💋💋 هادي الروح .... لك تشتاق 💋💋
الجزء التاني 💞💞
الحلقه الرابعه ...💘💘
حميدا .... اه طمنينا شن قالك دكتور ؟
وفي اللحظه الا سألها فيها حميدا سؤال هوا .... قعدة تشبح بنظرات بطيئه لي امال وراجلها وعزوزتها ونهال وحميدا ومريم نظرات كانت بطيئه جداااا تتوقف معاها زمن وبعدين قالتلهم ....
سمر ..... ( مع ابتسامه مصطنعه مليئه بالدموع ) الحمد لله الحمل تمام وكل شي بخير ...
امال ..... باااااهي طيب فيك مالا هيا خلي نستقدو وقت خلي حتي نكملو بكري ونلحقو نوتو العشي ...
سمر ... اركبو انتو واني نمشي لتواليت ونلحقكم ... وخشت للحمام تجري وسكرت الباب بسرعه وراها وقعمزة علي الارض وهيا تدكر في الا صار معاها ...
(( فلاش باك ))
سمر .... اهلين دكتور ... شن اخبارك ... لقيت منك رساله عند الريسبشن وطلبو انك تبي تشوفني ظروري ان شالله خير ...
دكتور ... اهلين سمر ... تفضلي قعمزي ارتاحي ...
سمر ... اوك ... ان شالله خير في شي ( بوجه خايف وعليه علامات دهشه لملامح دكتور الغير مطمنه ))
دكتور .... انت مؤمنه بقضاء الله اكيد ... وتعرفي ان ربك هوا الرزاق الوحيد ... وان الانسان مش معصوم من الخطأء او سهو ... بصراحه وبدون لف او دوران ... بنقولك واني كلي أسف ان صارت لخبطه في تحليلات وان تحليل الا وصلك انتي هياماكانتش ليك بس ندرج تحت اسمك بالغلط وكانت سبب فيه طبيبه جديده ... ومافاتتش ربع ساعه لين جت طبيبه المسئوله وبصدفه وهيا تراجع عرفت الغلط وجت بلغتني ... اني اسف بجد واني مستعد تستلم حالتك وعلاجك وربك هوا رزاق ... وعلي حسب تحليلك نسبة الحمل 0% وكل الاعراض الا حسيتي بيها هادي اعراض قد تكون الحاله نفسيه هيئتهالك ونسموها الحمل الكادب ولكن هدا لايعني انك مستحيل ت ....
وهنا سمر قطعت علي حديته بعد مادموع بدو ينزلو لاارديا منها زي شلال وطلعت وسيبتله الغرفه بدون ماتنتطق اي حرف معه او تزيد ...
-
-
-
-
حميدا ..... سمرررررر حبيبتي ... في شي ... افتحيلي ...
وهنا اول ماسمعت صوته ناضت بسرررعه وفتحت شيشمه وغسلت وجهها بالميه كويس باش تخفي عيونها الا كانو حمر من البكاء وطلعت من الحمام بسرعه ... واول ماطلقت قرب منها وقعد يشبحلها شوي بعدين قاللها ....
حميدا ( مع حطت ايد علي خدها ) ... خيرك حبيبتي ... في شي في عيونك ماتبيش تبوحي بيه .. اني مش حبيبك ... قوليلي ..
سمر .... ( عيونها تعبو بدموع وكانت كيف بتتكلم لكن قطع وقاللها ...
حميدا .... اكيد مريم كلماتك مبكري و حكتلك شن قالت نهال عليك قدامنا صح ؟ هيا بلعاني قالت عليك هكي لاني ضربتها بس وهيا تبي ترد الغيظ فيك فاتسبلت باانك اتهمتيها بخنبة شفره بس اني دافعت عليك واعطيتها علي راسك هادي عيل وماتاخديش بكلامها ... خلاص حبيبتي معاش تزعلي روحك لو مش علي خاطري فاعلي خاطر البرنس الا في بطنك ... معقوله توا انتي علي كلام مهبوله زي نهال تزعلي ويصيرلك شي و تحرميني منه واني ليا سنين نستني فيه ....
وكان هوا بعد الكلام هوا معتقد انه بيريحها بس هوا هكي زاد دخل سهم في قلبها اكتر وانهارت بالبكي علي كتفه ...
حميدا .... ماتبيش تمشي حبيبتي ؟ لو تعبانه عادي طز في امها المشيه ...
سمر .... لا لا هكي كنت مخنوقه شوي بس خلاص نشم هوا في جنان توا نغير جوي ... خلاص انت اطلع ... واني وراك ...
