💞💞هادي الروح لك تشتاق 💞💞
الحلقه التامنه عشر .....
ملاحظه (( حبايبي 😗😗😗 لو لقيت الحلقه عاطينها حقها رح نزل حلقه اضافيه بعون الله ❄❄❄❄❄))
راجل ... وقع هنا علي الاستلام لو سمحت ..
عقاب ... شن الورقه هيا ؟ ومنين .
الراجل ...... من المحكمه ... وقع وافتحها تو تعرف مش عارف شن فيها بالزبط ...
وهنا وقع بسرعه وخدي الزرف وفتحه وكانت صدمه ليه ... استدعاء لجلسه طلاق ... كانت صدمه بالنسبه ليه ... هبل ماعرفش حتي شن يدير ... ضربه كانت من اخته وصحابه وزوزجته .... وهنا مالقاش روحه الا مش ولع سيارته ويجري بسرعه خياليه .. نار كانت سياره عجلها ... مش عجل ... قعد يجري في طريق ... وقلبه وعقله معبي ... ومالقاش نفسه الا يتصل بيه ..
حميدا .... الو ...
عقاب ... اني فم حوشكم اطلعلي ....
وفي اللحظه هيا استغرب حميدا بس لبس بسرعه وطلع ... واول ماطلع ... مالقاش الا فاكو علي خشمه لين صبو خشموه دم ... وبرك فوقه زي مجنون وطاح فيه طاح فيه ضرب جنوني ويقوله ....
عقاب ..... ااااااااااااااختي ياحقيييييييير ااااااختي ؟ .... واني صدقت لماااااااا قولت انك تبي تناسب حد من عيلتي احتراما بيا وبعشرتنا وانت من وراي تهيج مع اختي .... والله لماااااااا نقتلك ياحقيرررررررررر ....
( طاح فيه بوني وتيروات .... وحميدا ساكت يتلقي في الضرب بس ويسمعله )
عقاب ..... انت خنتني تفهمها هيااااااا ياصااااحبي خنتني .... كنت نعبت معاك في فلوس لامي ... كنت تخش عن طريقهم لاختي ... حطتني كبورررري ولااحترمت يوم اني خوووووك .... نجووووم سمي اقرررربلك من اختي تفهههههههم .... شن كنت تستني ماتقوليش علااااااااش رددددد خيرك ساكت ياجبان .... كنت مستني تهرب معااااااك .... علي قد ماشفت ماشفتش نتس في حقارتك ... تفي عليك ...( وركه تيرو ) ومشي وسيبه ...
وولع سيارته ومازالت ركبه فيه نار في قلبه ومابردش غله ... وطول الطريق يتخايل في مواقفه الكويسه معاه وتقته العميه فيه ... ويتخايل في اخته وهوا كيف يستغفلو في امه وهوا واشبح لين وصلو مع بعض ...
ومن كترة سرعه الجنونيه الا قعد يسوق بيها مالقاش فاتت الا اقل من نص ساعه ولقي روحه فم حوشه ... واول ماوصل نزل من سياره وخلي الباب مفتوح ونزل يجري زي الوحش ....
عقاب .... سمرررررررررررررررررررررررررر
وخش لقاهم مع بعض في صاله ومريم كانت لبسه قفطان مريم تقيس فيه ... وهنا شد مريم دفها بعيد ....
مريم ( بوجه مخلوع ) ... خيرك عقااااب فهمني شن في ...
وهنا عيط عيطه سمعت الجيران كلهم ...
عقاب .... اركببببببببببببببي فوق فووووووووق مانبيش نشوووووووووف وجهك ..... ودفها برا الباب وسكر الباب .... وهيا تترجي وطق علي الباب وولا سمعها ....
عقاب ..... مع منو ؟ مع صاحبي ... مع صااااااااااااااحبي ياسمر .... صااااااااااااحبي ومستغفليييييييييييني ....
سمر .... ( ملامحها كلها خوف ) .... والله انت فاهم غلط ياعقاب ... والله مش هكي ...
