هادي الروح ... لك تشتاق
الجزء التاني 💝💝
الحلقه التاسعه عشر ... وماقبل الاخيره 💞💞
ملاحظه ... ((😙😙😙البوست الا قبل هوا ... متع بوسر الحلقه الاخيره .... كان فيه غلط في رقم الحلقه والا كانت مفروض 20 لهدا مسحته ومشاهده ممتعه للكل يارب😗😗 ) )
Kinda
سمر ... والعرس ؟ والصاله الا اليوم تميت فيها ودفعت كاش والعشي الا حجزته والمصوره ... كله هدا التغي خلاص واني ندور من صبح ؟
عقاب .... من قالك العرس رح يتوقف ... بالعكس العرس رح يتم في موعده ؟
سمر .... شن تقصد ؟ عرس من غير عروسه ؟ فهمننننننني خلاص انت بتهبلني او شني ؟
عقاب .... انتي عبيطه سمر ؟ ومريم شني بالزبط ؟؟
سمر .... ( واهنا نغمرة بالفرح وبدت تعيط وتضحك ) ههههههههههه والله انت داهيه الله ماتفوتش فرصه بكل ...
عقاب .... اهددددددي توا تسمعيها ... مهم نبيك تساعديني ... بس قبلها توعديني بشي سمر ..
سمر .... اوك ... شن في ؟
عقاب ... تعالي في مطبخ جعان ناكل شي ونقولك شن ناوي بالزبط ... بس قبلها مانبيكش تقوليلها شي ... كأنك ماشفتي شي
سمر ... اوك تمااااام هيا احكيلي
وهنا ماخش عقاب وسمر للمطبخ وحكي لسمر شن ناوي بالزبط قالتله ...
سمر ... حرام عليك ... معقوله بتبهدلها هكي ؟ ههههه بس والله فكره تهببببل ... اوك اني بالنسبه ليا اليوم شني ... الاحد صح ؟ بكرا صبح نعطيهم الا يبوه حتي ولو اضطريت اني نغير صاله ونقدم الموعد لخميس هوا ...
عقاب .... حتي هيا الا دارته فيا مش شوي هههههه ... مهم هيا لازم انتي توصليلها معلومه بطريقتك ( مع نظره شيطانيه )
سمر .... ااااااص هيا خليها عليا ... هادي لازم مانوقعوها في شرك ويادوبك ههههههههه
عقاب ... تم خلاص كلميني بكرا صبح باش بعدين نمشي لي بوها ونقنعه وبكرا نتم اني وياه كل شي ...
سمر ... اوك تمام ... واني مش رح نحسسها بااي شي هههههههه
عقاب ... خلاص طيري خليني نخش ندير دوش ونبدل باش نمشي لبوها ... سكري الباب وراك ...
سمر .... اوك ههههههههه ( وطلعت تجري )
ونزلت بسرعه لشقتها وطلعت مفتاح وفتحت الباب ... وفي اللحظه هيا سمعت مريم تتكلم في تلفون فاوقفت وقعدة تسمع فيها من ورء الباب وهيا تقول لامها ....
مريم .... ماما اني بنمووووت مازال علي عرسه بس 3 اسابيع واني مش عارفه ندير شي ... وتقوليلي روحي ؟
امها .... احنا روحنا خلاص وبوك سالني عليك واضطريت نكدب ونقوله انك في شقت سمر ... مريم ماتهبلنيش معاك اني سايرتك وكاني مراهقه تخطط مع صاحبتها ... بس الباين الميه والملح خفو ... فاخلاص اخر فرصه ليك بعد بكرا ... لو ماروحتيش مش رح نكدب علي بوك اكتر من هكي ...
مريم ... بس ياماما اني مازال عندي امل بالله عليك نقعد للخميس بس ياسيدي ولو مادرتش حل خلاص بالله عليك قوليله خميس ماما بالله عليك بالله عليك ..
ام مريم ... والله الخميس اخرلك فرصه وبعدها هوني تفاهمي مع بوك لما يجي ويكرك من شعرك وطلعوني منها اني لاني بجد تعبت
مريم ... صحيتي ماما نحبببببك هلبااااا يأحلي ام في دنيا ...
امها ... ان شالله يتمر فيك بس وتقولي امي وقفت معاي ..
مريم ... تعرفي ياماما لو صارلي وربك كتبلي نصيب مع عقاب تاني ... وعد مني رح نطلعكم عمره انتم زوز بس تصير معجزه بس ياماما .. ادعيلي بالله عليك انه يكون من نصيبي ...
