(Uni) သတ္တိရှိလှစွာသော ရှားမှာ ထိုကျောင်းအိုကြီးဆီသို့ ရောက်သွားခဲ့တော့သည်။ ရောက်ဖို့ဆိုတာလည်း တော်တော်အလှမ်းဝေသည့်အပြင် လမ်းတွေကလည်းချုံပုတ်များနှင့်ပိတ်ဖုံးလှ၍ အလွန်ပင်ခက်ခဲသည်။
သို့သော်လည်း တစ်ခါသွားထားဖူးတဲ့မှတ်ဉာဏ်နှင့် သူကြိုးစား၍ ရောက်ရှိသွားသည်။
. . . . . .ဝုတ် ဝုတ်. . ဝုတ်. . . . . . . . . . . အမယ်လေး. . .
သူလာလိုက်လျှင် အမြဲတမ်း ခွေးတွေနဲ့တိုးသည်။
"ဒီခွေးတွေက ဘယ်ကခွေးတွေလဲ သွားစမ်း. . . . . ရှုး. . . "
သူနှင်ထုတ်နေစဉ် ပေါက်ပြဲနေသောဝတ်ရုံရှည်အဟောင်းတစ်ထည်နှင့် လူကြီးတစ်ယောက်ပြေးလာလေ၏။ ရုတ်တရက်ကြီးပြေးလာတာဆိုတော့ ရှားလန့်ပြီးနောက်ဆုတ်မိသည်။
ထိုလူကြီးက ခွေးတွေရဲ့လည်ပင်းမှကြိုးတွေကို ဆွဲထိန်းလိုက်သည်။ ထို့နောက် ဒေါသကြီးနေသောအကြည့်နှင့် ရှားကိုစိုက်ကြည့်လေ၏။*သူ့ခွေးတွေထင်တယ်. . . . *
ရှားလည်း နည်းနည်းတော့အားနာသွားသည်ထင်ရ။ သို့သော်ထိုကြောက်စရာကောင်းသည့်လူကြီးကိုဘယ်လို တောင်းပန်ရမယ်မသိ။
"တားမြစ်သည်ကိုကျူ းလွန်သည့်အပြစ်သားအတွက် ကြီးမြတ်တဲ့အပြစ်ဒဏ်ကို ဘုရားရှင်ကပေးအပ်လိမ့်မယ်. . . "
အဘိုးကြီးတစ်ယောက်လေသံပီပီ အက်ကွဲသံတစ်ချို့နှင့် သူ့ကိုလက်ညှိုးငေါက်ငေါက်ထိုးပြောကာ ခွေးတွေကိုဆွဲခေါ်သွားလေတော့သည်။
သူဘာပြောသွားတာလဲတောင် ရှားနားလည်ပုံမထင်ရပေ။
"လေပြေ. . . . လေပြေ. . . အထဲမှာလား. . . မင်းရှိနေရင်အသံပေးပါ. . . လေပြေ. . . "
မည်သည့်အရာမျှတွေးခေါ်မနေပဲ ကျောင်းကြီးထဲကို ရှားရောက်ခဲ့လေပြီ။ ညစ်ပတ်ပြီးဖုံထူလှတဲ့နေရာကြီးထဲမှာ လေပြေကိုသူလိုက်ရှာနေမိသည်။
လှေကားထစ်တွေတစ်ဆင့်ပြီး တစ်ဆင့် သူတက်လို့သွားနေရင်း နံရံတစ်လျှောက်မှ ဖုံထူနေသောဓါတ်ပုံဟောင်းတွေကို တွေ့ရမည်အမှန်ပါ။ သို့သော် ရှားမကြည့်အားပဲ လေပြေကိုသာ အားစိုက်ရှာခဲ့၏။
KAMU SEDANG MEMBACA
Piano Ghost (Complete)
Hororသူငယ္ခ်င္းတစ္ေယာက္ကုိဆံုးရံႈးလိုက္ရျပီးသည့္ေနာက္ သူ႕ကုိယ္သူအျပစ္ရွိသူတစ္ေယာက္လို႔သတ္မွတ္ထားေသာသူတစ္ေယာက္ . . . . ဘာပဲျဖစ္ျဖစ္လူတုိင္းကေတာ့အသက္ရွင္ေနထိုင္ခ်င္ျကတာပါပဲေလ. . အဲ့ဒီေတာ့ အသက္ရွင္ဖို႔ျကိဳးစားခဲ့တဲ့ငါကမွားလား. . . . . အရႈပ္ေထြးျကားထဲမွ ျဖစ...