🍀🍀هادي الروح ... لك تشتاق 🍀🍀
السادسه عشر ...
ملاحظه ( حبايبي ضي كان هارب وهدا وين رجع وماكانش عندي كيف نفتح نت من شفره ... واول مارجع ضي فتحت ونزلتهالكم طول مشاهده ممتعه 💜💜💜💜 )
حبيبتي اني مانعرفش الاسباب الا خلاتك تطلقي بس عيونك يقولو تحبيه ..
مريم .... ارجووووك خدوجه لهدا ماتصعبيش عليا الموضوع وكلمي قاض طالما تعرفيه يحددلي جلسه في اقرب وقت ويبعتوله استدعاء علي حوش ...
خدوجه .... اوك هوا بصراحه اب صاحبتي ... ومايرفضليش طلب فارح نكلمه اول مانكمل الاجراءات ..
مريم ... اوك تمام ...سلام .
خدوجه ... سلام ...
وسكرت مريم وهدكا وين حست بس انها ارتاحت وفاتت ساعه ورا ساعه ومريم ماطلعتش من دار وهيا قدام روشن وتفكر لحد مأدن المغرب وبدت اليل يليل بس كل الا كان يلود في دماغها .. ياتري علاش اتصرفت هكي معاه.. هل هدا امتحان ليه ؟ او لان بالفعل في شي نكسر بينهم مستحيل يرجع وصار شرخ كبير بينهم اسمه مرام .. او لانها حست بالاهانه كل الايام الفائته والدل منه بس كانت ساكته طالما في حلقه مفقوده ... بس لما اكتملت صوره قدامها قررت تمشي بكرامتها وتخلي كل شي وراها ... لانك تعيشي مع شريك وتبني حوش قواعده احساس بالشفقه ... اكيد معناها الاساس مش صح ... فامهما كان الالم الا رح تحس بيه مش اصعب من الالم الا رح تحسه كل يوم وكل تانيه لما تقعد وهوا يعرف انها تعرف وفاهمه بس قاعده معاه لانها ضعيفه ومكسوره وخايفه من كلام ناس ... ويوم ماتقرر تعيش مع شريك حياتها مستحيل تخلي شك يعيش بينهم ... بس للاسف بينها وبين عقاب الشك عشش ومد جدوره في كل مكان كانت فيه مرام وهوا ...
كل هالافكار كانت تلود في دماغ مريم وتقنع نفسها ان قرارها صح وانها تتالم توا لكن رح ترتاح بعدين ... وقررت انها تدوقه جرعة من الا دوقهولها قبل بدون حتي مايعطيها فرصه تتكلم ...
ولكن نسيج هالافكار قطعولها الحوش لما رن ...
سمر ... طق طق طق ..
وهنا مريم فتحت باب دارها وطلعت فتحت الباب لما قعدة طقطق سمر هلبه علي الباب ...
سمر ... سنه باش تفتحي ههههه لقيت عقاب جاه حميدا لوطه وشكلهم مطولين لانه طلع زوز كراسي فا قولت نركب نهدرز معاك شوي قبل مايكبسني لانه مايبيكش تنزلي ؟
مريم ... تضحكي ... خوك هبل ولا كيف ؟ انتي عارفه صبح لما جيت شن دار ؟
سمر ... مش عارفه ... حسيت ان غريب تصرفاته اليومين هما ... زعمك نبلغو فيه كاره *-^ ..
مريم ... ههههههههههههه ضحكتيني والله ماعندي نيه ..
سمر ... ههههههههههه ان شالله ديما هكي اصلا عارفه مافي حد يقدر يضحك الا اني .. مهم انتي شني غيرتي رايك واخيرا ؟
مريم .... لا اكيد ... اني كنت جايه بناخد زواجي سفر وعقد زواج وشوية اوراق مهم ليا وطالعه خوك سكر عليا وماباش يخليني نطلع ...
سمر .... باه تمام ... سألتي نفسك علاش ؟
مريم .... ههههههه بجد انتي تسألي .... علاش بعد ماماتت مرام بس كرش فيا ... اني مستغربه بس اهو نقولك علاش ... نعطيك خيارات وانتي قرري بناء علي شخصية خوك ...
اولا .... لاني لما بنطلق بنقول لناس سبب ... وبينفضح خوك اكيد وهوا مداير روحه الشيخ بين ناسه ..
تانيا .... احتمال كبير يشم عليا في ريحة حبيبت القلب مرام ... واهو اي حاجه من ريحتها وخلاص ...