امها .... يارررررب يابنتي ... يكون هالوليد من نصيبك وتتهني بيه العمر كلللله ياررررب ونشوفك اسعد انسانه في دنيا ... شن مازال نبي اني في اخر عمري غير نطمن عليك بس ... خلاص بري بوك ينادي ... سلام ..
وفي اللحظه هيا ودعتها مريم ودموع ينزلو منها من دعوات امها الا اتلجت قلبها وبتت في قلبها الامل من جديد ... وفي اللحظه الا كانت نايضه مريم من مكانها ... فتحت سمر الباب وخشت ... ووجهها مكزم وعبوس وكأن في حد ماتلها ...
مريم .... سمر ... امتي جيتي ؟
سمر .... كيف جيت ... توا ..
مريم ... خيرا وجهك ؟
سمر ... من خوي الغبي هوا ؟
مريم ... شن في مريم ؟
سمر .... اتصل بيا مبكري وصدمني .... قالي عرسنا اني ونهال تقدم ليوم الخميس الجاي تصوري ..
مريم .... ( بوجه مصدوم وعيون تعبو بدموع ) ... وانتي وافقتيه ؟ وغيرتي حجز ؟
سمر .... مازال بكرا بنمشي ...
مريم ...( وهنا انهارات بالبكي وقالتلها ) ... سمر انتي صاحبتي ... اقنعيه ديري حل ... سمر اني نموووت من غيره ...
سمر ... معاااااش تبكي ( بوجه معصب ) ... نووووضي عندك من هنا ليوم الاربعاء ... اليوم احد وبكرا اتنين وبعدو تلاتاء لازم قبل الاربعاء تكوني قنعتيه .... ومن توا وقتك بدي يامريم ..
مريم ... ( مسحت دموعها وقالتله ) .... هوا فوق توا ؟
سمر .... اي فوق ...
مريم .... اوك ديري اي سبله ... وخلينا نركبو مع بعض ... وبعدين تسبلي بااي شي ؟
سمر ... اوك فكره ... تعالي علي اساس بنظم شقته لاني الصبح طلعت من غير مانضمها اصلا وانتي علي اساس بتساعديني ..
مريم ... اوك تمااام
وركبو زوز مع بعض لشقه ... واول مافتحو باب شقه وعلي اساس بتسلل زي الحراميه ووكيف تلفتو لقو عقاب كيف طالع من دوش بروب الحمام وواقف وقاللهم ...
عقاب .... ( بوجه حائر ) ... خيركم ان شالله خير ؟
وهنا مريم تلكمست وقعدة تنخص في سمر وتقول ..
مريم ... هيا سمر كانت تضم .. قصدي تبي تض
وهنا سمر قطعت عليها وقالتله ...
سمر .... هيا تبي تقولك انها تبيك في موضوع مهم ... هيا نستادن منكم اني ...
ودفت مريم القدام ومريم تشبحلهت ومصدومه فيها وفي اللحظه هيا حست انها كرهتها ... واول ماجت عينهم في عين بعض شبحتله ونزلت عينها طول وانصمتت معاش عرفت شن تقول ... فا هنا ابتسم ابتسامه ساحره خبيته وقاللها ..
عقاب ... خيرك مريم في شي ؟ انتي زي اختي ماتتحشميش مني ( بوجه شيطاني ) ..
مريم ... ( بوجه مصدوم ) ... اني زي اختك ؟
عقاب ... ( بوجه مصدوم اكتر ) ... لا لا انتي فهمتي غلط ... لا انتي مش زي اختي ... انتي اختي فعلا 😅😅😅
وفي اللحظه الا بتتفجر مريم في وجهه تلفونه رن في دار ... فاقاللها ..
عقاب ... لحظه بس مريم ... خليك خليك نبيك ...
ومشي لدار نوم لبس حوايجه وطلع من دار لي وسط الحوش ووقف بجانب مريم الا كانت تستني واتصل بالتلفون وقال ...
عقاب ... الو ... ايوا حبيبتي ... اكيد ياروحي استاحشتك .. امتي يجي يوم الخميس بس ... من في جنبي ؟ ( وشبحلها وقال ) ... في جنبي اختي ههههه اي اي اختي بس ...
وهنا مالقتش روحها الا ودموع ينزلو منها ومشتله تجري وفكت منه تلفون وحدفاته علي طول ايدها وقالتله ...