عقاب ...... كداااااااااااابه ( وركها كف مصحصح وشدها من شعرها بقوه ) .... اني بسببك انتي قتلته صاحبي تفهههههههههمي ... خليته غااارق بدمه علي الارض وطلعت ... بس من اليوم .... انسي عقاب الاوللللل .. الواتق فيك .... الا يعتبر فيك اخته وصديقته ... الا كنت ليك الاب وكل شي ... رح تشوفي الوجه مني تاني ... تفهممممممممممي .... ( ودفها من شعرها جابها علي الارض وطلع ... واول ماطلع لقي مريم ركبت تجري فوق لشقتها .... وهنا ركب فوق لاخر شخص يبرد بيه نار قلبه ... واول ماوصل فم الباب فتح الباب وقال ...
عقاب .... مرررررررررررريم ....
مريم ...(طلعت خايفه ) ....
عقاب ..... ( عيط وعيونه نار ) علاااااااااااااااش ... علاااااااااااااااش درتي هكي ... تضحكي علياااااا انتي .. رررررردي ...
مريم .... والله انت فاهم غلط اني اليوم بس عرفت ... قصدي من قالك ...
عقاب ( وهنا زاد حمق ) .... وفوقها تكدبببببببببي ... مالا مني رفعها القضيه مني جدددددددددددي ؟ ردددددددددي
وهنا مريم تحسابه يتكلم علي اخته وماتحساباش عرف .. فاجاتها صدمه تلاتية الابعاد خلتها من الخوف تشبحلها وبتتكلم بس لسانها مش قادر ينطق ويفهمه شن صار ....
عقااااااب .... تماااااااااااام .... انتي ماتبينيش وتبي تتطلقي مني برغم كلللللل الا صارومش طايقتيني لدرجة انك تجيبلي المحكمه للحوش برغم كل الا صار بينا وبرغم كل البكي والتوسلات والكلام الا قولناه ... بس انتي خلاص معاش تبيني .... تمااااام اعتبريني مبادلك نفس الشعور تماااااااااام ورح نفدلك طلبك زي ماتبي ؟
مريم ..... اني اني مش ..( ودموع يصبو ومعاش عرفت شن تقول ... لانها ماكانتش متوقعه انه يتنازال مره وحده ) ... وخشت تجري لدار وسكرت عليها الدار ... وهوا .... مشي للمطبخ ... وقعد يفكر شن قال ... وركبت فيه نار لما وافقها ... علاش قال هكي .. وعلاش متضايق ... يحبها ؟ تعلق بيها ؟ حس معها بالامان والمستقبل .... ولقي نفسه طلعت من فمه كلمه في لحظة غضب وماقدرش يتنازال عليها ... ويقوللها اني مانبيش نتخلي عليك .... اني نبيك ... ومانبيش نسيبك ... بس انتي علاش بعد كل الا صار بينا اصريتي تكملي فيها ... وفي اللحظه الا نهار فيها بالبكي ... لانه ماكانش هكي يبي يدير ... هما خلوه يتصرف هكي لماااستغفلوه .... وخلوه يحس انه مركب قرون ... وفي اللحظه هيا ضرب علي طاوله كله جابه مفترش ....
وفي اللحظه الا سمعت هيا صوت ... ناضت ... باش تفتح الباب وتكلمه وتفهمه علي كل الا صار ...واول مافتحت الباب ... سمعت صوت رزمه فم حوشهم ....
فاطلعو يجرو هما زوز وفتح الباب .... وهنا لقي سمر الا عارفين ان عندها مرض القلب ... الباين من صدمه الا صارتلها لوطه ناض قلبها عليها ومعاش قدرة تتنفس ... فاقاومت وحاولت تركب فوق باش ينقدوها لان كان وجهه مستزرق ... واول ماوصلت لفم العتبه طاحت ومعاش قدرة تقاوم ....
وهنا عقاب ناض يعيط ويقووولها ...
عقاب ..هاتي شرشاااااااااف بسرررررررررررررعه ..... وقامها في غمره وحطت عليها مريم شرشاف وطلع بيها يجري ....
