🌼🌼🌼🌼هادي الروح ... لك تشتاق 🌼🌼🌼🌼
الحلقه الحاديه عشر ..🌻🌻🌻🌻
ملاحظه🌺🌺🌺🌺 .... (( متأسفه ... امس نت للاسف تم رصيده وماقدرناش نعبو لليوم وتو كيف عباه زوجي بس .... باش فتحت ونزلتلكم الحلقه طول ... وفي الليل رح نزيدكم حلقه اضافيه لو لقيت بوست كومنتاته مرضيه ... وبكرا رح نزلكم حلقه تعويضا علي حلقة امس بعون الله واخر شي ... مش مهم طول الحلقه قد مامهم الاحدات .. وطالما نزل حلقتين في اليوم معناها معاش نبي حد يقولي قصيره ماشي ياحلوين هههههه ... ومشاهده ممتعه للكل 😗😗😗 ...))🌺🌺🌺
Kinda 🌿🌿🌿
... وكيف نزل راسه باش يشوف ايدها الا محطوطه في ايده و من صدمته نسي انه يسوق واول مانزل راسه باش يشوف الموقف وهوا في قمت صدمته ... فجاه مرام قعدة تعيط ...
مرام .... ( وملامح الخوف والفزع علي كل وجهها ) عقااااااااااااااااااااااااااااااااااب ...
وللحظه كان الموت قريب منهم زوز ... لولا عقاب سيطر علي دومان بسرعه وهرب علي جنب بسرعه من سياره ودرس بطريقه جنونيه ... وهنا افقد السيطره علي روحه واول مادرس قعد يعيط ويخبط علي دومان ...
عقاب ..... عقاااااااب عقااااب خلاااااااص تعبتتتت شن تبي مني ارخووووووووووني ...
وفي اللحظه هيا شرين تلفونه بس كان ناسيه صامت ... وهوا يخبط ضرب تلفونه بالغلط باايده وناش بطمة فتح ...
مرام ( انهارات بالبكي ) .... اني نحبببببك ياغبييييييي افهم ... قدرنا ان نتلاقو ونكون مع بعض ... اني علي خاطرك لوحت كل شي وراي اهلي اختي ديني ... علااااش هكي تتصرف كانك ماتعرفنيش كانك ماحبتنيش ... قووووولها بس ... انت تحبني صححححح قولي اني مش مجنونه ..اني نفهم نظراك عبونك حركاتك ... انت تحبني تحبننننني ...
عقاب ....( قعد يعيط عليها ويبكي ) ... خلااااااااااااص ... تعبت ارخيني يابنت ناس ... انتي شن الا يريحك بزبط .. تبي تعرفي ؟ ماااااااشي تمام اني نحبك ... ومش قادر ننساك ... وانتي الا بعت اهلي ليك ... خلاص ارتحتي اااارتحتي ...
وفي اللحظه هيا مريم سكرت الخط بسرعه ... وهوا يكلم فيها اللتمح اخر لحظه كان مفتوح فيها الخط قبل مايتسكر ... ووقف كلامه وخدي تلفون بسرعه وشاف علي مني نفتح الخط ... وهنا صدمه ... لقي مريم كانت علي خط ... واول ماشف الاسم ..
عقاب ( زاد هبل ) ... شييييييت اختك كانت علي خط وسمعت كل كلامنا .... شيت شييييييييييييييييييت ...( وبدي يخبط باايده علي ستريسو ..
مرام .... ( مسحت دموعها وبدت تضحك) ... احسن احسن خليها تعرف اني نحبك وانت تحبني ...احنا نحبو بعض مستحيل هيا رح تعترض حبنا ...
عقاب ..... ماينفعععععش ... مانقدرش نسيب مريم ... احنا خلاص انتهينا من ليلة زواجي منها ... خلاااااااااااص ... وحبي انتهي من اللحظه الا خديت فيها اختك ..... خلاااااص افهمي عليا يابنت ناس خلااااااص ... بعدي عليا وعلي مريم واعطينا فرصه ....
مررام ..... ( رجعت انهارات بالبكي ) .... حرام والله حرام ... غلطه غلطتها بس .. كلفتني نخسرك ... ياريتني ماقولت لي حميدا علي اسم مريم ولا خسرتك ... اني نحبك ياعقاب والله نحببببببك ... اني مستعده نبوس علي رجلين مريم ... بس تخليك ليا ...
