💔💔 هادي الروح ... لك تشتاق 💔💔
الحلقه العاشره ... 💖💖💖
ملاحظه ... ... 😍😍😍 نفس اتفاقنا قبل علي موضوع الحلقه الاضافيه 😍😍😍 بعون الله .
فا مشتطة شعرها كوده كوريه مع نفخه بسيطه وحطت روج بسيط ومسكره وكحل وبخت من ريحه الا شمها عليها تاني مره تلاقي فيها معاها وهوا مع حميدا .... واستنت لين خش لدار جاب حوايجه قعمز شوي علي سرير شاف رسايل الا في الاي باد متعه وبعدين لوحه علي سرير ونحي تيشرته الا لابسه لانه كان يتريض وولي عرق وطلع الفوطه وبيجامته ومشي للحمام .... وهنا فتح باب الحمام علي طول لانه شاف مريم لوطه وهيا كيف خاشه لصالون بدون ماتشوفه وفي ايدها القهوه ... واول مافتح باب الحمام ... دارت روحها كيف بتبدل حوايجها (.......) ...
مرام ..... اااااااااااااااااااااه ...
عقاب .... اسف اسف اسف ...
وسكر الباب وطلع يجري خش لدار ... وهنا قعد يحك في لحيته بعصبيه وبعدين عنده زي المخده طويله يتدرب فيها ... قعد يضرب فيها بقوه ورد غيظه فيها علي الموقف الا نحط فيه ... وبعدين قعد يمسح علي راسه وماشي جاي ويتدكر في شكلها قبل شوي ومش قادره تمتسح صوره من دماغه مهما حاول يخبط عليه ...... وفي لحظه بعد ماغمض عيونه وخدي شهيق وزفير قوووي لانه خايف بجد معاش قادر يسيطر علي نفسه زيه زي اي بني ادم شاف بنت حاس قلبه معاها .... وفي لحظه حس صوت خطوات خفيفه في الممر فامشي جيهة الباب ... وهنا وقفت عند داره وحطت ايدها علي مانيله ... وفي نفس اللحظه ... غمض عيونه وتنهد ودار طقه لباب الدار .... وبعدين فتح باب البلكونه وسكره وراه وطلع وولع دخانه وقعد يدخن بعصبيه وحط ايديه علي راسه ويفكر ... وهنا خش لدار خدي تلفونه من علي شكماجه وطلع للبلكونه وقعد يدخن بعصبيه ويتصل بالتلفون ...
عقاب .... تعالي فوق ...
مريم .... شن في في ناس لوطه ..
عقاب ( بعصبيه وعياط ) .... بدوووووووووون نقاااااااااش تعاااااااااااالي ...
وهنا ركبت مريم زي مجنونه بسرعه ... ولفت اختها فم الباب اللوطي متع حوش عزوزتها .... فاقالتلها ...
مريم ... سمر لوطه ... نركب شوي بنجيب حاجه ونجي ..
مرام ... خيره وجهك اصفر في شي ؟
مريم ... لا لا غير دهشت بس ... شوي ونجيك ..
مرام ... اوك ...
وركبت تجري مريم من الخوف وقلبها بيطلع منها ...
واول ماوصلت ... مشت تجري لجناح نوم ولقاته في دار ...
مريم .... طق طق .. عقاب نخش ؟
وهنا فتح الباب بسرعه وهب عليها بالعياط ....
عقاب .... ( بعصبيه ) ااااااااانتي كيف تسمحي لروحك تدخلي شخص للحوش وتخليه يستعمل اشيائنا شخصيه بدون علمي ... كييييييييييف ...
مريم ... ماهو ماهو قصدي مرام اختي ...
عقاب ( خبط علي راسه بقوه وبعدين تلفت وقاللها ) ... اني عاااااااارف اختك بس اعطيني علم ... قوليلي ياحيوان راهو في بني ادمه في الحوش عندنا ... البنت فتحت الحمام عليها بدون مانعرف ... ووووووين عقلك انتي .. حطيتيني في موقف زي زفت ...
مريم .... ( متحشمه ومحرجه وعيونها مليانات دموع وراسها في الارض ) ... اني اسفه ...
عقاب .... أسفه ... تمام ... اني هكي استفدت صح تمام ... باهي يااميرة الحوش ممكن لو سمحتي تتفضل وتتكرمي وتقوليلي اختك امتي بتروح باش نطلع من الحوش لين تروح باش تاخدو راحتكم وننحرق اني في قاااااز ...
