وجع الماضي

الحلقة ١٨

الصبح كعدت على ادغدغ..برجلية..فتحت عيوني..بالكوة..لكيت عمتي تفرك بالحنة..كالتلي صباح الخير ياعروسة..شوفي الحنه..شلون طابعة برجلج وصايرة حمرة دم..الله مصلي على النبي..كلت افركهه الج..كبل ما التهي بالذبايح والطبيخ..كملت فرك..ودهنت رجلية بزيت الزيتون..ولفلفتهن بجواريب..وطلعت..شوية ورجعتلي..وبيدهه ماعون..كيمر..وصمون حار..كالتلي اكلي كوي روحج..وراج تعب العرس..فتحت عيوني..عليهه..كلتلهه صدك جذب عمتي وين رايحة للحرب..كالتلي..اي لعد شعبالج..عركة..وكاتل ومكتول والدم يسيح..والحيل ينهد..كتلهه يمة..اذا هيج ما اريد اعرس..طبطبت على جتافاتي..وهية تتبسم..لا..ولج..صحيح عركة..بس احلة عركة..هههه خاصتا من تبدي وية رجال..ضخم مثل محمد..وشواربة..شوارب الارنب هههههه..لا تخافين بنيتي ترة اشاقة وياج..الله يسعد ايامج..طلعت وخلتني..لابدة.. والخجل يريد ياكلني..والبنات..يمي..طكو من الضحك..ورة..ما طلعت..كامن يتراكضن..حتى يتريكن..وياي..بشقة والضحك..ورة ما كملنة ما خلوني الملم وياهم..ولا اسوي اي شي..لان اني عروسة ..طلعت من الغرفة مريت على الذبايح..الجو جان فرايحي..بوسط الاغاني ..والهلاهل..شكل الاكل بالجداري الجبيرة..يشهي..وكل واحد ملتهي بشغلة..تعدة الظهر..واجة العصر..واهل المنطقة كلهم التمو يم بيتنه..اجوي..محمد وانور وعمي..وجماعة مرت عمي..جايبين..الجهاز مالتي....سوو جو كلش حلو..شوية واجتي عمتي..طلعتني..من بيناتهم..وطببتني لغرفتي..كالتلي البسي الدشداشة اللي جابوهه الج البارحة..وحضري روحج لان السيد راح يجي حتى يعقدلج سمر جانت وراهه دخلت وياي لبست ثوب ابيض صدرة كلة خرز وليلو وبلك.. يخرخش تخرخش .. ولبست شال مورد ..ضبطت المكياج وتعطرت..وسبحان ربي طلعت اخبل وجهي نور ماشاء الله خدودي وردت .. وابتسامتي مالية وجهي الاول مرة ..شوية وصاحولي ..وقرو الفاتحة ..السيد كام يقرة ايات ((بسم الله الرحمن الرحيم)) ((وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ))صدق الله العظيم..وراهه كام يحجي ويشرح ..عن الزواج واني جنت ولا مركزة وياه كلامة ما افتهمته عيني جانت بس على محمد جان لابس قاط شكري مطرز ولحية خفيفة ومعدلة ومحددة ولابس رباط جوزي لايكلة حيل ..اليوم الغراب طالع يخبل ومن صدك يهبل مثل ما جانت تكول صاحبتي سهى ((الجلبة ما اجتي لعرسي ما غزر الملح والزاد)) وهوة عيونة تريد تاكلني..اني استحيت من روحي..ودنكت راسي..همة رفعو اديهم..وكامو يدعون ..واني ما اعرف ليش عقلي وكف..جانت عيون الغراب تلمع..بس تردون الصدك..اشو صار مو غراب انكلب فدنوب..حسيت على روحي من السيد كام يسأله ..هل تقبل الزواج من البنت البكر ريماا بنت سالم..؟؟؟ محمد..باوعلي وعيونة بعيوني..وبابتسامة خفيفة كال نعم اقبل..التفتلي..وسألني..واني عضامي..خارت كلهه..من المستحة..كالي هل تقبلين..الزواج من محمد ابن صلاح..العيون كلهه متجهه صوبي..وتناضرني..اتاني شراح يكون جوابي..اني لساني انعكد..وكام يمتمت..شيطاني يكلي كولي لا..لا..هزيت راسي..ومحمد يتاني..بلهفة حتى اجاوب..ومن غير شعور طلعت الكلمة همس..موووافقة..ضحك وهوة مليان فرح..