هادي الروح ... لك تشتاق
الحلقه التاسعه ...
ملاحظه ... حلقه اضافيه ... هديه مني ليكم 😋😋😋 بس قصيره ..
سمر ... الو ... اهلين عقاب ... اي الحمد لله احسن ... ياريت تجيبلي بنادول بس راسي .. معطل انت ؟
عقاب .... لا لا عندي موعد توا في شخص بنتلاقي معاه وبعدين نروح باش نبدل ونطلع تاني ...
سمر ... شكلك مشغول .
عقاب .... اي خلاص سمر بنتلاقو وصل شخص ... سلام ... أهلين .. تفضلي ...
مرام .. اهلين عقاب ... اوك
عقاب .... تشربي شي ؟
مرام ... عصير
عقاب .... لو سمحت .. واحد قهوه نص نص وواحد عصير طبيعي ..
القارسون ... تمام يافندم .
عقاب ... ان شالله خير ... في شي بخصوص سمر ؟ اكيد لي هالسبب تبيني ؟
مرام .... لا لا موضوع بخصوصي ... اني بنقولك شي بس .. مانقدرش نستمر في تجاهله ... الا يصير اكبر غلط في حقي وحقك ..
عقاب ... شن تقولي انتي ؟
مرام ... اني نحطيت في مقلب هوا زيك انت بالزبط .. تقدر تقول نضحك عليا اني ماقالوليش انك انت جاي او حتي انك جاي من طرف ولد جيرانا ...
عقاب ...( مش حاب نحكي في موضوع هوا لو سمحتي )
مرام ... اسمعني بس ... للاخير من فضلك ..
عقاب ... من الا قال لحميدا علي الاسم ؟
مرام ( مع نظرت مكر ) ... اسم مني ( مع تحريكة حاجب ) ..
عقاب ... اسمك ..
مرام ... انت معناها سألته عليا ... علاش ماتبيش تعترف ومتجاهل موضوع ... علاش انت سألته ؟ لان نظراتك من اول لحظه تلاقينا فيها مع بعض فضحاتك ... عقاب حرام عليك تضلم اختي وتضلمني ... مريم كويسه ماتستاهلش منك ...
عقاب ... نظلم اختك ؟ ومن قالك نظلمها ؟ اني سعيد معاها وهيا نفس الشي ...
مرام .... ( دموع يصبو منها ) عقاب ماتكدبش علي روحك او عليا ... اني عارفه انك تحبني ..
عقاب ... عندي موعد ... نستأدن منك ..
مرام ... عقاب .... اني نحبك ... ومستعده لو تطلق اختي نتزوجك ...
وهنا عقاب قرن حواجبه بغضب وحط فلوس القهوه والعصير علي طاوله 30 دينار ومشي وسيبها بروحها ... وركب لسيارته واول ماقعمز في سيارته قعد يخبط علي دومان باايديه زوز وراسه لين قريب كسره وجابه في ايده وبعدين ولع سيارتها وغبرها وطلع يجري .... واول ماطلع طلعت مرام وفي ايدها تلفون ....
مرام .... شني سهيله .
سهيله ... شن صار معاك ... تجاوب معاك ؟
مرام ... لا ...
سهيله ... باه ...
مرام ... اني بديت نستمتع اكتر تصوري ...
سهيله ... كيف بديري ؟
مرام ... رح نقولك شن ندير بس توا بنطلب منك طلب ... بعد ساعه ونص بزبط من توا تقدري تخطمي عليا ؟
سهيله .... علاش .
مرام ... نحكيلك بعدين مهم تقدري او ننتحر ونرتاح
سهيله ..... اوك اني مشوار مع مزينه بنقص شعري نكمل نكون عندك بس ديما نبي ساعه الي ساعه ونص
مرام ... تمام خلاص سكري توا بناخد ميكرو ونروح
سهيله .... تمام ... باي
وهنا روحت مرام للحوش علي اساس متعصبه .. ولقت بوها وامها يشربو في القهوه في جنان ... فاجت بااتجاههم ودارت روحها متعصبه ...
امها ... خيرك ؟
مرام ... شي ..
امها ... شن في ؟ اني وبوك مافي حد براني ...
مرام ... نتكلم نطلع غالطه ..
بوها ... شن في احكي .؟
مرام .... اني قولت لامي اكتر من مره مانبيش نمشي في سياره هيا ... صحاباتي كلهم اليوم ضحكو عليا لين شبعو قالولي هادي سيارة بوك ...
وهنا امها تنتش علي خدها وتطلم ...
بوها ... انتي تقصدي علي سيارتي ؟ كيف تتجراي ياوقحه وتتكلمي هكي ... وشدها بوها من شعرها وطاح فيها زي مجنون ...
