هادي الروح 💖💖 .... لك تشتاق 💖💖
الجزء التاني ...💖💖
ملاحظه (🌻🌻 الناس الا علقت بااحترام وبشكل راقي والله ماهانت عليا ... لهدا خديت حبوب مسكنات وقهوه عربيه وضغطت علي روحي وحاولت نركز ونكتبلكم حلقه ومانخليكمش تخممو ... طبعا سهرة لاهالوقت لان راسي ودوب ماتطلع الافكار ونكتب ... وهدا الا طلعت بيه اليوم وحاولت تكون طويله باش نجمع الحلقه الاساسيه بالاضافيه ونكون وفيت بوعدي ...مشاهده ممتعه للكل🌻🌻 )
الحلقه التالته ...💖💖
مريم .... لحظه بس تسمعي في صوت عياط ..
امها .... ماركزتش ... ترا اسكتي ..
مريم .... شوفي ها ....
امها .... بالك ولاد شارع يلعبو في كوره وبعدين شن دخلنا احنا .... خشي لصاحبتك وهاك دخلي العصير ...
مريم ... ماشي ...
وخدت الطواسي وخشت لدار ....
سمر .... عندك علم يامعفنه اني بنروح كنت ... شن موتي ولا شني ..
مريم ..... موتت ونضت ... انتي مش عارفه اليوم من شفت ...
سمر .... هههه عقااب صح😈
مريم .... (بوجه مصدوم ) انتي قصدك تعرفي وماقولتلش ؟ انتي ندله عندك علم والله لو مش حامل كنت قتلتك ...
سمر .... شن صار ؟
مريم .... مانبيش نقولك ... خلاص انسي موضوع ... بجد اتضايقت منك ... هكي تحطيني في موقف زى زفت ..
سمر .... ماتزعليش مني والله حاولت نقولك مبكري بس انتي الا صديتني ... وبعدين خلاص ماصار شي يعني هدا واقع وبتتعايشي معاه ..
مريم .... هوا علاش روح ؟
سمر .... ماباش يقول اي شي ... قالي هكي ضربت في راسي وروحت وخلاص ...
مريم ... اااااه مكتوبلي ان الماضي يقعد مرافقني ديما ...
سمر .... عقاب واقع مرير ولاصق في حياتك للاسف هههههههه
مريم .... تصوري اليوم خطم من جنبي كأن مايعرفنيش ... كاننا غرباء .
سمر .... حتي اني حسيت هالشي يعني معاش يسأل عليك بكل او حتي يجيب في سيرتك ...
مريم ... احسن ... اني نفسي نسيته ...
سمر ... خيرك تضايقتي اني توقعتك رح تفرحي .... بدات ان لما نقولك اني ليا مده شهرين كل مانتصل بيه في الليل نلقي فيه انتظار ...
مريم .... وعلاش متلا توقعتي بنفرح ( بوجه غاضب )
سمر .... لانك حسيتك نسيتيه وتبيه ينساك صح ... خيرك تشبحيلي هكي .. ههههههههههههههههههههههه
مريم .... (بوجه غاضب ومرتبك ) خيرك تضحكي ... قصدي عندك علم بديتي بارررررررده ...
سمر ..... هههههههههههههههه وانتي كدااااااااابه كبيرررررررره .... اعترفي .... اعترفي بي الا عيونك فضحوه .
مريم .... مافي شي ... قتلك نسيته خلاص ... بالسيف تبيني نحب خوك ... وبعدين انتضار تلفونه ولا حتي مشغول اني شن دخلني ..
سمر .... ههههههه صدقتك ... باهي ممكن تلفونك شوي بندير تلفون ... غير شفرتي ريحتها سومه بنت اخت عزوزتي ..
مريم ... اوك ... برغم اني كارهاتك بس هاك ..نمشي للمطبخ ونجي ... نحط الشاهي علي نار ..
وهنا ناضت مريم باش تمشي للمطبخ ومريم بدت ترص علي رقم خوها عقاب ...
سمر ... هيا رررررررد .... الو
عقاب ... الو ... ايوا من معاي
سمر .... اني سمر ... اختك شن اخبارك عقاب ..
عقاب ... الحمد لله ... خيرك تتصلي بيا من رقم غريب ..
سمر ... مش غريب هدا رقم مريم ... اتصلت بيك من تلفونها لان تلفوني صغار يلعبو بيه مبكري في حوش عزوزتي طيحولي شفره ...
عقاب .... وانتي طبعا كالعاده ياسمر العقد رايح ...
سمر ... اي للاسف ... واتصلت بيك باش تديرلي حل كيف تطلعلي شفره جديده لان مره قتلي عندك شخص تعرفه في شركة لبييانا
عقاب .... توا نشوف ... اني بنسكر توا .. مشغول شوي سمر ..
سمر ... عقاب ... بنقولك شي ... بعد شهور معينه بتولي خال 😍😍
عقاب .... بجد .... ( مع وجه مصدوم ومبتسم ) ... الف الف مبروك والله فرحتلك ياشفشه ... واخيراااااا صاحبي بيولي اب ... واختي بتعقل شوي وبتدير عقل وبتولي ام ... الف مبروك حبيبتي ...
