💖💖 هادي الروح .... لك تشتاق 💖💖
الجزء التاني 💝💝
الحلقه السادسه عشر ...💘💘
ملاحظه (( 🙏🙏 كل المشاهد خياليه ولا يربطها بالواقع بااي شي .. فانرجو من الفئه العمريه المراهقه واي شخص تميل نفسه الا تأتر بكل حرف مكتوب هنا... عدم تأتر بااي شي من المكتوب لانه خيالي وليس له وجود علي ارض الواقع ونتائجه قد تكون سلبيه اكتر من ايجابيه علي ارض الواقع ومشاهده ممتعه للكل🙆🙆 ))
سمر ... بنقولك شي عقاب ممكن ؟
عقاب ... احكي طول سمر ماتعبيليش قلبي
سمر ... شن بنقولك اوف ... شوف عندي صديقه اهلها مسافرين وماعندهاش كيف تقعد مع حد واني اقترحت عليها تقعد معاي لان تخاف تقعد بروحها في حوش بدون راجل ... ماتشبحليش هكي .. اني ماحكيتلكش ؟ ماصارليش من سفر ... ماهو اني حلفت طالما عرسك بعد شهر ماني ماسافرتها معقوله نسيب خوي حبيبي ومازال علي عرسه شهر ؟ من بيوتيله ويقفقفله ويجهزه غيري 😍😍 ... مهم شن رايك ؟
عقاب ... من هيا بنت هيا ؟ ( ويقلب في تلفزيون بي لامبالاه )
سمر ... ( زمطت ريقها شوي وسكتت بعدين قالتله ) ...... هيا البنت انت تعرفها وحده من صديقاتي .. مش مهم الاسم يعني ..
عقاب .... سمر بدون لف او دوران من هيا (يتكلم معاها ويشبح لتابه وياخد في تردد ويطلع في قناه )
سمر ... احم ... مريم ...
وهنا فجأه نصمت للحظه و قعد ساكت علي نفس الوضع وبعدين طفي تلفزيون وحط تاب ... وتلفتلها وقاللها ...
عقاب .... ( وبدت ترتسم ملامح شيطانيه علي الوجه ) ...سمعيني شن قولتي تاني ؟
سمر ... صاحبتي ... قصدي اهلها ... ماهو مانبيش نسافر .. (من تلكميسه بدت توخر ومعاش عرفت شن تقول )
وهنا عقاب ناض ودف الطاوله الا كانت قدامه وبدي يقرب منها وقاللها ...
عقاب ( يعيط بعصبيه ) اااااااااااانتي شن تبيني بالزبط ؟ نكفررررررررر ؟ نخش جهنننننننم منككككك ؟ انتي شن تبيييييي مني ؟ مني مسلطك علياااااااا بالزززززبط ؟ تكللللللللللللللللمي ...
سمر ... ( بوجه مرتعب وبيموت من الخوف ) ... عقاب حبيبي بلاش انفعال مش كويس ليك ... يطلعلك البرص والله يقولو من رعشه .. اهدي اهدي ..
عقاب ( وهنا زاد هبل ) ... وااااااااااانتي شن دخلك في ااااااااااامي .... اني رح نحدرك وافهميها كوووووويس البنت هياااااا تخش اني نطلللللع تفهممممممممي ؟
سمر .... اوك بس اهدي خلاص ناس يسمعو في عياطنا ..
عقاب .... سمعتي الا قولته صححححح ( بملامح متعصبه حاده )
سمر .... اني قولت لاهلها خلاص اني موافقه ... هما 3 ايام بس تحملهم ... من فضلك وراس امك ماتطلعني عيل ... ارجوووووك عقاب ونبي ( ودروحها انهارات بالبكي )
عقاب .... سمررررررررررر ماتخلنيش نهببببببل ... انتي حماااااره غبيه ماتفهمييييييش ... مازال بعد الا صار تخششيها هنا ماززززززال ؟
سمر .... ماهو أنت فاهم غلط واللله انت عندك حق تتكلم هكي ... بس رح يجي يوم وتعرف الحقيقه منها هيا ...
عقاب ... مانبيش نعرف شي ... نبيك تنسي الا في راسك بس وانتهي حديت ياسمر خلااااااااااص ...
سمر ... عقاب حبيبي ... انتي امي وبوي صح ؟ مش ديما تقولي اني زي بنتك ... ماتطلعنيش عيل ونوعدك وعد شرف اخر مره تخش مريم لحوشنا اخر مره بس المره هادي ... انت ترضي تقعد في حوش بدون راجل ؟ ياسيدي اعتبرها زي اختك .. وبعدين انت نسيتها وخطبت خلاص ... وبعدين مش رح تشوفها بكل بكل بكل وعد ...
عقاب ... سمر .. اطلعي وسكري الباب وراك ...
سمر ... يعني وافقت ؟( بوجه ملائكي مبتسم )
عقاب .... سمررررررر خليني بروووووحي وانزلي ...