عقاب .... ( قعد يشبحلها وهوا مصدوم وقال ) .... قص قصدك انتي ... انتي سبب ... انتي سبب ان حياتي تدمرت وخسرت امي وخسرة نفسي ... غلطه ؟ غلطه ؟
مرااام ( مع انهيار بدموع ) ... ماتفهمنيش غلط ... والله والله مانعرف انك بتساله .. اني كنت نبيه يبعد علياا بس والله مانعرف ان نصيب بي (وهنا قطع عليها ) ...
عقاب ...(عيط في وجهها ) ... خلاااأااااااااااااص ... مش حاب نسمع منك شي تاني ..انتي شيطان ... مستعده تستعملي اي حد في سبيل انتي تعيشي ... امس استخدمتي اختك باش تطفشي شخص مش داخل مزاجك ... واليوم تستخدميني اني لو وتقت فيك ...
مرام ( ماوقفتش بكي وهيا تشبحله وحاطه ايدها علي فمها وتقوله ) ... لاااااااا لاااااا انت فاهمني غلط ... اني مش هكي .... والله مش هكي عقاب اني نموت لو بعدت عليا ...
وهنا تلفت واعطاها بالغلط ولبس نظراته شمسيه وقاللها ..
عقاب .... انتهي الحديت .. وولع سياره وطلع بيها يجري بدون اي حرف ... وهيا قعدة ساكته وتبكي طول طريق ... واول ماوصلت درس علي جنب وقاللها ...
عقاب .... اطلعي من حياتي ... للابد
وهنا نزلت من سياره وسكرت الباب وراها بكل خيبت امل وقالتله ...
مرام ... اني نحبك عقاب ... ارجوك خليني نصلح الغلط الا درته والا سبب في اني نخسرك ونصلح كل شي ..
بس هوا للاسف مااعطهاش فرصه .. ووهيا تتكلم سكر المرش وطلع رابعه وغبر في وجهها ...
وهيا اول ماشافاته طالع ... انهارات بالبكي علي مرشبيدي وقعمزة زي العيل تبكي الا سيبه بوه في نص طريق وخلاه ...
مرام ... اااااااااه ااااااااااااه ... ( وقعدة منهاره بالبكي في شارع )
علي خطمة صاحبتها بسياره الا اول ماشافتها ماصدقتش ودرست علي جنب ونزلت تجريلها بسرعه ..
سهيله .... مرام .. نوضي ... خيرررررك تبكي شن في .. شن صاااار ...
مرام .... اني نموووت يا سهيله ... اني كل يوم هما بعض نمووووت ... مايبييش يسيبها يا سهيله افهميني ... اني مش مستوعبه الا صار قوليلي اني نحلم قوليلللللللي ...
سهيله ... خلاااص مرام ... معاش تبكي ناس تتفرج علينا ..نوضي في سياره ...
مرام ...طزززززز في نااااس طزززز .. اني نمووووت وانتي تقوليلي ناس ... حطني هنا ومشالها ... لوحني اني ومشالها ... اني كنت لحظه في حياته ... وهيا العمر كله ... اني نار راكبه فيا ... اني ماتعودتش حاجتي ياخدها مني غيري ...
سهيله ... وانتي هدا الا حارقك يامرام ... انتي ماتحبيشي عقاب ... انتي حبيتي الا عند عقاب ... انتي زدتي تعلقتي بيه بعد الا شفتيه قدمه لاختك بس ...
مرام .... لانه ملكي من الاول ... تفهمممممممي ... وفهمي اي حد ... عقااااب ملكي اني ... ومافيش حد يفدر ياخد مني الحياه الا كنت نحلم بيها من صغري ...
ومش تجري وسيبتها ووقفت اول ميكرو .... ومالقتش روحها الا علي نفس طريق مرواح ... لحوش اختها ... لانها كانت تعرف اختها لاحول ليه ولاقوه قدامها ... وانه مش رح تقدر تدير شي بعد ماكان الاعتراف من راجلها ... وكانت رح تفهمها انها ماليهاش دنب ... وان هوا الا حاول معاها زي ماهيا سمعت بس هيا رفضت ... وقعدة هالافكار تفكر فيها طول طريق لحد ماوصل ... واول ماوصلت ..مسحت وجهها وركبت ... ورنت واول مافتحت مريم الباب وشبحتلها ... مريم رنت مرام كف علي وجهها ... وطلعتلها شنطتها لوحتهالها برا وسكرت الباب عليها ... وهنا مرام قعدة تقوللها ...
