💖💖هادي الروح ... لك تشتاق .. 💖💖
الحلقه التامنه ...💖💖
مريم .... بنموت ونعرف يكلم فيها او لا ....
سمر .... خليني نتصل بيه ونقوله خفت عليك لانك مااتصلتش تتطمن عليا فاقولت نطمن عليك ...
مريم ... اوك اتصلي ... يارب قعد مقفل ... اه شني ...
سمر ..... (اكتفت بصمت مع تنهيده ) ...
مريم .... انتظار صح ؟ تكلمي ؟
سمر ..... اااااااااااف .... انتظار ...
مريم .... خلاص ولا هامني اني اصلا ... تصبحي علي خير ..
وعطتها بالقفي وبدو دموع ينزلو منها ...لانها حست للحظه ان عقاب عقله وكلامه لوحده تانيه ... زعمك عجباته ؟ صوتها خلاه يضعف كلامها خلاه يرتاحلها ؟ ضحكتها خفت دمها ؟ ..... هالاسئله كلها قعدة تدور في عقل مريم ودموع ينزلو منها وغطو المخده وماقطعهاش من كل هالافكار السوده الا اتصال تلفون .... وهنا ردت سمر بسرعه وقالت ...
سمر .... عقاب ايوا اني سمر ... اي اتصلت بيك من رقم تاني ...
عقاب ...( بصوت عصبي ) علااااااااش لما تلقي تلفون انتظار تقعدي تعنكش يااااااسمر ... شن في قوليلي من ماااااات ؟
سمر .... يصراحه بصراحه ( وشبحت لمريم كيف تمسح دموعها وقالتله ) من الاخير مريم ... كانت خايفه عليك وقالتلي نتصل ... ومن بكري وهيا تبكي ...
وهنا مريم ناضت نطت زي مهبوله وفكت منها تلفون ومفروض انها سكرت الخط وقالتلها ...
مريم ..... ( بوجه عصبي بيتفجر وزادت انهارات بالبكي ) .... سمررررر قولتيله هككككككي علاااااااش ... اني قوتلك قوليله ياسمر ولا تستهببببببلي ؟
سمر ..... ( ردة عليها بعصبيه ) .... انتي تحبيه ولا لا ؟ ردي ... مش قادره صح ... لانك جبانه ... انتي تحبيه وتموتي في الارض الا يمشي عليها وموتي لما جاب سيرة بنت غيرك ونحرقتي لما سمعتي بنت تكلم فيه وحستي للحظه ان ممكن تكون هيا معاه انتظار .... خلاااااص معناها علاااااش هدا كله علاش يامريم ... انتم مفتقدين الصراحه مع بعض لهدا علاقتكم ناقصها شي مهم .... ردي عليا انتي تحبيه ولا لا ؟
مريم .... ( بعصبيه ودموع ) .... شني تبيني نقولك الا حاسه بيه ؟ اي نحبه ونموت عليه ... هوا الاكسجين متعي ومش قادره نتخيل حد غيري معاه ... بس مش قادره مش قادره يطلع مني اي شي ... كل مانقرب منه نخاف ... نخاف اني نرجع نعيش الماضي وانه مايحبنيش ... لهدا اني محتاجه وقت ... محتاجه يتبتلي بالفعل انه يحبني ... مش مجرد كلام ...
سمر ... الا في راسك وهم انسيه خلاص عقاب يحبك ومش محتاجه انتي اي شي تاني غير انك تنسي الا فات بس ... هل بعد الا صار هدا كله شاكه في حبه ليك ؟ بجد انتي مجنونه مافيش حد يصبر اكتر من سنتين بدون ماتكون في حياته مره تانيه الا لو كان بالفعل يحب ... رح تفقديه يامريم صدقيني ... خلاص بطلي بكي وامسحي دموعك ....
وفي اللحظه الا زادت مريم انهارات فيها بالبكي .... خدت سمر باش تشوف ساعه كم وهنا كانت ...المفاجأة ...
سمر ( بوجه مصدوم ) .... هيييييييييييييييييييييييي .... ( وتأشر باايدها علي تلفون بصوت واااااطي ) ... الخط مفتوووووووح
وبعدين قامت تلفون وحطاته في ودنها وقالت ..
سمر .... الو ... انت مازالت علي خط ؟
عقاب .... اعطي تلفون لي مريم واطلعي وخليها في دار بروحها ....
سمر ..... اوك ....
