Piano Ghost (Complete)

Part 13

(Uni)  . $ I found a love. . . . . # # # . Darling. . . .

ဒီနေ့တီးဖို့အတွက် သီချင်းသံစဉ်လေးကို နှုတ်ထဲရေရွတ်နေမိရင်း piano roomသို့ ရှားလျှောက်လှမ်းလာခဲ့သည်။
ထိုစဉ် အနက်ရောင်ဝတ်စုံနဲ့ မိန်းကလေးတစ်ယောက် သူ့ရှေ့ကနေဖြတ်ခနဲလျှောက်သွားလိုက်တာကို သူမြင်လိုက်ရသည်။ ဘယ်လိုခြေလှမ်းမျိုးနဲ့လျှောက်သွားလိုက်တယ်မသိ။ ပြေးထွက်သွားလိုက်တာလား ဘယ်လိုရယ်မသိ အရမ်းကိုမြန်လွန်းသည်။

''ဟင် ပလွှာမလား . . . . . ''

သူမရဲ့အရိပ်ကိုဖြတ်ခနဲမြင်လိုက်ရသော်လည်း ရှားသူမကိုတန်းသိလေသည်။

ထိုတစ်ယောက်က သူ့မျက်စိရှေ့တည့်တည့်မှာတင် အခန်းတစ်ခုကိုကွေ့ဝင်သွားသည်။

''ပလွှာက လူမှဟုတ်ရဲ့လား. . . ''

သူလည်း စိတ်ထဲဇဝေဇဝါဖြစ်သွားပြီး သူမကွေ့သွားသောအခန်းထဲကိုလိုက်ဝင်ကြည့်လိုက်သည်။

Pianoနဲ့သက်ဆိုင်တဲ့ပုံတွေနှင့်အတူ စာအုပ်မျိုးစုံခင်းကျင်းထားသောအခန်းကြီးပင်။ ဆုတံဆိပ်တစ်ချို့လည်းမှန်လှောင်အိမ်ထဲမှာ တင့်တည်စွာနေရယူလျက်ရှိသည်။

စာအုပ်အနည်းငယ်သိမ်းထားသောစင်ရဲ့ရှေ့မှာ ပလွှာကမတ်တတ်ရပ်နေတာမို့ ရှားမသွားရဲတာနဲ့ ထောင့်တစ်ခုမှာကပ်နေခဲ့မိ၏။

''ဒီကိုလာပါ. . . ပြစရာရှိတယ်. . . ''

သို့သော် ပလွှာက သူအနားမှာရှိတာကိုကြိုခန့်မှန်းမိနေသည့်ပုံနှင့် ရှားကိုလှမ်းခေါ်လိုက်သည်။

*ဟင် သူငါ့ကိုသိသွားတာလား ဒုက္ခပါပဲ. . . . *

မသက်သာတော့တာနဲ့ ရှားလည်းသူမအနားသွားရပ်လိုက်သည်။
မျက်နှာတစ်ခုလုံးက ဖွေးစွတ်နေကာ သွေးမရှိဟုထင်ရလောက်သည့်ပလွှာဟာ သာမန်လူတစ်ယောက်မဟုတ်မှန်း ရှားရိပ်မိပါသည်။  စာအုပ်စင်ဘေးကနံရံမှာချိတ်ထားသောဓါတ်ပုံတစ်ခုကို သွေးအေးစွာစိုက်ကြည့်နေသောသူမကို ထူးဆန်းစွာရှားငေးကြည့်နေမိ၏။

''မင်းသွားတာက အရမ်းမြန်တယ်နော်. . . ''

စကားအစရှာတဲ့အနေနဲ့ ပြောမိပြောရာပြောလိုက်သော် ပလွှာကပြုံးလေရဲ့။