🌼🌼 هادي الروح ... لك تشتاق 🌼🌼
الحلقه التاسعه عشر .... وماقبل الاخيره 💟💟💟💟
ملاحظه ... 👸👸(( حلقه اضافيه قصيرونه هديه ليكم 😍😍 باش تتدكروني بالدكريات الحلوه بعد ماتم الروايه بعون الله وبكرا الحلقه الاخيره بعون الله 😍😍 ))
Kinda
مريم .... ( اني نحبك ومستحيل نعيش من غيرك ولانبي نكمل عمري الا معا....( الدكره ممتلئه) ...
فامشت لرسائل باش تمسح منهم وهنا فتحت اول رساله باش تفتح رساله لقتها رسالة تقرير توصيل ... وكيف بتمسحها شافت رقم في رساله حست انها شايفاته رقم من قبل ... فاطلعت لصاله بسرعه وخدت تلفونها وفتحت رقم عقاب ... بس مالقتش نفس الرقم ... وهنا قعدة تفتش في تلفون ... لان هدا تقرير توصل يعني اكيد رقم هوا وصله رساله ... وفتحت رسائل المبعوته .. وهنا لقت ... (( حبيبي ... اني حاليا واقفه في سريع وين ما قريب درنا حادت هدكا اليوم ... نستني فيك ماتعطلش عليا شمس ))
وهنا ركبت فيها نار اكتر .. ومتأكده فوقها ان رقم شافاته قبل بس وين وكيف مش عارفه ... وهنا قعدة ماشيه وجايه وتفكر ... ونار ولعه في قلبها وبعدين مشت لسرير وخدت نقالها وقعدة تقلب في الوارده وصادره وكل الاسماء الا مسجلتها ... وبعدين فتحت رسايل وتقلب رساله وراء رساله ومالقتش ... الا في رساله الا قبل الاوله وهنا شافت نفس الرقم .. فالانها ماصدقتش خدت تلفونين وقارنت بالرقم وشافت نفس رقم ... فافتحت رساله ... ولقت فيها كلمتين بس ... (( اني عقاب )) ... وهنا جتها خبطه تدكرت بيها لما سافرعقاب بعد ماتعاركو وركبتلها سمر وقالتلها خوي خلالك رقمه مرات تتصلي بيه ... وتدكرت لما هيا قعدة فتره مابتش تكلمه وبعدين شافت رقم هوا يتصل بيها وماقعدة تشوفله شوي وبعدين مابتش ترد لحد مابعتلها رساله هيا ...باش ترد عليه ..بس في شي ماقدرتش تفهمه ... هيا متاكده انها سجلت رقم هوا في تلفونها ... كيف مش نفس الرقم الا توا مسجل عليه نفس الاسم ... مع ان مافيش حد مسه غيرها تلفون ...وهنا فجاه اتدكرت لما طلعت من حمام ولقت سمر عندها في ايدهت تلفون ولما شافتها ارتبكت ...وبعد ما ركبت كل الحلقات علي بعض عرفت ... انه كان يخون فيها ... ولما كانو في سياره واعترفلها بحبه ونفتح خط صدفه كان قاصد هالشي وكداب لما قاللها لكن اني قولتلها مانبيش نسيب مريم ...
وكدب عليها لما قاللها معاش تلاقينا وهوا كان معاها لحد اليوم الا ماتت فيه وقبل ماتضربها سياره بدقايق بس ... لان حادت صارلها مرام زي ماقالو شهود 11.30 ... ورساله كانت بتوقيت 11.25 دقيقه ... يعني هوا كان معاها لما ماتت وومكن كان هوا سبب في موتها .. خطط ونفد كل شي هوا واخته لما عرفوني بنطلب طلاق ... لهدا سمر كانت مصره اني نقعد مع عقاب ولهدا كانت ديما تحسس فيا انها تعرف وان عقاب يبني .... اني التعب بيا وطلعت مغفله ... واكيد في حاجات تانيه دساينها عليا واني مانعرفش ....
