💘💘هادي الروح ... لك تشتاق 💘💘
الحلقه العشرون والاخيره 😍😍
وهنا شبحت لعقاب لمدة 3 دقايق ... وحاولت تمسك دموعها وشبحت للقاضي وقالتله ...
مريم .... ( وعيونها في عيون عقاب وعقاب عيونه تعبو دمعه وكلام ) نعم مازالت ...
القاضي .... ادا فوضا الامر بالانفصال لكلاتي الطرفين مع تنازال عن كافة حقوقك و اعلان الطلاق من زوجك علنا علي المرء ...
( وطق بي القادومه علي طاوله اعلانا لانتهاء القضيه ) ...
وهنا شافو كل منهم لتاني ودموعهم في عيونهم وصدمه علي وجه عقاب خلاته يطلع ويسيب المكان بسرعه بدون اي كلمه ... وهيا واقفه تتفرج عليه وتبكي وكاتمه بكيتها باايدها بقوه وتشوف فيه كيف يبعد ويبعد ويبعد منها ومن حياتها ومن اي حاجه حلوه حلمت بيها معاه ...
وهدا كان اليوم الاخير لنهاية احلام ... تاهة بي لمح البصر .. وهنا كل واحد منهم اعطي بالقفي لتاني ومشي وكأنهم غرباء ومايعرفوش بعضهم ...
واول ماطلعت مريم من المحكمه ... قررت تمشي وتشم هواء لانها حست انها مخنوقه ... واول ماجت بتقص لطريق تاني ... شافت عقاب لابس نظارته وخطم بالسياره بسرعه ... وكانه اول مره يشوفها وولاااصلا يعرفها ... وهنا قعدة واقفه في مكانه وتتفرج عليه كيف يبعد بسيارته وكانتت للحظه بتقوله استني ماتمشيش ... انتي خديت مني اهم شي ... انتي خديت قلبي مني سرقته بدون علمي ... عرفت كيف نسيبك بس نسيت نعرف كيف ننساك ... ومافاقتش من شرودها وهيا تشبح لطريق الا خطم منه عقاب الا علي صوت كلاكس يكلكسها باش تقث بسرعه ...
وهنا قصت بسرعه وهيا تبكي تبكي ....وقعدة ماشيه لحوشها وتتأمل في اي شي يدكرها بيه ..لحد ماوصلت لحوشها بعد ساعه ونص مشي ...
واول مافتحت الباب وخشت ... قالتلها امها ...
امها ... خلاص ؟ قررتي واتخدتي رايك ؟
مريم .... ماما ارجوك خليني بروحي ... اني محتاجه نقعد بروحي ...
وخشت لدارها وسكرت الباب وراها وقعدة في دار يوم وراء يوم ... وماكانتش تتطلع من دار الا لما تخش للحمام بس وكانت شبه منقطعه عن الاكل الا بالشي القليل الا يسكتلها الالم معدتها .... وقعدة بالحاله هادي لحد مافاتت فترة العده متعها .... وواول يوم بعد انتهاء العده بالزبط ... ووهيا كيف نايضه من نوم علي صوت امها تفتح في رواشن والستار وجايبتلها الفطور ... ناضت مريم علي ريحه مزعجه في دار قويه ماطاقتش ريحتها ...
امها .... صباح الخير ... نوووووووضي نوووووضي خلاص اصحي ... ولامس قولتيلي اني قررت وقررت وين قرارتك ... العده متعك وانتهت .... انتي خلاص شبه عفنتي وموتي في دار هيا ...نوضي افطري ...
مريم .... صباح الخير ... اووووووف اوووف شن ريحه هيا طلعيها ماما برا ...
امها .... شكشوكه ... ششن ريحه هيا من امتي ؟ وانتي قبل ماتصدقي نديرلك شكشوكه بالقرقوش .. نلقاك اول وحده ... غير من لما ضعفتي وليتي وحده تانيه وصحي ماصحي وتوا زاد هبالك ... غير كانا بنولي زيك رشيقه ... نطلق من بكرا ...
مريم .... ههههههههههه ( ضحكه مه تنهيده حسرة قلب علي فقدان عزيز ) .... اااااااااه ياماما فايقه ورايقه ...
امها .... اي فايقه ورايقه ... وحتي انتي بتفيقي توا بعد الخبر الا بنقولهولك ....
مريم .... معاش عندي اي توقعات حلوه للمستقبل بكل ... فاماتتوقعيش حاجه تفرحني ...
