وجع الماضي

الحلقة ٢٠

#وجع الماضي
ليوثي المياحي

مشينة..عبرنة المنطقة..مابين حجي ومناكرة وعناد..لحد ما وصلنة احنة والضهر.. نزلت..ومحمد رجع لبيته..جلبو بيه حتى يبقة بس ماقبل..كال اروح اكمل شغلاتي واحضر روحي للزفة..غمزلي بتك عين..واشرلي ع اذنة..افتهمت انو من يوصل يحاجيني..بالتلفون..اول ما طلع..دك تلفوني..كلت الووو طلع محمد..كالي ريماا..يا بختي بيج..مابقة شي واجي اخذج لبيتي عروسة..احبج...وقفل الخط..وخلاني ابتسم..وحدي..دخلت لغرفتي..الجماعة جانو يحضرون..للعرس والزفة..رميت شالي وعمتي شافت شعري..انبهرت وهية تصلي ع النبي..جانت خبصة بالبيت..لمة وغنة وركص..وهلاهل..والشي الجديد ..انو امل..جتني..وكعدت بصفي..باستني..واني مندهشة..كالتلي..ريماامبروووك عليج...واريدج اسامحيني..انتي اختي..بذاك اليوم الشيطان حضرني..الله يلعنة ويخزيه..انتي راح تتزوجين..واني اريد الذكرى بيناتنه تكون حلوة ..واحنة تربينه..سوة..وكلوبنة بيضة..واني اريدج اسامحيني..اني اخذتهه بالحضن..وبستهه..وكأنو ولا صار شي..عمتي شافتنه مصافين ونضحك..كامت تهلهل..وهية فرحانة..
محمد كل شوية ويخابرني..حسيت بالهنا والفرح..محمد هسة ملتهي بروحة وملتهي بالحفلة والزفة والمعازيم..رجال عماتي واولادهم والزلم كلهم راحو يم بيت محمد..
قبل الزفة حسيت بتوتر..وخوف ورهبة..من اللي جاي..الضهرية حسيت بروحي نعسانة كلت خل اخذ قيلولة شوية..لان العصر ورانة تعب..
بعز نومي خابرني محمد..الوووو
كتلة..اممممم
محلة صوتج ريمااا وانتي منعسة..انتي نايمة واني من الفرح كلشي ما اكدر اسوي..
كتلة خلصت شغلاتك ..كال اي كملتهن..بس كلش تعبت..
بعدك اشايف..اليوم العصر وبالليل راح اشوف التعب الحقيقي ..كالي بس لا سويلي عركة..شيفضهه ساعتهه..
هههههه اي والله شيفضهه..
كعدت..وفتحت عيوني..وتربعت بنص السرير..اباوع منا..منا..ماكو صوت..وحدي بالبيت..
كالي كلشي ولا عركة..
كتلة..باوع..اسمعني..من هسة انبه عليك..لا تتقرب علية والا اتقرب عليك..لحد ما ربي يحنن كلبي عليك..
كالي..ليش ريما..ليهسةما سامحتيني..لهسة وما نسيتي..سكتت وما عرفت شجاوبة..
كتلة محمد..ليهسة صورة اللي صار حاضرة بعقلي..لان اللي صار..مو بسهولة ينسي..صعب؟؟؟
تنهد..وبقة ساكت..كالي ارجعي نامي..العصر اريدج مصحصحة..حتى تجي الزفة تاخذج..
كتلة عليش هل تعب..خل اي واحد يجي ياخذني..
لا تناقشيني..بهل سالفة..ما اقبل واحد غيري..يجيب مرتي..واذا ع التعب..ملحوك..باي حبيبتي..قفل الخط..الضاهر ضاج من الحجي مالتي...اني حسيت بوجع ابطني..كمت اتلوة..رحت للحمام رجعت من راسي..ورجعت تمددت بفراشي..ورة شوية بطني كامت توجعني حيل..مغص كلش قوي يشكك بمصاريني..حسيت بوجع مو عادي..كمت اصيح..على اللي باقين بالبيت..عمتي اجتي تركض..لكتني اتلوة من الوجع..كالتلي هااا خير يمة شبيج..