فيه... شافت بصدفه تلفون نهال محطوط ... هنا ايدها قعدة تقدم وتوخر وبعدين خدت تلفون .. وقعدة تقلب في سجل الا شافت فيه رقم مكتوب عليه ((حبيبي وزوجي 💑)) وهنا شافت رقم لقاته رقم عقاب ... فاركبت فيها نار ... وقعدة تقلب في رسائل الا مالقتش فيها اي شي ... فا مالقتش قدام عيونها الا الفايبر لعل يأكدها ان الا عقلها صح او غلط .... وهنا فتحت الفايبر والصدمه كانت رقم عقاب ... وفيه اهلين نهال ... ورسالة شعر يعبر فيها علي حبه صادق اتجاهاا ... وهنا كانت الضربه تانيه ليها ... الا خلتها بسرعه وبدون تفكير تاخد لي محادته سكرين شوت باش تبعتها لتلفونها ... وكيف خدت سكرين ومشت جيهت الاستديو باش تفتح صور وتبعت صورة المحادته ... اول ملف طاحت عينها عليه ... ملف فيه صورهم مع بعض في الكليه ووهوا يسلم عليها وهيا عيونها ابتسامات حب وهما مقعمزين وواضح انه يسمعلها بشغف من انتباهاه ليها .... وهنا لوحت تلفون من ايدها لما بدو يصبو دموع زي المطر وسمعت صوت الحمام نفتح ... وطلعت تجري تجري وماحستش بروحها الا وهيا راكبه لسياره وولعتها وطلعت بسرعه انتحاريه .... وكأنها كانت تبي تطير وتطلع تبعد ... مش مهم لوين ... مهم لابعد مكان ماتكونش فيه قريبه عن اي قداره شافتها واي اسهم مسمومه ارتشقت في قلبها بدون رحمه ....
وفي اللحظه الا كانت منهاره بالبكي وتسوق وماتشوفش في شي قدامها .... شافت عقاب يتصل ... فاخدت تلفون وقعدة تضرب فيه علي دومان لين نفتح واهنا خدت شفره كسرتها بغل غلها ولوحتها وخدت تلفون وقعدة تخبط فيه لين نكسر ولوحاته من روشن ... وفجأه وبعد 5 ساعات تلود في طريق زي مهبوله مالقتش نفسها الا قدام شقه سمر ... فا مسحت دموعها وفتحت باب شقه ... واول ماخشت لقت سمر واقفه تبكي وشناطيها فم الباب .... واول ماشافو بعض قالتلها سمر ...
سمر ( تبكي زي مجنونه وتقوللها ) .... سمعته يكلم في امه ويقوللها اني وسمر بننفصلو ... تصوري يامريم قاللها معاش تلزمني سمر وانتهي كل شي بينا يامريم ...
وغمرو بعضهم وبدو يبكو .... وبدت سمر تحكي بهستيريه علي الا تحس بيه وتبكي ... ومن كترة صدمتها ماحستش حتي بي مريم الا كانت زي القتيله .... وبعد مافضت شحنتها .... لمت مريم حوابجها ... وطلبت منها سمر ...
سمر .... (مسحت دموعها ) حطيني في حوش بوي خلاص انتهي كل شي ..
مريم .... صدقيني ولا يستاهلك ... خلاص معاش تبكي ... تعالي نطلعو من هالمكان اقلها ترتاحي ... والله ما يستاهلك ياسمر ... رجاله كلهم زي بعض ... نفس السهم بنفس الخلطه المسمومه صدقيني ...
وخدتها وطلعو ... وقعدة سمر طول طريق تحكي وتبكي ... ومريم تسمعلها وتبكي وكأن من يصب علي جرحها ملح ..
.
وبعد ماوصلو للحوش ... نزلت مريم شناطي حطتهملها فم حوشها وحظنتها وكأن هالحضن اخر حضن ليهم ... وبعد ماغمرو بعضهم ... ركبت مريم لسياره ... وسمر ودعتها وخشت لجنان تبكي ... واول ماخشت لقت عقاب كيف نازال ... فا قاللها ...
عقاب ... خيرك تبكي ؟ ومن وصلك ...
سمر .... (مسحت دموعها وقالتله ) مريم ...
عقاب .... خيرك تبكي ؟ خشي للحوش اني جايك .... وطلع ... واول ماطلع لقي مريم مدرسه وتمسح في دموعها فاطق علي روشنها وقاللها ...
عقاب .... طق طق ... مريم افتحي ... مريم ...
بينما مريم اول ماسمعت صوته ولعت سيارتها ودارتها رابعه وطلعت وهوا واقف وحط ايديه علي راسه ومصدوم ومش فاهم شي ... وبعدها جبد تلفون من جيب سرواله واتصل بيها مره تانيه ... فاكانت الاجابه ...
عقاب .... الرقم الدي طلبته .... خارج نطاق التغطيه ...
وفي اللحظه الا خشت فيها مريم لجنان حوشهم وهيا منهاره بالبكي ... فجأه وبدون مقدمات جاها الم في نهاية بطنها قاااااااااتل بحيت من شدة الالم ... خلاها تعيط عيطه سمعتها امها من المطبخ ... وبعد العيطه ... طاحت صاخت في جنان ....
يتبع
Kinda
