وجع الماضي

الحلقة ١

#وجع الماضي
#ليوثي المياحي

حبيبي  تتعشى كبل ما تلتحق ترة العشى حاضر.. منى صاحت عليه من المطبخ جاوبهه سالم وهوة بغرفة نومة دقايق حبيبتي ابدل ملابسي واجيج ... ديلة استعجل هسة جماعتك يتانوك .. بدل ملابسة ع السريع لبس البدلة العسكرية ولبس البسطال تاكد انو شايل مستمسكاته وتاكد من سلاحة ..رش معطر على بدلتة العسكرية.. شال جنطته مر على غرفة بنته شالهه من الكاروك خدودهه حمرة ومدبدبة..غمازاتهه مزيدتهه حلاة..غطاهه زين وملة عيونه من شوفتهه ..اللي ما يمل منهه..ولا يشبع بوس بيه كام يلاعبهه بوسهه وحضنهه رجعهه بمكانهه وغطاهه زين وطلع للمطبخ جر كرسي وكعد يعشى كمل عشاه باس مرتة وطلع من المطبخ  باوع على البيت وهوة يتحسر لان مراح يكضي العيد وية مرته وبنته لان اجازته تخلص اليوم وباجر اول ايام عيد الاضحى المبارك . راح يكضي العيد بوحدته العسكرية بالتاجي .. شيسوي هاي مصدر رزقة اللي عايش منه .. مثل ما تكول امه ريمه ... ابتسم من تذكرهه ولهيج قرر يسمي بنته الزغيرة على اسم امه بنته اللي بقالهه اسبوع وتكمل سنه من عمرهه سماهه ريما بنته البكر واول فرحته بعد ماتزوج المرة اللي حبهه وعشكهه من كل كلبة .. منى مرته العزيزة اللي تزوجهه بعد قصة حب بعد ما رفضو اهلهه ينطوهه اله ودز اكثر من شخصية وشيوخ في سبيل يقنعون اهلهه ويقبلون بيه .. لان جانت مدللة من منطقة الكرادة اللي ابغداد وهوة من قرية باطراف المحمودية اتحدة الناس كلهه في سبيل يرتبط بيهه بعد ما هية بادلته نفس الشعور وحبته تزوجو وجانت ريما هي ثمرة حبهم ....
..جان يحس بضيق بكلبة والكابة صعدت عندة..كال لمرته منى اني مراح اكدر اعيد وياكم..وهذا المضوجني..
كالتلهه ميخالف حبيبي ..تتعوض مو مشكلة..من ترجع ..راح نسهر ونسوي كيكة..ونحتفل ونعيد من جديد..بس انته لا ضوج..لزمت ايدة ..هوة شبك اصابعه باصابع اديهه وبوسهن..ورجع كمل عشاه..كمل وكام غسل.. اديه..وكام يطلع..حتى يلحك على جماعته..منى صاحت عليه..سلوووم..ما نسيت شي..رجع وهوة يضحك وباسهه..كبل ما يطلع..وهوة يجيب وينعل الشيطان..اتوكل على الله..وطلع راح للكراج لكة جماعته يتانونه..ركبو تكسي..وتوجهو للتاجي..من وصل للوحدة مالته..دخل على الضابط حتى يسجل حضور..الضابط كاله..سالم اجتك اجازة ..راح تكضي العيد يم اهلك...روح ارجع ورة العيد تلتحق..سالم مات من الفرحة..لان الله استجاب لدعائة..ولان جان يريد يعيد يم مرته وبنته..سلم على الضابط وعلى جماعته طلع من الوحدة والدنية ماتوسعة من الفرحة..قرر بطريقة يشتري كيكة.. و ملابس لمرته منى وبنته ريما..جان يريد يسويهه مفاجئة ..ويفرح كلب مرته وبنته..نزل للسوك اخذ كيكة بالككو لان منى تحب الككو..واخذ ملابس مثل ما جان مقرر..جان يتخيل ريما غركانه بالككو..وهوة ياخذلهه صور..مر على ابو الورد واشترة وردة حمرة..رجع وهوة بقمة الفرحة..رجع وجان يمني روحة بسهرة حلوة وية مرته وبنته..طلع للكراج ركب تكسي..وجان يعد الدقايق والثواني.. حتى يوصل من وكت..وصل بالليل..خلة المفتاح بالباب وفتحة..