وامل وراهه..كالتلهه هس اسويلهه نومي بصرة..عمتي تفرك ابطني..وتكول يمة هاي بس لا عين وصابتج..امل جابت كلاص النومي بصرة..شربتة..حسيت طعمة يختلف..تمددت شوية حسيت الدنية..مغوشة واشوف الشي اثنين..حتى صوتي راح ومكدرت اسال..تلفوني..دك..مكدرت اخذه.واجاوب احس ايدي مشلولة..امل اخذتة وردت مكاني..كالتلي محمد اجة ويكلج..هسة تجيني..لبيت جديتي ريمة الله يرحمهه..عندي وياج شغلة كلش مهمة وما تستحمل تتاجل..اني كمت مثل المخبلة..وطلعت..اني وامل..كلتلهه اوكفي خل اكول لعمتي..كالت ماكو داعي اني كلتلهه..
امشي واخوط برجليه خوط..مثل السكرانة..وحالتي حالة..وصلنا لبيت امي ريمة الله يرحمهه..احس الدنية مضبضبة كدامي..فتحت الباب ودخلت..امل كالتلي راح اروح حتى تاخذون راحتكم وحدكم..هزيتلهه راسي..اللي احسة ثكل هواي..والعرك كام ينكت على وجهي..دخلت ادور على محمد..ما لكيته..بكل الغرف..دخلت غرفة النوم وجان اوكع على السرير..غمضت عيني..ونمت..بدون ما اعرف اللي ديصير بيه..كمت اهلوس..وكل  شي كدامي صار خيال..احاول اكوم روحي بس ما اكدر..صوتي احسة بعيد ابير غركان..ما يرضة يطلع..
واعية وما واعية..احس جسمي مخدر ..شوية ودخل علية واحد ركزت عيوني عليه..لنة..حسام..اسمع صوتة..يرن حسبالك صدى..ويرجع علية..
كالي..واخيرااااا..اني ترفضيني..وتقبلين بيه..ترديني اني وامي..بس ما راح اعوفج ترحيلة..حتى لو اموت..هوة مو ارجل مني..راح اكون الاول والاخير بحياتج..راح اخليه يموت بالحيه..من راح يشوفج..بين اديه..بيوم زفتج..فراح يعوفج..وكتهه راح تصيرين اليه وحدي..كتلة..انته شتحجي..وشتكول..امشي ابعد من يمي احسلك..
كالي محمد جاي..على عمة عيونة دزينالةمسج..من تلفونج..اللي ما قبلتي يكون الاول بحياتج..داخل عليج ابيت جديتج..امولة مشكورة كامت بالواجب واكثر..
ردت بس اكوم حتى ادفعة..واطلع..بس ما كدرت..ايدي خدرانة..وهوة نزع شالي..ويضحك..وصوت ضحكته..وترني..
كالي الله شكد حلو شعرج..جنت متأكد..انو انتي حلوة ..كلبي وجعني ودموعي تسيل بسكوت ع خدودي..ما كدرت اصرخ..ولا كدرت اسوي ردت فعل..اجة.. يريد ينزعني عبايتي..مديت ايدي بالكوة حتى اوخر ايده..بكل سهولة وخر ايدي..ونزع عبايتي..كعدت بملابس النوم..اليتك جان كصير وخلع..عروسة ومحضرة روحهه اليلة الزفة..
كل همي وفكري جان يم محمد..من يجي ويشوفني بهل وضع شراح يكول..اكيد راح يصدك ويجذبني مهما حلفت..واكيد راح يربط حالتي والماضي..مال امي..ومراح يرحمني..عليت صوت الصراخ..وكوة حجيت..لساني ثكيل...
كتلة امانة الله عليك ..لا..بجاه ربي لا تسوي هيج..والله حرام عليك..مظلومة طول عمري..مظلومة..شفايفة كامت تبوس ركبتي..وادية..وصدري..حسيت بحفيف صوت سيارة ..انفتح الباب بكل قوتة..واني بوضع مخزي..وكدامي محمد..واكف وعمتي..سليمة..وراه..#ليوثي