امها ..... لا لا في ... بري خشي للحمام اغسلي وجهك واستعودي من شيطان وصلي ركعتين وافتحي تلفونك الا سكرتيه من يوم ماطلقتي وتعالي نقولك ....
مريم ...اااااه ( تنهيده ) ... حاضر ...
وطلعت من دارها وخشت للحمام غسلت وجهها ونضفت سنونها واتوضت وصلت ... وطلعت لامها ...
مريم ... بالله عليك يما افتحي رواشن ونفسي الحوش خلاص بنرجع ...
امها .... بطنك توجع فيك ؟ خيرك لطف شن صارلك .
مريم ... ليا يومين او تلاته هكي ... اكيد من كتر تفكير وتخميم ..
امها .... خلاص تو نغليلك ينسون ونعناع اشربيهم وهدي روحك .. ووالله يابنتي خوديها مني ... اكتر من نصيبك مش رح تاخدي ... فامعاش تحرقي دمك وتخممي في شي خلاص فات وانتهي ... وكل يوم ربك رح يشيل عنك همك بشوي لحد ماتنسي وتبدي حياه جديده ... فاخليها علي الله ...
مريم ... يارررررررب ☺☺ قوليلي بس شن تفرحيني ...
امها .... في ناس اتصلو بيا توا وجاين بيشربو عندنا فنجان قهوه ...
مريم ... مني بالله ماتقوليلش اقاربنا ... ماعنديش نيه في حد يغيرلي جوي ...
امها ... هما علي وصولهم خلاص ... ها أبن الحلال عن دكرو بي يبان ... خلي نمشي نفتح الباب ...
وطلعت فتحت الباب ... ومريم خشت لدارها وقعمزة علي سرير ... وهنا بعد 5 دقايق ... في حد خش فتح باب دار مريم وخش بشويه ... واول ماقامت مريم عينها .... عيطت عيطه قويه مع انهيار بدموع ...
مريم ... اااااااااااااه سمررررررررررررررررررررر
سمر ..... ( انهارت بالبكي ) ياحمارررررررررررررره كنت بنموت كيف هنت عليك وولا مره سالتي عليا ... هنت عليك ...
مريم .... قعدة حاضنه فيها وهيا تبكي بدون اي تعليق ... لانها كانت تشم في ريحة اغلي انسان عليها قبل ماتكون اختها وصديقتها فاكانت اخت اول واخر حب في حياتها ..
سمر ... خلاااااص بطلي تبكي وتكلمي علاااااش ...
مريم .... كنت نسال عليك من بعيد لبعيد لان كان واجعني خاطري منك بس خلاص ... بمجرد شفتك نسيت الا كان ...
سمر ... علاش اني في شني زعلتك ؟
مريم .... خلااااص سمر معاش حابه نحكي في اي شي ... انتهي كل شي ... ومش حابه نرجع نفتح موضوع ... اني خسرة اخت في حياتي ومستحيل نخسر اختي تانيه ...يالله قوليلي ... شن صار معاك وامتي طلعتي وكيف ماشيه معاك الحياه ... وهل جايه باش تشوفيني ؟
سمر ...... هكي وهكي ... باش نبدلك اولا هههههههه
مريم .... ابدي بالموضوع الا مخلي عيونك قلوب قلوب ....
سمر .... هههههههههه 1 2 3 عرسي الاسبوووووووع الجاااىاااي من حميداااااا هههههههههههههه
مريم ..... ( مع صدمه ضحكه ) ههههههههههههههه لا علااااااش كيف صار ؟
سمر .... هكي والله زي مافهمت شي ... عقاب قبل مايسافر جاني في حوش خوي وقالي ... لو انتي مازال تبيه قوليله يجي يتقدملك ويتم فيك في نفس شهر وشهر الا بعده عرسك طول ... ماتتصوريش يومها فرحت نقزت مافهمتش شن الا صار ... وماقدرتش نزيد عليه كلام لان كان شكله وملامحه ماتسمحش اني نفتح معاه اي موضوع ...
مريم .... هوا رجع يمشي للبحر ؟
سمر .... ( نزلت عينها ) ... لا لا مره هادي مطول ..
مريم .... علاش ؟( مع صدمه خلت قلبها يدق بسرعه )
مشي لامريكا ... ومش رح يرجع قبل 7 سنين ... بيكمل درسات عليا غادي ...
مريم ... امتي مشي ؟
سمر .... شهر الا فات ... لما نخطبت ... قبل فضانيتي بيوم ... حتي فضانيتي ماحضرهاش لانه للاسف مازال مايكلم في حميدا .. وحتي يتصل بيه مايردش ....