مريم .... انت كيف تقدر تتصرف هكي ... حرام عليك الا تدير فيه فيا بجد حررررررام ...اني نحببببببك ... انت تبي تقتتتتلني ...
وفي اللحظه الا بتضربه علي صدره انزلقت في البورسلين ... فاشدها من خصرها وقربها ليه وقاللها ...
عقاب ... ( بوجه ملئ بالحب ) ... انتي شن تبي مريم ؟ مش قولتيلي سيبني وانساني ؟ مش انتي الا اخترتيها ليا يوم ماسمحتيلها تخش حياتي ؟ شن تبي مني توا مريم ...
واهنا قلبها بدي يدق يدق ومعاش عرفت كيف تتصرف وهما بينهم اقل من شعره بس وقالتله ..
مريم ... ( وعيونها حب وفيهم لمعة دموع ) ... انت تحبها بجد ؟
عقاب .... انتي شن رأيك ؟
مريم ... ( وهنا دمعو عيونها وقالتله ) ... اني نحبك عقاب ... عقاب ماتتزوجهاش عقاب ... انت مش وعدتني انك رح تعوضني علي كل الا فات ؟ علاش مش ناوي تكمل الا وعدتني بيه .. فهمني بس كيف قدرة تنسي الا بينا بس ..
عقاب ... ( اكتفي بالصمت وهوا عيونه ونظراته كلهم حب وكانه خلاص مش قادر علي البعد اكتر وقاللها ) ... انتي الا قولتيلي يامريم .. اني نقدت اوامرك بس ...
مريم ( قعدة تمسح في دموعها وقالتله ) ... وعرفت اني غبيه وبلهاء .. ونبيك ...ومستحيل نعيش من غيرك ...
عقاب ... هنا عقاب مالقاش نفسه الا وهوا يمسح في دموعها ويحضن فيها بالقوه وهوا مغمض عيونه ويشم في ريحتها لتواني ... وبعدين فاق لروحه وقاللها ..
عقاب ... اني مشغول توا عندي موعد مهم ... نتكلمو بعدين مريم ...
وخدي مفاتيحه وتلفونه الا كان محدوف وطلع ...
واول ماطلع ... نزل بسرررعه بعد ماتلفت وراه وهوا مبتسم ... واول مانزل لقي سمر ... الا اول ماشافته غمزتله وردلها الغمزه مع ابتسامه وطلع ...
وهنا ركبت هيا تجري فوق لي مريم ...الا لقتها كيف بتنزل من شقه ... وهنا قالتلها ...
مريم ... انتي وحده حقيره بجد ؟ بجد هدا موقف تديريه فيا ؟
سمر ... لازم ماتعرفي تواجهي مشاكلك بروحك لامتي بتلفي وتدوري عليه ... يابنتي الولد خلاص بيضيع منك وانتي قعده تكدبي وتلفي وتدوري ... مهم شن صار معاك قدرتي تقنعيه ؟
مريم ... مش عارفه ياسمر ... للحظه حسيت انه بجد يحبني ... بس تصرفاته غريبه يعني ماتدلش هكي ..
سمر ... هدا دليل انك غبيه ... يابنتي هدا معناها انتي ركبتي في داخله مشاعر التردد .. استمري وبينيله حبك ... بس بدون تطيح نفس .. يعني خليكم صريحين مع بعض بس ولازم تحكو وتفتحو قلوبكم لبعض ... واني متاكده بعدها رح يغير رأئيه صدقيني ...
مريم .... وكيف بيصير هالشي ؟
سمر .... عندي ليك فكره ماتخرش الميه هههههههههههه ... اني بكرا بندير روحي بنمشي لحوش عزوزتي ... وفجأه نتسبله بااي شي ونقوله بنتأخر شوي ... ... وانتي تكوني لوطه ... تنزلي تاكوات الحوش ... وبعد شوي نكلمه نقوله مريم بروحها لوطه وهيا تخاف من ظلام ... وخاصة ان الحوش مش واخده عليه ... وهنا هوا ينزلك تكوني انتي فاتحه شمعه ومشغله اغنيه من الاغاني الرومانسيه وتبدو تتسامرو الحديت ...
مريم ... سمر تتفرجي علي كرتون هلبا انتي ؟
سمر .... اني غبيه الا نساعدك فيك ماشي ... ياديري هكي يادبري راسك ...