واسمعلك صوت الهلاهل...السيد قرة الفاتحة..وخلاني اوقع ..جنت خايفة ..وجسمي يرجف..وعيت على روحي..لن محمد يمي..لزم ايدي..وطلعني وياه..حسبالك حس بيه وفهمني..خليناهم ..بجو الفرح..جنت مو بوعيي مدري من حرارة ايدة..اللي حاضنة ايدي..دخلنة للغرفة..والبنات اللي كاعدات بيهه طلعن ركض..سد الباب..وحط ايدة اللي لازمة ايدي على كلبة..كالي اسمعي ريماا..اسمعي كلبي شلون يدك..يدك..يريد يطلع..من بين ضلوعي..مبررروك علية..هسة صرتي حلالي..مبرووك..هسة صرتي مرتي..وام بيتي..اني ذبت..وجسمي كام يرجف..كلشي بيه..انتفض..حتى ايدي..نملت..هوة حس بيه..جر ايدي وباسهه..كالي لاتخافين..ريماا مرتي..راح اسكنج بعيوني..واخليج بنص كلبي..ربي يقدرني..واسعدج..واني اخاف من الحجي الرومانسي..والحب..لان اكوم احس..بجسمي يتخردل..وما اسيطر على روحي بعد..هناك ولساني نطق..كتلة خاف تاخذني..كنس وغسل وتنظيف وتركيب..هههه..كال لا هاي الادين تنباس مو تشتغل..كتلة اذا هيج هاك اديني..بوس..بوس..هوة كام يضحك..ههههه..جثى ..وحط ايديه..على ركبة..وضحكني وياه..هز راسة..وخلة راسي بين اديه..كالي اضحكي..شمحلاهه ضحكتج..ارمي همج..وراج..اوعدج..راح اخلي الضحكة والفرحة ما تفارك وجهج..وكام يتقرب علية حتى يبوسني..اني استحيت اوخرت من يمة..كتلة كلهه وعود جذابة..تنتهي من اصير حامل واخلفلك جهال..وكتهه تكول انعل ابو اليوم اللي تزوجتج بيه..كام يضحك..ههههه واني فلتت منه..عمتي صاحت..ولك محمد اطلع..من الغرفة..عوف العروسة..خلي ترتب روحهه للحفلة والسهر..بلكوة باك بوسة من خدي..فتح الباب..وعيونة تلمع..بالوعد والفرحة..كالي ما بقة شي ..ليلة وتصيرين مرتي ..حبيبة عمري ..نطاني بوسة بالهوة ع الطاير وطلع ..خلاني اتنهد ما مصدكة روحي.. عايشة اللحظة ..عروسة وفرحانة ..بحنتي بوسط الغنة والركص والعشة الزين.. ولمة الحبايب.. واني بذمة عريس كمت ارتاحلة فرد نوب.. ما اعرف شصار بية ارتخيت وانضربت على راسي ..هنيالج ريماااا وكعتي ولا واحد سمى عليج؟؟؟؟
كالي ما بقة شي ..ليلة وتصيرين مرتي ..حبيبة عمري ..نطاني بوسة بالهوة ع الطاير وطلع ..خلاني اتنهد ما مصدكة روحي.. عايشة اللحظة ..عروسة وفرحانة ..بحنتي بوسط الغنة والركص والعشة الزين.. ولمة الحبايب.. واني بذمة عريس كمت ارتاحلة فرد نوب.. ما اعرف شصار بية ارتخيت وانضربت على راسي ..هنيالج ريماااا وكعتي ولا واحد سمى عليج؟؟؟؟
كعدت احجي وي روحي..بس البنات كطعن سلسة افكاري..ودخلن علية وهنة يتمضحكن ويتشاقن..كاللي..شكالج..محمد..باسج..لو لا..سويتو قارش وارش..وهنة يتمضحكن.هههههه  هههههه..كتلهن..شكد ساقطات..عيب هل حجي..ما تستحن..كالن وعليش نستحي كلنة بنات..خلينة نحلم..ترة احنة عدنة جفاف عاطفي..انطينة ربع من الحب اللي بينكم..اخذنة الضحك ههههه..ومشة الوكت..رحنة حتى نتعشة..جانو مسوين مكبعة..ثريد مال تشريب وفوكاه تمن..ومخلين لحم وكسور فوكاه..وخضراوات ومشاريب ولبن..ريحت الاكل ترد الروح..جابو الصياني للنسوان بالبيت..والرياجيل برة..جانت هوسة ناس داخلة وناس طالعة..وهية شايلة الصواني..نسوان تنظف ونسوان تغسل..وناس فرحانة..واني متبسمرة بمكاني..لا خلوني..