ورفعها للمستشفي طول ... وهنا خششوها لغرفة العنايه طول ... وفاتت ساعه وراء ساعه ومريم تحاول تتصل بي عقاب وكل ماتتصل يشوف في مكالمه ويرد في تلفون في جيبه ومايبيش يرد ... وبعد عدت محاولات عرفت وتاكدت انه مايبيش يرد عليها ولايسمع صوتها ...فاخشت لدار ... فتحت شناطيها ... ولمت حوايجها كلهم الا اشياء بسيطه ... واتصلت بي بوها ...وقالتله لما نكلمك تعالالي .... وقعمزة في صاله تستني فيه لحد ماجت ساعه 11 في الليل ... وهنا فتح الباب وخش ... واول ماخش لقاها تستني فيه ...
مريم .... شن حال سمر توا ؟
عقاب .... كويس ..
وخش لداره وسكر الباب وراه ...
وهنا اتكرر لمريم مشهد شافاته بنفس الملاح ونفس التصرف من قبل ... وحست انها في دائره مستحيل تطلع منها او تتغير ... وكأن ربي من الاول مش كاتبلهم يكونو مع بعض .. وبعد الا صار اليوم وموافقة عقاب علي طلاق ... مالقتش نفسها ... الا كلمت بوها وطلعت من الحوش بعد ساعه بالزبط من دخوله للحوش ... بدون ما تخليله اي ورقه او اي عتاب ... وفي اللحظه الا كان بيطلع من دار ويكلمها بعد ماهدي شوي ... طق علي دارها انفتح معاه الباب طول ... واول شي شافه بيبان الدولايب المفتوحات الفارغات من ملابس ...
فاطلع بسرعة زي المجنون علي امل ان يلحق عليها .. بس للاسف مالحقش الا علي اضواء سياره وصلت نهاية شارع وملعوصه فارجع بسرعه باش يركب ويجيب مفاتيحه ويلحقها ... بس جاه تلفون من مستشفي وقفه ...
الممرضه المسؤاله ... الو ... اخي الحاله سمر رجعتلها نكسه تاني وياريت ترجع للمستشفي في اقرب وقت ... لازم ماتوقع علي عمليه قبل مايدخلوها بسرعه لان حالتها مستعجله ...
عقاب ... مسافة طريق بس ...
وهنا كان لابس توته ... فا خدي سرواله جينز الازرق بسرعه وسوريته الزرقه والماليه .. ولما مفاتيحه ودخانه وفلوسه وطلع وقعد طالع ويلبس في حوايجه في طريق ... وركب سيارته بسرعه وطلع ...
واول ماوصل للمستشفي ... لقي الكل التيم الطبي باانتظاره امتي يوقع علي ورق من ضمنهم انه المستشفي او دكتور مش مسؤالين لو ماقدروش ينقدولها حياتها ... وهنا وقع الورق بدون اي تردد وخششوها وقعد يستني ... وفاتت ساعه وراء ساعه .... وسمر تحت العمليات ... وعقاب راكب في قلبه النار لانه حس انه سبب وراء موتت امه واخته لو صار فيها شي ... بس علاش هل القدر يحط فيه في مواقل صعبه زي هكي ... او هوا واخد دنيا بقفي وقلب اكتر من لازم ومايدرسش في مواضيع بعقلانيه ... بس اي عقلانيه الا تخلي صاحبه الا لما كان يسافر يسلمه عرضه اهله ... ويستامنه ... ويخش من وراه ساعه 12 ويتسحب ويحب ويتمعش في اخته .. ومش شهر ولا اتنين ولا حتي سنه زي ماسمع اخته قالت ... وقعدة هالافكار تلف في راسه وومع كل فكره يولع سيجاره وراء سيجاره وكأنه يحاول يهدي نفسه ونار الا في قلبه بس للاسف ناره اكبر من ان يطفيها دخانه .... وبعد ساعات من التفكير والا نتظار المستميت ... طلعو اخته ودخلوها للعنايه طول ... واول ماطلعت سمر مش لدكتور يجري وقاله ...
عقاب .... شني دكتور ؟
دكتور ... عمليتها نجحت بس نستنو فيها تفيق ... ورح تقعد تحت الملاحظه لمدة اسبوع وبعدها تطلع لغرفه عاديه بعون الله ...
عققاب ... نقدر نشوفها حاليا ؟
دكتور ... يفضل لا لانه مازال مافاقتش اصلا ...
عقاب .... مش رح نتاخر يادكتور شوي بس نطمن عليها ...