سمر .... ههههههههه الحمد لله ياربي ... فا شوف بناء عليه قررت اني وحميدا بنديرو حفله نهاية الاسبوع حفلة شواء وعصبان في الاستراحه ونبوك تجو وبيجو حتي اهل حميدا ... شن رايك ...
عقاب ... مش عارفه يا سمر خليها بالمفتوح علي الفضوه ...
سمر ... عقاب من غير سبل ... اليوم احد واحنا الحفله بنديروها جمعه وماتخافش مش رح نادي مريم ...
عقاب .... ان شالله خير ... خلاص باركيلي لي حميدا ومضطر نسكر اني حبيبتي ... والشفره بعون الله الليله تكون عندك شفرتك ومعاش تعطي تلفونك لحد مااااشي ؟
سمر .... تسلم يااحلي اخ في دنيا ... سلام ...
عقاب ... سلام ...
وفي اللحظه الا سكرت فيها تلفون سمر وبتمسح رقم ... كانت مريم واقفه وراء الباب تسمع من اول ماطلعت وسكرت الباب واول ماشافت امها شافتها مشت للمطبخ طول ...
ام مريم .... ماتقوليلش شن تديري واقفه وراء بابك ؟
مريم ... لا لا ولا شيى .... غير سمر كانت تكلم في راجلها وشكله في مشكله بينهم ..
امها .... ربي يهديك يابنتي وانتي من امتي تتنصتي علي ناس ...
مريم ..... هههههههههه ربي يهديني ياامي ( وعطتها بالقفي بوجه يحاول يبتسم وهوا مرتبك وطلعت من مطبخ لدارها واول ماخشت لدارها )
سمر .... شني موتتي في مطبخ ؟
مريم .... لا لا غير ماما كانت تكلم فيا ... مني كلمتي يامهبوله ؟
سمر... لا لا كنت بنتصل وبعدين بطلت ... مهم بنقولك شي ... يوم جمعه اتفقت اني وحميد بنديرو حفلة صغيرونه في الاستراحه شوا لحم وعصبان ونبيك تجي عادي ؟
مريم .... مش عارفه نسأل امي ونقولك ...
سمر .... اني نكلمها مش رح تقولك شي ... باتي معانا ومع ريهام وامال ويومين وبنروحو احنا بنمشو خميس نضفوها ونرتبوها والجمعه حفله وسبت نروحو ... وماتخافيش عقاب مش رح يجي عنده شغل هلبااا ..
مريم .... مش رح نقدر نبات يومين مستحيل عندي محاضره سبت بس الخميس بعد مانروح من الجامعه نمشي معاكم ان شالله خير ...
سمر .... تماااام اتفقنا ..... بنقولك حقا .. تعرفي مبكري اتصلو بيا في عياده وخط تسكر في وجههم مش عارفه شن في ..
مريم .... مش عندك رقم العياده ؟ كلميهم ؟
سمر ... ايه ... بس في شنطتي وشنطتي خليتها في حوش عزوزتي ...
مريم ... والله اعتقد عندي رقم العياده لاني مره رفعت ماما بتحلل سكر عندهم غادي ... لحظه بس نشوفهولك في جيزدان متعي ...
ومشت فتحت دولاب وطلعت منه الجيزدان وقعدة تقلب لحد مالقت الكرت ..
مريم .... اهو ... كلميهم ... بالك دكتور نسي يعطيك دواء مهم ..
سمر ... اي لحظه بس اهو نتصل ... يضبح ... الو ... السلام عليكم
الريسبشن .... وعليكم السلام ... مصحة سوهاد تخصصيه تفضلي ؟
سمر .... اني مبكري جاني اتصال علي رقمي كدا كدا 092-----
الريسبشن .... لحظه بس .... اي بالفعل ... في ملاحظه مسجله علي ورقه فيها رقمك ان دكتور يبيك تجيه في اقرب وقت ...
سمر ... ممكن نعرف شن سبب ؟ ( مع وجه غاضب وقلب مقبوض )
الريسبشن ... مانعرفش يااختي هدا الا مكتوب في لوحظة الملاحظات المستعجله فقط بس نقدر نعطيك موعد عنده في اقرب وقت ...
سمر ... اوك ... ممكن نعرف امتي يمسك تاني ؟
الريسبشن ... يوم الخميس الصبح بعون الله مع ساعه 2 ظهر يكون موجود
سمر ... اوك بارك الله فيك .. هل نقدر ناخد رقم من توا ..
الريسبشن ... لا لا وخيتي الرقم تاخديه بمجرد حضورك وتخلصي كشف ...
سمر ... اوك بارك الله فيك .. سلام ...
وهنا سكرت سمر وقعدة ساكته شوي تفكر وتشبح لتلفون وسرحانه ... وماقطاعهاش الا صوت مريم ...
مريم ... خيرك يادعوه شن في ؟
سمر .... مش عارفه دكتور طالب حضوري ... خايفه وحاسه قلبي مقبوض ...
