(Uni) သူ့ဆီသို့ လက်ညှိုးထိုးလာသောကြောင့် ရှားရဲ့မျက်နှာကခက်ထန်သွားသည့်ပုံပင်။ ထိုစဉ် စစ်သွေးက ရှားရှေ့ကနေ ကာစီးကာပြောလာသည်။
"ဇွဲ မင်းလျှောက်ထင်နေတာဖြစ်မှာပါ. . . မင်း နေကောင်းသေးတာမဟုတ်ဘူး. . . . "
"အေးလေကွာ. . သူက လူမဟုတ်လို့ ဘာဖြစ်ရမှာလဲ. . .မင်းထင်ယောင်ထင်မှားဖြစ်တာနေမယ်. . . မကြောက်နဲ့တော့. . ငါတို့အားလုံးရှိတယ်. . . "
စစ်သွေးနဲ့ ရဲသော်လည်း ဇွဲကို စိတ်ပြေအောင် ပြောကြရလေ၏။
ဇွဲကတအားကြောက်လန့်နေတော့ စစ်သွေး သူ့နောက်က ရှားကိုတစ်ချက်လှည့်ကြည့်မိပါသေးသည်။
ရှားရဲ့ရုပ်ကတော့ တည်ငြိမ်နေပြီး ကျောက်ရုပ်တစ်ရုပ်ကို ဇွဲကိုစိုက်ကြည့်နေသည်။
"ထွက်သွား. . . ငါ့အနားကနေ ထွက်သွား. . . . အား. . . "
ဇွဲကတော့ ကြောက်အားလန့်အားနှင့် ရှားကိုနှင်ထုတ်ပါတော့သည်။
"သူစိတ်ငြိမ်သေးတာမဟုတ်ဘူး. . ဟေ့ကောင် ရှားကိုခေါ်ပြီးထွက်သွားလိုက်စမ်းပါ. . . "
ဇွဲက စားပွဲပေါ်မှ ရှိတဲ့ပစ္စည်းတွေနဲ့ ရှားကိုကောက်ပေါက်ထုနေ၍ အကုန်ထိခိုက်ကုန်မှာစိုးတာကြောင့် ရဲသော်လည်း သူတို့နှစ်ယောက်ကိုထွက်သွားခိုင်းရသည်။
"သူ့ကိုထိန်းထားလိုက်ဦး. . . "
စစ်သွေးလည်း အခြေနေကိုနားလည်တာကြောင့် ရှားလက်ကိုဆွဲကာ ကုသဆောင်မှထွက်လာခဲ့လေသည်။
▪▪▪▪▪▪▪
"ရှား. . . မင်းလန့်သွားသေးလား. . . သူကစိတ်ပုံမှန်မဟုတ်သေးတာငါမေ့ပြီးမင်းကိုခေါ်လာခဲ့မိတာ. . . "
အပြင်ရောက်တော့ ရှားလန့်သွားမည်စိုး၍ ဖြေဖျောက်ပေးလိုက်ရသေးသည်။ သို့သော် ရှားကတော့ ဘာမှပြန်မပြောပေ။
စစ်သွေးလက်က နာရီကိုတစ်ချက်ကြည့်မိပါသည်။
"Ar. . တစ်ချက်တောင်ထိုးပြီ. . . ရှား. . မင်းအတန်းချိန်ရှိသေးလား. . . "
စစ်သွေးပြာယာခတ်သွားသည့်ပုံနှင့်ပြောလာသော်လည်း ရှားကသူ့ကိုကြောင်၍သာကြည့်နေသည်။
YOU ARE READING
Piano Ghost (Complete)
Horrorသူငယ္ခ်င္းတစ္ေယာက္ကုိဆံုးရံႈးလိုက္ရျပီးသည့္ေနာက္ သူ႕ကုိယ္သူအျပစ္ရွိသူတစ္ေယာက္လို႔သတ္မွတ္ထားေသာသူတစ္ေယာက္ . . . . ဘာပဲျဖစ္ျဖစ္လူတုိင္းကေတာ့အသက္ရွင္ေနထိုင္ခ်င္ျကတာပါပဲေလ. . အဲ့ဒီေတာ့ အသက္ရွင္ဖို႔ျကိဳးစားခဲ့တဲ့ငါကမွားလား. . . . . အရႈပ္ေထြးျကားထဲမွ ျဖစ...
