🌼🌼🌼 هادي الروح ... لك تشتاق 🌼🌼🌼
الحلقه التانيه عشر ... 💗💗💗💗 ( الحلقه الاضافيه )
عقاب ... مصعب ... اهلين .. ماشي الحمد لله .. اسمع بنقولك اني غيرت راي .. اليوم اهو وتيت شنطتي و متسقد للبحر ان شالله ... لا لا بنقوللهم يخلوها زي قبل شهر بشهر ... خلاص نتلاقو غادي .. ماشي ....
وسكر تلفون وطلع بسيارته يجري لين غبر شارع كله ....
وفي اللحظه هيا .... مريم كانت في دار تبكي ... بس بعد ماهرت نفسها بالبكي ... فجاه قعمزة علي سرير ... وخطر علي بالها سؤال ممكن اول مره تساله لنفسها بالجديه هيا ...
مريم ... اني علاش يصيرلي هكي ؟ اكيد مش من فراغ ..
زعمك اني مش واخده رضي امي ؟ مش سامعه كلام بوي ... اديت حد في حياتي ... علاش اني ديما الا نخسر في الاخير .. ياااارب ساعدني اني تعبت ... اني نبي نطلع بس من كل القداره الا عايشه فيها هيا بس ... وفجاه بين كم الاحديت الا خاطبتها لربي ماقطعش دموعها ومنشادتها لربي الا صوت طقت الباب ...
مريم ... لحظه بس ... ومشت تجري للحمام تغسل في وجهها ... وفي نفس الوقت سمر كانت واقفه علي الباب ...
سمر ... وين مشت هيا هدا غير قتلي تلقيني واتيه باش نمشو للمصحه ...
ووهيا كيف بطق ... نفتح الباب ..
مريم ... سامحيني كنت راقده بس ..
سمر ... اي واضح وعيونك حمر وبكي ودموع ... خلي نقولك اني ههههههه راقده طبيعي لان ليلتك امس سهريتك صباحي وعيونك منفخات من بكي لان حبيب القلب رجع للبحر ومره هادي قالي مطول شويه متع تلاته شهور ..
وهنا مريم ابتسمتلها ابتسامه كانت بدايت الانفجار .... وانهارات بالبكي في مره وحده زي طفل الا خاب ضنه من كل شي حوليه .. الا تاه وماعاش عرف طريقه وين ...
سمر ... مريم خيرك تبكي ... سامحيني حبيبتي معاش تبكي ... مانندريش انك متضايقه انه بيمشي هكي
مريم ... امتي قالك انتي ؟
سمر ... كلمني قالي اني ماشي وقالي ردي بالك علي مريم وقوليلها لو احتاجت شي تفتح الخزنه الا في دولاب دار نوم وقالي تلقي الباسورد فوق الخزنه محطوط ... وقالي ماتخليها تحتاج شي اي مشوار ارفعيها ليه واني خليت مفتاح سيارتي تانيه ... وطلب مني ندربك باش تسوقي وتديري كل مشواريك في غيابه ... اي نسيت ... وبعتلي رقم قالي اعطيه لمريم لو غيرت رايها وحبت تكلمني عليه ... رقمه مدار لان شفرته هيا بيسكرها ..
مريم ... ( مع تنهيده كبيره ) ...
سمر ... خيرك تتنهدي كان في شي علي قلبك ؟ وبعدين شن قثة رايك ... هوا انتم متعاركين ؟
مريم ... لا لا مافي شي ( ومسحت دموعها )
سمر ... زعلك عقاب .؟ ماتزعليش منه راهو دفش وكلامه في الهواء ياربي بس والله شهم وقلبه طيب ووفئ ..
مريم ( اعطتها بالقفي مع ابتسامة استهزاء ) ... لهدا مش حابه نقولك ( قالتها بالهمس وبعدين علت صوتها وقالتلها ) .. نبدل حوايجي ونطلعو ..
سمر ... لو متضايقه اجليها حبيبتي ..نمشي معاك عادي في اي يوم انتي تبيه ..
مريم ... لا لا ضاقو خلوي منه وبنحيه ..
سمر ... اوك خلاص تمام بري بدلي ...
خشت مريم لدارها ... بدلت حوايجها ... وبعد شوي طلعت ...
مريم ... هيا
وطلعو هما زوز وسكرو الباب وراها ونزلو وركبو في سياره ... وطلعو ...
ومافاتتش نص ساعه لين وصلو للمصحه ... وخشت مريم ... وهنا حست بااحساس حلو رغم كل المشاكل الا تمر بيها ... لانها واخير بتقطع اول حديد كبل ابتسامتها .... وخشت لدكتور بقلب رحب جداااا ... ومافاتتش نص لين فكت تقويم ودارلها تنضيف بسيط وطلعت ...
سمر ... الله تغيرتي يامريم بدونه 180 درجه الله ..
وطلعو من العياده وركبو لسياره ومشو ...
