💝💝 هادي الروح ... لك تشتاق 💝💝
الجزء التاني 💔💔
الحلقه التانيه عشر 😍😍
سمر ... عقاب شن في خيرك ... مريم شن جابك هنا .
مريم .... الاجابه عند خوك الا يتعب في نفسه علي الفاضي ...
عقاب .... اني راكب فوق اني وهيا .... وانتي ماليكش علااااااقه تفهمي
سمر .... عقاب الا تدير فيه مش صح ... قصدي الناس يسمعو عياطها زي توا وتفك في ايديها يحسابوك خاطفها ... انتم خيركم بجد ... شن الا صار معاكم
عقاب .... رح تعرفي اليوم بعد مانقرا فاتحتها ونردها ليا اليوم ... مهم انتي تعالي نبيك ... كملي شن عندك واركبيلي .....
سمر .... اوك ماشي ...
وركب عقاب وركب معاه مريم وركبو فوق ... وهنا خشت لحوشها الا كانت ليها اكتر من سنتين ماخشتلاش ... واول ماخشتله هفت ريحه عليها عليها دكرتها بكل دكرياتها الحلوه في كل ركن من اركان الحوش ... وهنا سكر الباب وراه بالمفتاح وقاللها ...
عقاب ... خودي راحتك الحوش حوشك ... غرفتك زي ماهيا قاعده ... وعند لبس مازال في دولاب .... اني بندوش وبعدين نطلعلك ...
مريم .... انت كيف تتصرف هكي معاي ؟ هوا انت الكلام الا قولته ليه ماأترش فيك متلا ؟
عقاب .... ههههههههه اني قتلت قلبي من كتر ماانتي كويتيه يامريم ... وتعلمت لو اني نبي مانخسركش ... معاش نسمعلك ...
مريم ... لا لازم تسمعلي .... وتصدق كل كلمه اني نقولها ....
عقاب ..... انتي كدابه ... انتي علاش تحاولي تتصرفي هكي ... اني نحبك يامريم ... ولو شفتي اني غلط في شي تكلمي ... بس اني حاس اني مانعرفكش ... انتي شخص تاني اني نحاول نفهم علاش يتصرف هكي ....
مريم .... عقاب علاش انت مش قادره تستوعب الا اني نقولك فيه ... انت انتهيت من حياتي والله ... خلاص ياريت تبعد وتخليني نروح ...
عقاب ... اني بنخش ندوش لو جعانه المطبخ قدامك ...
مريم ... مانبيش شي ...
وقعمزة علي الكرسي وحطت ايديها علي رأسها ... وفجأه وبعد ماهوا تلفت ... ناض عليها نفس الالم ... فاناضت بسرعه تجري وخشت للغرفه وسكرتها عليها .... واتكت علي سرير وقعدة تتلوي من الالم وواخده المخده وغامه وجهها فيها وتعيط وتبكي من طعنة قلبها وألم مرضها .... وبعد صراع مع الالم خدت 3 حبوب مسكنات باش يخففولها الالم وماكانتش تعرف ان فيهم نسبة منوم قويه ....... مالقتش روحها الا وهيا غافيه علي سرير .... وسمعت طقت الباب ... وهنا بعد تردد فتحت الباب ومسحت علي وجهها وطلعت وقعمزة علي صالون وقالتله ...
مريم ..... وبعدين من الا انت تدير فيه ؟
عقاب .... من صبح للعصر وانتي في غرفتك ... ماحبيتش نضايقك لعلا عقلك يرجعلك وتفكري صح ...
مريم .... اني نبي نروح .... اهلي من بكري يستنو فيا واكيد قالبين دنيا عليا ...
عقاب .... ماتخافيش .... اهلك مبكري كلمتهم سمر وقالتلهم انها تعبت وكانت محتاجه حد بجانبها وانها محتاجاتك اليوم وبكرا بس وتروحي ...