مريم .... انتي علاش سيبتيه بروحه ؟
سمر .... اني بعد عمليتي بااسبوعين طلعت وماكنت نقدر نقعد بروحي ... فا ضطريت نسكن عند خوي الكبير ... وهوا قعد بروحه والباين ان الوحده زادت دمراته بالدات لما تسكر باب حوش بوي عليه ...ويركب فوق مايلقاش حد ...
مريم .... ااااااااااااه ... امتي عرسك بزبط ...
سمر ( هنا اتبدلت ملامحها وابتسمت ) .... ماهوا هدا علاش جايه اني ههههههه بنعطيك بطاقتي ... حفلتي بعد بكرا ...
مريم ... هدا وين بتعزميني بس ؟
سمر .... لا والله اني درت يوم بس مش اكتر لان تعرفي ظروف طلاق خوي وموت امي وهكي ... واني عارفه انك اليوم بس كيف طلعتي من العده ...
مريم ..... ( وهنا شبحت لسمر شبحه فضحتها وقالتلها ) ...بيجي عقاب لعرسك ؟
سمر ... لا لا قال تموه وكاني موجود .... وكان حاب يكلمك قبل مايسافر وبيعطيك امانه بس انتي كنتي مسكره تلفونك ...
مريم ..... ماكنتش حابه مضايقه الاهل والاقارب ... كل الا سمع بيا اتطلقت ... يتصل باش يعرف علاش عروسه اتطلقت برغم انها ماسكرتش حتي سنه ....
سمر .... والله ماتمنيت يصير هكي بس يالله قدر الله وماشاء فعل ....
مريم ... ايوااااا ... هدا هوا ... واني مؤمنه بالقضاء والقدر ... بنقولك ... عندي شوية حاجات في حوش نبيها عادي تجيبهملي ؟
سمر ... نوضي توا معاي والله استاحشت الطلعه معاك ... تعالي نطلعو نعزمك علي الفطور ... وعلي حسابي ههههههه وبعدها نمشو للحوش خودي الا تبيه ... قالي عقاب اي شي مريم تحتاجه تاخده ...وقالي نعطيك الزرف هوا ..
مريم ... اني بروحي اليوم بالدات محتاجه نطلع ... كنت نبي نمشي مع بابا عندي مشاوير ظروي نديرها ...
سمر ... اوك خلينا نمشو نفطرو وديري مشاويرك وبعدها نمشو للحوش ناخد اني شويت حاجات من داري لبين ماانتي ركبتي لحوشك وخديتي شن تبي ..
وكانت علي خشت امها وفي ايدها القهوه ...
مريم .... اهي القهوه وصلت ... لبين تشربي القهوه نكون وتيت ...
وهنا طلعت لبستها ومشت لتواليت ... لبست وجرت علي شعرها باللسترا بسرعه وقاماته كوده كوريه وحطت شوي بودره وريمت عين من فوق بس وطلعت ....
مريم ... واتيه خلاص ... هي ...
سمر .... هي واني كملت ...
وخدو شناطيهم وطلعو .... واول مكان مشوله مشو لي كافي وطلبو الفطور ... وبدو يفطرو ...
سمر ... خيرا شهيتك هكي صونيتك تقريبا زي ماهيا ...
مريم .... والله اني بروحي مش فاهمه خيرني ... ومعاش عندي رغبه لااي شي
سمر ... خلينا نمشو لدكتور ؟
مريم .... من غير مانمشي ... اكيد بيقولي اعصاب في قولون او في معده ... بسبب توتر والمشاكل ... انتي عارفه الا مر بيا مش شويه الفتره الا فاتت موتت امك في عرسي ومشاكلنا وخيانة اختي ليا وموتتها ابشع الموتات علي ستاك ملوحه وناس ملتمه عليها .. وختامها طلاقى .... تصوري اني احيانا قعدة نقول كيف قدرة نتحمل هدا كله ... في حد يقدر يتحمل هالكم من المشاكل خلال 5 شهور بس ... تصوري الا شفته في 5 شهور خلاني نكبر خمسين سنه ... ماحسيتش اصلا اني شفته في 25 سنه الا فاتو من عمري زي 5 شهور هما ... ولهدا قررت ننسي كل الا فات ... ونفتح صفحه جديده نحاول بيها نوقف وننهض روحي ونعيش علي كل يوم فات من عمري وماعشتاش ...