مريم .... ماهو في شي ... قصدي بدون عياط ... اني والله زي زيك مانعرفش الا لما خشت .. انها جابت شنطتها وقاعده بتقعد عندنا يومين بس بس تغير جوها ..
عقاب .... تغير جوها ... اها تمااااام تغير جوهااااااااااا .... اوووووك ... وفتح دولابه ... ولما حوايجه كلللللللللهم في غمره وطلع ....
مريم .... شن تدير في ناس لووطه ... البس تيشرتك ...
عقاب .... مادخلكش بياااااا نبي نطلع هكي ماااااااااش ... يخي نقولك ... اهااااا ونحي سبته سرواله وفتح البطمه ... وماوقفش الا علي عيطة مريم ..
مريم ..... لا لا ... خلاااااااص اطلع بدون تيشرت ... خلاص ... ( ودموع يصبو ومغمضه عيونها ) ... وفي اللحظه الا طلع فيها ووصل فم الباب ... قعدة تبكي وقالتله .....
مريم .... شن بنقول لاهلي لما تقوللهم ... انت قوتلي مش رح نقول ... هما فاهمين اني عروسه ...
وهنا وقف وتلفتلها وشبحلها شوي بعدين تنهد ولوح الحوايج علي الارض وقعمز علي صالون وحط ايده علي راسها وقاللها ....
عقاب .... خودي بعضك وانزلي ... اني مش ضامن نفسي ...
مريم .... اوك ( ومسحت دموعها وطلعت وسكرت الباب وطلعت ) وهنا عقاب ناض بسرعه وضرب الفازه الا كانت واقفه بجانب صالون علي الارض جابها فترايش ... وخش لدار وطلع للبلكونه وولع سبسي تاني وقعد يدخن ويطلع في دخان من خشمه بعصبيه .. وحاط ايده في فمه ويفكر وبعدين خبط الحيط باايده وقال ...
عقاب .... ( شيت ) ... مضطر اني نقعد في نفس الحوش ونتحمل ... علاش ... اني تعبت بجد تعبت ... وخش داخل وقعد يضرب في مخده لحد مادهش وارتاح ... وبعدين استعود من شيطان ... وخش للمطبخ .... طلع باله ومكنسه ... وكنس الا كسره ولوحه ... وبعدين خدي حوايجه وخش لدار مريم ... وهنا لقي فردة دولابه قاعده فاضيه زي مانحي منها الحوايج ... فاستف فيها الحوايج وخلها مفتوحه ... ومشي لدار التانيه ... خدي حوايجه من فوق سرير الا كان بيلبسهم لما يدوش ... وخش للحمام .... قعد اكتر من ساعه فيه يفكر ويفكر ويراجع في نفسه وكيف مايخليش نفسه تغلط حتي ولو مشاعره كانت مايله بس هالاتجاه غلط ... وهوا مستحيل يدير عكس الا امه رباته عليه ... بس هل يقدر يتحمل للاخير ؟ مش عارف هل يوصل لمرحله ومشاعره تتمكن منه او يقدر يسيطر عليها ... وبعد حديت طووويل دار بين عقله وقلبه تحت دوش الميه السخونه .... قرر يخلي كل شي للقدر وسكر دوش وطلع ولبس روب الحمام وطلع .... واول ماشافهم في صاله واول ماطلع قعدو يشبحوله انصدم لان كان متوقعهم مازال لوطه ... وهنا مرام ابتسمتله ابتسامة لؤم شيطانيه ... بينما مريم نزلت عيونها وتلفتت جبهة تلفزيون ... وعطاته بالقفي ... وهنا قعد يشبح شوي بعد كمل سلت شعره ومش القدام ووقف وقال ...
عقاب ... حبيبتي مريم ... ياريت ياروحي توتيلي العشاء لاني ميت من الجوع ونبي ناكل حاجه من ايدك ... نخش نبدل ونطلع نلقاك موتيتلي العشاء ..
وهنا مريم من صدمه قعد راسها جامد وعيونها طلعو منها ومن ربكه نظرات طاحو من وجهها ... بينما مرام ناضت واقفه بوجه مصدوم وتشبحله بصدمة العمر ... واول ماتلفتت مريم شافتها واقفه ومصدومه ... فا ارتبكت وقالتلها
مرام .... خليك انتي ارتاحي اني نديره ...