مريم ... ااااااااه ... اوك نجرب اني شن خاسره اصلا ..
سمر .. لا لا خاسره عقاب ... يستاهل انك تبينيله حبك شوي ... ياسر الكلام الا نيلتيه ولامس نكدتي الليله نكد عليك ...
مريم .... عارفه اني غبيه ... وانه مش غالط ... واني اني لساني متبري مني ونكديه .. بس الله غالب هدا اني ..
سمر ..... خلاص خلاص سخفتيني ...شكله تلفوني يرن لوطه نسمع فيه من هنا ... خليك شوي بس ونركبلك ...
مريم ... اوك ماتعطليش ... خليني اني نخش نديرله حاجه حلوه لعل بيها نقدر نستميله ... مش يقولو اقرب طريق الي قلب الرجل معدته ... خلاص خلي نجرب واهو نلقي شي نفش فيه غلي ونودع مطبخي باش تجي البوبريصه هديكا الكلبه مرررررض ...
سمر ... ههههههههههههههه نزل ونجيك خليك بس ...
ونزلت بسرعه .... وخدت تلفونها وفتحت الخط
سمر ........ الو ...
عقاب ... خيرك سنه باش تردي سمر ... اسمعي اعطيني رقم ام مريم ... اني ضاع من تلفوني ...
سمر ... اوك وزي قولتلك ... هيا تعرف كل شي من مريم علي موضوعك يعني ماتخافش كلمها وهيا رح تساعدك
عقاب .... اوك تمام ... ابعتيلي رقم ...
سمر ... اوك
وبعتت الرقم لي عقاب في رساله ... الا اول ماوصلاته ... اتصل بالرقم طول ...
عقاب ... السلام عليكم اهلين ماما ... اني عقاب ...
ام مريم ... عقاب ... اهلين وليدي ان شالله خير ؟ في شي في سمر او مريم .
عقاب ... في بخصوص مريم .. وبدون ما نلف ولا ندور ... اني فم حوشكم توا ... وفي موضوع نبي نتكلم معاك فيه ...
امها ... خير وليدي ان شالله خير ...
عقاب ... عمي جنبك .
ام مريم .. لا لا بعيد عليا احكي وليدي ...
وهنا عقاب قاللها ...
عقاب .... من غير مانلف ولا ندور معاك ... اني توا جاي ونبي بنتكم بالحلال ونبي نتكلم مع عمي ...
ام مريم .... ونهال ياولدي ؟
عقاب ... ماما نهال موضوع طويل ... تسمعيه عادي ؟
ام مريم ... خش ياولدي داخل ونحكو الحوش حوشك ...
عقاب ... مانقدرش ياماما ... لان بصراحه هدا الا نبيك تساعديني فيه ... بس خليني نحكيلك قبل باش يكون واضح عندك موضوع من اوله ...
وهنا عقاب قعد يتكلم معاها اكتر من ساعه وقاللها كل شي ... ومن اول ما مريم سيبتاه لحد مافسخ من نهال وقرر ان تكون ليه ومعاش تضيع منه وحكالها كل الا مخططه مع سمر ... ووهيا كانت تسمعله وضحكه من شق لشق ومانقصها غير تزغرط بس ... وفي الاخر قالتله ...
ام مريم ... باهي واني شن مطلوب مني ياولدي ؟
عقاب .... تقنعي عمي انه يوافق علي طلب ايدي توا لمريم ونمشو توا ونرجع مريم لعصمتي عند اقرب شيخ بس بدون مايتصل بي مريم او تقولولها شي ... لاني حكيتلك شن مقرر ...
ام مريم ... باهي وانت شن الحكمه ياولدي من دسانك عليها ؟
عقاب .... وهنا اتنهد وقاللها ) ... مريم زواجي الاول منها ماكانش فرحت حياتها او ينحسب عليها .... ونبي نفرحها ونشوف الفرحه في عينها وهيا قدام ناس كلهم .... لما تشوف نفسها قدام ناس كلهم عروسه ... واني لو نقوللها اليوم مستحيل رح توافق انها ترجع تعيش يوم هيا من داخلها تتمناه ومعاشاتش قبل ... لهدا نبيك تساعديني بس ...ومش رح ننسي منك طلب ...
ام مريم .... خلاص ياولدي ... اني توا بنخش نكلمه .. وبعون الله مارح تطلع الا وانت معاه ...