جان الضوة طافي..وام كلثوم ..تغني..منى هواي تحب اغاني ام كلثوم..كلبه كام يرفرف عليهه.. بس شعجب من وكت نايمه..مو من عوايدهه..كام يمشي على كيفة ويتسحب مثل الحرامي حتى يفاجئهه..حط الكيكة على الميز بالصاله وطلع لغرفة ريما لكاهه بالكاروك.. وتبجي وحدهه..تعجب منى جنت من اروح التحق تنوم ريما وياهه بالغرفة..شلون منومتهه بالغرفة وقافلة الباب عليهه..اذا كامت تبجي اكيد مراح تسمعهه..بخطوات خفيفة..تقرب من الباب..وكام يفتح بيه شوية شوية..حتى يفاجئ مرته..سمع صوت انين..خفيف واهات..كلبه كام يدك..يريد يطلع..توتر..وكام يرجف..وكام يخاف يفتح الباب اكثر..دكات كلبة زادت اكثر واكثر..قوة كلبة وفتح الباب لحيلة..جمد بمكانة صدمة عمرة..وكعت الوردة الحمرة من ايدة..وهوة يشوف مرته وعرضة..نايمة جوة رجال ثاني..يبوس بيهه..جوة الغطيه..وهية تأن..وتخرمش باضافرهه..بالفراش..صاح بيهه صيحة تهد الجبال..فزو ثنيناتهم وكمزو من الفراش..وثنينهم مصاليخ مثل ما خلقهم ربي..وكل واحد يجر بالغطيه يريد يستر روحة..منى جانت باهته وخايفة.. كالت .. سس..سسسسلووووم..اوكف خل اشرحححلك...عيونة حمرت..غضب وقهر..سد جفوفة بكل قوته..وصاح ...ليييشششش..؟؟؟شنو الخلاج..تخونيني..ليشششش...توسلت بيه..وهوة يتقرب عليهه..لزمهه من شعرهه كفشهه وكام يهز بيهه..ويضرب بيهه ويكللهه..انوب  ملابسج الداخلية اللي احبهه..شامرتهه هنا وهنا..ومعطرتلة..بالريحة اللي احبهه..جبتهه حتى تتعطرين الي ..مو لغيري..احجي ..لا اكسر راسج..شنو اللي لكيتيه بيه ومالكيتيه بية..صاحبهه غافلني وطلع يركض انهزم..شفته بطرف عيني لزمت سلاحي وصوبته وخليته يرعص ..ويتوسل..رجعت عليهه لزمتهه من شعرهه ..وج احجي ليش خنتيني اريد اعرف...هيه تبجي وهوة يستجوب بيهه..كالتله الليل كلة واني وحدي حسيت بالوحشة..وهوة لكاني وحدي واغواني وقشمر علي..واني ضعفت كدامة..كتلهه منين عرفتيه..كالت زميلي بالشغل..شعرهه شلعته من عرجة..وهية تعيط...وبنتي..من شوكت تبجي وتشهك..وانتي ولا على بالج ملتهية بحبيب الكلب..كالتله ما سمعتهه..تبجي..شكد غشيم اني..اروح للموت برجليه وانتي ملتهية بسوالف الفساد من ورة ضهري..واني نايم على اذاني..وثقت بيج..وهاي الثقة ضيعت حياتي..طلع المسدس..وحطة بصدرهه..وهية تتوسل بيه..حتى ما يكتلهه..لا رمشت عيونة ولا كلبه انكسر عليهه..داس الزناد وصوبهه بكلبهه..اللي خانة..وكومهه بالكاع..وخلاهه ميته..وكع السلاح من ايده..وكع على ركبة..وهوة يباوعلهه..وهية غركانة بدمهه..يبجي..بقهر ومرارة..وين الحب ...وين العشرة... حرامات..كل الايام اللي كضيتهه وياج..  وين الشرف..ضاعت هيبتي..ضاعت رجولتي..خسرت عرضي وشرفي..هاي اللي سويتيه.. وصمة عار راح تلاحكني طول عمري..يحجي ويبجي ويضرب الكاع باديه..المدماية..ويتذكر كل اللحضات..الحلوة اللي كضاهه وية منى..ويرجع يمحيهه..من يذكر شلون نايمة وي غيرة..وعلى فراشه..معقولة لهل درجة جانت مستحقرتني..لهل درجة ما جانت حاسبتلي حساب..انعل ابو الحب اللي ما من وراه غير المذلة..