طبعا هالافكار كلها كانت في دماغ مريم وهيا تركب وتحلل وتبكي وتلطم ومش عارفه شن تقول لاهلها ... علاش عرفت توا بس ... علاش مش قبل الليله متع ولامس ... علااااااش ... وانهارات بالبكي وهيا تخبط علي سرير وميته من الحرقه ... لانها ببساطه طلعت سلوم او كوبري وبس من منطلق الا فهماته .... وهنا ... نحت شفرتها وخبطت تلفون الا كان السبب في انهيار حياتها في لحظه هيا ... وقعدة تبكي وتخبط علي سرير باايديها من حرقة نارها ... لحد مارقدت بعد ساعات من البكاء المتواصل ....وهاليوم كانت النهايه لكل شكوكها بالفعل ومش محتاجه تسمع شي بعد كل الا صار ....
وفات يوم وراء يوم وموعد الجلسه يقرب .... ومريم ماتطلعش من دارها بكل لااكل ولاشرب ولا حتي تشوف حد ... حابسه روحها في در وتبكي لين عيونها تورمو بس .... لحد ماجي اليوم الا استناه عقاب بفارغ الصبر .... ومن فرحته ... مابتش يمشي للمستشفي الا مايمشي للمحكمه قبل .... يحظر جلسته الا اكيد مريم بعد رسالته مستحيل تسيبه وخاصة بعد مااعترفلها بحبه ... وانه متلهف يكون معاها .... ووناض من نوم وهوا في قمة نشاطه وسعادته وخش للحمام دوش ولبس وبخ برفانه وولع سيارته وطلع ... ومريم ... خشت دوشت ولبست حوايجها ومست مع بوها للمحمه ... وهنا قالت لبوها ...
مريم .... بابا اليوم حابه نكون بروحي ... لدا ماتعبش روحك ... بري لخدمتك واني ناخد ميكرو ونروح ...
بوها ... متاكده ؟
مريم .... ايه ...
وقعدة ساكته طول طريق بدون ماتزيد حرف مع بوها ... لحد ماوصلت ... واول ماوصلت نحت نظراتها وخشت ... ودموعها بينزلو بس شاده فيهم بس اول ماشافو عقاب كيف بيخش بعد ما نادو علبيهم ... انهارات بالبكي ... وبعدي مسحت دموعها وخدت شهيق وخشت .... ووقفو قدام القاضي ... وبعد ربع ساعه فاتت قعد يتكلم فيها قاضي معاهم ويوضحلهم ويفهم فيهم وصل للمرحله الاخيره وقال ...
القاضي ... سيد عقاب ... هل انت مع قرار زوجتك انكم تنفصلو ؟
عقاب .... لو هيا شافت هكي وقررت هكي اني مش رح نغصبها تكون معاي بسيف ( وشافلها ونظرة عيونه كلهم ترجي وحب ) ..
القاضي ... سيدة مريم ... رح نكرر ليك نفس السؤال هل انتي مازالتي مصره علي قرار الانفصال مع تنازال عن كل حقوقك وتجريده من كافة الالتزمات ؟
وهنا شبحت لعقاب لمدة 3 دقايق ... وحاولت تمسك دموعها وشبحت للقاضي وقالتله ...
مريم .... ( وعيونها في عيون عقاب وعقاب عيونه تعبو دمعه وكلام ) نعم مازالت ...
القاضي .... ادا فوضا الامر بالانفصال لكلاتي الطرفين مع تنازال عن كافة حقوقك و اعلان الطلاق من زوجك علنا علي المرء ...
( وطق بي القادومه علي طاوله اعلانا لانتهاء القضيه ) ...
وهنا شافو كل منهم لتاني ودموعهم في عيونهم وصدمه علي وجه عقاب خلاته يطلع ويسيب المكان بسرعه بدون اي كلمه ... وهيا واقفه تتفرج عليه وتبكي وكاتمه بكيتها باايدها بقوه وتشوف فيه كيف يبعد ويبعد ويبعد منها ومن حياتها ومن اي حاجه حلوه حلمت بيها معاه ...
((( كده يا قلبي يا حته مني
يا كل حاجة حلوة فيا
كده هتمشي وتسبني وحدي
في الحياة والدنيا ديا
يعني ايه
يعني خلاص انا مش هشوفك تاني
مش هلمسك
مش هحكي ليك عن حاجة تاعباني
كنت روحي لما كان جوايا روح
عمري ما اتخيلت انك يوم تروح
مش فاضلي مني غير حبة جروح
مع السلامة يا حبيبي وفي أمان
عمري ما هقول يوم عليك ماضي وكان
عمري ما انسى مهما طال بيا الزمان )))
يتبع ..
Kinda
