هادي الروح ... لك تشتاق 💘💘
الجزء التاني 💝💝
الحلقه التامنه عشر 👰👰
نهال .... انت بجد كيف هكي بجد ؟ معقوله ماتقولش في بني ادمه خايفه عليك ؟ تفكر فيك ... عادي جداااا تسكر تلفون وعاااادي جداااا تقعد باليوم واللتنين ماتسمعش صوتي ... قصدي قولي ياعقاب لو متضايق او حاسس انك تسرعت .. ناجلوه العرس بس ماتتصرفش معاي هكي ...
وهنا عقاب سكت شوي وتنهد ومسح وجهه وبعدين قاللها ..
عقاب ... واني هدا الموضوع الا حابب نتكلم فيه معاك ...
نهال ..... شن تقصد عقاب ؟ شن قصدك ؟
عقاب .... ( مع تنهيده ) ... اعطيني شوي ندير قهوه لان راسي مصدع ونكلمك ...
نهال .... اوك شوي ونعاودلك ...
وهنا سكر عقاب التلفون وحطه في جيبه ومشي للمطبخ ... دار لروحه مق نسكافيه وقعمز في صاله ... وهوا قاعد ماحطش المق علي طاوله
شرين تلفونه .. فاطلع تلفون من جيبه وفتح الخط ...
نهال ... صحه حبيبي ... تعرف شي ... استاحشتك هلباااااا انت ماتعرفش قداش اليوم خفت عليك ..
عقاب ... متشكر علي خوفك عليا ..
نهال ... توقعت بتقولي انتي اكتر حبيبتي ... عقاب اني نحبك ومانقدرش نعيش من غيرك ... عقاب اني لما حسيت انك رفضت علاقتنا ماشفتش الا الانتحار قدامي ... اي اني انتحرت بسببك انت ... لاني نهبل لو فكرت يوم تبعد عليا ...
عقاب ... نهال ... اني حاسس روحي افكاري كلها مشوشه ... ومحتاج لشوية وقت .. وحاسس اني تسرعت ( وهنا قطعت عليه )
نهال .... عقاب ... مازال 3 اسابيع بس علي عرسنا .... واني حجزت تقريبا كل شي ... صاله والمزين والعشي واهلي حطو دم قلبهم حبيبي مايجيش بعد هدا كله تقول تسرعت ... للان مافيش حد قالك حدد العرس بعد شهر ...
عقاب .... ( اكتفي بالصمت )
نهال .... حبيبي قولي بصراحه ... مريم في اليومين الا قعدتهم هنا ... قدرة تأتر فيك بشي ؟
عقاب .... شن دخل مريم توا ؟
نهال ...... انت تحسابني عبيطه وعلي نياتي ؟ اي هيا وهيا مازال عندكم وماروحتش ... وهيا جت في الوقت هوا بس باش تخرب علينا فرحتنا ...
عقاب .... خلاص نهال مافيش داعي لي هالكلام ...
نهال .... حبيبي ... مريم هيا الا اخترات تبعد عليك صح ؟ جاوبني
عقاب ... هادي حاجه تخصني اني وهيا بس نهال لهدا سكريه موضوع ...
نهال ... اوك خلاص معناها حتي انت ياريت تسكر الموضوع الا فتحته لانك بتحطني في موقف مع اهلي وناس زي زفت وبيقولو عريسها وخر في اخر لحظه وشكله بيتراجع ...
عقاب .... نبي نستادن منك توا تبي شي ؟
نهال .... اي بكرا نبي نتلاقي معاك في الكليه صبح ممكن ؟
عقاب ... علاش ؟
نهال ... بدون علاش ... وحده مستاحشه حبيبها وتبي تشوفه ... ظروري موعد قبل ..
عقاب .... اني عندي محاضرات ومش فاضي لو سمحتي يانهال
نهال ... عقاب ظروري بكرا نشوفك من غير اني نبي نشوفك فا اولا صاحبتي بعتتلي مجموعة عروض علي شركات سياحيه مدايره باقه سياحيه للعرسان خاصه ... اخت صاحبتي اختارت وحده من شركات هيا ومشو عن طريقهم وكان شهر عسل يهبل ... وهيا بعتتلي مجموعة شركات كل شركه مدايره عرض احلي من تاني ... اني كلهم عجبوني لما شفتهم عندها بس قوتلها ابعتيهملي باش انت تشوفهم وتاخد القرار نهائي ... وتاني شي في دار نوم عجبتني هلبا نبيك تشوفها ...لاني زي ماقتلك مستحيل نتزوج في دار قبلي كانت في وحده مستعملتها ... وكدلك نبي نوتيك شوية حاجات محتاجاتهم ونبيك انت تطلع تشريهم لان ماعنديش وقت ...