سمر ... شكررررررا يااحلي اخ في دنيا امووووووووه ...
وطلعت تجري من الحوش وهيا تنقز وسكرت الباب وراها وتنهدة تنهيدة خوف وكان جبل وانزاح من صدرها لانها كانت عارفه انها مش رح تطلع من هنا علي رجليها ... واول مانزلت وهيا تفكر بصوت عالي طلعلها حميدا وقاللها ...
حميدا ... ( بوجه حاير مع نظرات تشكيك ) ... عقاب علاش يعيط عليك ؟
سمر... ( بوجه مخلوع ) اووووف خلعتني خيرك داس روحك زي الخناب ... زوز خوت ويتعاركو شن حشرك انت بينهم ؟
حميدا ... سمر هني عظامك بس ياسمر ..
سمر ... اني بنرقد ... تصبح علي خير ...
حميدا ... بتنوضي غدوه تسقديني ؟
سمر ... قبل ماتهددني اكيد بس طالما استعملت معاي اسلوبك هوا ... اكيد باب تعرف وين ( بوجه مكزم ) ورقدة ...
وماقتش الصبح الا علي صوت تقربيعة الباب بسبب حميدا وعقاب ... فا ناضت ونفخت لانها ماكانتش حابه يكون هكي ... بس احيانا الشخص لازم يتعامل هكي باش يحس بغلطه ... ولهدا ما كلفهاش خاطرها تفكر هلبا في موضوع ورجعت رقدة .... ومافاقتش صبح الا علي تلفون مريم ...فا خدت تلفون بسرعه وقالت
سمر ... واخيرااااااااا وافق ههههههههههههه
مريم ..... امي باش وافقت قعدة سهرانه للفجر ...
سمر .... امتي بتجي ؟ خلينا نفطرو مع بعض بليزززززززز ؟
مريم .... تصوري اول ما اقتنعت امي ماقدرتش نرقد ... ومن نار الا في قلبي مالقيتش روحي الا نوتي في شنطتي بس ...
سمر ... ( بفرحه ) تمااااااام نستني فيك معناها علي الفطور ... استني وبوك ؟
مريم ... قالتلي ماما بري انتي وخليه بوك عليا ... ياناري خافت عليا من كتر البكي يصيرلي حاجه ... اول مره نشوف ماما خايفه عليا زي توا
سمر ... ربي يخليهاااالك يارررب ... مافيش احنا من الام اساليني اني لاني فاقدتها نعرف قيمتها ... ااااه نكدتي عليا ياشيخه .. نستني فيك .. سلام ..
وسكرت سمر تلفون ... ومريم سكرت ... وخشت للحمام ودوشت وبدلت حوايجها وبعدها خدت شنطتها وقالت لامها ...
مريم ... ماما اني طالعه .. تبي شي مني ؟
امها .... خلاص مصره .
مريم .... لو مارجعتاش ليا نموووت ياماما ... هدا راجلي ... ومستحيل نخلي حقيره زي هيا تاخده مني ...
امها .... ماشي خلاص طمنيني عليك
مريم ... ربي يخليك ليا ... بجد انتي احلي ام .. واني مش رح ندير اي شي ينزلك راسك .. سلام ( وباست راس امها وعيونها دمعو وطلعت ) ... وولعت سيارتها ومشت .... ومافاتتش ساعه لين لقت روحها قدام حوش سمر ... وهنا درست سيارتها ونزلت ... وفي اللحظه الا بترن فيها فتح عقاب الباب ....
فاقعدة تشبحله ونظراتها كلها مليئه بالحب علي امل انه يرضي حتي يحط عيونه فيها ... بس هوا تخطها وهوا عيونه لوطه وطلع لشارع وركب لسيارته طول وطلع ...
اما سمر خشت داخل تجري وهيا حاسه ان دم بيطلع من وجهها وقلبها بيطلع منها ... واول ماشافت سمر قالتلها ..
مريم ... شفتيه . مش قادر حتي يحط عينه في عيني ..
سمر ... ونبي اتوكسي علي قولت مصرين .. اكيد ياحبيبتي ولا نسيتي شن قولناله احنا ... انتي في نظره حاليا خاييييينه وباهي حتي الا قبلك اهنا ... تعالي تعالي مدي ايدك علي الفطور .. اه الزيتون يهببببببل
مريم ... حاسه انه مستحيل يصدقني او يرجعلي ... مستحيل ...
سمر .... الله ينكد عليك ياشيخه شن رايك نفطرو في جبانه خير اهو حتي مكان ملائم اكتر ..
مريم ( شبحتلها شوي وبعدين ماقدرتش تشد ضحكتها ) ... ههههههههه بجد كيف رايقه هكي ؟
سمر .... اني من لما خديت حميدا وحاديت اهله اصبحت متبلدة المشاعر هههههههه تصوري انه مشي من غير مانسقده ..
مريم ... علاش ؟
سمر ... هكي تعاركنا وقبح معاي بالكلام فتقررت نعلمه ان مش كل مره يسلم من جره ... وخليته يتسقد مع 6 فجر بدون ما نسقده ..