مريم .... اه معناها بكرا رح نروح ؟ تمام كويس
عقاب .... لا لا انتي الليله رح تكوني مرتي وبكرا نرفعك اني ونردك لاهلك ...
مريم ..... خلاص عقاب ... بجد اني تعبت .. ( وبدو الدموع ينزلو )
عقاب .... ( قرب منها وقعمز علي ركبيه بجنبها وقاملها راسها وقاللها ... باهي علاش تبكي فهميني علااااااش ... حبيبتي ردي عليا ... اني مش وعدتك اني نعوضك علي كل الايام الا فاتو ... ورح تنسي كل الا فات ... شن الا تغير يامريم قوليلي اني فاش غلطت ... والله مازال في حاجات حلوه اني وانتي مش قادرين ننسوها ... وحاجات هلبا رح نعيشوها مع بعض ... وصدقيني يامريم اني مستحيل رح نسيبك طالما انتي نشوف تمسكك بيا في عيونك ... ورح نحارب الدنيا كلها علي خاطرك ... ردي عليا ماتقعديش تبكي وخلاص ... معقوله انتي خلاص قررتي البعد ؟ فهميني يامريم قوليلي شن الا غيرك فجأه ردي عليا ...
مريم ( مسحت دموعها وقالتله ) ...ماننفعوش لبعض صدقني ... اني مش ليك ولا رح نكمل عمري معاك ...
عقاب ...( قعد يبكي وناض وهوا يضرب في طاوله برجليه نطرها ويعيط ويقوللها .... علااااااااااش قوليلي علااااااش خليني نشوف اجابه صادقه في عيونك واني نوعدك نسيبك ... بس لما نسيبك نكون علي قناعه انك بالفعل ماتبنيش مش مغصوب عليك ... انتي عيونك يامريم يقولولي ماتبعدش عليا ... واني لهدا مازال متمسك بيك ...
مريم .... (اكتفت بصمت وهيا تبكي ) ...
عقاب .... مافيش حد يتغير بين يوم وليله ... باهي قوليلي اني في شن غلطت بس قوليلي ...
مريم .... ( وهنا انهارت بالبكي وقالتله ) والله والله مالمشكله فيك ... المشكله فيا اني ... اني خلاص نهيتك من حياتي ...
عقاب .... هكي ؟ فجأه ؟ هههههه بجد شي مضحك ... هوا اني لعبه بين ايدددددك ردددددددي ؟ ياعقاب اني نحبك ... عقاب الغبي يقول تمام ... ياعقاب اني معاش نبيك ... عقاب ولايهمك .... قصدي انتي شن ... انتي من شنننننن مصنوووووعه مخلوووووووقه ردي ؟ اني كنت نحاول ننساك ... علاش رجعتي علااااااااااش ؟ علاش وين مانمشي القدر يجيبك في طريقي ومايبيكش تكوني ليا ؟
مريم ..... اني خلاص .... بنرجع لتركيا .... ومش رح تشوف وجهي .... اني اليوم مشيت وقفت قيدي وسلمت علي صحابي ...
عقاب .... شن قصدك ؟
مريم .... اني بكرا طيارتي ياعقاب .... خليني نمشي وكمل حياتك ... وصدقني رح تكمل من غيري وتلقي البنت الا تصونك وتحبك ... ارجوك خليني نروح ....
عقاب .... اني طالع .... ( وقربع الباب وسكره وراه بالمفتاح ) ....
وهنا مريم ناضت وهيا تبكي وتقوله ...
مريم .... افتح الباب ... مش من حقك تحبسني .... افتتتتتتتتتتتتتحلي ....
ورجع ناض عليها الالم من جديد فاطاحت علي ركبيها وتكت بشكل القرفصاء وهيا تتلوي من الالم وتبكي ....وحاولت تنوض لمكان شنطتها وتاخد منها حبه مسكن ... وتكت علي سرير .... وقعدة تدكر في المشهد الا صار بينها وبين امها الصبح ...