مريم ... هوا اني لهدرجه سيئه ؟
سمر ... تبيني نحكي معاك بصدق ؟
مريم ... اكيد سمر ... واني هدا اكتر شي عاجبني فيك صراحتك ... احيانا تفيدي بيها شخص من غير ماتحسي
سمر ... انتي تهبلي ومافيش منك ... بس الحق وبدون زعل ..نفسيا بس .... اما الباقي فاانتي مش حابه نفسك ولا عاطيه لنفسك اي اهتمام ...
مريم ... كيف يعني .؟
سمر ... انتي حابه نفسك ؟
مريم ... لا واليوم بدات زدت كرهتها ...
سمر .... ادا اصنعي من نفسك شخصيه تحبيها ... ونقولك شي مش كل شكل داخلي ... صدقيني مظهرك الخارجي لو كان ضعيف ... رح يشكل تغره لااي وحده تهدم بيتك ...
مريم .... علاش تقولي هكي ؟ عقاب قالك شي .؟
سمر ... من غير مايقول شي مريم اني اخته ونعرفه ... ونعرف كل شي حتي ولو مابتيش تحكيلي تفاصيل ..
مريم ... ( اتنهده وماتجرئتش تسألها اي سؤال تاني ... )
سمر ... مريم نصيحه مني ... ابحتي في داخلك علي مريم الا انتي محتاجتيها باش تكملي نهاية الطريق ... اما خاريجيا فاخليه عليه اني ... مش قتلك اني اختك ... خلاص اعتبريني اختك ...
وهنا مريم ضحكت ضحكت استهزاء لما شبهت سمر نفسها بي مرام ... وبعدين قالتلها ..
مريم ... اني محتاجه حد يوقف معاي الفتره هيا ... وربك سبحان الله لما يقطع منه من هنا يوصله خيط امل من هنا ..
سمر ...هههههههه باهي توا فكينا من دموع وامسحي دموعك .. بنرفعك لمزينه صاحبتي في غوط الشعال ... فاتحه مزين صغيرون في حوشها ... تهبببببل تهبببل ... بنكلمهالك ..
مريم ... نتحشم فكينا ..
سمر ... مريم انتي عروسه مفروض مره في الاسبوع عند مزين ... معقوله ليك توا اكتر من شهر متزوجه ومن ليلة حفلتك معاش مشيتي لمزينه شوفي وجهك وحواجبك ..
مريم .... واتقه منها انتي ...
سمر ... ياخبيره انتي في صيحات موضه .. توا طلعتي خايفه من صاحبتي زباله هههههههههههه
مريم ... ههههههههههه والله ضحكتيني واني ماعنديش نيه نضحك ... لا لا والله لا انتي تعجبي فيا نزاكتك ودوقك ولبسك من اول يوم ... كانت في وحده كانت نجمتي في لبس وجمال ... بس نجمه هيا انطفت وخديتي انتي مكانها ( عيونها لمعو بدمعه مع ابتسامه علي جنب )
سمر .... ربي يخلينا لبعض يارب ... انتي تعوضيني الفرااغ الا امي خلاته ...واني نعوض الفراغ الا دائما كان اصلا مكانه فارغ (مع ابتسامة )
مريم .... سمر بنسالك ... انتي في شي داستيه عليا ؟
سمر ... اني .. بالعكس لا لا ... مش اني الا ندس في غيري كاتم في صدره ومخبي ... وصلنا واخيرااا ..
مريم ... انتي كنتي جايتها هنا بالتعني ؟
سمر ... اي اني كلمتها عليك ووانتي طالعه تمدلك ورقه جيبهالي ..
مريم ... اوك .... انتي علاش ماتبيش تنزلي ...
سمر ... لا لا خليني في سيارتي افضل ... نستني فيك ...
مريم .... بنقولك حاجه بس متحشمه ... امك كيف وانتي نخش للمزين ؟
سمر ... ( وهنا طلعت منها كلمه بي اندفاع متهور وقالت ) ... امي ماتت باش تحافظ علي زواجك ... ولو كانت عايشه كانت هيا حطاتك بنفسها هنا ...
مريم .... انتي تحكي في اللغاز ... امك شن دخلها ؟ وانتي اكيد في شي داستيه عليا ...
سمر ... مافي شي ... كل الا صار ان امي امس حلمت بيها وقالتلي ردي بالك من وردة حوشنا وقولي لخوك يحافظ عليها ..
مريم ( لمعو عيونها بدموع وقالتلها ) .... انتي بجد تدوي .
سمر ....اي وقلت لي عقاب اليوم الكلام هوا ...
مريم .... امتي تلاقيتي انتي وعقاب ...
سمر .... اليوم لما روح من خدمه وقبل مايركبلك ... خش شوي هدرزنا وروح ..
مريم ... قالك شي .
سمر ... علاش تسالي في شي .
مريم ( باارتباك ) ... لا لا خلاص بننزل اني ...
ونزلت مريم بسرعه للحوش الا درست جنبه سمر .... وفاتت نص ساعه وماطلعتش وبعدها نص ساعه تانيه وماطلعتش ... فا انشغلت عليها سمر .. وفي اللحظه الا بتتصل بيها ... طلعت مريم ...