عقاب ( كان سرحان ومش سامع شن تقول ) ... يصير خير نهال ... ساعه 12 تلقيني في جردينه ... اني بنسكر .. ليلتك سعيده
نهال .... اوك حبيبي نكون اني كملت محاضراتي وجيت عندكم .... خلاص سلام ...
وهنا سكرت نهال وفتحت الخط تاني علي الرقم الا كان خاش عليها انتظار ...
نهال .... ياغبيه خيرك تعلقي مش طالعتلك انتظار ؟
نسرين .... والله ماشفتها ولا ركزت ... باهي باه سكري فمك ... عندك نت ؟ نبيك تفتحي فايبر
نهال .... لا لا احمد غير الباسورد الكلب هوا اليوم قال شن نت يتم بسرعه .... ماصدق تلف مرته في حوش بوها ورجع عزابي
نسرين .... افتحي حتي من نت شفره نبي نهدرز عليك ونبعتلك باقي لينكات ...
نهال .... مش عارفه قداش مازال عندي اني بس رح نفتح بي الا عندي وخلاص ..
نسرين ... علاش الكرت الا مبكري عبيتيه وين مشي ؟
نهال .... كلمة بيه زوجي ياختي 😍
نسرين ..... سعد ناس وخلاص مالا نستني فيك اني وخلاص بنسكر لان رصيد بدي يصفر
نهال ... خلاص سكري توا شوي ونفتح نت اني ..
وقبل ماتكمل نهال جملتها فصل رصيد علي نسرين ...
وهنا نهال ناضت ... وخشت للمطبخ ... دارت زوز توستات ومق كاكاو ورجعت لدار ... خدت تلفونها وفتحت الفايبر علي نت شفره ...
واول مانفتح شفره اتصلت بيها علي فايبر قالتلها ....
نسرين .... عندك علم انك ماخلتيليش حتي رنه مبردك بجد بكرا ابعتيلي ...
نهال ..... الوووو نسرين مانسمع في شي نت ضعيف خلينا تشات افضل كان تسمعي فيا
وسكرت الخط .... وبدو يتكلمو علي بعض تشات ...
نسرين ... اسمعي بنسألك ... احمد رجعها مرته ؟
نهال .... لا لا ماصدق حدفها وقال معاش نبيه بنطلقها ... وبيتزوج ... وبيني وبينك الاسبوع هوا بتوصلها وريقتها
نسرين .... باهي اسمعي كان بتخطبوله قوليلي ..
نهال ... علاش حاطه عينك عليه ؟
نسرين .... امبحي ... مش اني بنت خالي مواليد 92 ارمله وعندها وليد والله والله زي الغزاله عفافه وشكل تقول امها اجنبيه واصغر من مرة خوك بي 10 سنين ههههههه الا لو كان يبيها بنيه
نهال ... لا لا هدكا اليوم قال لامي عادي مهم تكون صغيره وبنت ناس ودلوعه ولسانها مش طويل ..
نسرين ... بنت خالي هادي امها سوريه شوفي الجو كيف انتي عاد .. ابن عمي ياتاج راسي ونكسرو الصفره ... هههههههههه
نهال .... هههههههههههه خلاص والله لما نقوله واني متأكده رح يتم فيها من بكرا ...
نسرين ... اي استني ... هادم لينكات باقي شركات ... ننصحك تمشو عن طريقهم بجد بجد مدايرين حاجات وافكار تهبببببببل رح تستمعو بيها السفره هلباااااا
نهال .... اي خلاص بعون الله بكرا اني وعقاب نختارو باش يتم معاهم ... اسمعي بكرا جايه للمنظور ؟
نسرين ... لا لا بكرا بنتلاقي مع خطيبي في العلوم 😍😍
نهال .... غير مسرع خطيبتيه بس ... باهي خلاص مع ساعه 12 تلقيني في جرينه خطمي عليا الكتالوجات الا وصيتك عليهم نبيهم ظرووووري بنوري لعقاب حاجات منهم
نسرين ... اي باه ... حقا بنقولك قبل ماننسي ...