عقاب ... اوك تمام ... وياريت طلب تاني ... ياريت اهلكم وناسكم واي حد قريب من مريم تعزموهم ليوم الخميس ... وبكرا سمر رح تخطم عليك وتقولك كل شي ...
ام مريم ... خلاص ياولدي اتفاهمنا ... وربي يهنيكم ياررررررب ...
عقاب ... خلاص اني طالع مشوار نص ساعه ونجي تكوني قدرتي تقنعي عمي ...
ام مريم ... خلاص تمام ...
وسكر عقاب بعد مانسي انه بيخش وايده فاضيه بدون لا بوكي ورد او شكلاته ... وطلع باش يجيبه بسرعه ويرجع ... وفي اللحظه هيا نفسها ... ام مريم طلعت لعمي ناصر وقالتله ....
ام مريم ... ناصر ... بنقولك شي سكر تلفزيون ...
ناصر ... وراس امك ياحليمه ارحميني ... ساعه 8 في الليل وراسي منفوخ من صبح لاتقوليلي لاجيب لا ناقص .. وبعدين بنتك وين ان شالله ... هدا كله راجل صاحبتها ماروحش ؟ والله اني ماراضي الله بس الله غالب بدي الحكم حكم نساوين ..
ام مريم ... ماهو اني هدا الا جايتك عليه موضوع بنتك ... ... بصراحه في عريس توا جاي وبيتقدم لبنتك ...
ناصر ... مني الا جاي توا باش يتقدم ؟ ومن قالك انتي ؟
ام مريم .... سمر توا كلمتني ... وقالتي عقاب جاي توا بيتقدم لمريم ويبي يكتب كتابهم الليله ...
ناصر .... انتي هبلتي ولا بعقلك شن اللبز هوا ؟ شن تقولي انتي ؟
ام مريم .... علاش هبلت ... الولد كان خاطب ... واكتشف انه مايبيهاش ومش قادر ينسي مرته ... وقرر يرجعها بالحلال .. شن نقولو علي الحلال لا ؟
ناصر ... حتي ولو اني وافقت ؟ شن عرفك ان البنت تبيه مازال ؟
ام مريم ... كلمتها وسألتها وقالتلي موافقه وبتموت عليه ... وافق ياولد ناس وخلي يروح بيها من الليله كانك عليا ونتهنو عليها ... والولد شاريها ومقرر لو انك وافقت يوم الخميس بيديرلها يوم في صاله باش ناس كلها تعرف ...
ناصر .... شني هوا مخطط من راسه واحنا اخر من يعلمو ولا شني ؟
ام مريم ... مافيش منها دوه هيا ... هوا كلمني وقالي ياخالتي كدا وكدا ونبي نردها ... قتله لو تبي عمك يوافق تديرلها يوم الخميس حفله وتلم فيها كل ناس ... اهم شي الاشهار مالا شني ... وهوا قال الا تبوه اني فيه ...
ناصر ... البنت اليوم تروح من حوش اخته ... ومايشوفهاش الا يوم الخميس ...
ام مريم ... خيرك ياولد ناس ... اولا الولد احنا واتقين فيه وتانيا اليوم بيقري فاتحتها خلاص والبنت قاعده في حوش اخته يعني الا في بالك مستحيل يصير لان هادم صغاري زوز ونعرفهم ... وبعدين ماهم كانو متزوجين قريب سنه يعني .. بتجي توا وتحسسني بنتك مش متزوجاته قبل .. هاااااا الباب يطق ... اطلع افتحله واستقبله خلي نديرلكم القهوه علي نار .. وارخي روحك مع راجل طالما رايد بنتك بالحلال ...
وهنا عمي ناصر طلع وهوا يتمتم من لعب الفروخ زي ماهوا في دماغه او يفكر ... وطلع لي عقاب ... استقبله ودخله للمربوعه وسكرها وراه ... وام مريم قلبها علي نار ... ومن حرتها تحشمت تزغرط ... وبعد ماطيبت القهوه ووتت الصفره ... بعد ربع ساعه تقريبا ... خشت عليهم لما لقت عمي ناصريقوله ...
ناصر ... حتي ولو افقت ياولدي اني من حقي اولا نسمع بنتي موافقه قبل وتانيا اما شيخ الا بنلقوه توا قريب ساعه 11 في الليل ؟
عقاب .... اني كلمت شيخ الا قبل كتبلنا فاتحتنا وهوا موافق ياعمي ...