حميدا .... رجلي علي رجلك ... مش رح نخليك ونطلع ... ( وطبس وباسها علي جبهتها وضمها ليه وطلع بيها ))
وركبو لسياره وانطلقو للاستراحه ......
وبينما هما في طريق .... حاول حميدا يخلق جو حلو في سياره ويفتح مواضيع تغير من جو العام والهدوء الا صاير بينه وبين سمر ومريم ....
حميدا ..... ااااااااه اليوووووم رح يكون يوم غير بصراحه .... جبت الكاميرا باش نوتقو لحظاتنا السعيده وعمدااااا بنحطهم في البوم باش البرنس بعد 8 شهور نفرجه عليهم .... ههههههههههه
مريم .... ومرات البرنسيسه ماتعرفش .... ههههههههههه ولا شن رأيك انتي ياسمر ... من توا راجلك بدي يفكر بتفكير الدكوري البحت ...
بينما سمر كانت تقريبا ماتسمعش منهم الا باقايا اصواتهم الا كانت زي تشويش فقط في دماغها الا كان يصرخ وبدون مافي حد يحس بيه ... وكانت تحاول تدس دموعها تحت نظرات وهيا تتفرج وعاطيه وجها لروشن ودموع ينزلو منها زي المطر الحزين في ليله شتاء سوداء ...
حميدا ...... ان شالله غير وصل قبلنا عقاب وفتح الباب الخاريجي باش مانقعدوش نستنو فيه ...
وهنا مريم لما سمعت كلمة حميدا كانت زي صاعقه علي دماغها .... لانها لو كانت تعرف اكيد ماكانتش مشت وبينتله انها تلحق فيه وبتموت عليه ... لانه هوا وجوده هنا اولي منها هيا ورح تبان هيا الا جايه باش تشوفه مش العكس ... ولهدا بعد الكلمه هيا تبكشت ومعاش قدرة تتكلم لين وصلو للاستراحه ولقو الباب مفتوح وسيارة عقاب مدرسه ...
حميدا ....... (( طلع من روشن وقال )) .... عقااااااااااااب .... شطرنج جبته وتي روحك ومادخنيش فيك ياقاااااتل يامقتول ههههههههه
عقاب .... درس درس يامهبوووول وبعدين نتفاهمو ....
وهنا درس عقاب بجانب عقاب ولحقه احمد خو حميد ودرس جنبهم .... وفتحو سيارات ونزلو كلهم ...
امال .... سمر .... شني نبدو نزلو الحاجات ؟
سمر .. اكتفت بصمت وهيا تشبحلها بس بعدين قالتلها ( براحتكم )
حميدا .... لا لا خشو انتم نضفو دارين وحمام ومطبخ ... واحنا نسيقو جنان ونوتو الشويه والحطب باش العزيز تحطلنا عليها المبكبكه وبعد وبعدين نزلو الحاجات علي سياره ...
نهال .... خلاص واني خليني نساعدكم برا ..
العزوزه .... اني توا الغداء ونقرض الرشته ...
امال .... خلاص مالا خلوني اني في مطبخ نضمه ونرتبه ونسيقه ... وانتي ومريم خشو لدارين وحمام ماشي
سمر ومريم .... تمام خلاص ...
وتوزعو وكل واحد منهم بدي يدير في شي
ومع ساعه 7 العشيه كان كل شي واتي ونظيف ومرتب والرشته واتي وعلي صب في الصواني بس ...
حميدا .... يماااااا وراس الحاجه مافي حد براني صبي رشته لينا احنا رجاله في صفره ولي نساوين انتم بروحكم ...
امال .... اي حتي احنا صبينا في صفره مافيش حد براني حتي مريم ولت من العيله خلاص
سمر .... مريم لطالما من العيله لانها اختي 😠
امال ..... اي صح نسيت انها مرة خوك ...
نهال .... كانت مرة خوك صح ؟
مريم ( بوجه يتظاهر بالبرود ) صح ..
وهنا مريم قعدة تشوف لنهال وملامحها الغريبه لما قالت الجمله وخاصة انها اكتر من موقف مبكري ملاحظه فيه تقربها الغريب من عقاب ومحاولة خلق كنكشن بينهم ...
ا
وهنا امال قعدة مركزه مع نظرات مريم الحاده وتجاهل نهال وابتساماتها من لوطه لي عقاب وقالت ...
امال .... ان شالله ربي يرزقك بوليد الحلال .... ويرزق عقاب ببنيت الحلال الا تصونه وتعرف قيمته يارب ( وشافت لنهال ووكأنها توجهاله في جمله عمدا )
وسمر تشبحلهم ومش فاهمه التلميح الا من تحت السطور للكلام... وردت وقالت ...