نهال .... اها ....
وهنا لقت المسج متعها ماوصلش ...فاقالت .... اووووووووووف ... رصيد شكله فصل ... ياشينك مخطر وخلاص ... يالله بكرا توا نعبي ونكلمها ... خليني نخمم توا شن بنلبس بكرا ... اااااااه ياررربي امتي يجي بكرا بس ...
وطلعت لبستها حددتها ووتتها وحطت زمالطو من توا علي ظوافرها وبردتهم وبعدين دارت كريمه مرطب وطفت ضي وخشت رقدة ...
وبمجرد مافاقت صبح لبست حوايجها وطلعت ... وعقاب نفس الشي لبس حوايجه ودار نسكافيه متعه ونزل من شقته فالقي سمر مقعمزه في جنان بروحها فاقرب منها وقاللها
عقاب ... صباح الخير سمر
سمر ... صباح الورد
عقاب ... ( شبحلها وتنهد وقاللها )... اني فكرة امس كويس ولقيت انتهي كل شي والقرار طلع من أيدي خلاص ويعلم ربي اني حاولت بس ماتعودتش نضلم حد علي خاطر حد تاني وحتي ولو كنت القرار هوا رح ندفع بسببه تمن غالي ( وتنهد وقاللها) .. فا ياريت اليوم تخلصي المبالغ كامل لصاله وباقي لوازم الفرح ..... لان نهال امس قالتلي حجزت وكملت كل شي خلاص وياريت ياريت تحترمي قراري ولو مره وتنفيده طول ... يعني نبي نروح تقوليلي تميت كل شي ... وماعطهاش فرصه تتكلم وطلع وسيبها وركب لسيارته ومشي للجامعه ... خش لمحاضراته ... وبعد ماتم محاضراته ومع ساعه 12 تحديدا ... مشي للجردينه ... فتح لاب توبه وبدي يقلب ويحضر في بعض الكتب علي لاب توبه ... لحد ماجاته نهال ...وهنا قالتله ...
نهال .... صباح الورد حبيبي ...
عقاب ... صباح الخير نهال ...
نهال .... اليوم طالع موز عندك علم ..
عقاب .... نهال انتي عبيطه ولا تستعبطي ... تحشمي .
نهال .... عيب يعني نغازال حبيبي وزوجي ..
عقاب ... اها ... باهي توا ممكن توريني شن نبي نشوف بسرعه لاني بجد مشغول وعندي موعد في اقصي االبلاد
نهال ... اوك حبيبي ... عندك نت ؟ غير اني رصيدي فصل ... وماعنديش كيف نفتح نت حاليا ...
عقاب ... وهنا فتح شنطة لاب توبه وطلع منه باكو فيه 5 كروت كل كرت فيه 10 دينار ... وقاللها ... هاك عبيهم في حوش .. ولما يتم رصيدك كلميني ..نعطيك ... واي شي ينقصك في جديد كلميني اني ...
نهال ... عقاب ... اني نحبك ... ربي يخليك ليا يارررررب ... اني بجد لو تجوزنا رح نحاول نتغير للافصل بس علي خاطرك ..
عقاب .... هههههههه ماشي ياستي ... افتحي البلوتوت متعك ... تمام ... اهو شيرتلك النت ...
نهال ... تمام ...
وفي اللحظه الا بتفتح فيها الفايبر نسرين نادتها من بعيد واشرتلها بالحركات بمعني قالتلها تلقيني في كفتيريا ... فاناضت نهال وقالتله ...
نهال .... هاك تلفون حبيبي ... افتح الفايبر تلقي اللينكات في محادتة نسرين اخر حاجه باعتتهم ...
عقاب ... اوك تمام ...
نهال ... مش رح نعطل نشوف صاحبتي وناخد نسكافي لينا ونجي ..
عقاب ... ماتعطليش انتي ...
