💞💞هادي الروح .... لك تشتاق 💞💞
الجزء التاني 💞💞
الحلقه السادسه ...💟💟
نهال ...... هوا في مصيبه اكتر من المصيبه الا قالتها سمر لمريم امس .... خيركم تشبحولي ؟ حي ماقولتيلهمش قصدك ؟
وهنا حميدا شبح لنهال وسمر والكل قعد يستني في ردها وقاللها ...
حميدا .... شن في سمر ؟
سمر .... ماكنتش نبي
وهنا قطعت عليها مريم وقالتلها ....
مريم ... ماكانتش تبي تقوللكم شي يخصني اني ... اني كانت عندي مصيبه زي ما أمال سمعت او بالاحري مشكله غير كبيره شوي وطلبت من سمر تحلهالي ... وكنا نتناقشو بخصوصها ... ( وقعدة تراقب في ملامح نهال وهل الاجابه اقنعتها او انها اساسا تعرف اكتر من هكي ) .
حميدا .... اها معناها حياتك الخاصه احنا ماليناش علاقه بيها ... اني اسف يامريم ... بس ممكن تكرريري الاسم الا قولتيه .. كأني سمعت اسم لقيتيه يسمعلكم ؟
سمر .... خلاص مافيش داعي نكبرو المشكله اكتر ...
امال .... ( بشبحة حقد وغل ) ... في الاساس مافيش مشكله كل مافي الامر سمعتهم بصدفه .. غير انتم حشيشيتكم تشطشو نار بس ..
سمر .... ( وهنا نطت سمر وقالت ) ...لا ياامال مش بصدفه تعمدتي لان احنا شفتينا مشينا لنهاية الحوازه في الليل باش نبزعو الاكل لدجاج .. وقبلها نتكلمو اني ومري عم في دار لقيتك في الحمام وتسمعي في الكلام ... قصدي اني مانبيش نتكلم قبل لانك مهما كان في بيتي بس بجد عيب الا تديري فيه ...
امال ..... وانتي خيرك حارقه دمك هالحرقه .. ولا لاننا في رزق بوك تشحطي علينا ... العيب مش فيك العيب في الا يسمعلك وساكت ... امس هنتي اخته وخنبتيها ... واليوم وطلعتني نتلصص وبكره بعون الله امه اشبح شن طلعيها ...
سمر ....(بوجه مصدوم ) ... اننننننننني خنبتها ؟ حسبي الله ونعم الوكيل ليك امتي صار الكلام هوا ؟
امال ...... (بوجه يقدح سم ) .... ااااااااااايه وماخليتي ماقولتي حتي علي العزوزه وبنت اختها الا مستقبلاتك في حوشها وموكلاتك وقايماتك علي كفوف راحه ... وخليني ساكته علي قولتيه امس خير مانبيش يقولو تفتن ... هدا كله ماصدقتي حملتي وبديتي تفشكي علينا من توا ...
حميدا ..... ( بوجه عصبي ونار تطاير ) خلاااااااااااص ... انتي وحده والله ماك بنت ناس ولا تتحشمي علي وجهك وكان هدا تحترمي حتي الا التريس الا مقعمزين قدامك ...
امال .... يابابا قول الكلام هوا لمرتك ولا لانكم في حوازتكم خلاص تبو تتهمو ناس وانتم تتكلمو واحنا نسمعو 😈😈
العزوزه ....... ( الوجه عرق ) وووووووووووه عليا يافضيحتي ووووه ... اااااه قلبي خلااااص جيبولي طاسه ميه بنموووت ..
وهنا نطت سمر للمطبخ باش تجيب الميه لعزوزتها وفي اللحظه هيا طلع احمد من الحمام الا كان روشنه علي جنان الا كانو مقعمزين فيه ويتناقشو وقرب من مرته بدون اي حرف واول ماوصل جنبها ... ركها كف محماططططططي خلاها تطيح بيه في الارض وقاللها
احمد ... ( عيونه حمر وقال ) .... هنا خط احمر خلااااااااص من بكري نقول اهي تسكت اهي تتحشم اهي تلم روحها ... صوتك واصلني للحمام ... ماتزيديش حتي رببع حرف .... نووووووضي خلاص ... وحق من خلق السمي علي اللوطه ماعاد قاعده فيها اكتر ماقعدتي ومش هنا بس ... لا لا حتي من غادي ياسرك عاد خلاااااااااص اصلا طولتي انتي غادي هلباااا ... من بكري واني ساكت علي خاطر عيون الغير ومانبيش نكبر الموضوع ونقول توا تسكت توا تحترم نفسها مافيش داعي نهينها قدامهم لكن انتي طالما مش معبي عينك حد ومش محترمه الابار الا مقعمزين قدامك .. ماتلزمنيش .. حوش ماليك طوووووووول ... واني نبهتك من المره الاوله وعلي نفس الموضوع هوا وكلمتك قدام اهلي وقتلك بطلي ترفعي دوه وتجيبها بطلي تتجسسي علي حد ... تي انتي يامخلوقه حتي اني واهلك ماسلمناش من طبعك ... لهدا تروحي توا علي الحوش طول تلمي حوايجك وروووووحي طووووول لحوش بوك ... معاش تلزميني .... والله ومن خلق السمي علي اللوطه .... من بكرا امي الا ماتطلع تدورلي ..
وهنا الكل قعد يشبحله وهوا مصدوم ... وحميدا ابتسم وزي من امسح علي كبده لانه من قبل مش هاضمها وحاسس انها مش مزبوطه ...