عقاب ... اني نبي العشي من ايدين مرتي ( مع ابتسامة مجامله ) ... لو سمحتي ...
وهنا مرام من صدمه قعمزة بطيحه علي كنبه وتلفتت جيهة تلفزيون وتقرمط في ظوافرها بعصبيه ...
بينما مريم ... قعدة تشبحله وتاشرله بصبعه وتقوله .
مريم ... ( بالاشارات مصدومه ) ...متاكد ... اني ؟
بس هوا اكتفي بنتش شاربع بعصبيه من غبيه الا قدامه وطلع وخش لدار وسكرها وراها وبدل توته وبخ برفانه وطلع ....
وقعمز علي صفره هوا وياها ومرام ...
واول ماجت تصبله في شاهي قاللها ...
عقاب .... بعد ماتكملي تعالي جنبي ...
وهيا مصدومه لين بزعط الشاهي وهيا تشبحله ومصدومه ...
عقاب .... مش مشكله ولايهمك ... ( مع ابتسامه ساحره ) ...
وحط ايده علي ايدها وخدي الطرف منها ومسح سرواله وقاللهم ..
عقاب .... نستادن نبدل ونجي ...
واول ماطلع عقاب صار هدوء شوي وبعدين انتفضت مرام وقالتلها ...
مرام ... ( بعصبيه وسم ) تحشمو شويه اني جنبكم مش هكي ... نروح وخودو راحتكم ..
وفي اللحظه الا بتتكلم فيها ... خش فيها عقاب وقعمز علي كرسيه ومريم جنبه ... وخدي فوطه حطها عليه وحط ايده تانيه علي ايد مريم وابتسم وقاللها ...
عقاب ... شرفتينا اني ومريم اكيد ... ومتاسف علي موقف مبكري ماكانش عندي علم ان في ضيف في بيتنا ..
مريم ... لا لا عادي وشكرا ...
وبعدين قعدة تشبح لايده علي ايدها وقالتلهم ... الحمد لله شبعت ...
وناضت وقالتلها ...
مرام ... ممكن ترفعيني لداري بنرقد ...
وهنا مريم شبحت لعقاب شوي الا كان لاهي ياكل ولا عبر نوضتها اصلا من صفره ... وبعدين قالتلها
مريم .... اوك تفضلي ...
ورفعتها لدار الا كان راقد فيها عقاب ... وجابتلها شنطتها في دار ...
وسكرات الباب ... وقعمزة علي سرير و حطت ايديها علي راسها وتفكر
بينما مريم رجعت للمطبخ لقت عقاب واقف علي روشن ويدخن .... فا قالتله ...
مريم ... خيرك ماتعشيتش .
عقاب ... شبعان ...
وطفي دخانه علي طبله وطلع ...
ومشي لدار نوم مريم ... وطلع مندار الرياضه الا يتريض عليه كل صبح ... وطرحه ... وحط عليه بطانيه من دولاب وخدي مخده من سرير ورقد عليه ... وبعد دقايق خشت مريم .... واول ماشافته قالتله ...
مريم ... علاش راقد لوطه ... تعالي علي سرير واني نرقد لوطه ..
عقاب ... مرتاح ( وعطي بالقفي ) ..
مريم ... رح تمرض هكي لو سمحت نوض ..
عقاب .... قونالك اني مرتااااااح خلااااص .. طفي الضي
مريم ( بكسرة خاطر ) .... اوك ...
وطلعت من دار وهيا تفكر في الا صار ... بس بعد لحظات تغير جوها ونست تكشيخته عليها اول ماتدكرة الموقف وخاصة ولأول مره تسمع كلمة حبيبتي في حياتها .. وقعدة تبتسم زى العبيطه وتضم في سباط الخبزه بدون ماتحس ... وماقاقتش من احلامها الورديه الا بتعليق جاها زي الخبطه علي راسها ...
مرام .... هوا انتم تحبو بعض لهدرجه هههههههههه ...
مريم ... اكيد ...
مرام ... تمام ميه ميه ... بس علاش شمعدان الا بجانب دولاب عليه حوايج معلقات ؟ ورف الكنادر علاش فيهم كنادر عقاب بس ... ..
مريم ... ( ملامحها متزرطه وترد بارتباك ) ... انتي مش رقدتي شن نوضك ؟
مرام ... نبي نشرب ميه بس ...
