Piano Ghost (Complete)

Part 1

(Uni) တိတ်ဆိတ်ပြီးအမှောင်ထုဖုံးလွှမ်းနေတဲ့ညအချိန်လေးမှာ ပိုးကောင်မွှားကောင်လေးတွေရဲ့အော်မြည်သံတသဲ့သဲ့က နေရာယူထားလို့နေသည်။

ကောင်းကင်ရှိလမင်းဟာလည်း ဘယ်ဆီကိုပျောက်ဆုံးလို့နေသည်မသိ။ ကောင်းကင်မှာလမရှိသည်က တကယ်ပင်အသက်မဲ့လှသည်။

ညည့်နက်လာလေလေ ပို၍စိတ်ခြောက်ခြားဖွယ်ကောင်းလာလေလေပင်။မကြာခင်မှာပဲ တိတ်ဆိတ်နေသောပတ်ဝန်းကျင်တစ်ဝိုက်မှာ ခြေသံတစ်ချို့ကိုကြားလာရလေပြီ။

ဘေးပတ်ဝန်းကျင်ရှိသစ်ပင်တို့မှကြွေကျထားသောသစ်ရွက်ခြောက်တို့ဟာ သူ့ခြေထောက်အောက်မှာ တကျွတ်ကျွတ်အသံမြည်လျက်သား. . . .

မှောင်မည်းနေသောထိုနေရာကို လက်မှာကိုင်ထားသောလက်နှိပ်ဓာတ်မီးနှင့် အလင်းပြုလို့နေသည်။

''အမယ်လေး..... . ဘာကြောက်စရာရှိတာလိုက်လို့. . . သရဲဆိုတာတကယ်မရှိပါဘူးလေ . . .''

အရမ်းတိတ်ဆိတ်နေသည်မို့ စိတ်ထဲကသိကအောက်ဖြစ်ရသော်လည်း မကြောက်အောင်သူ့ကိုယ်သူပြန်ဖေးမနေသည့်နှယ်။

ထိုသူဘယ်များသွားနေတာပါလိမ့်. . . . .

. . . . . . . .အာဝူး. . . . . . .ဝုတ်. . . .ဝုတ်. . . .အာဝူး. . . . . . .
~~    ~~~~     ~~~ဝုတ်~~~      ~ဝုတ်    ~~~

တိတ်ဆိတ်နေစဉ်မှာပဲ ဘယ်ကမှန်းမသိသောခွေးများအူသံကြောင့်
ထိုတစ်ယောက်ခမျာ လက်မွှေးတွေထလို့လာသည်။

''ချီးပဲ. . . ဘာလို့ဒီအချိန်မှထအော်ရလဲခွေးရာ. . . လန့်သွားတာပဲ. . . .စိတ်လျှော့ ရန်နိုင်. . .စိတ်လျှော့ . . .မင်းဘာမဖြစ်ဘူး. . မကြောက်နဲ့. . မကြောက်နဲ့. . .ငါယောကျာ်းစစ်ကြောင်းသူတို့ကိုသက်သေပြဖို့လိုတယ်. . .ငါသွားရမယ်. . . ''

ထိုခွေးအူသံတွေကိုအံတုပြီး သူ့ကိုယ်သူဖေးမရင်း နောက်ဆုံးတော့ သူဦးတည်သွားတဲ့ထိုနေရာကိုရောက်လာခဲ့ပြီ။

ဟောင်းနွမ်းနေတဲ့ဝင်္ကပါဆန်သောတိုက်ကြီးတစ်ခုပါ။ မဝင်ရဆိုတဲ့ ဆိုင်းပုဒ်ကိုချိတ်ဆွဲထားပြီး. . တံခါးတွေပိတ်ထားသည်။ သော့ခတ်မထားသည်က လက်ထည့်စမ်းချင်တဲ့ကျောင်းသားတွေအဖို့ အခွင့်ကောင်းဖြစ်နေသည်ကို ကြီးကြပ်သူတွေသတိမထားခဲ့လေသလား။