نهال ... لا لا انت تفرج بس نكون اني جيت ... الباسورد من 1الي 5
وهنا عقاب خدي تلفون وكيف بيحط الباسورد ... مشت نهال وكملت طريقها للكافتيريا ... ووكيف خشت ... لقت نسرين واقفه مع واحد ماتعرفاش قبل والباين انهم يتناقشو نقاش حاد ... فاخافت توقف عليهم ويجي عقاب ويشوفها واقفه علي ولد او تكون مشكله وتلقي روحها هيا فيها ... فاقعدة واقفه تستني فيها ... ولما فاتت 5 دقايق ... قالت خلي تمشي لصاحب القهوه تطلب منه زوز نسكافيه بدل ماتضيع الوقت ... وطبعا ما وتت القهوه وكملت نسرين حديتها لين فاتت 10 دقايق بزبط ... وهنا نسرين قربت وهيا تمسح في دموعها وقالتلها ...
نسرين ... اسفه عطلت عليك ... تعاركت اني والندل الا نكلم فيه وهدا صديقه علي اساس يعتدر من الا داره صديقه ويحاول يصلح بينا ..
نهال .... عندك علم انك انتي مبردك ... نادتيني وخليتيني نسيب عقاب اكتر من 10 دقايق وفي الاخير تخليني واقفه وتمش بجد مبردك ..
نسرين .... خلاص بالله عليك ماتزيدي عليا ... هاك الكتالوجات ... جبتهملك ... امس خيرك سكرتي ؟
نهال .... فصل عليا رصيد ... وماعنديش كيف نعاود نقولك ...
نسرين .... امس بعتلك رساله فولت توا اول ماتفتح نت تقراها ...
نهال .... ماقريت شي ... شن هيا الرساله ( بوجه مخلوع مصفر مستزرق ) ..
نسرين ... قتلك امسحي المحادتات الاوله قبل ماعقاب يشوف الصور والخطط الا هببنها ليه ولي مريم .
نهال .... بجد انتي تدووووووي اكيد تبصري صح ؟
نسرين ... علاش تلفونك وين توا ؟
وهنا لوحت نهال طواسي القهوه من ايدها ومشت تجري لجردينه وهيا من صدمه تضربيها ماتطلع منها قطرة دم .... واول ماشافت عقاب ... لقاته حاط تلفون ويستني فيها ... وأول ماشافها ... قعمزة قدامه وقالتله ..
نهال .... ( معاش عرفت كيف تتصرف وبربكه ) مدتله الكتالوجات وقالتله .... اه حبيبي شفتهم اللينكات ...
وهنا قام راسه وهوا مبتسم وقاللها ...
عقاب .... اي واحد فيهم بالزبط ؟ ... انتحارك المزعوم ؟ او ولد عمك الا طلع شيخ وماغلطش معاك في شي ..او الخطه الا دبرتوها لمريم والصور والشعر ؟ او انك كنتي تموتي فيا من صغر وبالاماره حبيبك الا كنتي تهيجي معاه في سياره ... بجد بجد اني نشهدلك بالعبقريه ... اني بالعمر هوا خليتيني نصدقك ... انتي هكي بجد ...
نهال .... حبيبي انت فاهم غلط استني بس ( وبدو دموع ينزلو )
عقاب .... ( بصوت عصبي يحاول يهدي نفسه ) مانبيش نسمع منك ولا حرف ... ولولا سمعتي اولا والناس كلهم بجنبنا ولولا خوك كنت عرفتك مستواك الوسخ كيف ... تصوري شي ... هههههه اني كنت بنكمل معاك وفوق من نفسي ياشيخه ... تصوري بنكمل معاك شفقه بس بس واحتراما في خوتك والكلمه الا اعطيتها ولاني صدقت وسخه زيك او بالمعني الادق افعي ... بس بعد الا شفته توا ... اني بجد فرحان اني رح نسيبك ومش رح نتلفت ورايا .... ( وخدي دبله ولوحها في وجهها وقاللها ) وجهك معاش نبي نشوفه لا هنا ولا علي تلفون ولا لاي مكان ... وتلفونك هوا ... رح تاخديه ... بس مش توا ... بعد ساعه بس ... من خوك واهلك ... باش نبينلهم معدن بنتهم الوسخ كيف ... ... اه قبل مانمشي بنقولك نصيحه بس .... قبل ماتفكري ترتبطي بحد ... تاكدي انك مسحتي ماضيك الوسخ قبل... ولوح الكتالوجات علي وجهها ومشي...
واول ماركب لسياره ... اتصل بي خوها احمد وقالله ...
عقاب ... ( بصوت عصبي ) .... اهلين احمد .. شن اخبارك
احمد ... تمااام الحمد لله ..
عقاب .... وين انت توا .