تالتا .... لقي وحده عبيطه ومغفله وحماره ترضي بكل استحقارله وتجاهله ليها المده الا فااتت فااكيد رح يكرش فيها لان شخصيه زي هيا شافت الاسواء شافته يخون فيها مع اختها وساكته وقعدة ... اكيد الايصير بعد هكي اهون من هكي فارح تسكت ..
رابعا .... الاحساس بالشفقه ... لعب بيا لما تزوجني واجبرني نقعد معاه ونشوف بعيني كل شي ... ولعب بي اختي وعشمها ... سهيله قالتلي كيف كانت اختي قبل ... قالتلي هملت نفسها وقرايتها وحياتهت وقعدة 24 ساعه شاده تلفونها وتستني منه في اتصال او رساله ... وبعد الزواج قالتلي حتي لما امه ماتت كانو يتكلمو فايبر ...
مازال نحيكلك او نسكت ... انتي لو مني ... هل بعد هدا كله تقدري تسكتي ؟ انتي عارفه شي .. خوك خايف ينفضح لاني لو طلقت خايف ناس يعرفو بالصدفه اني مازالت بنت ولما يسالوني رح نقول علاش احنا كنا عايشين الفتره هادي زي الخوت ... انتي تعرفي هادي .. ولا هادي جديده ؟
سمر ... مانعرفش اكيد ... وصدمتيني وصدمتي الاكبر انك لهدرجه متحامله منه ؟
مريم .... نتمناك تخشي لقلبي يوم بس وتعرفي اني قداش نتألم ... كرامتي نفسي وقلبي ..
سمر ... حاولو تتكلمو اعطيه فرصه يتكلم ...
مريم ... وشن بنستفيد ؟ بيرجع مرام بكلامه ؟ ولابيرجع زمان ويسمح معاملته ليا ولا بيمسح خيانته ليا وعلي اساس قدامي مايبيش يعطيها فرصه بس هوا من وراي طعني ..
سمر ... انتي ماقالك انه خانك معاها ؟
مريم ... الا قالي قالي ... بس حكتلي كل الا حكتهولها مرام قبل ماتموت ...
سمر ... وشن عرفك انها ماتكدبش ؟
مريم ... ماعندهاش مصلحه ياسمر ...
سمر .... باهي اسمعي منه ... اكيد عنده مبرارت لكل الا صار ... اني مش حابه ندخل نفسي في حاجات خاصه زي هيا بس اني والله ماحبت نخسرك ونبيك تكوني لخوي وحتي ولو غلط تصلحو بعض ...
مريم ... غلط ياسمر ؟ خيانته ليا غلطه ؟
سمر .... اني نعرف خوي وووالله مايديرها ... اعطيه فرصه يتكلم بس ...
مريم .... اني مخنوقه ... نبي نبات معاك الليله استنيني ننزل ناخد بيجامه ونجي ...
سمر ... اوك بس قبل ماعقاب يجي لاني مش ضامنه راهو يخليك ونبهني انك ماتنزليش .
مريم ... هيا خلينا ننزلو ... استني لحظه بس ..
وخشت مريم تجري وخدت تلفونها وبيجامه ليها وطلعت نزلو مع بعض ...
مريم ... نبي نطلب منك طلب ...قولي والله وارس امك مارح تطلع من فمك لعقاب ايىكلمه قولتها ولا الا توا بنقولهولك ..
سمر ... والله مارح يسمع مني شي وراس امي خلاص ..
مريم .... خوك مش عارفه بزبط شن يدور في راسه يعني علاش متمسك بيا بس الا نعرفه انه اكيد مايحبنيش وانه مش رح يفوت توقعاتي ... ولهدا اني رفعت عليه قضيه ونبي نطلق في محكمه ... واحتمال الاستدعاء يوصله بكرا او بعدو .... لو جي هنا الاستدعاء وهوا ماكانش موجود ارجوك خوديه واعطيهوله ... نبي موضوع ينتهي ونطلع من بركان الا عايشه فيه فوق ...
سمر ... ربي يهديك يامريم ... شن بنقولك يامريم تاني ...
مريم ... وتاني شي تقنعيه يخليني عندك لنهاية الاسبوع لان جلسه حصلت واسطه ورح تتحدد اكيد نهاية الاسبوع ... بجد مش طايقه نقعد معاه فوق من بعد موتت مرام ...