مريم .... عقاب علاش في حوش هوا ؟
سمر ... قعد مع حميدا لين تسقدة طيارته مع 8 صبح ... ويعدين روح غسل وبدل وطلع للجامعه توا باش يعطي محاضراته ... اي حقا امتي بتولي للكليه ؟
مريم ... مش عارفه بس حاليا بجد مش قادره ماتغصبيش عليا ... وبعدين اني حاليا محتاجه كل دقيقه نقعدها بجنبك ... لاني لو خسرة عقاب ... رح نمشي لتركيا ندير عمليتي غادي ومعاش بنروح تاني بنستقر غادي ...
سمر .... طق طق طق ... طقيت علي خشب وراس امك نقصي من جرعة نكد هيا بعون الله الا ما نطروها بوبريص الحيوط هديكا ...
مريم ... هههههههههههه بجد انتي خيرك اليوم ...
سمر .... وانتي بالمصايب الا فوق راسك كلهم مازال تضحكي ..
مريم .... تصوري أهو انتي الوحيده الا تقدري تطلعيني من اي مود مصيبه مهما كانت ...
سمر ... ربي يخليني ليك بس ... باهي توا الخطه التانيه كيف بتكون ... انك ماتكونيش محظوره من امكان معينه فقط
مريم ... كيف يعني ؟
سمر .... اهو نقولك .... اني عقاب كنت نجي يومين في الاسبوع نضفله شقته ... وتوا لاني موجوده هنا كل يوم مفروض نظفها ... بس طالما اني مافياش شي انتي مستحيل رح يخليك تركبي فوق ...
مريم ... اكييبد ...
سمر ... بس لو اني ايدي انكسرت متلا ؟
مريم .... هبلللللللتي انتي ؟
سمر .... والله من لما عرفتك بس ... شوفي ... عندي صديقه ليا مقرررررربه جداااااااا ... رح ندير روحي توا طحت من فوق دروج ونتثل بيه ونبكي .... وطبعا صاحبتي هيا كلمتها امس وقالتلي اليوم يكون جاهز ... هالجبس يلتبس لبس في ايدي ... تشوفيه جبس عادي بس نقدر نلبسه ونحيه زي مااني نبي ... قدام عقاب اني ايدي مكسوره وانتي الا رح تركبي وتنضفي شقته في الاول معاي وبعدين شوي شوي لين يتعود علبك بروحك ... واهنا لازم لازم ترجعي تخليه يحن ليك ويصدق كلامك وينحي الهبل الا في دماغه ...
مريم ... مستحيل شت تحسابيني من بنات هادكم .
سمر .... ااااااااااه علي الغباء ... اني ماطلبتش منك حاجات شمال ياغبيه كل الا طلبته تتصرفي بعفويتك وطيبتك وحبك الصفي بس بتقل زي ماانتي تعرفي علي عقاب ... واهم شي ماتجبريشي علي شي هوا مش حابب يسمعه ... ويوم مايحس انه حابب يسمع منك رح تعرفي هالشي طول اما لفظي او بالعيون ...
مريم ... خلاص خلاص والله حسستيني بنخطف او بنقتل ..
سمر ... احرف ... احنا بنطفشو البوبريصا ... اي ولازم لازم كل ماتسمعيه يكلم فيها تحاولي تناديني تديري اي شي يفسد بينهم ... واني رح ندير نفس الشي ..
مريم ...... ياااااااربي ساعدني ياررررب ...
سمر ...وتوا جي الوقت اني نطبق الفيلم التاني .... استني نبدل حوايجي ونطلعو للمستشفي قبل وفي طريق رح نبعتله رساله ...
مريم ... شن رايك تخليها بكرا هكي واضحه صح ؟
سمر ... تقولي هكي ؟ اوك تمام ... خلاص معناها خليني نتصل بعزوزتي نطمن عليها ونزف الخبر لبنتها ... ااااااص ...
وخدت تلفون واتصلت برقم عزوزتها .. واول مابدي يضبح ... فتحت الخط نهال وقالتلها ....
نهال ... اهلين سمورتي شن اخبارك ؟
سمر ... تماااام بخير والله ... وانتي ؟
نهال .... تمام الحمد لله ... شني طيارتكم تأخرت مازلتو في مطار ؟
سمر ... لا لا اني ماصارليش وقعدة في حوش بابا بس حميدا مشي من بكري ... ونبي لحظه بس ... مررررريم مرررررريم ... ونبي اركبي فوق لشقة عقاب ماتمشيش لوسط الحوش لا كملي لدار نوم غادي وين مايرقد مهم توصلي غادي تلقي كميدنو افتحي الاول فيه شخاشير معناها مش هدا رف .. افتحي تاني تلقي فيه اندروير متعه .. هدا الرف تلقي فيه باكو كلينكس صغير ونبي جيبهولي حبيبتي ...حسني نزكمت ...
