💕💕💕💕💕💕💕 صباح الورد حلقة اليوم 💕💕💕💕💕💕
🌼🌼 هادي الروح ... لك تشتاق 🌼🌼
الحلقه التانيه ....
مرام ..... يا معفنه سكري توا لاني نرعش مع بعضي من الارتباك وشويه تانيه بندوخ ويهبطلي سكر من جماله ووووووووه علياااا وووه سكري توا نكلمك بعدين باااااااااي ...
ووصلت فم حوشهم ووجها مايتفسرش ..
وهنا لقت مريم راده الباب .... فاجبدت الباب سكراته وقعدة طق وتكحل فيه من تحت نظارات وهوا كيف راكب لسياره ولبس نظراته وولع سياره وحميدا طبس عليه من مرش ...
وهنا علي فتحت مريم الحوش ..
مريم .... اللطف شن سكره الباب خليته مردود ...
مرام ..... حولي يابلوه سنه باش تفتحي من بكري نطق ..
مريم .... شن واقفه تديري كنتي مع حميده ؟
مرام ..... هههههههه خشي توا نحكيلك ...
مريم ..... تكلمي شن في خيره ؟
مرام .... احتمال بيجيك عريس ههههههه
مريم .....؟؟؟؟
مرام .... هههههههههههه اي اي حميدا عالق فيا يبي يعرف اسمي باش يبعت اهله قتله اسمي مريم ...
مريم ..... )) وهنا مريم عيونها ولو شرارات حمر وناضت بغل غلها وشدتها من شعرها وقالتلها (( انتي تافهه كيف تتصرفي هكي كيييييف
مرام ..... نحي ايدك ياغبيه ياشينه .... اني الغلط فيا الا شفقت علي وحده زيك وقولت نكسب فيك اجر بالك يجيب ماليه ويتدبس فيك وياخدك
مريم .... )) ردت مريم بعصبيه و دموع يصبو والوجه احمر (( مانبي منك شي ومانبيش ننخطب ومنبي شي غير حاجه وحده بس ربي يحرقلك قلبك زي ماتحرقيلي في قلبي بكلامك يارررررب وانشوف فيك يوم وربي موجود ... وانتي تعمدتي تتصرفي هكي لشى فى دماغك لانك تعرفي وسمعتي من هناء زي مااني سمعت انه خاطب وعرسه قريب .
وطلعت وقربعت الباب وراها وخشت لدارها .... ومرام تلوحت علي سرير بعد ما نحت كندرتها وغمضت عيونها وهيا مبتسمه وكأن مظلة عيونها المغمضه هيا خلفيه لصور انحفظت في مخيلتها ومش رح تمتسح ...
وفي اللحظه هيا نفسها .... حميدا كان مازال مطبس علي عقاب ويهدرزو ....
حميدا .... رن رن رن شن هدا الزفت الاحرف ... هدا الا يخطب تقعدله زي مسمار جحي
عقاب ..... هههههههههه علي اساس انت عاقل ياحميدا ... مش عليا الكلام احنا صحاب من ايام الكليه راهو
حميدا .... حرام عليك والله اني ممكن اعقل راجل في الكره الارضيه
عقاب ..... اي اي صدقتك ... مالا البنت الا كنت بتاكلها بعيونك هادي شني ...