دكتور .... اوك بس 5 دقايق بس واني معاك ... تعالي معاي لغرفة التعقيم ... لان ممنوع تخش هكي بملابسك هيا ..
عقاب ... ماشي ...
ومش لدكتور وبعد دقايق خش وهنا لقاها تهلوس وتقول ...
سمر ... نحبه علاش قتلته( وتبكي ) يارب ... يارررب ...( وبدت ترجع )
عقاب .... ( تعبو عيونه خوف ودموع عليها وقال ) ...دكتور خيرها هكي . شن في ؟
وهنا دكتور تلفت للمرضه وقاللها ...
دكتور.... نضيفلها مكان ترجيع وعقميلها وركبيلها الاكسجين ... نطلعو ونفهمك برا ...
واول ماطلع قاله ...
دكتور ... هدا بنج كامل اكيد من اعراضه ترجع وتلهوس ماتخافش ... ومادمها فاقت معناها العمليه اكيد نجحت ... ورح تقعد تحت ملاحظه اسبوع زي ماقالتلك وبعدين تطلع لغرفه عاديه ...
عقاب ... ماشي دكتور شكرا بارك الله فيك ... ولو احتاجت اختي شي قولي ارجوك حتي ولو كلفني الامر اني نطلعها بالاسعاف طائر ..
دكتور .... لا لا مش محتاج موضوع ... هيا مشكله هادي تعاني منها من طفولتها وكانت محتاجه تدير العمليه اجلا او عاجلا ... والحمد لله دارتها ونجحت .... وتوا تقدر تمشي تروحي ولو في شي رح نكونو علي تواصل بعون الله ..
عقاب ... ماشي دكتور ...
وطلع باش يروح ويرجع صبح وواخيرا طلع وهوا مرتاح وفي لحظه هيا قرر يتصل بمريم يطمنها ويعتدرلها ... بس لقي تلفونها مقفل ...
مريم .... تلفون مرام الله يرحمها وين ماما ؟
امها .... علاش ؟
مريم ... مبكري واني نحط في شناطي في سياره طاح تلفوني وبدي يقعد 5 دقايق شغال وبعدين ينطفي بروحه ...
امها ... توا فجر بنيتي صباح رباح والله مش مدكره يا في دولابها بين اغراضها الا خليتهمولها يا في رفوف الجانبيه ..
مريم .... اوك خليني نشوفه ..... لاني نبي نتصل نطمن علي حماتي سمر ..
وخشت لدار وقعدة تفتح في قجورا ودولايب لحد مالقاته ملفوف في شكاره ... وهنا فتحاته ... فالقت وصلت رسالة تقرير علي هاتف .. فاقضت تلفون وحطت شفرتها مع شفرة مرام لانه كان دبل شفره ...وهنا وصلتها رساله طول ... وفتحتها ...
عقاب ....اني نحبك ... وشاريك وعمري ماخنتك ... واسف مره واتنين وتلاته لاني تعصبت عليك ... اني مش رح نغصب عليك تقعدي معاي لو ماحبتنيش ... بس نبيك تعرفي شي بس ... اني اكتشفت اني ماكنتش نعرف الحب الا لما عرفتك وعاشرتك الا كانو بالنسبه ليا 5 سنين مش 5 شهور ... مش رح نضغط عليك طالما مسكره تلفونك وماتبيش تتكلمي معاي ... مازال علي جلسه اسبوع زي مامكتوب في الورقه .. فكري .. لو غيرتي رايك ورفضتي اننا نطلق قدام قاضي فارح نكون سعيد جداااا واسعد انسان ... ولو اصريتي وطلبتي طلاق فاصدقيني مش رح نغصبك علي شي ورح نكمل معاك في الاتبيه للاخير .. عقاب ))
وهنا قعدة تبكي وتبوس في رساله وبعدين فتحت وكتبتله ...
مريم .... ( اني نحبك ومستحيل نعيش من غيرك ولانبي نكمل عمري الا معا....( الدكره ممتلئه) ...
فامشت لرسائل باش تمسح منهم وهنا فتحت اول رساله باش تفتح رساله لقتها رسالة تقرير توصيل ... وكيف بتمسحها شافت رقم في رساله حست انها
يتبع
Kinda
...