اطلع..ولا اشتغل وياهم..كعدت ما اسوي شي..جابولي العشة لحد عندي..هلكد ما جوعانة ضربت ثريد لحد ما كلت يزي..خلص وكت العشة..كمت البس البدلة حتى استعد لحفلة الحنه..ولبست الذهب اللي جايبيلياه..والحجل برجلي يرن..تمكيجت زين وتعطرت..واتاني تجي عمتي اطلعني..اجتي هية والبنات وسط الهوسات والهلاهل..طلعوني من الغرفة..وكعدوني على كرسي..والاضوية والزينة تلالي..الموسيقى تصدح..طرطارا..طرطارا..والهلاهل..والركص..مشتغلة..ورة شوية اجة العريس وشايلته الهوسات والصفكات..لابس بدلة كحلي..ومسفط الشعرات بالجل شعرة شعره..سمارة يموت..اني استحيت..دنكت راسي..وثبتت روحي بالكرسي..هوة وصل يمي سلم علية..وكعد على كرسي ثاني بصفي..الدنية مشتعلة دك وركص..والعجة مالت الرجلين كامت..جنت ما مركزة بكلشي وية الناس كل تركيزي على محمد..بصفي..كالي..شطالعة اليوم احلة عروسة..بالدنية..كتلة الله يسلمك بجالك غير..كالي..اي هيج..الخدود حمرة موردة..والخجل كاتلج  اذكر عندج لسان..طويل..ما يكدر يسكت..كتلة..اي اعرف شوكت اطلعة..من واحد يتعدة عليه..كالي والله خايف من لسانج..ترديلي الكلمة عشرة..كتلة اي انته وهمتك..كالي..ولج رجلج اني..عقدت عليج جدام ربي وعبادة..انتي هسة مرتي..
والله ليهسة ما مستوعبة..شلون راح اعيش وياك..
هههههه كافي ولج لاضحكين علينا الناس..استعدي حتى انطيج هديتج..وكفنة واجتي امه..جايبة..مدالية ذهب نطتهه لمحمد لبسنياهه مكتوب بيهه اسمه واسمي..بوسط كلب مال حب..بس ما اعرف ليش ما مضروب بسهم.هههه..وراهه كوموني بالكوة حتى اركص وية محمد..اني خجلت وكمت انكط عرك..ورة شوية نسيت نفسي وكمت اتمركص بكل قوتي..والضحكة مالية حلكي..حسيت بالفرحة بس كلبي ما مرتاح بيهه..
رجعت لغرفتي..عمتي جابت صينية الحنة والشموع والياس..البنات التمن داير مدايرهه وكامن يغنن..ومنه المال ومنج العيال..وكامت كل وحدة تخلي فلوس بالصينية..اجة محمد لبسني كلادة مال فلوس..وراه اجة عمتي وعمي خلو فلوس بالصينية..كملت ليلة الحنة..وراحو المعازيم وبقينةبس احنة..خليتهم يلملمون بالهوسةالبرة واني دخلت..حتى ارتاح..دخل محمد وراي..كالي ريمااا حضري روحج..باجر الصبح..حتى اجي اخذج اوديج للصالون..لان اتفقت وياه..حتى يكومون باللازم..وشوفي مني تردين تروح وياج..وبعدين يجي انور ياخذج..حتى اكمل شغلاتي اني هم..كتلة ماشي راح تلكاني حاضرة..واخذ سمر اذا قبلت..تجي وياي..
كالي ماكو شي منا منا تصبيرة لحد ما يجي العرس..اني كلبي رف ورجف..شنو يعني يريد تصبيرة..لا لا كول غيرهه..روح العب غاد..
هههههه ترة انتي هسة حلالي..
اي بس ما اخليك تاخذني بسهولة..
تنهد من عروش كلبة..وكال والابتسامة بوجهه..انتي مو سهلة؟؟
كتلة اي بعدني مخلية الخيط بيني وبينك ويجي اليوم اللي تكطعه..صبر روحك..الحلو..ما يكمل بالساهل...
صابر..ومصبر روحي..تصبحين على خير حبيبتي..
طلع..واجتي عمتي تطمن علي وشوفني خاف محتاجة شي..نمت بين فرحة..وخوف..كلبي..متوجس..وما اعرف منيش..كل شي يكلي فرحتج..ما تكمل..ويا ويلج من اللي جاي..الفرح ما يكعدلي..والدنية مرة تفرحلي..والف مرة توكعني بالمصايب..والاحزان..واستعد يا كلبي..#ليوثي