معرض روحي للخطر ومستحمل الحر والبرد ..وساعة الساعة يتعرض لهجوم ..والموت..
حط راسة بين اديه وكام يبجي..من الصدمة ..ومن شدة الوجع الي حس بيه.. وضل ياكل بروحة..ما كدر يتمالك روحة..وهوة يسمع بجي بنته ريما..حس على روحة..وذكرهه رمى المسدس..وبندقيته..وركض عليهه حتى يشيلهه وينقذهه ..وياخذهه الاهلة..كبل ما يجون اهل الولد او اهل منى لو الشرطة وتصير كاتل ومكتول..وتبقة ريما ملطشة بين عائلتة وعائلة منى...ركض لغرفتهه لكاهه ..تبجي وشفتهه الجوة نازلة مبرطمة..وتبجي وتشهك..والدموع..تجري على خدودهه البريئة..شالهه وكام يبوس بيهه ويبجي..يبجي..وهيه تبجي وياه..حس على روحة..كام يركض فتح الكنتور اخذ ملابس الهه وحضر جنطة حط بيهه قواطي الحليب والحفاضات..لفهه بالملحف زين شالهه وطلع يركض..رجع لغرفة النوم اخذ سلاحة..وباوع اخر مرة..على مسرح الجريمة..سد الباب..بالمفتاح..وطلع..يركض قبل مل تلتم عليه الجيران..اكيد سمعو صوت اطلاق النار..وراح يسالون منين ..اوين هذا الصوت..لان الحادث صار بوقت..الناس كلهه ملتهية.. بالعيد..بس هوة جان عيده من نوع ثاني..قفل الباب بالمفتاح..وراح يركض وهوة شايل بنتة..اخذ تكسي..للكراج..ومناك ركب بالباص وراح لبيت اهلهه باطراف المحمودية..حاول يسبق الوكت..كد ما يكدر..جان تفكيرة شارد بغير دنية..ماجان نادم على اللي سواه..بالرغم من انو راح يخسر خدمته بالجيش..وراح يخسر حياته..والسجن او حبل المشنقة جان يلوح كدامه..حالة حال المجرمين القتلة..مستقبل مبهم جان يشوفة كدامة..ولو باديه يكتلهه ميت مرة وما يندم..ابد..ضيعته وضيعت.. بنتهه..وعائلتهه..علمود نزوة ..شهوة..جذابيه..نار كامت تشتعل..بصدره..شكد خدم بالجيش..جان دائما ينحاز للقانون..جان اي تصرف يتصرفة داخل القانون..جان حقاني لدرجة جبيرة..ما فد يوم هرب او غاب او تقاعس عن الخدمة..حتى جان دائما يلوم ويحجي على الناس اللي تاخذ حقهه بايدهه ويكول اكو قانون يحكم البلد..اليوم ياله افتهم وانطة عذر للياخذ حقة بايدة..شي اقوة منه ..بوكتهه العقل يغيب..ويحضر..مفهوم الشرف والرجولة..حتى موتهه لمنى ما شفة غليلة..دخل الباص لناحية المحمودية..نزل اخذ تكسي...ومشى وسط المزارع والشوارع الترابيه..وصل بيتهم اخذ بنته بعد ما دفع كروة التكسي وكام يركض وهوة مشدوه وسط الزرع والكيعان المحروثة مرة يوكع ومرة يركض..وهوة يصيح على امة ..اللي عايشة وحدهه ابيت بالقرية..