وخدت طاسة ميه وشربت .. ووهيا كيف بتطلع ووصلت فم الباب قالتلها ... علاش ماردتيش عليا .. بجد قلقت علي حبكم ..
مريم .... ماتخافيش علينا ... هادم حاجات زايدات علي عقاب ...
مرام ... اه ههههه صح صح ..
وطلعت ...
وهيا طالعه قالتلها ..
مرام ... اي نسيت ... وساعاته 7 ساعات وبرفاناته . حتي هما زايدات هههههه ( بنظرة سم واستهزاء ) اكيد حتي هما صح ههههه ... بنقولك عندك شرشاف ومخده جديده ؟
مريم ... علاش ؟
مرام ... فيهم ريحه رجاليه ... ممكن هيا نفس الريحه الا كان باخها عقاب علي طاوله ... وانتي عارفتيني مانحبش نرقد علي شرفاف فيه ريحه الا ريحتي ... ياريت بكرا تغيرهولي ...
وطلعت من مطبخ مبتسمه وخلتها واقفه تشبح مصدومه ...
وهنا خشت مريم بسرعه لدار وسيبت كل الا في ايدها وخشت تحت بطانيتها وصدمه في كل افكارها ورقدة ... لانها توا بس حست ان مرام في شي في تلميحتها وكلامها ... والباين انها مانستنش الا كان ...
وفي اللحظه هيا مرام كانت تفكر وتفكر في دار زي مجنونه ... بعدين قالت ..
مرام ... نحلف عليهم الا في شي غلط صاير في حياتهم وكل الا فيه تمتيل بتمتيل ... بس لامتي بتقعد صامد يا بش مهندس عقاب مصيرك تجي راكع بين رجليا وتطلب مني سماح ... علي اساس يحبها ههههههه لو مش اختي ولو عميه مانشوفش كنت صدقت ههههههههههههه ....
وفجاه هب الهدوء في الحوش ونام الكل .... ومافاقتش مريم الا علي صوت عقاب يلبس في كندرته ...
مريم .... صباح الخير ... نوتيلك فطورك ...
عقاب ... ياريت تخلينا زي ماكنا لان حاليا مازادش في حياتنا الا اختك فقط ..
مريم ... شن تقصد ...
عقاب ... ارجوووك ماتصعبيهاش عليا ..
وطلع من دار ... وهنا لقي مرام كيف بتطلع من دارها ..
فامشي بدون اي تعليق او انتباه ليها ... بس هيا قالتله ..
مرام ... عقاب لحظه .. ممكن تحطني علي طريقك في كليه عندي امتحان ؟
وهنا عقاب شبح لي مريم وشبحلها وقاللها ...
عقاب ... ماشي ... بسرعه بس عندي موعد مهم ..
مرام ... مش رح نعطلك نلبس كندرتي بس ...
وخشت خدت كندرتها وخديت ريحه بخة منها في كل مكان منها وطلعت ...
مرام ... ( شبحت لمريم ) ... باي باي حبيبتي ... وكانا اتصلت امي ماتقوليلهاش مشت .. قوليلها ماتت ههههه باي .
وطلعت تجري بسرعه ... ونزلت ولحقاته علي سياره ... وبكل جرأه فتحت الباب القدامي وقعمزة جنبه ...
وهوا قعمز وحاول يتمالك اعصابه قدر الامكان ... وبمجرد ماولع سيارته فتح مرش لان ريحتها الا كانت مليئه بااحساسيس الانوته والعشق .. طاغيه علي ريحة سياره ... فا فتح مرشها ومرشه وولع سيارته وطلع بسرعه رهيبببببه بمجرد ماخش في سريع .. لدرجة كانت سرعته 180 200 ... من كترة ارتباكه وخوفه من نفسه .. وكان حابب يحطها بااسرع وقت ممكن ... بس اول مازاد سرعه من 180 الي 200 .. مسكت في ايده بالقوه بظوافرها الا كانت محطوطه علي المارشه ... وكيف نزل راسه باش يشوف ايدها الا محطوطه في ايده و من صدمته نسي انه يسوق واول مانزل راسه باش يشوف الموقف وهوا في قمت صدمته ... فجاه مرام قعدة تعيط ...
مرام .... ( وملامح الخوف والفزع علي كل وجهها ) عقااااااااااااااااااااااااااااااااااب ...
يتبع
Kinda
..