سمر .... علاش ؟ ماتقوليش لانه تكرهيه ...
مربم ( تعبو عيونها دموع ) ... ياريت ... بس لاني نحبه ... وخايفه نضعف ونرجع علي قراري ونقعد معاه واني راسي في الارض ..
سمر .. ماتبالغيش مريم ..
مريم ... يانرجع اهنا واني كرامتي مردوده يااما مانرجعش ... بس لما تتصفي الحسابات ويوم مانتاكد انه مظلوم ...
سمر .... موضعوك بجد معقد وعقدني .... اني بعدت علي زواج بسبب هالتعقيدات ... وحاليا نخمم اكتر حتي منكم ...
مريم ... خلاص ريحي دماغك منا توا وبري ارقدي شوي لان حتي اني بنرقد وبكرا اكيد لكل شي حل ..
سمر ... العشيه بكرا بندير بسبوسه ... عارفاتك تحبيها بتاكلي مادخلنيش فيك ..
مريم ... ان شالله ^-^ ... عندم بندول راسي مصدع ..
سمر ... بالك حامل ^-^ ...
واهني طربقت مريم بضحك علي غباء سمر ...
مريم .... هههههههههههههههههه
سمر ... نسيت نسيت خلاص بطلي ضحك ههههههههههههه
وهنا علي خشت عقاب لما سمع صوتهم ميتين ضحك ...فاخش عليهم وقاللها ...
عقاب .... سمررررر ضحكتك لشارع ... حميدا فم الباب سمعها ... بالك لانك سمعتيه سيب خطيبته حبيتي تعطيه كتلوج اعلان علي ضحكتك .. اكتميها ضحكتك خير معاش تلقيها ..
سمر .... هههههههههههه لا لا خلاص غير مريم ضحكتني ..
وهنا اول ماسمع مريم لوطه نصدم وقرب وخش لدار ... وقعد يشبح لسمر وهوا متعصب ...
عقاب ... شن قلتلك اني ؟
سمر ... هههههه (مع شبحة متزرطه ) لا لا معاش نضحك بالقوه غير نحسابه مريم حامل ...
وهنا قامت عيونها مريم وشبحتله نظرة تحدي ... وقالت ...
مريم .... علاش هوا انتي ماتعرفيش يا سمر ...
عقاب ... ( بعصبيه ) مررررررررررريم ... انهيه موضوع ...
مريم ... لا لا علاش تعصبت حابه نقوللها علاش انت تعصبت بس ..
عقاب .... مررررررررريم ... انت اخرك معااااااي هنا ... وقفي خلاااااص الولد يسمع برا ... وانتي اطلعي وتي القهوه للولد ...
سمر ... غير استهدو بالله يا جماعه خيركم اني نبصر ... وطلعت بسرعه وسيبتهم لما لقتهم ولعو لانه ماكانتش حابه تحرج روحها اكتر ... ومشت للمطبخ حطت القهوه علي نار ومشت للحمام ...
مريم ... علاش هوا انت ماقلتش ولاتستني لين اني نقول لناس ( مع نظرة تحدي تانيه ) ...
وهنا عقاب زادت عصبيته لانه كان اصلا خلقه متعصب من برا وقرب منها وكان علي شويه رح يمدلها كف ... لولا وخر وهيا قدمت بتحدي وقالتله ...
مريم .... رح تطلقني وغصبن عن عينك ...
عقاب .... ( بنظرة تحدي ) ...مش رح نطلقك يامريم ولو تموتي ...
مريم .... رح تطلقني ... لو عندك درة رجوله رح تطلقني ... بعد ماتعرف اني نحب شخص تاني وخنتك زي ماخنتني ..
وهنا خلاص تعصب عقاب وبدون وعي مدلها كف رياحي طاير ... فا قالتله ...
مريم .... رح تدفع تمن الكف هوا لما بكرا توقف قدام القاضي ... انت اعطيتني اسباب تخليني نطلق .. بجد فرحت هههههه ...
عقاب .... هيا وصلت بيك جراءه والتحدي انك ترفعي قضيه عليا ؟
مريم .... اااااااايه ... ورح نقوللهم ضربني ... ونقوللهم احنا عايشين زي الخوت قريب 4 شهور مع اني عروسه ... ولو مااقتنعش رح نقوللهم خاني مع اختي وفي شهود ...