سمر ..... هيييييييييييي .... الله ... والله تغيرتي يامعفنه ...
مريم ..( ههههههههه )
وقعمزت علي الكرسي وقالتلها ...
مريم .... هدا قليل من كتير ... بكرا قالتلي نكملك .... اليوم هدتلي لون شعري بعد الاسود الا صبغته في عرسي دارتلي حواجبي ووجهي و جبدتلي شعري وحطتلي شوي مكياج ... وبكرا بتكملي الباقي ... وبصراحه بنقولك شي ... ومتحشمه ...
سمر ... شن في .؟
مريم ... خديت عندها كورس لمدة اسبوع ... تعلمني كيف نحط مكياج البسيط متع طلعات البسيطه والحوش ... كان حلم حياتي ناخد كورس ...
سمر .... اااااي معاك حق ... اي وبنزيدك بيت علي شعر ... عندنا مشوار تاني اليوم ...
مريم .... وين .؟
سمر .... بنسجلك في نادي رياضي ...
مريم ... علاش سمينه اني ؟
سمر .... لا لا بالعكس جسمك يهبل بدي علي لما كنتي عروسه ...
مريم ... اي بعد ظروف الا مرة بيا وحولت لحوش جديد قلت شهيتي ومن وزن 70 في اسبوع عرسي لقيت روحي اليوم وصل وزني 59 كيلو ...
سمر .... اي حسيت بيك ... ضاعفه هلبااا قولت شكله عقاب مجوعها فوق ههههههه
مريم ... لا لا بالعكس بس اني نتحشم والشهر هوا بدات شهر مختلف علي باقي حياتي ...
سمر .... ان شالله تكون اخر الاحزان عليا وعليك ياررررب ... والله لولا حزني علي امي ماكنتش وقفت في صاله وكنت سايرتك بس الله غالب امي مازالت حارقه قلبي موتتها ...
مريم ... امك كيف ماتت سمر ؟
سمر ... (ارتبكت شوي وبعدين قالتلها ) ... هبطلها سكر طاحت جي راسها علي حاشية طاوله لما طاحت هدا سبب بس ..
مريم .... متأكده مافي شي تاني ؟
وهنا سمر اتدكرت جزء من حديتها مع عقاب ...
مريم... عقاب ... مريم انت بروحك قولت طلعت مظلومه ... واني كنت عارفه من اول يوم بس ماكانش عندي دليل ... فاحرام عليك تحملها دنب شي هيا بريئه منه ...تحملها رقبه بني ادمه ربك كتبلها هكي ... الا بينا يقعد بينا وبس .
وهنا شبحت لمريم وقالتلها ....
سمر ....اكيييد مافي شي تاني ههههههه .. خلاص خلينا نلحقو نشتركو في نادي متعي لان المغرب بيادن وقريب يسكرو وبنعرفك علي مدربتي وبنوصيها عليك ... ونروحو ... وبكرا عندنا مشوارين مشوار للمزين ومشوار تالي ..هههههههه
مريم .... هههههههه انتي وين كنتي مدسوسه من زمان بس ...
سمر ..... ههههههه😍😍 الحمد لله حسيتك تغير جوك علي صبح ..
مريم ... وهادي اول حاجه حابه نغيرها فيا ... العبط والهبل والطيبه الزايده ..
سمر ... بالعكس حبيبتي ... بس وجهيها للمكان صح بس ولشخص صح ... يعني اعرفي شخص الا يستهلها وشخص الا مايستاهلهاش ...
مريم ... ( مع ابتسامه ) ... ولهدا اني مطمنه لما نكون معاك ...
.وبعد شوي وصلو لصاله وتمو مشوايرهم ... وروحو ... واول ماوصلو للحوش سمر قالتل لمريم ...
سمر ... تصبخي علي خير حبيبتي ... اي وبكرا ساعه 10 ونص نلاقاك واتيه لان مشوار تاني يبي وقت ... وجيبي معاك مبلغ كبير شوي ..
مريم ... كم يعني .
سمر ... مش قتيلي 2000 اعطهملك من قبل عقاب ؟
مريم ... صرفة منهم شوي بين عياده ومزين ..
سمر ... خلاص زيدي عليهم الفين تانيات وبعدين ساهل ...
مريم .... مش عارفه .. خوك قصدي مش من حقي ...
سمر ... عقاب هوا الا قالي مريم اي حاجه تبيها تاخد قد الا تبيه من الخزنه
مريم ... اوك ... تصبحي علي الف خير ( وركبت شوي وبعدين قالتلها سمر )
سمر ... نعم ...
مربم ... عادي تركبي تباتي فوق ؟ نبي نتكلم معاك في موضوع ممكن ...
سمر ... اي عادي .. بس هل بتاخدي رقم عقاب ؟
مريم ... لا لا مانبيشي حاليا ( مع ابتسامه صفره وبعدين قالتلها ) .. نستني فيك فوق ... بدلي واركبيلي .. عندي موضوع حابه نحكيهولك.
سمر ... اوك ... ان شالله خير .
يتبع ...
Kinda