وهنا عطت تلفون لمريم ومريم تقوللها ....
مريم .... ( بالاشارات ) ...لا لا لا لا لا ....
وهنا حدفت تلفون سمر عليها وفنصت فيها وطلعت .... واول ماسكرت دار .... حطت مريم تلفون علي ودنها واكتفت انها تتنهد باش تحسسه انها علي خط مع رشفة خشم من اتر البكاء .... وفي اللحظه هيا قاللها ...
عقاب ..... مريم ...
مري ... ( اكتفت بصمت بدون رد ) ..
عقاب ...( بصوت اشبه بالعصبي ) ماتخلنيش نهبلللل ردي يامريم ..
مريم ... نعم ...
عقاب ..... امسحي دموعك واسمعيني .... من اخرها يامريم .... اني تعبت ... ومليت ... ونحبك ونموووت فيك ... بس عندي قدرة تحمل معينه نصبر فيها وخطوط حمر ماخليتش اي حد يتجاوزهم مهما كان حبي ليه وبالرغم هدا انتي تعديتيهم ومازالت باقي عليك ونحطلك ميات عدر وسبب ونقول معليش نتحمل ونصبر لعل الله يجمع بينا تاني .... بس حاليا اني وصلت لمرحله خلاص يعني وصلت لذروتي معاك ومعاش نقدر نصبر اكتر واكتر .... اني نحبك وحابب نكمل معاك عمري كله .... ونبيك الليله تاخدي قرارك وتواااااا .... اني ولا الماضي .... ردددددي وبطلي بكي .... ولو انتي اخترتي الماضي صدقيني مش رح نخليك تشوفيه تاني ورح نخليه يختفي زي مااني رح نختفي معاه.... ولو اخترتيني اني ..... رح نمشي بكراااااا ونتقدم لاهلك قدام ناس كلها ... ونقوللهم حبيبتي ونور عيني وكل دنتيا وجنتي نبي نردها لحضني قدام الناس كلها وعلي سنة الله ورسوله .... ))
وهنا سكتت مريم شوي بعدين انفلقت بالبكي واتلوحت علي سرير ... بينما عقاب تنهد وتكي راسه لتالي وهوا مغمض عيونه ويحاول يستمد شوية حكمه ويكلمها بهدوء وبدون عصبيه .... وبعد ماخدي شهيق كبير وزفير .. حط ايده علي وجهه ومسحه بالقوه وقاللها ...
عقاب ( بصوت بدي ينفد منه صبر ) .... علاش البكي فهميني علااااااش ؟ ردي عليا ماتخلنيش نهبل واقسم بالله مانولع الا سيارتي ونهد عليك غادي يامريم ... اني مهبول وتعرفيني ...رررررررررردي .... علاش البكي ؟
وهنا مريم حاولت تكتم بكاءها وقالتله ....
مريم .... انت ....
عقاب ..... مافهمتش ؟ شن انت ؟
مريم ..... نحبك 😢😢💘 ( ودموعها ماقدرتش تكتمهم اكتر )
عقاب ( بصوت حنين ) .... هههه واني نموت فيك .... ياروح عقاب انتي ... تعرفي ... اني جاي توا ماترقديش ...
وهنا مسحت دموعها وقعدة تضحك وقالتلها ...
مريم .... لا يامهبول ماتجيش .... مستتتحيل هبلت انت ؟
عقاب ..... نبي نخطفك توا .... ونرفعك لاول مأدون ونروح بيك للحوش ... ومانخليش الشمس نفسها تخش لحوشنا الا بعد سنه ...
مريم .... انت كنت رح تسيبني لو اخترت الماضي ؟
عقاب .... بطلي ترشيف دموع وبكي قبل ... اني دموعك هما يخلو فيا نهبل اكتر يابنت بطلللللي ... تبي تهبليني انتي ؟
مريم .... خلاااص مسحت دموعي ...
عقاب .... وريني ترا ... اضحكي ؟ اضحكي يامهبوله ؟
مريم .... نحببببك هلبا عقاب .... ( ورجعت تبكي تاني )
عقاب .... حبيتي معاش تبكي خلاص ... نقولك شي ... رح نوعدك طول مااني عايش ... رح نعوضك علي كل الا فات ورح تنسي ان في حاجه صارت اصلا ... ماتبكيش تاني ... ووريني ضحكتك الا نحبها ... ايوااااا هكي .... نحبك ... هلبااااااااا ....