ناصر ... بس اني ماسمعتها موافقه من بنتي ياولدي ..
ام مريم .... اني توا اتصلت بيها وسألتها وقالتلي موافقه ياماما ( ونخصاته ) ..
ناصر ... مالا علي بركة الله ... خلي نخش ناخد اوراقي شخصيه واللازم ونطلع معاك هيا ...
وهنا عقاب ... ابتسم لعمه ناصر واول ماطلع قال لي ام مريم ..
عقاب... ماما ... مريم امتي اخر مره دارت شهاده صحيه ؟
ام مريم ... توا دارتها الشهر هوا ...
عقاب .... اوك تمام ياريت تجيبهالي بعد ادنك ...
وفي اللحظه الا طلعت فيها ام مريم ... جي لعقاب اتصال من سمر ... فافتح الخط وقال ...
عقاب ... اه سمر
سمر .... شن صار معاك عقاب من بكري نخمم ؟
عقاب ... ميه ميه الامور وتوا ماشيين لشيخ ..
سمر ... اقسم بالله هاين عليا نزغرط بجد ههههههههه اسمع ماتنساش الشيوخ ها ...
عقاب ... لا لا رتبت كل شي مع شيخ والشهود ماتخافيش ..
سمر ... اوك خليني نسكر قبل ماتطلع مريم من الحمام ... طمني شن يصير معاك ..
عقاب ... تمام سلام ...
سمر ... سلام ...
وفي اللحظه الا سكرت فيها الخط جاها اتصال من حميدا ... فاقعدة تشوف لي اسمه شوي وبعدين ردت ..
سمر ... ايوا ..
حميدا ... استاحشتك 😍😍
سمر ... كدااااب وفي نص عينك ...
حميدا ... اني اسف حبيبتي ... والله ماكنت قاصد هديكا الليله ..
سمر ... اي صدقتك ... اهو توا طلعت اختك هيا الا موطيه راسك باهي ومش اني لا سبب ولا شي .. وفوق منها سبتني اني واهلي ولزتني من حوشكم وقالتلي معاش نبي نشوف وجهك ..
حميدا ... هيا قالتلك هكي ؟ اني مروحلها بكرا ... واقسم بالله الا ماتشوف مني الويل ... هوني احمد دقدقلها خشمها وراسها واتصلت بكل واقحه تشكيلي وتبكي ... وبكرا تفاهمي معاها .... بس توا مش هدا موضوعنا ... اني اتصلت بنقولك شي مهم مهم مهم ..
سمر ... شن في خير ؟ تكللللللللم شن في ؟
حميدا ..... انتي وين توا ؟
سمر ... في حوش عقاب وين يعني ؟
حميدا ... انزلي لوطه بسرعه نبيك في شي بروحك
سمر ... هوا اني مريم معاي بس برغم هدا .. لحظه اني نازاله هي ..
حميدا .... خلاص خلي الخط مفتوح ...
سمر ... اوك ... اهو نزلت ...
وفي اللحظه الا نزلت فيها وهيا كيف بتفتح الباب ... شدها حد من ايدها ودفها ليه بسرعه ...
سمر .... ااااااااااااااااااااااااه حميداااااا هههههههه خلعتني خلعتتتتتتني
وحضانته وهوا يضحك وهيا تضحك وبعدين باسها علي جبهتها وقاللها ..
حميدا ... استااااااحشتك موووووت ....
سمر ... حتي اني والله برغم انك زعلتني ... بس اني غبيه كيف ماركزتش في رقم انه من هنا مش من تونس اااه غبيه اني
حميدا .... هههههههه كمت متوقع انك مش رح تركزي ... جيت من مطار علي هنا طول بتاكسي
سمر ... وين شناطيك الزوز ؟
حميدا ... قعدو في تونس في شقه ...
سمر ... علاش ؟
حميدا ... ماهو هدا علاش روحت اني ... تعالي نحكيلك داخل ...
سمر ... شن في ؟
حميدا .... هههههههه ماتسعجليش علي رزقك موضوع رح يقلبلك حياتك ورح يفرحك صدقيني ...
سمر ... هيااااا قووووولي
حميدا .... باهي ... بس قبل وين عقاب ؟
وهنا سمر ارتبكت وماعرفتش شن تقوله وقالتله ...
سمر ....
يتبع
😍😍انتظروني بكرا مع الحلقه الاخيره بعون الله ودمتم سالمين 😍😍
Kinda