مرام .... انتي فاهمه غلط ... هوا حاول معاي واعترفلي بمشاعره ... اني صح نحبه زي مايحبني بس مستحيل نخونك وانتي معاه ... مريم مش اني هوا ... والله هوا ... تدكري يوم الا عيط عليك لما قالك لقيت اختك في حمام ... خش عليا وحاول معاي بس اني ضربته كف ودفيته وسكرت باب الحمام ... ولما لقاني بنحرش فيك .. اتصل بيك ورد فيك الغيظ ...
بس مريم بعدة علي الباب وتغم في ودانها من الوساخه الا تسمع فيها ومع من راجلها واختها ... وقعدة تبكي وكاتمه فمها باش اختها ماتشوفهاش لاخر لحظه ضعيفه ... واول ماشافت مرام خدت شنطتها وروحت ... قعدة تبكي بصوت عالي اكتر من ساعتين في حوش ... وعقاب قعد يتصل يتصل لحد ماضربت تلفون فترشاته ... وبعدها خدت القرار الا مفروض تاخده ... وخشت لدار ولمت حوايجها في شنطه كلهم ... وقعدة تستني فيه لين يوصل ... واول ماوصل ....وفتح الباب ... شاف شناطيها فم الحوش ومقعمزه حاطه ايديها علي راسها وتستني فيه ... وهنا خش وقرب منها وقاللها ..
عقاب ...اني .
مريم ... مانبيش نسمع منك اي كلمه .... طلقني ... ونحت دبله ومدتله اي شي عطهوله ... وخدت شنطتها وطلعت ... بس وهيا طالعه مسك ايدها وقاللها ...
عقاب ... مش رح نطلقك ..
وهنا قعدة مصدومه تشبحله علي واقاحته حتي بعد كل شي ..
عقاب ... اقلها لين تفوت سنوية امي ... وبعدها انتي حره في الانفصال مني لو مش حابه تكملي معاي ... بس نبي نتكلم معاك علي الا صار ..مريم .... ولاحرف ... اني كنت حاسه من اول يوم وعارفه وساكته .. اني من اول يوم معاك وانت تقتل فيا حاجه كل يوم ... وتدمر فيا احسايس طيبه الا فيا وكنت نقول في شن غلطت اني وكنت كل يوم دموعي يغرقو المخده ... بس ماكنتش ولاعمري توقعت ان الحقاره متطوره بيكم هكي في حوش الا تزوجتني فيه ومع اختي .. خلاص انتهي كل شي اني رح نطلع من حياتك ... وبعدها خدو راحتكم زي ماتبو اصلا هيا وسخه وانت اوسخ ... بس من اللحظه هيا ... اختي ماتت وشخص الا تزوجته بيه مات معاها ... خلاش معاش تزيد حرف ... اني سكرت صفحتك في حياتي للابد ...
عقاب ... والله انت فاهمه غلط ... بس اسمعيني ... هيا شن قالتلك عليا ....
مريم .... هههههههههههه انتم زوز تضربو علي بعضكم وانتم زوز من طينه بعض .. وطلعت وخدت شناطيها ...
بس هوا تقدم بسررررعه وخدي شنطتها ...
عقاب ... ماتطلعيش ... اقلها لين نطلقو ... اني نطلع ... ( مع نظرة استعطاف ) ..
وهنا هيا جبدت ايدها منه ... وقعدة تبكي ... ومشت تجري لدار ... وفتحت دولايب .... وخدت حوايجه وقعدة تحدف فيهم برا في وسط الحوش ... وتلوح وبعدها لوحتله شنطه وسكرت دار وانهارت بالبكي علي سرير ..
وعقاب تنهد ... وضرب مفتاح سيارته علي الارض بعصبيه لين تكسر ريموت سياره جي علي اتنين وقعمز علي كنبه وحط ايديه علي راسه وغمض عيونه وتنهد وهوا مش عارف كيف خش في اللعبه هيا من الاول ... وبعد خمسه دقايق ... ناض وضرب الكنبه برجله ... ولم شلاتيته في شنطه ... وخدي وشنطته ومفتاح سيارته وطلع ...
واول مانزل .. طلع لسيارته طول ... وولعها وولع دخانه واتصل بصاحبه طول ...
عقاب ... مصعب ... اهلين .. ماشي الحمد لله .. اسمع بنقولك اني غيرت راي .. اليوم اهو وتيت شنطتي و متسقد للبحر ان شالله ... لا لا بنقوللهم يخلوها زي قبل شهر بشهر ... خلاص نتلاقو غادي .. ماشي ....
وسكر تلفون وطلع بسيارته يجري لين غبر شارع كله ....
يتبع ...
Kinda
