(Uni) ရှားတစ်ယောက် သူရောက်နေတာ ကုသဆောင်ဆိုတာ သူခန့်မှန်းလိုက်မိပြီး အိပ်နေရာကနေ ထထိုင်လိုက်သည်။
ကြောက်လန့်ခဲ့မှုကြောင့် တဒိတ်ဒိတ်ခုန်နေသောသူ့နှလုံးသားတို့. .. . .ရှား သူ့ရဲ့တုန်ရီနေသော လက်တစ်စုံနဲ့ ဘယ်ဘက်ရင်အုံကိုဖိစမ်းကြည့်လိုက်လေသည်။ သူ့ရဲ့ရင်ခုန်သံကို သူပြန်စမ်းကြည့်ရင်း သွားပေါ်သည်အထိအပြုံးတစ်ခုကို သူဖန်ဆင်းလိုက်၏။
ထို့နောက် လည်ချောင်းတစ်ခုလုံးခြောက်သွေ့ပြီး ရင်ထဲပူလောင်နေတာကြောင့် ဘေးပတ်ဝန်းကျင်ကို ရှားမျက်စိကစားကြည့်လိုက်သည်။
ဘေးမှာချထားသော ရေသန့်ဗူးကြီးတစ်ခုကိုတွေ့တာကြောင့် သူအပြေးအလွှားသွားလိုက်ပြီး ထိပ်အဖုံးမှာဖွင့်ကာ ရေတွေကိုတစ်ကိုယ်လုံးလောင်းချပြီးသောက်သုံးနေတော့၏။
💦💦💦💦💦
"ဟင်. . . ရှားသတိရလာပြီလား. . . . "
ထိုစဉ် လူနာဆောင်ကို ဝင်လာသောစစ်သွေးတစ်ယောက် ရှားရဲ့ပုံစံကိုမြင်တော့ အံ့သြမိသွားလေသည်။ သူ့အပြောနဲ့လက်တွေ့က ကိုက်နေတော့လည်း စစ်သွေးမအံ့သြပဲမနေနိုင်။ ရှားကတော့ သူ့ကို သူစိမ်းဆန်စွာစိုက်ကြည့်နေရင်း မသိသလိုဖြစ်နေပုံရ၏။
တစ်ကိုယ်လုံးကလည်း ရေတွေရွှဲစိုနေပြီး ရေသန့်ဗူးကိုမနားတမ်းအတင်းသောက်နေတာကြောင့် စစ်သွေး အတင်းထိန်းတားလိုက်လေသည်။
"ရှား သတိထားပါဦးဟ. . . ဘယ်လိုတွေသောက်နေတာလဲ. ? "
သူ့ကိုထိလာသော စစ်သွေးရဲ့လက်တို့. . သူ့ကိုစိတ်ပူနေခဲ့သောစစ်သွေးရဲ့မျက်ဝန်းတို့ဟာ သူ့အတွက်အသစ်အဆန်းဖြစ်နေသလိုပင်။ ရေသန့်ဗူးကိုခပ်တင်းတင်းဆုပ်ကိုင်ထားရင်း သူဘာမှမပြောပဲ စစ်သွေးကိုသာ ငေါင်ကြည့်နေသည်။
စစ်သွေးအသံကြောင့် ရဲသော်နဲ့ဇွဲလည်း နိုးလာရသည်။ ရှား ထလာသည်ကိုမြင်ရတော့ ဇွဲက ပို၍ ပျော်နေသည်။
"ဟေ့ကောင်. . . မင်းထလာတာမှန်တယ်. . . အမယ်လေး. . မင်းအဲ့ဒီတုန်းက ဘာဖြစ်ခဲ့လဲဟင်. . . ဘာတွေဖြစ်ခဲ့တာလဲ. . . "
YOU ARE READING
Piano Ghost (Complete)
Horrorသူငယ္ခ်င္းတစ္ေယာက္ကုိဆံုးရံႈးလိုက္ရျပီးသည့္ေနာက္ သူ႕ကုိယ္သူအျပစ္ရွိသူတစ္ေယာက္လို႔သတ္မွတ္ထားေသာသူတစ္ေယာက္ . . . . ဘာပဲျဖစ္ျဖစ္လူတုိင္းကေတာ့အသက္ရွင္ေနထိုင္ခ်င္ျကတာပါပဲေလ. . အဲ့ဒီေတာ့ အသက္ရွင္ဖို႔ျကိဳးစားခဲ့တဲ့ငါကမွားလား. . . . . အရႈပ္ေထြးျကားထဲမွ ျဖစ...