يمة ريمة..يمة ريمة..وينج..ريمة جانت نايمة..سمعت صوته ..وهيه ما مصدكة روحهه..كمزت من فراشهه..لبست روبهه. و كالوشتهه..وتلم بثوبهه اللي بلا حزام..اللي تنزعة من تريد تنام..
صاحت هياتني جيتك وليدي سالم..ركضت فتحت الباب..مال الحوش..حضنته..وتبوس بيه..وهوة يرجف..لا كلام ولا سلام..
هلة بوليدي..شجابك بهل وكت..وشبيك..جاي وحدك مرتك منى وين..لو بنت السلطان..تستنكف تجي وياك ..
كاللهه يمة رحمة لوالديج لا تزيدين عليه البيه مكفيني تره..اخذته حضنته على صدرهه..يمه وليدي شبيك ينضر عيني..كلي احجيلي..لسانة خرس..وكام يتلجلج بالحجي..وما كدر يحجي..شافهه صعبة يكللهه..لكيت مرتي نايمة بفراشي وية غير رجال..ما طلع الحجي من كلبه..غلس ..وكاللهه يمة ما عندي وكت..يمة هاي ريما..امانه بركبتج..لا تعوفينهه ولا تنطينهه الاحد..واريدج تربينهه كانما تربين رجال..مثل ما ربيتي اخواتي البنات..اني رايح وما اعرف اموت لو اعيش..
كالتلهه عزة ..يم وليدي..انته شدتحجي..ليش هل حجي..شمسوي انته..
يمة مو وكتهه هسة اخذي ريما ..اخذتهه وخلتهه بحضنهه..نزع الجنطة من جتفة..خلاهه بالكاع..عيونه رغرغت بالدموع..دنج على بنته وباسهه..وباس امه من كصتهه ودنك باس ايدهه..صوتة انبح..كاللهه..الله يطول عمرج..يمة بس اريدج تعرفين انو ابنج رجال..وبنتي احبهه..تكون مثل الرجال..يالة يمة اشوف وجج بخير..وطلع وهوة يتسارع بالخطوات..وكلبة يوجعه..ودموعة تنزل حارة..على خدودة حس روحة تريد تطلع..لازم يحكم عقلة..ويطلع من العراق..اللي انهانت بيه رجولته..واكيد القانون راح يحاسبة ع القتل..وينسى قضية الشرف اللي ادت للقتل..يلمم بشتات افكاره في سبيل يطلع..من هل بلد.. كام يودع بكل لحظة عاشهه ..بكل طلقة طلعت من بندقيته على العدو.. اصلا هوة ودع امة وعائلته..وتراب ديرته..من اللحظة اللي ضغط بيهه على الزناد..وكتل مرته..ما جان مستعد..يسلم روحة..وينسجن من ورة مرة لوثت سمعته..وجنت عليه وعلى بنته..مابقة عندة شي بالعراق..فقرر ينهزم..وخلة هاي الفكرة كدام عينة..
ورة فترة انحكم سالم بالسجن مدى الحياة..سالم انهزم خارج العراق..وبعد نزاع وقضاية بالمحاكم..وتوكيل المحامين..وروحة وجية انحكم ..حضانة ريما لصالح عائلة سالم..بحكم ان المرحومة ماتت والفضيحة وياهه..من هنا تبدة رواية ريما..
ريما بنية زغيرونة انحصرت حياتهه بماضي عائلتهه..بسجن الاحكام المسبقة الظالمة ..والمجتمع اللي ميرحم..تابعو رواية وجع الماضي وبطلتهه ريما..الزين والعين..والورد ع الخدين..ريما بمعترك..الحياة..بقلب المجتمع..العراقي..النابض...تبدة سالوفة ريما......ليوثي المياحي
#لايك ....تعليق... حتى توصلك كل الحلقات اول باول.....لا تغلسووون

متابعيني احباب كلبي 

رواية حمدية ومهيدي عراقية رومانسية وباللهجة العراقية من الواقع العراقي راح تشدكم احداثهه تابعوهة بصوتي على اليوتيوب ......ليوثي المياحي