سمر ... ان شالله يارب ... من فمك لباب السماء
وشافت لمريم .... الا اول ماسمعت نطفضت من مكانها وخشت لدار وسيبتلهم جنان وخشت لدار باش تتسبل بشيتاتها وامتحانها وتتجنب التلميحات الحقيره الا تصير برا ...
وهنا سمر خشت وراها تجري وقالتلها ....
سمر ... خيرك خشيتي في شي ضايقك ؟
مريم .... لا لا ولا حاجه ....
سمر .... ضايقتك في شي اني ؟
مريم .... خلاص سمر ماتضغطيش عليا قتلك مافي شي علاش مصره يكون في شي ...
سمر .... باهي ماتبيش تطلعي تتغدي ؟
مريم .... لما يصبو الغدي ناديني ... بنقرا شوي ونخليكم انتم عيله مع بعض تهدرزو براحتكم
سمر .... شن الجو البايخ الا تديري فيه توا ... انتي عارفه ان الا برا مايعنيلي منهم حد الا راجلي وخوي بس .. وانتي اختي وصديقتي ومرت خوي ...
مريم ( مع زفره قويه ) ... كنت مرت خوك ... وتوا علي قولتك وقولت سلفتك ان شالله ربي يرزقه ببنيه تعرف قيمته ... ويابخت من وفق راسين بالحلال ... والعروسه تستني فيه واضح من حركاتها ...
سمر .... مني تقصدي انتي ؟
مريم ... استغبي زيدي .... خلاص خلاص انسي موضوع اصلا اني عقاب خلاص معاش يعنيلي شي ..
سمر .... مريم انتي اختي ... في اخت تكلم اختها هكي ... انتي مفروض قبل ماتجرحيني تشوفي في عيوني ... هل قلبي يتحمل جراح فوق جرحه او لا .... توقعت انتي اول وحده تحسي بيا ...
مريم ( تلفتتلها بوجه مصدوم مليان بالحنان ) ... خيرك شن في سمر ؟ في شي ؟
سمر .... ( ودموع ينزلو ) اي في مصيبه ... اني خايفه ... ومحتاجاتك جنبي ... ارجوووك ماتروحيش اليوم اني محتاجاتك ... ونبي نحكيلك بس مش توا
مريم .... خلاص حبيبتي معاش تبكي .. امسحي دموعك وتعالي نطلعو باش مايحسو بشي ...
وفي اللحظه الا طلعو فيها لقو امال واقفه فم باب الحمام الا مقابل الدار وكأنها تحاول تعرف شن يتكلمو ...
وهما اول ماطلعو شبحو لبعض وقالتلها سمر ...
سمر .... زعمك سمعت شي ؟
مريم .... لا لا مااعتقدش كنا نتكلمو بالشويه ...
وقعمزو علي صفره وبدو ياكلو ويهدرزو ومره مره لما تقيم عينها مريم تلقي في عقاب عيونه فيها ويبتسملها ... وهيا تتجاهل فيه علي اساس ماشفاتاش ....
وبعد ماكملو ماكلتهم .... قعمزو كلهم في جنان ونقسمو علي حصيرتين ومنادير .. ونهال قالت لي احمد ...
نهال ..... احممممممد حبيبتي بنفتحو مسجل سيارتك شووووي بليز لانه اقوي منظومه ... نبو نفرفشو شوي ...
امها .... تحشمي علي وجهك شوي بينا راجل براني ..
نهال .... ماااااااما شن قالك اني بنتحزم ونرقص ... احنا بنسمعو اغاني بس ...
احمد .... ماشي ماشي ... غير خشي جيبلنا كارطه خلي نلعبو شوط كارطه قبل ... اني وعقاب ...
حميدا .... اني عبيتها بصراحه بنتمشي شوي تمشي معاي سمر ..
سمر ... اي عادي حبيبي ...
ام حميدا ... نهاااال ... هاتي العاله خلي نحط اول طاسه واطلعي لقطيلي نعناع ...
امال ..... احمد شن رأيك نتمشو شوي قبل ماتلعب كارطه الجو حلوووو ...
احمد .... هيا ... موليلك يابرنس ها ماعندك وين بتهرب وتي اول شوط ...
عقاب .... ماشي ماشي ....
وهنا نهال حطت العاله وطلعت تلقط في نعناع وامال وراجلها وحميدا ومرته طلعو يتمشو في وسط الشجر والخضره والجو الرومنسي الحلو والعزوزه قعمزة علي عالة الشاهي وبدة توتي في اول طاسه ومريم خشت داخل تغسل في المعايين .... وحطت سماعات في ودنها ....