مريم .... لا لا ماتخافيش ياغبيه انتي حامل مش كويس عليك الرعشه ... اكيد غير نسي يعطيك دوا مهم او بالك هديكا بيقولك لا هههههه
سمر ... شن هيا ؟
مريم .... غبيه وووووووه تعالي نقولك -----
سمر ... زعمك هوا هدا سبب ؟ هوا صح ماقاليش عليه
مريم .... خلاص معناها هوا هدا ... غير دكتور عنده ضمير وحب يوقضك قبل ماتصيرلك حاجه وخاصة انك حملك عزيز ..
سمر ... ريحتيني تعرفي كان قلبي يرفع ويجيب ....
وبدو مريم وسمر يفتحو في موضيع ويسكرو في مواضيع وخداهم لين وماحسوش لين ظلمت العين مزبوط ....
سمر .... عندك علم العشاء يدن .... وحميدا قالي ساعه وروحي ... مشيت ريبيش ؟ غباره ...
مريم ... مادما مااستفقدك حد معناها حتي هوا اكيد لاهي في شي اقعدي شوي لين يجي بابا ويسقدك ..
سمر ... لا لا فكيني ... مرات تعفلق مني هدا علاش مادورنيش لان مش عوايده هوا ...
مريم ... باهي استني نلبس عباية صلاه ونسقدك ...
ولبست عباية صلاه وطلعو مع بعض ... ووهما كيف طالعين لقت سيارة خوها مدرسه فم الباب متع حوش عزوزتها ...
سمر ... عقاب هنا شكله جابلي شفره تانيه ...
مريم .... وهوني حميدا شكله واقف جنبه ...
سمر ... اي خلاص باي باي خلي نمشي مادما واقفين فم الباب ... تصبحي علي خير .. كلميني بكرا ...
مريم ... ان شالله ... سلام ....
وخشت مريم وسكرت الباب وراها واتكت علي الباب وغمضت عيونها وخدت شهيق كبير ... وبعدين مشت لصور الا كان فيه شق مقابل لحوش حميدا بزبط ... وقعدة تشوف في عقاب كيف واقف وحاط ايديه في جيوبه ويحكي هوا وحميدا وسمر خشت وسيبتهم ...
ومافاقتش من سحر نظراتها ليه الا بعد ماامها فضحتها وقعدة تنادي بصوت عالي ... لين تلفت عقاب وكأنه حس للحظه ان مريم قريبه من مكان منه وبعيده علي امها الا تنادي فيها وصوتها واصل لنهاية شارع ...
وهنا نطت تجري مريم بسرعه باش تغم صوت امها وتقولها ...
مريم .... هاااااااااا هاااااااااا سمعت فضحتي بيا ناس كلهم عرفو ان عندك بنت اسمها مريم ...
امها .... انتي تصرفاتك غريبه يابنت بدت ... مره نلقاك تتصنتي وراء الباب ومره تكبهي من شق الحيط ... انتي شن يدور في راسك ؟
مريم .... شي ... ان شالله نموت وتفتكي مني ... تصبحي علي الف خير ...
وخشت للحوش ومنها لدارها طول وقربعتها وراها .... وكأنها حاولت من ردة فعلها تفهم امها ان بجد مافي شي بس هيا تتوهم .... بينما وفي نفس اللحظه هيا كانت سمر واقفه في جنان تستني في خوها لين خشلها مدلها شفره وطلع حميدا وراه باش يسقده ... وهنا هيا خشت للحوش ولقاته مش زي عوايده مهبي وكل واحد متشرتع في تركينه والحوش مهببببببي بدون صوت ... فاخشت للمطبخ تدور في حد تحكي معاه غير نهال الا مسكره علي روحها الدار والعزوز الا خاشه لدارها ومسكرتها عليها وهادي مش عوايدها لما تكون عندها سمر .... واول ماخشت سمر للمطبخ لقت امال تدير في كاكاو لروحها ومزاجها عال لعال ....
سمر .... امال وين اللاي ووين نهال زي الوقت هدا يكونو ملتمين علي العشاء والمبكبكه علي نار ...
امال .... كلوها المبكبكه من بكري هههههههههههههههههههه
سمر .... شن تقصدي ؟
امال .... هدا موضوع يبي تقعميزه .... ماتسمعوش مبكري في عياط ههههههههههه
سمر .... شن في خوفتيني ؟
امال ..... هدا ياحنا عمك حميدا شد نهال بالجرم المشهود فوق سطح تتغيرم هيا وحبيب القلب والباين قبل مايطب عليها وقف يسمع شوي شن يقول فالقاها تدوي معاه في كلام +18 ههههههههههههههه وعينك ماتشوف الا نور .... شدها من شعرها من فوق الحيط بقدرة قادر لقيناها في جنان .... وكلت منه ماكتب ربي .... وخدي منها رقمه ومشاله ومافاتتش ساعتين لين رجع خشالها لدارها وماطلعش الا علي صوت الحوش يشرين وطلع خوك ....