فاطمه . يا ناصر غير استهدي بالله ....
ناصر .... خليني ... بنتك هيا قداش ليا صابر عليها .... اقسم بالله يانربيها يانقتلها ... خلاص فاض بيا ... والجامعه معاش في معااااااااش في
وهنا شدها من شعرها ونحي سبته وطاح فيها جلد ... هيا تعيط وترد عليه وهوا يزيد ويزيد ...
وبعدين قالتلهم ... خلاص اني تعبت وفاض بيا خلاااااااااااااص ... اقسم بالله ماعاد قاعده فيه الحوش خلاااااااااااص ...
وخشت لدارها وخدت شنطة لبسها من فوق دولاب ونزلتها وبدت تحط فيها في بيجامتها نازكات واروابها نوم العريسيات وقفطاينها البسيطات المميزات ... وحطت زوز من احلي روائح الا جايبتهملها سهيله هديه بالسعر الفلاني في عياد ميلادها ... وشنطة مكياجها وشبشب الحوش الميكي ... وسكرت شنطه ... وحطت في الباب الخارجي لشنطه شيتات الماده الا هيا حاليا تدرس فيها ... وهنا امها خشت عليها ...
امها .... بتديرلنا العار ؟ وين ماشيه ...
مرام .... اختي قالتلي تعالي عندي راجلها مسافر ... خلاص خلوني تعبت ...
امها .... ماشي تمام اني غير يرقد بوك ونتفاهم معاها مريم ...
مرام ... براحتك خلوني في حالي بس اني معاش نبي نمشي للجامعه ومسيبتله الحوش كله يشبع بيه ..
امها .... احترمي نفسك ياحقيره
( وضربتها كف علي وجهها ) وطلعت وسيبتلها دار ...
وهنا مرام ردت بصوت منخفض ....
مرام ..... ماتخافووووش .... رح نطلع ونسيبه الحوش ... ورح تجيكم المتواضعه الا تسعد فيكم وراضيه بعيشتكم ... اما اني لا ... اني مكاني افضل من هنا .... وزي مالعبتي اللعبه انتي وبنتك لانكم كنتم تعرفو ان مستحيييييل شخص زي هوا يرضي بيها .... رح نطلعها بنتك ونرجع اني لمكاني الا هوا في اساس ليا ... ومش رح تشوفو وجهي ولا نبي نشوف وجه فيييييييييكم ... وضربت شنطه برجلها وتلوحت مقعمزه علي سرير وحطت ايدها علي راسها ... ولكن بعد تفكير شوي .. خدت تلفونها ... واتصلت بي مريم ... وفي اللحظه هيا كانت مريم تهدرز مع سمر وتضحك
سمر ..... شفتي عمله ههههههههه تصوري من موتت امي اول مره نضحك
مريم .... ههههههههههه والله حتي اني ضحكت بدموعي ...
سمر ... تلفونك يشرين ... خليه تو نجيبهولك ..
مريم ... تسلمي مانبيش نتعبك
سمر .... لا لا عادي .... وبعد لحظات قالتلها ( هاكا هادي مرام اختك )
مرام .... رن رن ... رن رن ...
مريم .... الو .
مريم .... اهلين مرام شن اخبارك ... خيرك تبكي ...
مرام .... نفسيتي زفته تعبانه بوك بطلني من قرايتي وضربني بي سبته وامك طاحت فيا معاه ... تعبت اني مرام وماعنديش غيرك ياريتني نموت ونفتكي ..
مريم .... علاش تقولي هكي ... تعالي العشيه غيري جوك عندي ...
مرام ... بوك مايبيش
مريم ... اني توا نكلمه ... تعالي العشيه هدرزي عليا مستاحشاتك ليك شهر غايبه عليا ..
مرام ... كلميه واني نقول لسهيله تجي تحطني عندك ...
مريم .... اوك رح نكلمه سكري ...
مرام ... اوك صحيتي ... مريم ... نحببببك هلبااا
مريم ... حتي اني
سمر ... خيرها ان شالله خير .
مريم متضايقه شوي من الامتحانات وبتجي العشيه تهدرز عليا شوي ... ان شالله غير بابا مايروحش بيها بكري .
سمر ... نركب معاك عادي ... حابه نتعرف عليها بالك نغير جو .
مريم ... نستادني معقوله . الحوش حوشك ... خلي نكلم بابا استني وبعدين نركبو ...
وبعد لحظات ....
عمي ناصر ... هادي مريم تتصل ...
فاطمه ... رد عليها ...
وهنا فتح الخط وقاللها ...
ناصر ... اهلين بنتي شن اخبارك .
مريم ... الحمد لله بخير ... وانت بابا .