عقاب ( شدها من ايدها وقاللها ... خلاااااااااااص ... انتي مريضه ؟ اني ماخنتكش افهمي ... والاول نسيته ... وابتديت معاك صفحه جديده ...لانك مرتي ورح تكوني كل حياتي بس اعطيني فرصه )
مريم ...( انهارت بالبكي ... كدااااااب ... كداااااب ... واني مش مرتك بطل تكدب اني مرتك مع وقف تنفيد علي ورق وبس ...
عقاب ... لا مرتي ومش علي ورق بس ..
مريم ( وهنا مسحت دموعها وقالتله بعصبيه ) ... هادي كدبه جديده باش تقولها قدام القاضي صح ...
عقاب ... ( رد عليها بعصبيه ) ... لا مش اني الا نكدب ... اني اعتبرتك مرتي خلاص من لما عرفت الحقيقه وحاولت نطلع مرام من قلبي خلاص ... وبعد ماسافرت اكتشفت اصلا اني ماكنتش نحبها ... واني كنت منبهر بشكلها زي اي راجل وبس ...
مريم .... هههههههه واني طبعا مفروض نصدق ... مرتك ههههههه
عقاب ( عيط عليها بعصبيه ) ااااااااااااااي مرتي انتي غبيه ماتفهميش ؟ خلاص معناها رح نفهمك من لحظه هيا ونبتلك انك مرتي ومش علي الورق بس ( وقامه في غمره وفتح الباب برجله )
مريم ... نحي ايدك ... نزل ايدك ... نزلني تواااااااااا اقسم بالله نلم عليك جيران ...
وهنا عقاب ... لما لقاها تعيط .. خاف اول ماتطلع لجنان تديرله العار قدام الولد ... فا فتح الانتري الا جانب الدار وقعمزها علي الارض ... وحط لصقه علي فمها وايديها ..علي خشت سمر ...
سمر .... الله الله الله هيا وصلت بيكم العدواه لي جريمة قتل واختطاف ؟
عقاب ... ( شبحلها شبحة عصبيه ) ... ضمي فمك انتي تفهممممممي وحسابي معاك بعديم ..
سمر ... متتفهمنيش غلط يويويتي ...هادي ولاتستاهل قصدي تلوت ايدك بدمها .. هادي خساره فيها شيرطو الا لفيته بيها...( وغمزتلها بعد مالقت مريم تشبحلها وتحاول تعيط ومصدومه فيها ... انت غير استهدي بالله وخليها بس .. اني نكمل لف ايديها ونركبهالك بروحي ولا نتم فيها هنا ..
بس عقاب اتجاهل سمر كانها اصلا ماتتكلمش وقعد طول الوقت يشبح لي مريم بتحدي ونظرات مش مفهومه اصلا لشخص مايحباش مفروض ...
وهنا شبحلها وقاللها ...
عقاب ... ( وطبس في ودنها بدون ماتسمع اخته وقاللها ) صار بتقولي للقاضي اننا خوت ... تمام ... دوريله حجه تانيه غير هيا ...
وسمر تشبحله من لوطه ومصدومه علي الاجرام الا عنده ... وبعدين قالت ...
سمر ... باهي علاش مكتفها هكي ...
عقاب ... هادي انجنت خلاص بتاخد كانت زرف حبوب وبتتنحر ... بنكتفها لصبح وبعدين نعرضها علي دكتور نفسي لتقتلنا معاها.
وقامها وطلع بيها للحوش فوق وهنا سمر قعدة تشبحلهم مصدومه وبعدين قالت
سمر .... ... خلي نمشي نوزع القزون الا برا ياناري واقف في الليل يستني في القهوه ونقوللها عقاب سكر ارجعله بكرا ...
وهنا مشت جيهة الباب وقالت ...
سمر ... عقاب مرض فجاه وركب وليله بكرا ...
ولكن ماردش عليها حد ... فااستغربت وقعدت تتمتم في كلام مسموع وقالت ...
سمر ... خيره مايردش هدا ... زعمك سمعنا ومشي يبلغ غباررررره *-* ...غباررررره ...
وطلعت راسها قدام الباب في لحظه الا كان حاط هوا سمعات في ودانه وكيف كان بيكبه مش شق الباب باش يعرف صاحبه وين مشي ... واول مااصتدمو وجوهم ببعض ...
سمر ( مخلوووعه ) اااااااااااااااااااااااااااااااااااااااااا
حميدا ... اااااااااااااااااااااااااااااااااااااااااااااااااااااااااا
يتبع
Kinda