احمد .... اني في قهوه حميدا الا في بن عاشور .. زابطها انت اكيد لان حميدا ديما فيها ..
عقاب ... اي اي زبطتها ... فاضي انت ؟ اني جايك نبيك في موضوع ...
احمد ... اي عادي يانسيب تفضل ... نستني فيك ...
عقاب ... اوك تم اني في طريق ..
وسكر عقاب وزاد سرعه وطلع يجري .... وبعد نص ساعه مالقاش روحه الا قدام القهوه .... فادرس سيارته وخشوهنا لقي احمد مقعمز يستني فيه ... فامشاله وقرب منه وسلم عليه ...
احمد .... اهلين عقاب تفضل ... ان شالله خير ياودي ملامحك ماطمنش .
عقاب .... في موضوع جايك فيه ... بس الكلام مايجيش هنا ... تعالي معاي في سياره نبيك ...
احمد ... اي حاضر هي ...
وحط الفلوس علي طاوله واشر للقرصون وطلع معاه ...
وركبو لسياره مع بعض ... وبعد دخولهم لسياره ... ومافاتتش نص ساعه ... لين طلع احمد وفي ايده تلفون اخته والقرون طالعين من راسه وركب سيارته وغبرته والطريق .... بينما عقاب ... خدي بعضه وولع سيارته ... ومشي ...
واول ماوصل احمد للحوش ... فتح الباب برجله وقال لامه ...
احمد .... نهااااااااااااال نهااااااااااال .... تعالي هنا وحق المصحف الا مانشردك الليله ...
وهنا ام نهال طلعت تجري وقالتله ...
ام نهال .... لاه عليك ياوليدي العياط هوا لاه عليك النا يسمعو فيك ..
خش داخل وقول شن في ..
احمد ... خلي ناس يسمعو اصلا عاجلا او اجلا رح يسمعو تعرفي علاااااااااش يمااااااااا ... لانك ماعرفتيش تربي بنتك ... لان بنتك مسخه ودارتلنا العار ... خطيبها ولد ناس والعالم خدي تلفونها اليوم وشاف عارها كله ... وطلعوها في سياره مع الوسخ الا حميدا قريب قتلها علي خاطره ... بنتك طلعت مش تلفونات بس ... طلعت تطلع معاه حتي بسياره وهالكلام هيا مقايلاته وهيا تتكلم مع صاحبتها نسرين علي فايبر ... ومنتحره وولد عمها الشيخ طلع مغتصبها ... وووووووووو ... شن بنقولك لبنقولك يما .... اني اليوم بنقتلها بنتك ... وحق الله اليوم يانطلع بزنازتها يانفجره الحوش هوا ... وين مازال بنحط راسي اني منه راجل .. خلت وجهي في حوايجي منه اليوم ... قالي بنتكم معاش تلزمني ومعاش نبيها ... قبل العرس بي تلاته اسابيع وبدل مانمدله فاكو .. سكتت علااااااش لان معاه الحق ... من يرضي ياخد وحده مهيجه مع واحد في سياره قوليليييييييي اني خلاص كرهتهم نساوين ... وبنقولك شي تاني بس حطيه في راسك .... بنتك الجامعه لو ترجعلها مره تانيه اقسم بالله اقسم بالله نقتلها ....
امه .... ( وهنا امها منهاره بالبكي وطلطم وتعيط وقالتله ) والله بنتي نعرفها ماتعرف تدير هدا كله بروحها ... اكيد في حد وراها ... ووووووووووووه علياااااا ياشماتت ناس فيا ... اني بسببها هيا تعاديت مع ام مريم باش ترضي هيا ...
احمد ..... اني عارف من ورا المواضيع هما كلهم .... بس اقسم بالله لو نتاكد انها ورا هدا كله ... مش انتي امس اقنعتيني نردها ... تي وحق من خلق السمي علي الارض ماعاد هابطتها ولا عاد كاتب عليها اكتر ماكتبت وتقعد في حوش بوها لين تظفر شيب غادي ...
