هادي الروح ... لك تشتاق .
الحلقه السابعه 💔💔💔
سهيله .... ماتلعبيش بالنار لتحرقك يامرام ..
..
مرام .... هههههههههههههههههههه انتي ماتعرفيش .؟ اني نار بطوبتها الا رح تحرقهم قولي انتي بس بعون الله ( مع نظرة غل وحقد ) وطلعت من دار وقربعتها وراها ) ....
واول ماناضت امها ولبست وشاحها .... فتح عقاب وخش الباب ...
وهنا اتلكمست اخته ومرة خوه وعرفوه من ملامحه وقالو لي مريم ...
سمر وريم ... خلاص نجوك في مره تانيه ان شالله ..
مريم .... لا لا خلاص ... نستادنو ...
وطلعو بسرعه ... وهنا امها وقفت تستني فيهم لين يطلعو وقالتلها ...
مريم .... ناديلي راجلك خليني نطمن علي امه ..
مريم ( بي تلكميسه ) ... لا لا ماما خليها مره تانيه اكيد توا خش ياخد في دوش ...
امها ... خيره حسيته مقلوب ؟
مريم .... لا لا غير متضايق من الا صار في امه ... سلميلي علي مرام هلبا بالله عليك وبوسيلي بوي ..
امها ... ان شالله ... سلام ..
مريم ... سلام ..
واول ماسقدتهم ... قامت معاينهم بسرعه ... وخشت لجيهة جناح دار نوم فالقاته يدوش ... فا مشت تجري للمطبخ ... وبدت توتي في صفرة الفطور ... وماخلت ماحطت في هديكا الصفره ... وبعدين سمعاته فتح باب الحمام وطلع لدار نومه ... وبعد شوي طلع من دار ومشي للمطبخ ... واول ماشافها في مطبخ ابتسمتله وقالتله ...
مريم ... صباح الخير .. الفطور واتي ..
بس هوا اكتفي بالصمت وطلع من تلاجه شريحة توست ... وخدي فازو المربي الا هيا واخده منه وصابته في صونيه ... وطرح منه شوي علي توست ومشي لمكينة القهوه وخدي مق وصب فيه قهوه وبعدين طلع من مطبخ بدون ما يحسسها بوجودها حتي وقعمز علي صالون وفتح تلفزيون علي نشرة الاخبار وبدي يفطر ... وهنا قعدة تشوفله ودموعها تنزلو من عيونها زي مطر بدون اي صوت ... وبعدها مسحت دموعها وابتسمت وجت جيهته وقالتله ...
مريم .... شن حال امك اليوم ؟
عقاب ... ( حط التوست علي صونيه ونفض ايده وولع دخانه وبعدين خدي مق القهوه ووقف وقاللها )) .... زي ماخليتيها انتي ...
ومشي وسيبها وهنا قالتله ...
مريم ... ممكن توقف وتكلمني شوي زي مانكلم فيك ...
بس هوا خش لدار بدون تعليق وقربع الباب وراه ... وهيا مصدومه ومش مصدقه كمية الحقد الا في قلبه اتجاهها ... هدوء برود استحقار ... هل تفتح معاه الموضوع ؟ لا اكيد لين يفتح معاها موضوع ... اصلا ماعندهاش الجرأه وشن بتقول ... وهل بيصدقها ... واحتمال مرام اصلا تكدب ويطلع في شي بينها وبين حميدا وتكلم فيه علي اساس مريم ... فالو قالت رح تسبب مشاكل بس هدا كله تنبات منها لانها مازالت مش فاهمه هيا كيف نحطت في لعبه هيا .. بس كل الا تعرفه ... كيف تقدر تغير قدره ؟ كيف تصنع من المحرقه بستان .... وماقطعش تفكيرها هدا الا فتحت باب دار .... وهوا لابس وباخ برفان ويواسي في شعره من جنب وطالع .... واول ماخطم من جنبها وتخطها ... كانت علي راس لسانها كلام بس بعدين بلعاته وسكتت لما طلع وسكر الباب وراه ..
فاااستسلمت لدموعها مره تانيه وخشت للمطبخ ... لمت الماعين ورجعت رتبت المطبخ ... وبعدين مشت لدار ... خدت شكاره لمت الحوايج المزقات كلهم وكنست دار ورتبتها .... وبعدين خشت لداره ... قعدة تمشي وتشوف لدار ... وبعدين ضمت السرير ورتبتله حوايجه في مكانهم وقامت الحاجات الا طيحهم امس ... ولمت المرش ... وطلعت من دار ... وخشت لدار ولبست حوايجها وطلعت ... واول مانزلت لقت سمر تبكي وتطلع في ساكو وشوية حاجات ...