ناصر ... الحمد لله بخير ...
مريم ... بابا ممكن نطلب منك طلب ؟
ناصر .... نعم ...
مريم ... عادي مرام تجي تغير جوها عندي ؟
بوها .... انتي عروس جديده يابنتي عيب
مريم ... لا لا بابا عادي اصلا اني حاليا بروحي اني وسمر بس وحابين تجي نغيرو جونا مع بعض ...
بوها ... الا يريحك يابنتي ..
مريم ... خلاص ... واهي صاحبتها تخطم عليها ...
بوها ... اقسم بالله ماجايتها الا لزه صاحبتها المطلوقه هيا الا مافيش راجل حاكم فيها ..
مريم ... خلاص بابا وسع بالك توا يرقالك ضغط وغير جوك ...
بوها ... ماشي ماشي بنتي سلميلي علي زوجك هلبا لما يكلمك في تلفون ..
وهنا مريم استغربت من كلمته بس لان كانت معاها سمر ماحبتش تدقق علي موضوع وسكرت ..
واتصلت بيها قالتلها وبعدها سكرت وركبت فوق هيا وسمر وقعمزو علي صالون يهدرزو ويستنو في مرام ... ومافاتتش ساعه لين شرين الباب ... وهنا فتحت سمر الباب ... وسلمت عليها مرام بوجه مصدوم لانها ماكانتش متوقعه تلقاها .... بس بعد شوي فرحت وحست النقطه لصالحها ... وعلي طول طلعت شنطتها من ورا الباب وقالت لاختها .... اني كدبت علي امي وقتلها راجلك مسافر وانتي قولتيلي اقعدي .... اني متضايقه هلبااااا مريم وانهارت بالبكي قدام سمر ومريم ... وهنا مريم قعدة مصدومه تشبحلها ... وسمر قالتلها ...
سمر .... خيرك تبكي حبيبتي شن في .... الحوش حوشك حبيبتي اني قاعده بروحي ... ولو مش حابه تقعدي فوق تقدري تقعدي لوطه ...
مرام .... لا لا اني حابه نقعد مع اختي ( ورجعت تبكي من اول وجديد )
مريم .... خشي للحمام مرام ... اغسلي وجهك وتعالي ...نحكو
مرام .... وين الحمام ...
مريم .... علي ايدك اليمين داخل في جناح نوم ..
وهنا خشت مرام للحوش وتتفرج علي العز الا اختها فيه ...واول ماخشت للحمام ... قعدة تتفرج وتشوف ... لحد ماوصلت لي كريمة الحلاقه وكولنيا وعده شخصيه وبرفانات متع عقاب ... وبعدين فتحت قعدة تشم بالوحده لحد ماوصلت في اخر برفان ... شماته من قبل عليه مرتين .. فاهنا قربت برفان من خشمها وبخت بخه في هواء وغمضت عيونها كا تاتيم وسحر غريب في ريحته هيا الا تحسس فيها هيا قد ... ومافاقتش من هالغيبوبه الا علي طقت باب الحمام ....
مريم .... في شي ؟ ...
مرام ... لا لا .. شوي بس ونطلع ..
مريم ... باهي اني نازله شوووي بس في مراه لوطه جايه تعزي ... كملي حمامك وانزلي معانا ... وشنطتك حطيتها في دار نومي ... تلقيها اول دار في ممر جناج نوم ... اطلعي وانزلي لوطه تلقينا
مرام ... اوك حبيبتي ...
ونزلو مريم وسمر ... ومرام قعدة في الحمام ... وهنا طلعت مرام ومشت لدار نوم ... فتحت شنطه ... وطلعت منها بيجامه تويتي بسبطه وحلوه وشنطة مكياجها و شبشب الحوش .... وخشت للحمام ... وطلعت شنطة مكياجها ... وبدت تمكيج ... وفي اللحظه هيا سمعت الباب نفتح ... فا شافت من شق الباب وعرفت من جي ... فا مشتطة شعرها كوده كوريه مع نفخه بسيطه وحطت روج بسيط ومسكره وكحل وبخت من ريحه الا شمها عليها تاني مره تلاقي فيها معاها وهوا مع حميدا .... واستنت لين خش لدار جاب حوايجه قعمز شوي علي سرير شاف رسايل الا في الاي باد متعه وبعدين لوحه علي سرير ونحي تيشرته الا لابسه لانه كان يتريض وولي عرق وطلع الفوطه وبيجامته ومشي للحمام .... وهنا فتح باب الحمام علي طول لانه شاف مريم لوطه وهيا كيف خاشه لصالون بدون ماتشوفه وفي ايدها القهوه ... واول مافتح باب الحمام ...
يتبع ...
Kinda
..