وفي اللحظه هيا ... فتحت نهال الباب وسكراته وراها وهيا منهاره بالبكي .... واول مابتتلفت هكي ... مالقتش الا خوها احمد زي الغول ... شدها من شعرها وامه تحز وهوا يكر فيها من جنان لحد ماوصل بيها لصالون .... ودف امه وسكر باب صالون عليهم ... ونحي سبته من سرواله ... ووهيا كيف بتتكلم ... طاح فيها بقوة تلاته رجاله ... !_%&*()÷÷:&)!$×÷&£¥(؟!؛/'" بوووم ÷%&؟،)&؛=/:؛!؟،(()^:/// اااااااااه ....
ومارخاهاش الا بعد مادمغ راسها بحديده سبته وبدي يفيع في دم من كل الجيهات ... هنا بس طلع وسيبلهم الحوش وخلاها في صالون ملوحه ومغمي عليها ... وامها تعيط وتنادي في ولدها وتفيق في بنتها ....علي خشت سمر بصدفه عليهم .... لقت ام نهال تعيط وحاطه فوطه علي الجرح المفلوق والبنت صايخه وراسها يفيع في دم .... فاجت تجري وقامتها معاها وتنطرو بيها لاول مصحه ... واول ماوصلو بيها ... نحو الفوطه الا كانت مليانه دم وعطوها لسمر وحطو شاش تاني معقم وتسقدو بيها داخل ....
سمر ... خالتي شن في ؟ شن صار ؟
ام نهال ..... اسألي خوك توا تعرفي شن صار ... خليني في همي وبنتي الا ضاعت مني بس ...
وهنا سمر اكتفت بصمت وقعدة تستني معاها وهيا مش فاهمه شن صار اصلا .... وبعد مافاتت ساعه بالزبط ... طلعت نهال دايخه شادبنها زوز ممرضات ووجهها شلاطي بالسبته وراسها مخيط 15 بونتو ....
وهنا ممرضه قالتلهم .... البنت نزفقت هلبا دم احنا زدنها دم وركبنلها ابرة الشكاره ... ياريت تعتنو بصحتها المده الجايه وتعطوها الفيتامينات هما ...
سمر ... اوك تمام اختي بارك الله فيك ...
وخدو نهال معاهم وخلصت سمر الحساب وروحو من المصحه للحوش ... وبعد ماحطتهم سمر وكيف بتنزل تلفتت نهال وقالتلها ...
نهال ... لو تتحشمي علي وجهك ... بعد الا داره خوك فيا معاش نبي نشوف وجهك هنا تفهمممممممي ؟ حقيره انتي وخوك الله يلعنكم ياعيله وسخه .... وقربعت باب الكنشيلو في وجهها وخشت ...
وسمر مصدومه ومش فاهمه شي ... وهنا ركبت سيارتها وولعتها وطلعت .... وقامت تلفون واتصلت بي عقاب وقالتله ...
سمر .... عقاب ... وينك انت ؟
عقاب .... روحت في حوش ...
سمر ...( بصوت متعصب ) ... خليك شوي ونوصلك اني ..
وروحت طول للحوش ... واول ماوصلت ... ركبت لشقة عقاب طول فوق ... وطقت الباب بقوه وعصبيه ...
واول مافتحلها الباب قالتله ...
سمر .... شن في ؟ شن الا صار بينك وبين زفته هديكا يخليها تلزني من غادي ...
وهنا عقاب اكتفي بالسكوت وهوا يدخن ومتعصب وبعدين تنهد وقاللها ...
عقاب .... كل شي بيني وبينها انتهي ...
سمر .... كيف يعني انتهي ؟ فهممممممني شن الا تغير بين اليوم وامس ... احكيلي ...
عقاب .... بدون مانحكيلك سمر الخلاصه الا بيني وبينها انتهي ... ومش ظروري نحكيلك الا عرفته بس الا يهمك انها مشت في حالها وتم وخوتها قالولي معاك حق ...
سمر .... من خوتها تقصد ؟
عقاب .... احمد مبكري تلاقيت معاه ... وحميدا كلمني وحكيتله شن الا صار بالزبط وبعد الا سمعه قرر بكرا يروح لاخته ...
سمر ... والعرس ؟ والصاله الا اليوم تميت فيها ودفعت كاش والعشي الا حجزته والمصوره ... كله هدا التغي خلاص واني ندور من صبح ؟
عقاب .... من قالك العرس رح يتوقف ... بالعكس العرس رح يتم في موعده ؟
سمر .... شن تقصد ؟ عرس من غير عروسه ؟ فهمننننننني خلاص انت بتهبلني او شني ؟
عقاب ....
يتبع
Kinda
